Suplemen Bimbingan PA Mamre Tgl.23-29 Agustus 2015, Ogen Matius 15 : 1 - 9

1. Penaruh .

Adi ngerana kita kerna budaya maka kita mis terpikir ku kita kalak karo , sebab kita kalak karo kental dengan kal memahami ras ndalaken budayanta, baik ibas kerja simeriah bagepe kerja erceda ate., baik ibas kerja si kirtik bagepe kerja simbelin.

Sebab si idah kalak karo ijapa pe ia tading maka budayana tetap lalap idalankenna , bagi keong kuja ia laws ibabana rumahna, maka kit ape bage mulai Sabang sampe Maroke budaya karo tetap idalanken, bahkan teman-teman iluar negeripe tetap cinta budaya   terutama ibas landek ergendang, raspe kerna mbah manuk mbur pe pernah ilakoken kalak karo I Eropah.

Bujur ninta man Dibata sebaba iberena man banta kalak karo budaya, bagepe gerejantape berdiri itengah-tengah masyarakat budaya, janah Zending pe nai masuk ia ku kalak Karo imulaina arah budaya , emaka gerejanta berkembang itengah-tengah budaya.

2. Adi ngerana kita mpelimbarui budaya tentu na kita harus mengermet , sebab terkadang lit tempa pemikiren budaya ras kebiasan-kebiasaan sindekah. Emaka arah PA nta wari enda kita ncakapken hal-hal kai dage siperlu ipelimbarui bas perlalanen kegeluhenta . Memang lit megati piga-piga ibas kita ndalaken adat lanai bagi kai siniidalanken pendahulunta misalana :

Erbenting kibul anak beru, gundari ma si idah lanai bo kita anak beru lanai erbenting kibul lanai maba kampuh, lit maba kampuh tapi kadang saja. Pengerananta pe man   kalimbubu e enggo tempa ate-ate , lanai mehamat.

Bagepe per paken pernandenta ras perabitna, ma siidah nge gundari nande-nandenta lanai bo lit rabit datas , emaka  sembah kalimbubu ninget mbiar la tunguk, bagepe kalimbubu e mehangke ia natap turangkuna e tungkuk.

Bagepe anak-anakta gundari enggo melala lanai bo tehna ermama ermami mehamat, erbibi ras erbengkila. Arah kita mpelimbaru adat budaya enda harus tegas ras bermakna.

Bagepe si idah ibas kita runggu adat megati nungkun man si enggo pasu-pasu eme senang me kam ipedalan ras ialoken kami …. Permen kilana. ? ma aneh siakap. Bagenda ninta ibas aneh nganting manauk . Permen kami enda la banci lalap cuti ibas dahina. Maaf sementara si erjabundai labo pegawai.

Bagepe kita ibas ngerungui adat tempa enggo meros kal siban, emaka kita sebagai mamre enggo harusmpehuli kerinana gelah banci ipahami anak-anakta singuda denga, kita guru budaya man anak-nakata.

 

Arah Matius 15 : 1-9 siidah maka undang undang sini pedarat kalak Yahudi siniajarken kalak Parisi lutus, . Ia singajarkenca ia ka singelakokensa, Emaka Yesus mengkritisi tentang ajaren –ajaren kalak Parisi e, eme kerna man la murihi tan , isoaken kalak parisisienda tapi ia kange ngelangarsa.

Emaka nina kelengi orang tua, tapi ngaloi kalak Parisi enggo kap ku persembahken kurumah pertoton, emaka lanai bo perlu nampati orang tua. Ternyata kalak enda perkulah-kulah kerina lain ibeas lain idalankenna.

Emaka arah enda man banta si rusur ndalaken adat ula min kita pekulah-kulah, tapi kai sinibelaken harus si tepati. Ula kari ninta kai pe labo mberat kalibubu, tapi she kenca ibas ncakapken utang lanai kita je. Ninta kita mehamat man kalimbubu, tapi labo sidalaken bagi sini belaken kita e. Emaka perlu lah sibahan hal-hal simbaru gelah ula terjeng cakap saja ngenca, tapi kenyataan lah si haru sicidahken man jelma si enterem / kade-kadenta.

Gundari enda cakap saja lanai lako, ulin sinik ngerana tapi melala ndalaken si mehuli dari pada ngeranai saja tapi labo kai pe ibahan, adi bage bago pendapat melayu “Tong kosong nyaring bunyinya.

Bagem ibas ndalaken budayanta e, siaturken sehemat-hemat mungkin, baik ibas kerja meriah apaika ibas erceda ate, ula kari ninta ndalaken adat, tapi rutang simada e, piah jatuh di timpa tangga. Adat budaya e labo pemborosan tapi pengehmatan. Si banci si hemat eme, bas isap, pangan bagepe bas bunga-bunga bas ndalaken adat.

Jadi sada pemikiren man banta : payo nge siakap sangan naruhken pengantin ku pelaminen siambur-amburken beras ?. adi kapndu muat beras e she kal serana, janah erkiteken beras maka kita mbelin. Adi lit kandu sada bulan 30 pasang kalak karo se Indonesia e, 1 tumba iamburken maka ergana gundari Rp 20. Ribu/ tumba berarti Rp 20.000,- x 30 + Rp 600.000,-/bulan I sia-siaken, en enda enggo banci nggaklari tenaga detaser 1 bulan .

Bahanta Rukur saja…. !.

Salom Mamre.