Ogen            : 1 Korinti 10 : 23 – 33

Tema            : KERINA TAMA KEMULIAN MAN DIBATA

(Budaya/ Modern)

·    Kita la danci nilahi kegeluhen si berbudaya ras kita pe la danci nilahi perkembangen budaya si terus berubah. Lit kalak sierpala-pala empertahanken budaya sindekah tapi lit ka kalak siterbaba arus perubahen budaya simaun lanai rorat. Budaya si la enggit berubah ras la enggit beradaptasi rikutken zamanna cenderung jadi kaku ras ngambati kemajun. Tapi adi ipeturut saja ngikuti perkembangen zaman pe danci ka kebablasen ras lanai lit turi-turinna.

·           Alu bage lit me hubungen Injil dan budaya, sebab budaya membutuhkan standard atau alat ukur untuk menimbang kebaikan dan keburukannya. Injil menerangi budaya atau Injil mentransformasi budaya. Ras sijadi patron bas kita kalak Kristen eme “Dage kerina si ilakokenndu, subuk man ntah minem, bahanlah si e kerina tama kemulian man Dibata” (1 Kor.10:31). Kerina norma tah pe aturen kegeluhen arus tertuju kempak kemulian Dibata. Sabab pusat kegeluhen manusia erpalasken sumber kegeluhen manusia eme Dibata jine. Manusia la danci ngelupaken entah pe mengabaiken Dibata ibas kerina aktivitas kegeluhenna. La danci si serapken, enda batas adat budaya ras enda batas kegeluhen erkiniteken, dingen ninta la danci saling mencampuri. Sabab ibas Dibata, kerina urusen manusia eme urusenNa, sebab Dibata berdaulat ibas kerina perbahanen manusia.

·           Ibas sada dampar melala kel kebebasen sinidatken kita erkiteken kita erkiniteken kempak Jesus Kristus. Bahwa nai bangsa Israel labo bebas ibas soal pangan, melala kel pantangen kerna pangan sini ianggap erbahan kegeluhen bangsa Israel meluat. Bage pe bangsa Israel la danci sembarangen bergaul entah pe bangsa Israel labo iizinken bengket ku rumah kalak kafir (si la nembah man Dibata Israel).

·           Sedangken man banta kalak Kristen situhuna lanai lit pantangen kerna pangan. Sebab nina Tuhan Jesus, “Kai pe si i darat nari si bengket ku bas manusia, la erbahanca ia keliamen. Tapi si ndarat ibas manusia nari, e nge erbahanca ia keliamen” (Mrk.7:15). Man Petrus si segedang geluhna la pernah ipanna rubia-rubia tah pe pangan sijadi pantangen bage pe si la bersih rikutken aturen agama. Tapi ipetangkas Tuhan man bana "Kai si enggo ikataken Dibata bersih ola ikatakenndu la bersih" (Perb.10:15). Alu Bahasa sideban, “kai si enggo halal nina Dibata ulanai ikatakenndu haram”.

·           Bage pe Tuhan lanai membatasi pergaulen kalak sierkiniteken ibas batas-batas tertentu. Sebab Tuhan jine nuruh kita guna nehken berita simeriah man kerina bangsa. “Dage lanai bo erndobah kalak Jahudi tah kalak Junani, budak tah kalak bebas, dilaki ras diberu. Sabap kerina nge kam sada i bas Kristus Jesus” (Gal.  3:28). Tugasta eme mbabai kalak guna ersada kempak Kristus, ngaloken perkuah ate ras pengalemi dosa idur Dibata nari.

·           Tapi sipenting situhuna man banta eme guna mbaba sira ras terang ku doni enda. Jaga segelah ula kita si-isirai doni enda, doni ka siempengaruhi kita. Roma 12:2 empersingeti kita, “Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena ateNa, janah kai si sempurna”. Ula berendu doni enda ndehken kam kubas cetakenna, tapi berekenlah perukurenndu ipelimbarui Dibata.

·           Budaya modern (post-modern) mbabai manusia kubas kebebasen individual, kita la danci memasuki wilayah privasi kalak sideban. Alu alasen hak azasi manusia, erbahansa tanggungjawab azasi manusia pe lanai iperdiateken. Sienda erbahansa pengawasen sosial ibeneken, tah pe norma-norma hidup bersama kurang iergai. Kerina enda sangat menyolok teridah ibas kegeluhen peradapen bangsa-bangsa Barat. Untung saja budaya Timur lebih teriket kempak kegeluhen kekeluargaan si lebih ngiket sesekalak kubas aturen kegeluhen bersama. Tapi adi erteremna kalak si lanai mediate, tentu budaya Timur enda pe danci terkikis ras hilang.

·           Maka tuhu-tuhu mehuli ayat pustaka sini orati kita ibas wari sisendah nehken "Segala sesuatu diperbolehkan." Benar, tetapi bukan segala sesuatu berguna. "Segala sesuatu diperbolehkan." Benar, tetapi bukan segala sesuatu membangun (1 Kor.10:23). Kebebasan tanpa batas membawa kepada kebuasan. Maka kita arus ertanggungjawab makeken kebebasen sini bereken Tuhan man banta. Kebebasan atau hak individu seseorang dibatasi hak individu orang lain. Sebab kita labo danci enggeluh sisada-sisada sedangken kita itamaken Dibata enggeluh ibas sada doni ras manusia sideban. Labo danci sikerajangenta, keuntungenta ras kesenangenta saja ngenca siukurken, tapi kepentingen ras kesejahteran kalak sideban pe arus sitangkeli.

·           Caranta makeken kebebasenta alu ngergai kepentingen kalak sideban nuduhken bahwa kinitekenta empengaruhi budaya kegeluhenta. Maka kegeluhenta arus iuji erpalasken kebebasen sini bereken Kristus man banta. "Jikalau kamu tetap dalam firman-Ku, kamu benar-benar adalah murid-Ku dan kamu akan mengetahui kebenaran, dan kebenaran itu akan memerdekakan kamu” (Yoh.8:31-32). Ibas dirinta lit kebebasen erpalasken kebenaren Kata Dibata sini cidahken kita alu:

1.    Kebebasen Kristen labo mbabai kita kubas kegeluhen si serap-serap (individual), tapi mabai kita enggeluh selaku kula Kristus. Enggeluh ibas persadan ibas Kristus erbahan kita ngergai ras engkelengi temanta manusia.

2.    Kebebasenta labo erbahansa tondel ukur kalak ngidah kita, bage pe labo erbahan dirinta jadi batu antuken man kalak sideban.

3.    Kebebasenta membangun kegeluhen kalak sideban, bebas guna nambahi kiniulin man kalak sideban.

4.    Kebebasenta labo guna ngayaki sisenang siakap tapi siempermuliaken Kristus ibas kegeluhenta.

5.    Kebebasenta mbabai kalak guna rembah kempak Kristus, ngena ate kalak ngidah cara rukur ras cara kegeluhenta. Mbereken daya Tarik erkiteken kegeluhenta idemi perkuah ras lias ate Tuhan.

Pdt. Sura Purba Saputra, M.Th

GBKP Runggun Harapan Indah

Nats             : Roma 12 : 4 – 8

Thema          : Kerina Ring Ring Lit Gunana (PENTAOSTA)

a.    Pentakosta eme peringaten nusurna kesah si Badia. Hal enda sue ras janjiNa ope denga Ia nangkih ku Surga. “Ola tadingken ndu kuta Jerusalem tapi timailah pemere si enggo Kukataken man bandu” kenangkihen Tuhan ku Surga eme kenca enggo dung perayaan Paskah i kuta Jerusalem, emaka paksa sie enterem kel rehen ku Jerusalem bangsa-bangsa sideban, janah ia pe naksiken nusurna kesah si Badia e, ngkuasai ajar-ajarNa (Kisah Rasul 1 : 4; 2 : 5 – 12). Kesah Si Badia enda me mpersadaken kerina suku bangsa, ija kalak si megi ajar-ajar ngerana banci iangka kalak si deban. (Kis 2 : 11). Janah kenca Kesah si Badia enda me maka tambah kalak si tek man Yesus ras ngaloken Peridin ras pulung ia ras-ras ncepik-ncepik roti ras-ras ia ertoto man Dibata (Kisah Rasul 2: 41 – 42)

b.    Rasul Paulus nggambarken perpulungen e em ibarat kula manusia, ija kulanta enda erbagai-bagai Ring-Ring mulai ujuk buk seh ku ujung nahe. Janah kerina ring-ring e lit gunana janah sada ke utuhen si labanci ipisahken. Janah bagenda me pe kita ibas persadanta ras ibas Kristus. Perpulungen e erbage-bage : umur, kiniliten, pendidiken, pangkat, jabatan, tapi kerina kita ersada ibas Kristus Yesus si ndilo kita jadi anak-anakNa.

Janah arah teksta enda penekenen e kuga kita nggunaken Talenta si miliki kita sekalak-sekalak, sebab kerina kita beda-beda kemampuanta, tapi ula kita la menggunaken Talenta e, sebab arah Talenta e kita ikut meritaken Kinirajan Dibata, bage tersampat kalak sideban. Arah teksta enda pe ijelasken Paulus maka kita ikut melayani arah nampati kalak, eme : nampati (mere) tapi mere alu ukur meriah, ukur menahang. Enda merupaken sada kulatapi erbage-bage Ring-Ring. Kristus ridak dapat dibagi-bagi, Kristus untuk kerina kalak, kerina suku Bangsa.

c.    Renungen

Kerina Ring-Ring lit gunana, merupaken sada keharusta i bas kita ndalanken tanggung jawabta sebagai kalakk Kristen. Sebab kita sebagai Jemaat guna membangun Jemaat harus lit kini ersadan si la membeda-bedaken sada ras sidebanna, tapi mpersada kerina silit itengah-tengah Jemaat e. Janah ula kal kita membeda-bedaken sada ras sidebanna, sebab kerina kita lit gunana ilebei lebei Tuhan Yesus. Ula bagi turin-turin: rub tan i pengaruhina kerina Ring-Ring, mogok guna beltek. Emaka nina tan beltek ah sedap kal akapna, labo lit kai pe banna, emaka mogok kita, ula kutama nakan kubabah gelah lanai isin beltek nina tan. Mesui akap beltek, emaka kerina enggo lemas, piahna kai pe lanmai banci ilakoken, gara-gara tan la nama nakan kubabah. Bagepe mobil si mahal kal kerina onderdilna, kecuali simurahna Pintil Angin. Tapi adi lalit pinti e maka labo banci mobil erdalan. Emaka mari siregaken kerina anggota Jemaata, mulai KA-KR, Permata, Moria, Mamre ras Saitin, sebab masing-masing kita lit peranta guna memajuken gerejanta GBKP.

     Bersatu kita teguh, nina kalak Karo ras-ras Maka Mehuli.

Pdt  Andarias Brahmana

Ketua Klasis Jakarta Kalimantan

Nats             : 1 Petrus 3 : 14 – 22

Thema          : Pehagalah Kristus Selaku Tuhan ( Passion, Jumat Agung, Kenangkihen Tuhan Yesus Ku Surga)

1.    Ibas kegeluhen secara doni maka megati kal kita nge ateta i pehaga kalak, janah bagi si kurang kal kita mengapresiasi perbahanen kalak ibas kegeluhen enda. Kegeluhen secara Kristen kepeken berbeda, ija kita sebagai pengikutNa maka kita wajib kal mpehaga Kristus, erkiteken si gejap maka erkiteken perbahanenNa arah keleng ateNa kita enggo i selamatkenNa, ija sedekah enda hubungenta ras Dibata Enggo tertutup, enggo ibukaNa arah pengorbanenNa i Kayu Salib. Janah ibas kita mpehaga Kristus sebagai Tuhan maka kitape berkewajiben mpehaga temanta manusia. Selaku kalak Kristen maka mendahulukan kepentingen kalak asa kepentingenta ibas engkelengi, kita labanci mujiken perbahanenta, tapi marilah si cubaken mujiken perbahanen kalak si mehuli e man banta, janah la nginget nginget perbahanenkalak si la mehuli nandangi kita. Mpehaga Kristus eme arah kita ndalanken kekelengen nandangi sesama manusia, kewajiban engkelengi kalak sideban.

2.    Arah teksta 1 Petrus 3 : 14 – 22 enda ngingetken kerna Yesus Kristus Tuhanta melalui kiniseranNa, kemenangenNa, bagepe ibas ia nikapken ingan man kalak sitek man Ia (endame si ni kataken (Passion, Jumat Agung, Paskah ras kenangkihenNa ku Surga)). Janah kai sini ialami Tuhanta Yesus maka eka nge sini alami kita ibas kegeluhenta selaku pengikut Kristus. Emaka nina Rasul Petrus : Amina pe kam ngenanami kiniseran erkiteken ndalanken si mehuli, malem me atendu (ay 14^a), meriah kal  siakap secara doni, tapi eme merupaken bahagianta, emaka ibas ndalani wari-wari lanaibo kepeken man ingeten kerna kiniseran tapi siperlu si inget eme kuga kita ndatken kemalemen ate e si enggo isikapken Yesus i Surga. Tapi guna menghadapi situasi si terjadi e ituntut kal kita mehamat man Kristus, janah tetap sipehaga Ia selaku Tuhan (ay 15^a), tetap bergaul alu lemah lembut ras mehamat, bagi silakoken Tuhanta, aminna gia ia i siksa tapi tetap cidahken ras ibahanNa si mehuli, tujuanna eme anak Dibata, bagi nina prajurit Roma sinjaga penyalibanNa (Matius 27: 54). Janah ngenanami kiniseran erkiteken erbahan si mehuli merupaken kewajiban kalak sitek man Yesus (ay 17). Kematen Kristus eme ndalanken kai si enggo ipadanken BapaNa. Kristus mate cukup sekali erkiteken dosa-dosanta, mate man guna kalak perdosa guna mabai kita gelah rembak ras Dibata. Ia mate secara daging tapi keke secara kesah, kematen eme daging sebab daging ijadiken ibas abu taneh nari, emaka ia mulihka ku taneh, tapi nggeluh mulihken secara kesah, maka kitape pagi nggeluhka secara kesah bagi Yesus pe nggeluh mulihi. Janah arah kesah e Ia (Yesus) meritaken berita ibas Dibata nari man tendi tendi sitertaban, hal enda lit 2 pemahamen para teolog/penafsir :

a.    Ia lawes njumpai malekat-malekat si enggo ndabuh kubas dosa, ibas zaman Nuh (Band 2 Petrus 2 : 4 – 5)

b.    Kristus arah kesah meritaken sada peringeten melalui Nuh (2 Petrus 2 : 5) man manusia saat Nuh si latek man Dibata, sinamai penghakiman.

Sijelas selama Yesus 3 wari i kuburken maka Ia pe melakuken dahin guna erbahan simehuli nandangi kalak si enggo mate ope Yesus menang ngelawan kuasa maut. Emaka kenca Ia keke maka Ia pe nangkih ku Surga guna nikapken ingan man banta kerina si tek dingen sindalanken kai si iperintahkenNa. Gelah ija Yesus maka kita pe ija ka pagi. Kenagkihen e eme menjamin maka kalak si tek man Yesus ndatken kesenangen ras Kristus i Surga si enggo i sikapkenNa.

3.    Renungan

Pehagalah Kristus selaku Tuhan merupaken Thema nta Minggu, emaka sebagai kalak Kristen warga GBKP kita wajib nge mendahulukan mpehaga Tuhan daripada mpehaga keluarga sebab tek kita maka Dibata nge sinasana si harus si sembah, sebab Ia nge si meteh kerna kita kerina sebagai anak-anakNa. Dibata si reh ku doni enda arah Yesus Kristus, enggo nehken pengajaren si mehuli, ras pe enggo itebusiNa dosanta arah kematenNa i Kayu Salib, janah kita pe radu ras Ia ngelakoken kemenangen naluken iblis arah kekeloengenNa, bagepe Ia enggo nangkih ku Surga guna nikapken ingan man banta kerina.

Pdt  Andarias Brahmana

Ketua Klasis Jakarta Kalimantan