Ogen : Ulangen 31:1-8

Tema : Tuhan Si Mabai Ras Si Nemani Kam

Kata Pemena

Estafet kepemimpinen merupaken sada bentuk perjalanen maju ibas sada organisasi guna melangkah kubas erbage-bage pengalamen simbaru janah pengalaman sindekah tentu saja menjadi bekal guna ndalani kepemimpinen simbaru. Siinget maka Raja si mbelin ibas Padan si ndekah e me raja Daud, mereken kelanjuten kepemimpinenna man raja Salomo lako nerusken kerina si enggo ibahan paksa raja Daud ngaloken panggilenna sebagai raja arah nabi Samuel nari. Ertina kesempaten si enggo ibereken man raja Daud enggo ilakokenna alu maksimal janah kerina e enggo banci i lewati erkiteken Tuhan si tetan nemani kepemimpinenna seh kubas raja Salomo. Tema si seh man banta ibas wari enda nuriken kerna ugakin pengarak-ngarak Dibata ibas kegeluhen sekalak pemimpin guna mabai anggotana seh kubas sura-sura Tuhan. Menjadi pemimpin entah pe pengurus ibas organisi labo hal si mesukah, tapi menjadi pemimpin entah pe pengurus perlu perjuangen si perlu iperlengkapi oleh Tuhan baik ibas kepentaren guna erbahan kebijaken-kebijaken.

Pembahasen

Kata Dibata si jadi pengogen ta ibas wari enda e me Ulangen 31:1-8. Perikop enda nuriken estafet kepemimpinen Musa kubas pemimpin simbaru. Ibas ayat 1-2 ituriken maka enggo seh paksa na Musa enggo harus ndungi tugasna guna mimpin bangsa Israel. Ayat enda encidahken maka Musa enggo menyelesaiken kesempatenna sebagai sekalak pemimpin bangsa si galang e ma bangsa Israel. Pengalamen Musa ibas 120 tahun enggo melala mentasi peristiwa-peristiwa si tuhu-tuhu mberat janah banci jadi ia pe mengalami melala pergolakan emosional bersama dengan bangsa si i pimpinna. Musa naksiken maka kerina e enggo terlewati erkiteken labo kebijaken entah pe gegeh Musa jine, tapi kerina perbahan kuasa Dibata si enggo mabai ia ndarat Mesir nari bagepe melewati erbage-bage perjuangen. Hal menarik banci si idah ibas proses estafet kepemimpinen enda e me, Musa ras bagepe bangsa Israel jadi sora Dibata guna ngangkat Josua jadi pemimpin. Ertina Josua melanjutken kepemimpinen Musa erpalasken sura-sura Dibata labo erpalasken sura-surana.

Kunci guna ketetapen ukur ibas bangsa Israel bagepe Josua e me mengalami karya Dibata ibas pengalamenna janah nandai Dibata alu payo sebab salah sada kesalah terbesar bangsa Israel e me la nandai Dibata alu tuhu-tuhu mbages. Ertina labo saja ibas awal pemanggilen entah pe keterpilihen Musa menjadi pemimpin bangsa Israel, maka i je ia enggo nandai Dibata, tapi ibas perdalanen entah pe proses ia memimpin bangsa enda, i je Musa naksiken janah tuhu-tuhu erbagesna nandai Dibata si milih ia jadi pemimpin. Enda pe tentu jadi man Josua si enggo i saksiken Musa, segelah tetap ukurna erkiteken Dibata si enggo netapken masa depan bangsa enda janah Josua hanya sebagai nahkoda guna mabai bangsa enda kubas ingan si enggo i sikapken Dibata. Teks enda menekanken tekad ras komitmen selaku pemimpin janah kebutuhen sidebanna enggo iperlengkapi Dibata janah IA me si memfasilitasi pemimpin-pemimpin si enggo i pilihNa guna kiniulin bangsaNa. Labo hanya Josua tapi bangsa si bakal i pimpinna pe i layasi Musa segelah berkomitmen guna mendukung sura-sura Dibata arah pemimpin si enggo i endeskenNa man bangsaNa.

Penutup

Ibas masa periodisasi kepengurusen enda, Mamre iajuk guna mulihi nggejapken sura-sura Dibata ibas perdalanen kegeluhenna secara kategorial. Tek kita maka Dibata si erdahin ibas kerina proses estafet kepemimpinen kepengurusen kategorial Mamre, janah kerina anggota kategorial Mamre raduken ras kepengurusen sindekah bagepe simbaru harus petetap ukur guna menerusken sura-sura Dibata arah kam orangtua kami mamre segelah banci terus bersaksi ibas mengembangken pelayanen ras bagepe nehken pasu-pasu ku tengah-tengah gerejanta. Tuhan sinampati ras memperlengkapi kita kerina.Amin.

Pdt Abel Sembiring : GBKP Rg Tambun 

Ogen : Galatia 3:6-9

Tema : Bapa Si Maba Pasu-Pasu

Kata Pemena

Kalimat sekalak tokoh pahlawan nasional e me, Ahmad Dahlan mereken sada statement simenarik e me,” Warisan terbesar seorang Ayah adalah dapat membuat keluarganya sebagai teladan.” Erpalasken tema si seh man banta ibas wari enda maka Bapa Si Maba Pasu-Pasu, e me warisan si mbelin guna kegeluhen setiap jabu bagepe kegeluhen gereja GBKP. Mamre e me bapa si jadi navigator guna mengarahken kegeluhen keluarga gereja kubas encibalken pasu-pasu ras bagepe tentuna tetap mengusahakan segelah ula terputus ras sumber pasu-pasu enda. Adi bas konsep budaya Israel entah pe Jahudi sekalak bapa berhak mewarisken ertana man anakna, emaka erpengarapen kami kam mamre selaku bapa i tengah-tengah perpulungen banci mewarisken kerina talenta si enggo iendesken Dibata guna generasi gereja terus menerus. Emaka arah tema ta skelenda kita ibabai Kata Dibata guna erlajar ibas Abraham nari e me bapa kalak si erkiniteken.

Pembahasen

Kata Dibata si seh man banta e me Gal. 3:6-9 e me kerna kesaksin iman Abraham si enggo lewat piga ribu tahun sebelum konteks surat enda seh kubas perpulungen Galatia. Teks enda sangat menarik erkiteken Paulus mencoba mereken benang merah antara Perjanjian Lama ras bagepe Perjanjian Baru kerna ugakin situhuna kegeluhen kalak si enggo ngaloken Kristus. Ibas ayat 6 ituriken maka kiniteken Abraham jadi acuan kalak sierkiniteken labo saja man kalak Kristen non-Jahudi tapi pe man kalak Kristen Jahudi si tuhu-tuhu payo ietehna maka kiniteken Abraham encidahken uga penandanna man Dibata si enggo erpadan man bana. Salah sada padan Dibata smbelin man Abraham erkiteken kinitekenna e me kerina kesusurenna i pasu-pasu Dibata, termasuk kita si seh ibas paksa enda selaku kalak si erkiniteken man Dibata. Abraham enggo ngaloken berita si meriah ibas paksa padan sindekah, emaka tentu enda sada benang merah sierbahanca terhubung padan sindekah kubas padan simbaru e me, ngaloken berita si meriah (ayat 8). Ibas padan simbaru Jesus (Luk. 4:18) secara terang-terangen menjelasken kerna berita si meriah si jadi tema besar ibas panda simbaru.

Gebrakan berita si meriah enda bali bagi kai si enggo ilakoken Abraham ibas ia erkiniteken man Dibata. Iperhitungken Dibata kinitekenna sebagai kebenaren erkiteken Abraham erkiniteken labo erpalasken undang-undang tapi erkiteken relasina kempak Dibata. Piga-piga kali banci siidah uga Abraham berkomunikasi alu ercakap-cakap ras Tuhan guna ngaloken kai sura-sura Tuhan ibas kegeluhenna. Jesus pe ibas pelayanenna piga-piga kali encidahken maka tek man Dibata labo erpalasken undang-undang tapi erkiteken keleng ate man Dibata. Arah sikap hidup kegeluhen Jesus pe banci siidah maka IA jadi pasu-pasu man setiap jelma sinterem ija pa pe ia ringan. Janah enda me padan Dibata man Abraham ibas ayat 8-9 maka arah ia me i pasu-pasu kerina kalak seh ku kesusurenna. Warisen sinitadingken Abraham si seh man banta ngasa genduari enda e me, berita si meriah si jadi pasu-pasu guna dirinta bagepe kubas sekelewat ta. Enda me warisan kalak sierkiniteken sierbahanca seh asa genduari enda, termasuk kita GBKP banci denga ersada guna nehken pasu-pasu man doni enda.

Arah teks ta enda mabai kita guna nggeluh erkiniteken ola erpalasken undang-undang entah pe erkiteken tuntuten-tuntuten erkiteken kita kalak Kristen, tapi erkiteken nggo si gejapken uga berita si meriah enda menggugah kegeluhen mamre selaku jadi bapa i tengah jabu. Enggo nge seri pengidah ta nandangi Dibata bagi pengidah Abraham? Aminna pe Ishak i pindo Dibata jadi persembahen, ije pe Abraham tetap setia ibas kinitekenna. Paksa si e tentu labo lit undang-undang entah pe tata gereja ras lain sidebanna. Arah ogenta ibas wari enda, Abraham me jadi sarana Dibata guna nehken pasu-pasuNa erkiteken kesetiaan ras kepatuhenna, alu bage Abraham maba pasu-pasu man kerina kesusurenna. Abraham ndatken erta situhu-tuhu e me nggeluh ibas kata ras sura-sura Dibata. Enda me sejarah simbelin man bangsa Israel erdandanken Abraham maka warisen enda tuhu-tuhu la ermasap-masap bagi erta doni entah pe kebayaken-kebayaken doni. Erta si i warisken Abraham enda e me berita si meriah simaba kemalemen ate ras bagepe kegeluhen simaba dame erkiteken Dibata enggo ngaturken kerina masa depan bangsa Israel arah kiniteken sekalak Abraham.

Penutup

Meriah ukurta erkiteken secara organisasi enggo ka seh mamre kubas pertambahen umur. Ertina mamre e me selaku bapa i tengah-tengah perpulungen enggo ertambah kepentarenna arah pengalamen-pengalamen si enggo ibentasi seh paksa enda. Mari bercermin kita kubas sosok bapa e me Abraham, guna mpekena-kena ras bagepe pebagesi kiniteken mamre ibas pertambahen umur enda. Kami yakin dan percaya bahwa mamre banci mewarisken berita si meriah ku tengah-tengah gereja ta guna jadi pasu-pasu man keluarga bagepe man jelma sinterem termasuk bangsa ras negara ta Indonesia. Kedewasan kiniteken mamre akan segera diuji apakah setia kepada Tuhan berdasarkan rutinitas dan tuntutan-tuntutan agamawi? Atau justru berdasarkan imannya kepada Tuhan oleh karena telah diselamatkan dan diberikan kesempatan untuk menjadi berkat bagi keluarga dan sesama manusia. Peran mamre tuhu-tuhu penting ibas keluarga ras bagepe perpulungen, segelah mamre banci jadi navigasi atau kompas guna mengarahkan jabu bagepe perpulungen kubas Kristus. Mamre me perpanjangen tan Dibata guna menghadirken berita si meriah, e me kinirajan Dibata i tengah-tengah doni enda, alu bage kerina jelma banci ngaloken pasu-pasu si rehna ibas Dibata nari. Selamat HUT Mamre man bandu bapa kami. Tuhan sinampati ras simasu-masu kam selaku bapa kami i tengah-tengah GBKP.

Pdt Abel Sembiring , GBKP Rg Tambun 

Ogen : Masmur 92:13-16

Tema : Tetap Paguh Ras Erbuah

Kata Pemena

Lit pepatah ngatakenca maka, “Meraih adalah hal yang tidak sulit untuk dilakukan tetapi mempertahankan adalah hal yang lebih sulit.” Banci jadi enggo sialami peristiwa sibagenda rupana kerna mempertahanken pencapaian silit ibas kita. Megati lebih mesera siakap mempertahanken daripada meraih sada hal si enggo sisuraken. Adi ibas perjuangen anak sekolah, meraih juara 1 ras mempertahankan juara 1 pasti berbeda kondisi mental erkiteken persaingen si ketat. Hal enda pe banci terjadi ibas kegeluhenta selaku erkiniteken man Dibata. Tetap Paguh ras Erbuah bagi nina tema ta ibas wari si sendah merupakan hal yang tidak mudah. Nggeluh i tengah-tengah zaman enda pe tentu melala tantangen ras pergumulen si banci jadi hambaten-hambaten man kita guna tetap paguh ras erbuah ibas erkiniteken. Terlebih-lebih ibas masa pandemi covid-19 si mengakibatken melala kecedan ate janah nderpa kerina bagian-bagian sisi kehidupan. Mari dage sinehen kubas Kata Dibata kerna uga tetap menjaga dirita ra  entah pe mempertahanken kinitekenta ibas situasi sijadi man banta paksa enda.

Pembahasen

Kata Dibata si seh man banta e me ibas kitab Masmur 92:13-16, nuriken kerna kalak si bujur. Adi sinehen kubas sada perikop e me bindu 92 enda, banci si idah lit piga-piga tokoh si ni saksiken pemasmur e me, TUHAN, kalak jahat ras kalak bujur. Telu tokoh enda encidahken peran-peran si berbeda. Sipemena uga karakter TUHAN si ni saksiken pemasmur e me kerna keadilen ras keleng atena man kalak bujur bagepe kalak jahat. TUHAN erkeleng ate man kalak bujur ras mereken keadilen man kalak jahat. Enda me kesaksin pemasmur nandangi TUHAN Dibata si i puji ras isembahna. Emaka kubas tokoh sipeduaken e me kalak jahat. Adi si oge kubas sada periko enda, kalak jahat turah desken dukut janah kalak ilat reh bayakna dingen sikap geluhna(ayat 8). Kalak jahat labo ngasup ngantusi kerna sura-sura TUHAN erkiteken dosa mempengaruhi kegeluhenna guna ngidah keadilen ras perkuah ate TUHAN. Ituriken me maka kalak jahat tading nimai wari-wari guna ikernepken janah meripuk me ia kerina. Pemasmur naksiken enda guna menjelasken bahwa kalak jahat me dalan TUHAN guna encidahken keadilen ras perkuah atena. Emaka banci jadi ibas kegeluhenta mekatep sialami maka kalak si la erkemalangen man TUHAN geluhna tempa-tempa meriah i doni enda, padahal melala kebiaren-kebiaren si reh man bana erkiteken mungkin melala kinibayakenna. Janah banci saja ka kalak si erkamalangen man TUHAN lalit ertana tapi tetap malem ateNa erkiteken TUHAN mencukupkan apa yang dia miliki. Tokoh sipeteluken e me kalak bujur. Kalak bujur i saksiken pemasmur maka kegeluhenna bali bagi batang cemara Libanon. Adi banci sigambarken maka batang kayu cemara Libanon enda bali bagi batang Tusam. Batang enda turah bas deleng-deleng janah melala hasil produksi sibanci i berekenna. Aminna pe ia labo hanya turah ibas taneh si datar saja, tapi adi silukai pe ia tetap denga ia mereken getahna sibanci jadi bahan siberguna ibas kegeluhenta.

Penggambaren batang cemara Libanon enda cukup mbages nuriken man banta kerna uga kegeluhen kalak bujur si tetap paguh ras erbuah ibas kiniteken. Gia taneh miring janah mencuram, batang kayu enda tetap turah janah aminna pe ia i “cedai” ibas erti i sayat batangna, ia tetap mereken getah si mereken kegunaan positif. Bagenda kegeluhen kalak bujur, TUHAN mereken keleng ateNa ibas setiap paksa kegeluhenNa, alu bage banci iantusina kerna sura-sura TUHAN ibas setiap pergumulen bagepe kiniseran si banci jadi i tengah-tengah doni enda. Ibas ayat 14 ijelasken maka kalak bujur tetap nuan ras turah ibas rumah TUHAN. Ertina kalak bujur e me kalak si erpengendes ras erpenalem ibas TUHAN saja, janah tetap ia nggeluh rikutken sura-sura TUHAN. Subuk ia nguda, dewasa ras seh ku lanjut usia (Saitun) ia tetap ibas rumah TUHAN. Rumah e me inganta tading, berlindung ras bagepe membangun relasi harmonis ibas keluarga sada rumah. Bageme kegeluhen kalak bujur sitetap erpengendes man TUHAN janah membangun relasi ras komunikasi sebagai keluarga ibas TUHAN. Alu bage kehadiren tokoh kalak jahat jadi alat TUHAN guna encidahken kuasaNa arah keadilen bagepe keleng ateNa sitetap njagai kalak sibujur. Meniru kalak bujur tentu labo mesera, tapi mempertahanken kebujuren e tetap ibas kita merupaken hal si luar biasa sebab TUHAN ngenca banci menjaga kestabilen kalak situhu-tuhu bujur IA me sumber gegeh si tetap pepaguhi kiniteken guna erbuah i sklewet ta.

Penutup

Ibas masa pandemi enda, tetap paguh ras erbuah ibas pandangenta selaku manusia si terbatas banci jadi siakap enda diluar kemampuan dirinta sebagai manusia. La ndekahsa wari-wari tetap i lingkupi kita alu erbage-bage berita kecedan ate termasuk orang-orang terdekat bahkan keluarga inti. Amin bagepe situasi tapi enggo ka seh sura-sura TUHAN maka ibas minggu enda orang tua kami Saitun bertambah umur secara organisasi. Eksistensi saitun tentu encidahken uga belinna kuasa TUHAN nandangi orang tua kekelengenta enggo ka banci merayaken HUT Saitun se-GBKP aminna pe ibas masa-masa pandemi enda. Ertina kategorial puncak setelah mamre pasti Saitun, aminna pe kita enggo memasuki Saitun tapi sada kemalemen ate ibas kita adi tetap kita ibas rumah TUHAN janah siendesken kegeluhenta tetap i pake TUHAN guna erbuah man gereja, masyarakat ras tanah air. Kami mengutip kalimat alm. Pdt. Agustinus Purba ketua moderamen, maka “Saitun adalah pendoa-pendoa utama GBKP.” Aminna pe gegeh secara daging kula enggo berkurang tetapi gegeh secara rohani ibas ertoto ras berkomunikasi man TUHAN, Saitun tetap paguh ras erbuah janah kerina perdalanen GBKP secara sinodal tek kita enda kerina bekas pertoton orangtua kekelengen kami Saitun. Mari kita mendukung janah menjadikan pendoa utama menjadi gaya hidup/role model guna kita tetap ibas rumah TUHAN ibas mentasi pandemi enda. TUHAN memberkati kam orangtua kami Saitun. Selamat HUT Saitun!