Suplemen Bimbingan PA Mamre Tgl.30 Agustus-5 September 2015,Ogen I Korinti 15:58;Kolose 3:12-17
Ogen : I Korinti 15 : 58; Kolose 3 : 12 -17
Thema : Ertanggung Jawab ibas Pelayanen
Tujuan : Gelah Mamre meteh maka kepengurusen Mamre eme pemere Dibata, Gelah Mamre ndahiken pelayanen eme alu tutus dingen dem pengataken bujur
Dahin Gereja lit 3 Eme : Kesaksian, Persadan ras Pelayanen. Janah si telu hal enda merupaken sada kesatuan si labaci ipisahken, sebab perberita simeriah ngiahken manusia gelah tek man Yesus. Janah kalak sitek man Yesus nge si tetap setia ibas ia pulung ras kalak si tetap pulung maka ia ka nge ipake Dibata guna ngelai (melayani).
Emaka ibas wari Minggu enda ngerana kita tentang tanggung jawab ibas melayani. Emaka melayani sada dahin si mberat kel ndalankensa, sebab menyangkut ku pengorbanen waktu, pikiran bagepe materi. Bahkan Yesus ibas ia ngelayani seh pe mengorbanken diriNa, emaka kita enggo bebas ibas kuasa dosa nari.
Kekelengen ergan asangken kesah.
Mazmur 63:4. sienda enggo ilakoken Yesus, ija kekelengenNa ergan asa kesahNa. Kita bangsa pilihen, si enggo itetapken Dibata guna ndahiken dahinNa, emaka lanai kita ngataken : "aku labo ipilih, emaka aku lenga bo pas kel melayani, bapa sianu nge sipas melayani". tapi sebagai kalak kristen kita kerina harus bertanggungjawab lako ndalanken tugas tanggungjawabta ibas nehken pelayanen.
Mazmur 63:4. sienda enggo ilakoken Yesus, ija kekelengenNa ergan asa kesahNa. Kita bangsa pilihen, si enggo itetapken Dibata guna ndahiken dahinNa, emaka lanai kita ngataken : "aku labo ipilih, emaka aku lenga bo pas kel melayani, bapa sianu nge sipas melayani". tapi sebagai kalak kristen kita kerina harus bertanggungjawab lako ndalanken tugas tanggungjawabta ibas nehken pelayanen.
Mamre enggo rusur aktif ibas jadi pelayanen bas ndalanken adat. Emaka lanai bo asingken adi isingetken kerna pelayanen enda. Rasul Paulus ningetken man Perpulungen Korinti, maka ibas kita ndahiken dahin e perlu si inget :
- Tetaplah ukur
- ola mbewat-mbewat
- mejingkat ibas ndahiken dahin
- lakap percuma dahin si idahiken ibas Tuhan
Emaka ibas Kolose nina Paulus :
- kita anak-anak Dibata
- kita ikelengi dingen ipilih
- emaka pakekenlah :
* ate perkuah
* mehuli
* rukur meteruk
* lemah lembut
* sabar
* ola pergelut
* sialem-alemen salah
* ersada ukur
adi siperdiaten duana surat Paulus enda intinakel, kita enggo ipilih/pilihen, emaka kalak sienggo ipilih harus si utama lebe eme meteruk rukur, janah tetap berpatoken/fokus nandangi tugas sienggo ipercayaken Dibata man banta kerina, khusus Mamre. Ola kam mbewat-mbewat, dingen mejingkat ibas dahin Tuhan e.
Ibas bulan Agustus seh Oktober Mamre ngelakoken pemilihen kepengurusen ibas Pusat, Klasis, bagepe Runggun ku Sektor-sektor. Emaka gundari nari enggo perlu si ukuri isekin ndia si pas jadi pengurus Mamrenta guna ndahiken dahin 5 tahun kedepan.
Janah ibas ndahiken dahin e perlu sipikir eme : kalak si lemah lembut dingen mehuli, rukur meteruk, sabar dingen la gampang megelut, janah tetap nggit ngalemi salah. Pengurus Mamre ibas periode enda kita harus fokus kubas pelayanen, sebab arah kita melayani maka banci reh gegehna pengarapen Perpulungen bagepe arah pelayanen maka reh riahna akap jemaat pulung terutama Mamre. Bagepe kalak sideban ngidah kiniersadanta ibas melayani maka malem ate kalak amin gia labo jemaatta. Guna persiapen pemilihen pengurus e, man kita kerina Mamre, mari sisiapken dirinta guna ipilih Dibata lako jadi pengurus si mehuli, sebab arah kai silakoken enda eme nandaken sada pendilo guna mpersada arihta guna mengembangken Mamre-Mamre i wilayah kerjanta masing-masing.
Mamre eme garis depan. Ia jadi imam. Emaka adi ipercayaken Dibata kari kita jadi pengurus sialoken alu mehuli, ula kita sinulak-nulak, bagepe ibas pemilihen pengurus enda ulakal kita kampanye, kasak-kusuk kujah kuje, ngataken man kalak sideban maka "bapa sianu ah ula padah pilih, pilih aku saya, banci kari kuban mehuli perdalanen Mamrenta". Emaka lit ka deba babana manggang-manggang gelah banci ia ipilih. Cara-cara sibagenda perlu sitadingken.Sebab jadi pengurus enda labo enda prestise tahpe prestasi, tapi eme pelayanen. Kita pengurus kita ka pelayan. Bagi nina Yesus "Aku reh labo guna ilayani tapi melayani" Matius 20 : 28. Melayani-melayani dalam Tuhan. Pekerjaan yang dipercayakan Tuhan eme amanah agung, emaka ula kel pagi si sia-siaken kepercayaan Tuhan man banta sekalak-sekalak.
"Jika anda ingin mencapai keunggulan, anda bisa mencapainya hari ini. Dan yang kedua, berhentilah melakukan yang tidak begitu unggul "
dan
"jangan pernah menolak sebuah pekerjaan karna anda pikir pekerjaan itu terlalu kecil, sebab dimana anda memulai pekerjaan itu akan membawa anda ke perkerjaan yang lebih besar".
dan
Hasilnya Tuhan yang mengetahui.
Salam sukses kepengurusan Mamre 2015-2020
Pdt. A. Brahmana, S.Th
