Invocatio :

I. Pendahuluan

Sepertinya bukan hal yang baru ketika banyak orang menyerukan perihal tentang perdamaian. Bila kita melihat, sepanjang sejarah umat manusia, hal-hal yang berhubungan dengan usaha menciptakan suasana damai ditengah-tengah dunia ini sudah terjadi sejak lama, bahkan mungkin kita tidak tahu mulai kapan pastinya adanya usaha ini. Menyerukan pesan-pesan damai bukanlah barang baru, pesan-pesan ini selalu disampaikan dengan segala cara, bahkan pernah menjadi suatu trend baru dan sampai sekarang ini juga sudah menjadi simbol “damai” yang langsung dipahami orang banyak secara sederhana, yakni bentuk V pada jari kita (jari telunjuk dan jari tengah).

 

Ope denga Tuhan Yesus nangkih ku surge nina man ajar-ajarna “tapi alokenndu pagi gegeh asum kesah si badia she man bandu. Janah kam me pagi nuriken kerna AKU man kalak sideban I Jerusalem, i daerah Judea ras Samaria seh ku belang-belang doni enda” Kisah Rasul 1 : 8

Arah penegasen enda maka injil/BSM e iberitakan lebe i Jerusalem pusat pemerintahen, pusat tokoh-tokoh agama bagepe ingan kalak bayak. Judea eme urung i wilayah enda nari. Mesias e reh eme ikuta Betlehem, Samaria eme kalak silanai tek man Dibata nina kalak Jahudi, ras belang doni eme kerinana. Ternyata i Jerusalem ras Judea kurang berkembang injil, bagepe i kalangen kalak Samaria. Namun arah wilayah sitelu daerah enda injil berkembang. Hal enda ibenaken Rasul Paulus ras teman-temanna.

 

Namun karya kesah sibadia maka rasul-rasul memulai karya Dibata arah meritaken BSM man manusia. Ras bagepe rasul-rasul mpersadaken perpulungen e guna tetap setia pulung, ras bagepe ndalanken tanggungjawabna nggeluh sikeleng-kelengen, labo sikeng-kengen. “Kerina kalak si enggo erkiniteken e ersada ukurna dingen ersada penggejapenna’(ayat 32).

Ma luar biasa kel kuga kegeluhen jemaat mula-mula e, ersada kel ukurna, bagepe ersada pe penggejapenna. Lit denga nge ndia gundari si idah Perpulungenta si bagena?... kuakap enggo langka. Tapi hal enda me terus man ayakenta.

 

Aneh nge ma adi ninta kita kalak Kristen tapi sikeng-kengen silalap bas jabu, bas masyarakat, bagepe bas Gereja. Emaka harus ktia mpergermetken sikap hidup perpulungen simbaru pantek e. Nggeluh sikeleng-kelengen ibas ia berbagi kai silit bas ia. Emaka lalit sadape si kekurangen. Sebab kai silit ibas ia igejapna eme pemrer Dibata, emaka wajib kapna ibagikenna ka man kalak sideban gelah kerina ersukacita.

Lit singkatan : TAM-TAM, kepanjangenna banci positf, banci negative, eme :

TAM-TAM : TURAH ATE MEKUAH atau TURAH ATE MAMANG.

Tapi man banta sebagai kalak Kristen harus sidalanken eme Turah Ate Mekuah, emaka sisampati temanta gelah Turah Ate Malem. Labo Turah Ate Mamang erbahanca kalak Turah Ate Mesui.

Adi nampati kita pasti mekuah ateta nandangi kalak siman sampaten e. Emaka arah perbahanenta e maka turah atena malem. Adi enggo malem atena ma eme sikataken ermeriah ukur sada ras sidebanna.

 

Sebagai Mamre kita ituntut erpalasken Tri Tugas panggilan Gereja eme Ersaksi, Ersekutu bagepe Melayani. Teluna tugas enda sama-sama penting sebab labanci salah sada maju tapi dua pincang. Tapi ibas kita memajuken sitelu enda, maka pentingkel eme nampati, janah nampati enda eme bidang Diakonia atau Pelayanen. Arah kita melayani maka kita peduli kalak sideban, emaka turah ateta mekuah ras ate keleng, emaka ersura-sura kita nampati temanta e gelah tertolong ia. Emaka ulakal bagi cakap kuta kalak ah “enggo kam man? Nina, adi lenga, melawen e nina, adi enggo, lampas e, nina” . Kita la bage. Lalit tanda Tanya, kai banci siban siban harus siban. Sipenting malem ate kalak e, emaka aria kai silit bas kita sipakeken guna erkeleng ate, bagi Yusuf si igelari Barnabas, amiina gia ia kalak Lewi, wajib ia ndatken penampat. Tapi ia ka nampati arah kai silit bas ia (ayat 37). Kepeken ibas geluh enda kerina kita banci nehken penampat man kalak sideban, arah kai silit ibas kita. Kita berbagi arah pengetahuan tah pe perbuatenta, tah pe rejeki.

 

Emaka man banta Mamre, alu semangat si lit mari si tingkatken karyanta ibas ersaksi, ersekutu ras erdiakonia. Dahin Gerjea memang melala, tapi ibas melayani enda me siutama, sebab nina Rasul Paulus “kiniteken, pengarapen, ras engkelengi, tapi si utamana eme engkelengi’ I Kor 13 : 13. Sebab erkeleng ate e , eme lit kaitenna ras melayani/erdiakonia. Erdiakonia enda me langsung kel irasaken jelma si enterem. Arah kita erdiakonia/melayani gelar Dibata ermbarna terberita, bagepe arah kita sikeleng-kelengen maka reh semangatna kalak ersekutu.

Selamat melayani.

Salam,

Pdt. A. Brahmana

081317054961