“RUNGGU”

Nehemia 5 : 6 – 7

6Kenca kubegi kelsehen kalak e, merawa kal ateku,

7janah kuputusken erbahan sada tindaken. Kutembehi pengulu-pengulu ras pegawai-pegawai bangsa e janah ningku man bana, "Uga maka ipindondu bunga si mesangat man senina-seninandu?" Jenari kupepulung jelma si nterem guna encakapken si e.

 Ibas perdalinen pelayanen Gerejanta  gelgel nari kai ate  ilakoken, lit masalah tah pe labo lit masalah arus kerina irunggun ken.

Ukur simehuli, pendalanken pe mehuli tapi adi la ulih Runggun banci la mehuli jadina, dungna bagi kuan-kuan “nuan galuh tengah sabah,  akap ngaruh kepe tama salah”. Sebalikna adi lit pe hal-hal si kurang ulina adi irungguken banci jadi mehuli.

Tema-nta kerna Runggu, Runggu (Bhs. Ind. Berunding) tapi ibas gerejanta ipake terjemahen Musyawarah Warga Sidi Runggun

Runggu tah berunding lako maut sada hal simehuli(memutuskan yang terbaik), Adi runggu labanci lang ulihna kerina mehuli. (La bagi Pengerunggu “X” ,  isuruh ia ngerunggui perjengilen mamana ras mamina, kenca enggo dung runggu ndai, pinter ia ku kede, isunkun kalak sibas kede e ia : Kuga runggu ndai? Reh nina:”enggo jore”, kuga perjorena ?  “Enggo mulih mami ndai”.

Renungen PJJ-ta enda nuriken permasalahen silit ibas proses  pembangunen tembok Yerusalem, tuhu pembangunen e  erdalan alu mehuli tapi  sisi sideban kegeluhen kalak Yahudi secara ekonomi la bagi siniarapken bahkan kalak enda itindik kalak simereken perutangen, litna  “para rentenir” ,  kalak bayak si nekan kalak musil. Situasi ekonomi kalak Jahudi tuhu-tuhu sulit, guna ngelitken pangan siteptepwari saja pe arus ngadaikan/ndayaken barang-barang silit.

Kai silakoken Nehemia ibas menikapi permasalahen enda;

@.Nehemia megi kelsehen ras merawa kal atena;Apakah gereja ibas paksa enda berfungsi megiken erbage-bage “keluhen-keluhen” ngawan ni perpulungen si sangana ibas perbeben simberat? Nehemia gulut kal ukurna dikune teman sangana lit perbeben, janah merawa ia dalam erti merawa nandangi sikap perbahanen silamehuli, sikap simenekan teman, Nehemia merawa perban keleng ate man teman si itekan.

Mari sipasang pinggelta guna megi kelsehen teman-temanta.

@@.Nehemia mpepulung jelma si enterem guna encakapken permasalahen silit. Nehemia labo bertindak secara sepihak, duduk bersama, megiken kelsehen pihak A, B, C rstna. Muat keputusen guna kiniulin berama.

Mari kai gia siterjadi ibas perdalinen gerejanta tetaplah kita Runggu.

Ibas kita ngelakoken Musyawarah Warga Sidi Runggun tahun enda perlu iakap kami si-ingit mulihi  ungkapen enda nina:

Membicarakan ORANG-ORANG sama dengan Pikiran Kerdil

Membicarakan PRISTIWA-PRISTIWA sama dengan Pikiran Sedang

Membicarakan IDE-IDE sama dengan Pikiran Besar.

Labo man pegedang-gedangen, “ise nge nai guruna e maka bagenda jadina”, “engkai maka bege”, “nai kami…” rsbna. Tapi Kai dage si arus silakoken ibas ngalaken situasi enda.

Adi seh asa gundari “Si Covid 19” pe lalap la mulih-mulih, bahkan enggo seh paksa ulang tahunna, emaka enterem kalak “ngerayakenca” adi biasa lagu panjang umur salih jadi pendek umurnya”.

Mari sicakapken, sipebue IDE-IDE kai-kai sibanci sibanci ibas masa Pandemi enda, kuga kerna kegeluhen; ekonomi, pendahin, situasi jabu ngawan-ngawan ni perpulungen, Kuga kerna pelaksana ibadah-ibadahta??

Ibas litna Ukur simehuli ibas kita, Sirungguken ka alu mehuli, Sidalanken alu mehuli pasti kegeluhen perpulungen pe mehuli, Gerejanta pe mehuli jadina.

Sada hal si jadi tradisi ibas gerejanta setiap Runggu/Sidang tetap ipalasi alu Kata Dibata(Renungen), alu bage kerina percakepenta labanci lang palasna kata Dibata, pengerana pe rikutken bagi singena ate Dibata.

Pdt. Iswan Ginting Manik

GBKP RG.Pondok Gede

Nats   : Matius 8 : 23 – 27

Tema  : I Peteneng Jesus angin meter

Pernah i oge kami sada tulisen judulna : The God is Deat, tulisen enda nuriken sada kekecewaan penulis nadangi kecibal kegeluhen sini alamina, perbeben si rumput-umput, ertindih-tindih, enggo ka ndabuh itindih redan ras tertindih ka kotoren. La ngadi-ngadi erlebuh man Tuhan tapi perbeben e lalap la erkedungen.

Adi sibandingken ka kecibal sipaksa si alami gundari, si Covid 19 enda pe lalap la mulih-ulih ku kutana, la erngadi-ngadi pertoton ipenangkih, erlebuh man Tuhan, jore me ateta tapi reh ka banjir, meletus ka Deleng Sinabun, oh tah lanai kin ibegi Tuhan soranta erlebuh.....

Bagem perukuren ajar-ajar tupung perahu sinitumpangina ras Yesus iderpa angin meter ras galumbang si mesangat, ibas situasi sibage i ingeti ajar-ajar Yesus sisangana tertunduh: ”O Tuan, sampati min! Enggo cilaka kita!”

Dari sada sisi kuakap, kai sinilakoken ajar-ajar enggo pas, sabab i etehna kuja ia arusna erlebuh.....Sabab megati ka nge manusia ndarami/ erlebuh man sideban labo man Dibata.

Tapi Yesus la minter mpengadi angin ras Galumbang ndai, tapi justru “mempertayakan”, “mengoreksi” kiniteken ajar-ajar: ”Engkai maka kam mbiar, kurang kal tuhu kinitekenndu”(26). Mbiar tah terlalu mbiar eme tanda kurang kiniteken. Pernyatan ajar-ajar: Enggo cilaka kita!” encidahken maka kebiaren engkeleweti ajar-ajar. Ajar-ajar terlalu fokus kubas masalah sinihadapina asangken fokus nandangi kuasa Yesus si sebelumna enggo megati isaksikenna; mpepalem kalak gadamen (8:1-4 ; mpepalem suruh-suruhen perwira Roma 8:5-13 ; rstna).

Ibas sisi sideban banci siidah keleng ate Yesus si luar biasa; Angin meter, galumbang sierdeso la ngasup mpekeke Yesus, tapi Sekali sora erlebuh ajar-ajar minter ibege Yesus. Bagem me pe kepe megermet kal Yesus ndengkehken soranta erlebuh.

Arah turi-turin ipejeneng Yesus angin simeter enda me dua prinsip siperlu siinget dikune lit perbeben nggeluh:

Sipemena dari sisi TUHAN maka : “ Lenga bo keri keleng ate Tuhan, perkuah ateNa tetap nge lit, Keleng ateNa mbincar tep-tep erpagi-pagi, bali tetapna ras matawari sipultak arah Timur. (Perngandungen 3:22-23). Payo megati la siidah matawari pultak arah Timur, labo berarti ibas wari e pultah ia arah Barat, Utara atau sudut sideban atau la ia pultak wari e. Matawari tetap pultak saja perban mekapal embun sierbanca la ia teridah, bagem pe Keleng ate Dibata tetap nge lit, mekapalsa embun perbebenta maka lanai siidah maka Tuhan tuhu-tuhu erkeleng ate man banta.

Sipeduaken dari sisi kita :

“Dage kuasailah dirindu janah petenenglah ukurndu gelah ngasup kam ertoto” 1 Pet.4:7. Ibas litna silabagi ukur sipesikap perukurenta, teneng kita, “Tantangen” sijadiken jadi “Tentengen”, Ula kita terlalu reaktif, lanai sieteh tumburen, tempa tempa lanai kita erkiniteken. Inget adi sada perahu nge kita ras Yesus, mbelin kuasaNa belinen kuasaNa asangken kuasa perbeben e, emaka Lebuhlah Ia.

Pdt.IGM – GBKP Rg.Pondok Gede

Nats   : Kejadian 6 : 5 – 8

Asum idah TUHAN uga jahatna manusia ndai i doni, janah uga macikna perukurenna katawari pe, emaka erkadiola Ia njadiken manusia ras namakenca i doni enda. Perbahan erkadiola kal Ia emaka nina TUHAN, "Kusasapkenlah manusia si nggo Kujadiken e, bage pe kerina rubia-rubia ras perik-perik, sabap erkadiola Aku njadikenca kerina." Tapi Nuah ngena ate TUHAN.

Tema  : “Tuhan ngidah kejahaten manusia”

Arah Bahan Pjj-nta Minggu enda icidahken 3 Biak ras kuasa Dibata;

1.   Dibata Erkadiola

...Barangkali di sana ada jawabnya
Mengapa di tanahku terjadi bencana

Mungkin Tuhan mulai bosan melihat tingkah kita
Yang selalu salah dan bangga dengan dosa-dosa
Atau alam mulai enggan bersahabat dengan…

Enda sada bagin syair lagu “Berita Kepada Kawan”(Ebiet G.Ade)

Kata Bosan iakap kami sejajar ras kata “Erkadiola” (menyesal) rikutken bahan Pjj-nta enda. Dibata bosan tah menyesal erkiteken pengelako manusia sila sitik pe bagi ukur Dibata, manusia jahat,macik perukurenna katawari pe (Kej.6:5).

Pustaka siBadia megati make  bahasa Anthropomorphism (bahasa yang menggambarkan Allah seakan-akan Ia adalah manusia) dan Anthropopathy (bahasa yang menggambarkan Allah dengan perasaan-perasaan manusia.

Piga-piga ayat ibas pustaka sibadia encidahken Dibata Erkadiola : Kej 6:6-7; Kel 32:14; I Sam 15:11; II Sam24:16; Jer 18:7,8; 26:13,19; Jun 3:10). Bagepe ibas bagin sideban isingetken maka Dibata labo pernah sambar ukurna, perguak, labo pernah mobah ibas padanNa, Labo ia erkadiola(bdg. Bil 23:19; I Sam 15:29; Jer 4:28; Mas132:11)

Pesan kata Dibata erkadiola ijenda eme: Maka Dibata tuhu-tuhu ciga kal atena nandangi perbahanen sila menuhi, Nembah kal ate Dibata nandangi dosa si engkuasai manusia. Alu bage perlu sirenungken sekalak-sekalak: “ Lalah ndia perbahanenku megati erbahanca Dibata erkadiola...???

2.   Dibata ngidah keberadanta sikugapana pe

Labo terbuniken tep-tep perbahanen silamehuli, bicara sicubaken pe mbunikenca e pas bagi “percebuni Belkih”. I ayak-ayak perburu ia, kiam ia, jumpa peren peren, surukkenna takalna ku peren ndai, payo kai pe lanai idahna, tapi perburu ndai tangkas idahna belkih e.

Lit ka pe kalak ibunikenna dosana alu erbahan simehuli(Lebih pas kata “erbahan simehuli” ijenda eme pura-pura erbahan simehuli). E desken : Kotor manuk ibas sadaguni erkiteken mbau, isemprot alu minak wangi, kentisik payo merim tapi la ndekahsa teranggeh ka nge bauna.

Pesan kata Dibata ijenda eme : Dikune salah lepak perbahanenta labo man daramen ingan cebuni, tahitutu-tutupitapi, mari! lalit dalan sideban selain aku-ken jenari Robah.

3.   Dibata erngena ate man Nuah.

Ibas kerina manusia sijahat, simacikkal ukurna katawaripe, lit denga kepe manusia simehuli. Ibas zamanna Nuah ngenca mehuli, Janah lalit kesalahenna, Ia erdalan ibas dalan Dibata(Kej.6:10). Pernyataan Dibata erngena ate man Nuah, labo hanya sekedar pernyataan tah pujin, tapi lebih asa sie bahwa arah litna denga kalak mehuli Dibata “mbatalken” sura-suraNa guna engkernepken doni ras isina. Payo tuhu Dibata perehken banjir tapi banjir e la engkernepken manusia , doni ras isina. Banjir e hanyaencidahkenkugarawanaDibatanandangiperbahanenmanusiasilamehuli.

Sipat Dibata teridah maka ibas rawaNa, ibas ukumen sinisehkenNa pe teridah teridah keleng ateNa sila erkeri-kerin.

Pesan kata Dibata ijenda eme : Erkiteken kita kalak sindalanken singena ate Dibata, maka Dibata la sahun “engkernepkep” doni enda. Ula sebalikna erkiteken kita erbahanca kernep doni enda, jadi ras isina.

Pdt.IGM – GBKP Rg.Pondok Gede