2. Paulus nehken man Perpulungen eme gelah mpertegas sekaligus tole mpertandaken ia ka, gelah ieteh Perpulungen ise situhuna ia nai ras ise ka ia gundari. Sebab la ka sitik kalak nuriken man perpulungen kerna si la payo tentang Paulus. Labo rasul lah, cari keuntungenlah, menyenangkan diri sendirilah, ras macam-macam si i gembar-gemborken kalak tentang ia. Emaka alu tegas ia nuriken man jemaat gelah ula terprovokasi jemaat e, tapi gelah jelas ras sejelas-jelasna. Emaka niana, ngulihisa, berarti enggo me rusur iturikenna ise kin ia, tapi gelah reh jelasna. Emaka nina metengetlah nandangi kalak si ndalanken perbahanen si jahat eme biang (ay.1-2). Janah Paulus pe litnge hakna guna menenangken dirina, bahkan ope dengan ia terpilih enggo kap inanamina kerina kesenangen, kebayaken, kuasa. Tapi sienda kerina enggo iabaikenna erkiteken Yesus enggo iakunia, maka nai ia nggas-gasi Gereja ras la I sunat, la ndalanken undang-undang, tapi sienda kerina sampah. Emaka iakunia maka kerina kerugin, ibandingkenna ras Kristus, emana nina : nai kuapak untung, gundari kinirugin kuakap (ay.7). Luar biasa kal berbalik 180 derajat ia, nadingken biak si ndekah, ndalanken biak simbaru. Aminna gia secara doni kiniseran ras kerugian materi, tapi lanai ikukurina sebab ia berpikir kesenangen surga. Paulus la ndarami selamat (cari selamat) tapi ndarami kesenangen surga.

3. Adi si oge Pilipi 3:1-11 enda ndai, ras sibayangken kuga luar biasana Paulus berbalik dari kesenangen duniawi ku kesenangen surgawi, ia konsiten ndalanken tugasna e aminna gia i penjara. Kuga nge ndia kitaa? Maka megati denga kita cari selamat, kesenangen dunia. Ija lenga kel si idah teridah PA Mamre meningkat , bahkan lit denga kita ngaturken PA sebulan sekali tahpe dua minggu. Bagepe lenga piga PA Mamre ilakoken per sektor, tapi gabungen terus. Epe sipulung la lebih 70 kalak per Runggun. Sementara bas Runggun e lit 200 Mamre, engkai nida?? Bagepe kurang denga siidah Mamre si ikut muat bagin ibas nehken berita simeriah ku kalak si lenga nandai Yesus. Emaka arah temanta sendah ngatak kita Mamre, mari sidarami keselamatan si reh ibas Yesus Kristus nari. Guna si e sitadingken biak-biak si la payo eme : erjudi, ernarkoba, erlagu la mehuli, ermalas-malas erdahin, ersoal ras teman bagepe kalak si deban. Ersoal ras ndehara, ersoal ras teman sada gereja, ersoal ras sangkep nggeluh. Tapi kehadiaran Mamre eme jadi maba si merim. Ijapa pe Mamre, ula kal kita erbahanca ceda si enggo mehuli, tapi pehuli si enggo ceda. Biak-biak ndarami popularitas, ndatken harta, erpalasken duniawi, kerina itentang Paulus. Emaka kit ape harus menolak : Korupsi, sogok, bagepe ndarami dukun/paranormal demi kepopuleran ras sidebanna. Ema radu raslah kita nadingken biak-biak doni enda kerina. Sebab doni enda la menjamin masa depan, adi la kin erpalasken kuasa ras keleng ate Yesus.

Ogen : Matius 26:14-16 Tema : Kebayaken Si Sea-Sea 1. Dibata nehken kataNa man Abraham, Kupasu-pasu kam, janah arah kam enterem kalak ndatken pasu-pasu (Kej 12:2). Erkiteken janji Dibata enda maka Abraham nadingken kutana, guna nehken pedah Dibata. Emaka kai si ipadanken Dibata isehkenNa man anak-anakNa, Abraham, Ishak, ras Jakub. Bagepe kalak si setia ras tek dingen ndalanken pedah Dibata ipasu-pasuNa ia kerina. Raja Daud, Raja Salomo (I Raja-Raja 3:13-14), ma luar biasa kel perbahanen Dibata nandangi anak-anak si ikelengiNa. Janah Dibata pe tetap nge masu-masu anak-anakNa (Mazmur 1:2-3; Mazmur 128:5). Emaka Dibata tetap nge erdahin guna masu-masu kalak si ernalem man Ia, janah kai si enggo janjikenNa labo pernah icabutNa, namun isehkenNa alu tetap konsisten sepanjang anak-anakNa e tutus ras setia ndalanken perentah-perentahNa. 2. Dibata pe nuruh kita erdahin, berusaha sepanjang kegeluhenta, emaka tek kita arah kai si dahiken kita, kita banci ndatken pasu-pasuNa (Kej 3:17; Kel 20:9). Ertina kebayaken e labo ndabuh I langit nari, bagi ende-enden Roma Irama : hujan duit, duduk tenang-tenang, uang datang sendiri. Tapi harus kerja keras ngusahai taneh ras dahin si enggo ipercayakenNa man banta. Tutus erdahin, ertoto, eme merupaken motto kalak Kristen (Dahiken dahinndu, totoken dahinndu, dingen dahiken totondu). 3. Ndarami kebayaken enda pe kepeken macam-macam carana. Lit deba ndatkenca alu ngkeris panas, lit ka deba alu la ngkeris panas. Sebab gundari enda enggo melala kel pemeteh jelma guna ndatken duit. Janah deba lanai bo ukurina, kalak jadi korban ia senang (menari kamu diatas deritaku). Bagepe lanai iukurina kalak. Bagi kuan-kuan karo : gundera sala gundera buluh belin ku benturi, kutera kalak kutera gelah beltekku simbelin kebesuri. Ma ngeri kel siakap kuan-kuan enda. Emaka nterem si dat kalak bayak la jelas sumberna, emaka la ka sisangka enggo panggil polisi ras KPK dungna masuk penjara. Tapi kalak si erkiniteken ibas kita ndarami kebayaken, ula kal kebayaken si sea-sea. Dibata enggo mereken peluang man banta guna ndarami harta ras kebayaken untuk kepentingan diri ras jabunta. Labo masalah kita bayak, tapi inget kebayakenta kuga caranta ndatkenca, pasu-pasu Dibata tah pemere setan, alias tipu-menipu. 4. Cubaken siperdiateken cara Judas Iskariot, salah sada ajar-ajar Yesus. Ia bendahara kelompok ajar-ajar, ia enggo 3 tahun ras Yesus. Enggo me tehna kai si mehuli si harus idalankenna ibas kegeluhenna. Baik itengah-tengah kelompok, bagepe ibas persadan. Ija ia mprakarsai guna ndayaken Yesus. Cuba si nen : “kai berekenndu upahku adi kuendesken Yesus man bandu?” Judas enggo mata duiten. Labo kelomp si ni ukurkenna, tapi pribadina si ukurina. Bageme ia mencari keuntungen ras kesenangenna. Lupa ia maka kalak si rangap nandangi duit eme sumbul kerina kejahaten (I Tim 6:10) ma luar biasa nge. sumbul biasana ije nari ndaratken lau, emaka adi kita rangap nandangi duit, lalap si ndarat bas kita nari eme kejahaten, lalit si mehuli. Contohna si idah kalak si ndatken duit/kebayaken si sea-sea, melala kel banna si la ngena ate Dibata, diantarana, tambahina diberuna, pengaruhi kalak erbahan jahat. Emaka man banta Mamre, si daramilah kebayaken erpalasken si mehuli. Ula kita ndatken kebayaken e arah tipu, judi, ndayaken narkoba, erbahan rumah kitik-kitik, ngelola si la ngena ate Dibata, korupsi, mpengaruhi kalak erbahan kejahaten. Sampai hati kel Judas dayakenna Yesus guna kesenangena. Ma melala nge hal-hal si positif si banci ibahan guna ndatken kebutuhen bahkan banci pe i lebihken Dibata man manusia si enggo tek man bana. Emaka man Mamre, ulanai ciptaken/munculken Judas Iskariot, paksa gundari ibas kegeluhen kalak Kristen. Tapi mari si ciptaken manusia kristiani, ndarami erta alu mehuli. Sebab Dibata enggo nikapken kerina keperlunta. Dibata nalangi tingkap langit guna ncur-ncurken pasu-pasuNa man banta (Maleaki 3:10b). kerina si lit idoni enda ipersiapken Dibata guna man banta kerina. Emaka inget : Daramilah lebe kinirajan ras kebenarenNa, maka icukupkenna kerina man bandu (Mat 6:33). Adi si nen akhir hidup Judas, sen ndai pe labo erguna man bana, ia pe munuh diri. Adi bage ma tragis kal, sea-sea nge kerina. Pdt. A. Brahmana 08137054961