REMBAK RAS DIBATA ERKITEKEN KINITEKEN

Roma  5 : 1 – 5 

(Teologi Paulus Kerna Kiniteken)

I.       Kata Perlebe

Selaku tinepa Dibata, kerina manusia ngarap, nura ras mejehe gelah banci rembak ras Dibata. Rembak ras Dibata labo ngerana kerna jarak tapi kerna pembenaran. Gelah manusia banci nggeluh ersada mulihi rasa Dibata. Uga carana gelah manusia banci ersada ras Dibata? Erbage-bage perukuren, upaya ras cara ibahan manusia gelah banci rembak/ ibenarken i lebe-lebe Dibata. Lit mperembak dirina ku Dibata alu ndalanken undang-undang/ peraturen. Lit mperembakken dirina arah erbahan persembahen-persembahen ras ritual misalna cibal-cibalen/ sesajen. Lit ka deba arah erbahan si mehuli sebage sada dalan mpepulung jasa ras pahala. Kerina cara-cara enda erpalasken ras berpusat ku bas perbahanen, gegeh, kebeluhen ras kengasupen manusia. Uga kita kalak Kristen banci rembak ras Dibata? Kai nina Pustaka Si Badia, secara khusus bas teologi rasul Paulus?                            

II.   Penjelasen Kata Dibata

 Manusia perdosa iperembakken (dibenarkan) Dibata kempak diriNa labo erkiteken pendahin ras kengasupenna. Kerina manusia erdosa i lebe-lebe Dibata. Kalak Jahudi erdosa erkiteken la ngasup ndalanken Undang-Undang/ Taurat. Kalak si la Jahudi pe erdosa i lebe-lebe Dibata erkiteken la ndalanken pusuh peratenna alu payo. Tek man Jesus Kristus me dalanna ras carana manusia rembak (dibenarkan) ras Dibata. Enda me si ituriken rasul Paulus ibas Roma 1:16 seh 4:25. Labo erkiteken gegeh, pemeteh ras beluh manusia maka ia banci rembak ras Dibata. Kerina kalak perdosa banci ngaloken pengalemen dosa arah pengorbanen Kristus i kayu persilang. Pengalemi dosa enda ibereken alu la nggalar man kalak perdosa erkiteken ia tek man Jesus Kristus (bdk. Joh. 13:6). Dibata mereken Jesus Kristus jadi juruselamat man manusia perdosa. Erkiteken Kristus maka manusia enggo itebusi, dosa-dosana enggo ialemi Dibata (bdk. Efesus 1:7). Kalak si tek ngaloken lias ate Dibata si erbahanca ia rembak ras Dibata (bdk. Ef. 2:8, 9).    

 Paulus nuriken ulih (konsekuensi) kalak si irembakken mulihi ras Dibata. Pemena, iperdameken ras Dibata arah Tuhan Jesus Kristus (5:1). Jesus me kelang-kelang si mpersada mulihi hubungen Dibata ras manusia perdosa. Payo nggeluh dame e lenga inanami alu sempurna ibas kegeluhen gundari. Si e pagi inanami alu lengkap tupung kerehen Tuhan Jesus peduakaliken. Nggeluh dame enda imungkinken erkiteken kalak perdosa nggo banci ndatken dalan masuk ku bas lias ate Dibata. Peduaken, kita nggeluh ras ringan ibas lias ate Dibata (5:2). Erkiteken si e meriah ukurta sabab lit pengarapenta maka kita ikut dat bagin ibas kemulian Dibata. Peteluken, banci ermegah ibas kiniseranta sabab arah kiniseranta turah me saber ate (ayat 3). Arah kita saber ateta teridah maka kita enggo menang ibas pengujin. Janah erkiteken kita enggo menang ibas pengujin, lit pengarapenta si labo erbahanca kecewa (ayat 4, 5).   

III.     Pengkenaina

1.        Ope Kristus Jesus reh ku doni enda kita manusia nggeluh perimbang/ ermusuhen ras Dibata. Manusia ermusuhen ras Dibata erkiteken dosa ras kesalahenta. Kenca manusia ndabuh ku bas dosa, kerina si ibahan manusia la payo i lebe-lebe Dibata. Dosa mpetubuh dosa si deban. Dosa eranak ras erkempuken dosa. Kita lanai ngasup mulahi dirita ibas kuasa dosa nari. Kita lanai ngasup erdame ras nggeluh dame ras Dibata. Alu bage ukumen si rasa lalap eme kematen jadi sekerajangenta. ‘Upah dosa e me kematen’ (Roma 6:23a). ‘Andiko, cilaka me tuhu aku! Ise nge si mulahi aku i bas biak kematen nari?’ (Roma 7:24).

2.        Tema: “Rembak ras Dibata Erkiteken Kiniteken.” Puji Tuhan kita iperembakken mulihi ras Dibata. Kita iperdameken mulihi ras Tuhan. Kita ibenarken ntah pe ipersada mulihi ras Dibata. Ndube kita enggo sirang ras ermusuhen ras Tuhan erkiteken dosa, nduari kita ipersada ras erdameken erkiteken Kristus eme arah kinitekenta. Puji Tuhan, ibahanNa serpang pulah nangdangi dosa-dosata. Lit arapen nggeluh dingen erdame ras Dibata. Dibata me si ngukuri (berinisiatif), erbahan cara ras dalan (berprakarsa ras berkarya) lako mulahi manusia i bas dosa ras kematen si rasa lalap nari. Labo Dibata si perlu erdame ras manusia tapi manusia si erdosa nge si perlu erdame ras Dibata. Janah Jesus Kristus reh lako ndameken manusia ras Dibata. ‘‘Kukataken bujur man Dibata si mulahi aku arah Jesus Kristus Tuhanta’ (Roma 7:25a).  

3.        Kita enggo irembakken mulihi ras Dibata i bas Kristus. Kita enggo nggeluh i bas dame ras perdamen ras Dibata. Kita ipersada ras Dibata mulihi labo alu erga si murah, erga obral tapi alu erga si seh kal ergana si la terbeligai alu duit, erta/ kinibayaken. Kita idameken alu dareh Kristus si mate i kayu persilang (bandingken 1 Petrus 1:18-20). Erkiteken si e ola anggap enteng, remeh ras sepele nangdangi erga perdamen si ibahan Dibata man banta. Ola la ergaken lias ras perkuah ate Dibata si enggo iberekenNa arah Kristus Jesus man banta. Tapi mehergalah si akap dingen si ergakenlah perdamen si enggo si aloken kita e.

4.        Carata ngergaken kerembakkenta mulihi ras Dibata i bas Kristus e me alu encidahken kepatuhen si tetap man Dibata. Tetaplah gelem kinitekenta man Tuhan Jesus alu enteguh. Ola kal sempat mobah kinitekenta seakatan man Tuhanta Jesus Kristus. Ola kari erkiteken lit kiniseran ras jumpa perbeben kita minter salih kinitekenta. Ola erkiteken Covid `9 ras dampakna lanai ateta tutus erkiniteken man Jesus Kristus. Ola erkiteken erta, tahta ras wanita (kesenangen doni) si kentisik si pulahi kinitekenta man Kristus. Si gelemlah pengarapenta alu enteguh.

5.        Ciri-ciri kalak si enggo rembak ras Dibata erkiteken kinitekenna eme:

sipemena, nggeluh ibas dame. Sipeduaken, ngasup ermeriah ukur aminna jumpa ras ikenai kiniseran. Sabab tek kita Dibata pasti nampati kita. La pernah kita ipediatNa si sada ngalaken tantangen ras perbeben geluhta. Sipeteluken, arah kiniseran turah saber ateta. Peempatken, tahan ujin. Kalak si saber eme tanda tahan uji. Sipelimaken, lit pengarapenta si la pernah mengecewaken. Amin.

 Pdt. Juris Tarigan, M.Th (GBKP RG Bogor)

TUHAN ERBAHANCA KITA SENANG

Matius  27 : 3 – 4; Jeremia  29 : 11 

(Hari Pencegahan Bunuh Diri)

I.      Kata Perlebe

Kesah ras geluhta manusia Tuhan empuna. Dibata si merekenca alu ngembusken kesahNa maka manusia nggeluh (Kej. 2:7). Erkiteken kesah ras nggeluh e sekerajangen Dibata, emaka labo banci ate-ate manusia kerna kesah ras geluhna. Apai ka adi manusia nia-niaken kesah ras geluhna alu munuh bana (MB). Kinatana nai nari seh asa gundari lit terjadi kalak/ jelma si ngujungi geluhna. Lit kalak MB tupung nguda denga ras lenga erjabu, kenca enggo erjabu ras kenca enggo metua. Sada si jelas mbedakenca paksa si nai ras paksa si nduari eme kerna buena kalak si munuh bana. Adi nai mekatep sitik si begi ras si idah. Nduari nggo erurakna beligan kalak si bage. Amin bage gia lit denga 800.000 seh ku 1 juta kalak si mate MB pertahun.                                                                                                                                                                 

II.   Penjelasen Kata Dibata

 Judas Iskariot eme salah sada murid/ ajar-ajar Tuhan Jesus si 12 kalak. Judas salah sada contoh si la mehuli bas Pustaka kerna njaga, ngergai ras mpekena-kena kesah ras geluh si ibereken Dibata man bana. Kenca idayakenNa Jesus Kristus alu 30 keping duit pirak, erkadiola ia. Erkadiola kal ia ngidah uga pengelako imam-imam, kalak Parisi nangdangi Jesus. Terlebih kenca ietehna maka ibunuh kalak e atena Jesus. Ibenterkenna me duit si ialokenna ndai ku Rumah Pertoton jenari lawes ia ibunuhna bana. La Judas ngenca ibas Pustaka si MB tapi lit piga-piga subuk ibas Padan Sindekah bagepe Padan Simbaru. Lanai ndauh ukurina ibas ia kecewa ras erkadiola. Oratna min kalak si erkadiola e jera dingen robah ibas dosa ras kesalahenna nari. Tapi Judas la bage. Justru lakokenna si la ngena ate Dibata, si ilarangNa.

 Kata Dibata ogenta peduaken, ngerana kerna kalak Juda lit i pembuangen i Babel tupung nabi Jeremia nehken nubuatna. Kalak si itaban enda umumna kalak si terhormat: kesusuren raja, pejabat, si erkuasa ras beluh. La kentisik ngenca ia tading i taneh pembuangen. Rumah Pertoton ras tembok Jerusalem kebanggan kalak Juda enggo itutung ras iradasken kalak Babel. Rumah Pertoton e lambang kehadiren Dibata, kuasaNa dingen keleng ateNa man bangsaNa. Tuhu-tuhu medanggel kal iakap kalak Juda si itaban sabab ipedauh ia ibas Rumah Pertoton lambang Tuhan lit i tengah-tengah kalak Juda. Menam bene pengarapenna nggeluh. Tapi Tuhan erkelangken nabi Jeremia ngerana ban bana kerina. Dibata mpeturah pengarapen e mulihi ibas ia. Ibas Tuhan lalap lit pengarapen nggeluh. Tuhan mpetangkas kerna sura-suraNa si terligen man bangsaNa. Tuhan ngenca meteh sura-suraNa nangdangi kalak Juda. Sura-suraNa jine e me gelah bangsaNa nggeluh senang, labo gelah cilaka. Rencana Dibata e me mereken wari si pepagi bagi si iarapken bangsaNa (Jeremia 29:11). Tuhan ngukum bangsaNa alu ngizinken bangsa Babel naban ia labo gelah bangsaNa cilaka. Tapi gelah erkadiola, robah dingen jera. Gelah bangsaNa mulihken ernalem dingen ersembah man Dibata. Jenari Tuhan pasti mereken kemalemen ate bagi si iarapkenna.  

III.                 Pengkenaina

1.        Tema: “TUHAN ERBAHANCA KITA SENANG.” Kerina kita nura ras ngarap gelah nggeluh senang. Melala cara ras perbahanen si ban bas geluhta gelah kita banci nggeluh senang. Tapi banci jadi ras rusur kal terjadi labo kesenangen si datken tapi persoalen, kiniseran seh ku tingkat perbeben. Ibas kita jumpa ras ikenai kesuliten, tekanen ras kinisuin tetaplah erpengarapen man Tuhan. Ula bene pengarapenta. Tek ras yakinlah ibas paksana Tuhan mereken kesenangen man banta. Sura-sura ras rancangen Tuhan lalap si mehuli man banta kerina. La pernah si la mehuli apai ka cilaka si iberekenNa man banta. Kai pe si terjadi man banta, Tuhan e lalap mehuli man banta (bdk. Masmur 106:1). IberekenNa me wari si pepagi bagi si arapken kita.

2.        Kesah, nggeluh ras geluhta arus si jaga ras si pekena-kena seh ibuatNa, ilegiNa ntah ipindoNa ibas kita nari eme arah kematenta. Tuhan si mereken kesah ras geluhta man banta. Jenari Tuhan ka si berhak muatsa, nariksa ibas kita nari ibas waktu Tuhan ras alu caraNa (Jop 1:21). Kita manusia la berhak ras la rate-ate lako mpengadi kesah ras geluhta. Kita la banci alu sengaja mpemate banta. Payo maka kesah ras geluhta e lit ibas kita, sekerajangenta. Kesah ras nggeluhta e hakta. Tapi kita labo berhak mpeltepken ras mbeneken kesah ras geluhta. Hak nggeluhta lit tapi hak mate ntah pe munuh bana la lit.   

3.        Alu tek man Dibata Si Telu Sada, nggejapken kehadirenNa, campur tanNa bas kegeluhenta erbahanca pengarapenta nteguh. Uga gia beratna persoalen ras perbebenta, tapi adi tek kita Tuhan nemani ras nampati labo ndigan pe kita nggit MB. Adi jelas ras tangkaslah man banta maka Tuhanta Jesus  rembak ras kita, rancangenNa lalap rancangen si mehuli ras mereken wari si pepagi bagi si arapken kita, la ndigan pe kita pang MB. Ingetlah, ibas kai pe Dibata erdahin guna kiniulinta kerina anak-anakNa si erkeleng ate man baNa (Roma 8:28).

4.        Erbage-bage sabab kalak MB: bene pengarapenna kerna wari si pepagi; kecewa berat/ depresi; kematen kalak si seh kal atena kelengna, penalemen ras penundalenna; tekanen ekonomi si mberat misalna erkiteken Covid 19; perasan itulak ntah pe la meherga; la ianggap ras la ikelengi; duit/ erta jadi dibatana. Bage duit/ erta e mayap minter bene akapna geluhna. Cara-cara MB si lit eme: ipeltepkenna urat nadina, ndelis, minem racun, ndabuhken bana ibas gedung meganjang nari, ngombakken bana, lompat ku dalan mbelin (jalan raya) si ibentasi mobil si meter, ngalaken kereta api si erdalan, rst.   

5.        Bas liturgi penguburen gerejata jelas ije ikataken maka kalak si sengaja ras sadar ngelakoken MB, man bana la ilakoken liturgi penguburen selaku kalak Kristen. Enda ertina Tuhan la ngaloken kalak si MB. La lit inganna ibas Tuhan man kalak si MB. Sabab ilebeina kuasa Dibata kerna kesah si iberekenNa. La iakuina rasa iergaina Kesah si ibereken Dibata. Alu sengaja ras sadar ia mutusken kesahna alu MB. Pelayanen liturgi penguburen ilakoken ntah pe ibereken man kalak si idilo Dibata erkiteken mutus ntah pe keri kesahna.   

Pdt. Juris Tarigan, M.Th,  GBKP RG Bogor

Invocatio    : (Kuan. 19:17)

Ogen           : Mazmur 41:1-4 

Kotbah        : Kisah Para  Rasul 20:32-35 

Tema          : Adalah Lebih Berbahagia Memberi Daripada Menerima

1.     Chen Shu Chu seorang pedagang sayur-mayur di Taitung, Taiwan. Selama 18 tahun berdagang, ia menyisihkan sebanyak 2,8 miliar rupiah keuntungannya untuk menyantuni orang miskin dan anak telantar. Pada tahun 2012 ia dianugerahi Penghargaan Ramon Magsaysay dan memperoleh hadiah sebesar 50 ribu dolar AS. Tetapi hadiah tersebut dihibahkan sebagai dana untuk membantu rumah sakit yang memerlukan peralatan UGD.

“Sebab di mana ada iri hati mementingkan diri sendiri di situ ada kekacauan dan segala macam perbuatan jahat.” (Yak. 3:16). Chen Shu Chu bukan pemilik saham perusahaan besar, namun ia sudah menanamkan saham kebaikan dalam hidupnya. Ia melakukan hal sederhana, namun menghasilkan perbuatan yang mengagumkan. "Jangan sekedar bermimpi menjadi orang kaya, jadilah orang yang berhati kaya."

2.     Bagian ini merupakan rangkaian penutup dari “pidato perpisahan” dengan para penatua Efesus di Miletus, sebelum Paulus akan berangkat ke Yerusalem. Kali ini, Paulus tidak bisa datang ke Efesus, karena itu ia menyuruh seorang dari Miletus ke Efesus dengan pesan supaya para penatua jemaatlah yang datang ke Miletus dan menjumpainya di sana.  Hal ini mungkin karena ada sesuatu yang hendak dikerjakan, entah dengan rencana pelayaran atau keinginan untuk menghindari pertikaian di Efesus. Dan keputusan ke Yerusalem bukanlah semata-mata keputusan Paulus, melainkan juga karena Roh Kudus telah menetapkan keputusan atas Paulus dengan berbagai cara. Hal ini nyata dari bahasa Paulus yang tegas kepada para penatua itu “sebagai tawanan Roh aku pergi ke Yerusalem” (ayy. 22). Serta diakhiri dengan suasana yang sangat emosional, doa bersama yang disertai dengan cucuran air mata, pelukan, dan ciuman.

Secara umum, ada 3 bagian pesan perpisahan Paulus

·      Mengulas tentang masa lalu (18-21) menekankan pada kesetiannya pada Tuhan dan gereja-Nya selama 3 tahun melayani di Efesus ditengah tantangan yang berat.

·      Membahas tentang masa kini (22-27), mengungkapkan perasaan pribadi Paulus tentang masa lalu dan masa depan.

·      Berbicara tentang masa depan (28-35), memperingatkan mereka tentang bahaya yang akan dihadapi gereja-gereja.

3.     Di dalam acara perpisahan tersebut, Paulus berharap agar ketika ia meninggalkan jemaat Efesus, mereka dapat tetap berdampak bagi sesama. Salah satu yang ditekankan oleh Paulus adalah tindakan untuk saling memberi. Memberi merupakan wujud kepedulian terhadap sesama. Dengan memberi, setiap orang dapat saling menopang dan ikut merasakan pergumulan orang lain. Semangat memberi inilah yang oleh Paulus, dengan mengutip perkataan Yesus, dikatakan akan mendatangkan kebahagiaan.

Meski tidak tertulis dalam Injil manapun tetapi tetap memiliki akar dari pengajaran Tuhan Yesus (Mat. 25:34-35 Luk. 6:30, 35, 38; 14-14) (ada juga penafsir mengatakan bahwa Paulus mendengar kalimat tersebut dari salah satu para rasul atau lewat lisan).

Tidak ada orang yang tidak mau berbahagia. Tetapi kebahagiaan yang dimaksud dalam bagian ini adalah lebih bahagia memberi daripada menerima, tetapi dalam konteks:

-      Merespon anugerah keselamatan dari Tuhan (ay. 32 “... menganugerahkan kepada kamu bagian yang ditentukan bagi semua orang yang telah dikuduskan-Nya”).

-      Menaati Firman Tuhan, bahwa Paulus mengutip apa yang dikatakan oleh Tuhan Yesus. Jadi kebahagiaan itu adalah menaati Firman Tuhan Yesus (bdk. Luk. 11:28 “Tapi ngaloi Jesus, "Malemen tuhu-tuhu ate kalak si megiken Kata Dibata dingen ndalankenca!" Ibas liturgi ninta rusur “ketuahen kalak simegiken ras sindalankenca”)

-      Lebih bahagia memberi karena kita mencerminkan Kristus di dalam diri kita. Sebagaimana Yesus memberi diri-Nya untuk dunia ini.

-      Menghindarkan kita dari keserakahan. Rasul Paulus bukan hanya mengutip kata-kata Yesus tetapi dia juga menjalaninya. Dalam ayat 33-34, Rasul Paulus mengatakan bahwa ia tidak pernah mengingini harta benda milik siapapun. Melalui yang ia miliki, ia telah memberi pertolongan bagi teman-temannya. Dengan kata lain, Rasul Paulus terhindar dari dosa keserakahan karena ia telah belajar memberi.

4.     Menerima dan memberi adalah sama-sama bahagia. Tetapi ada persoalan nilai atau perbandingan dalam hal ini bukan kontradiksi atau sesuatu yang paradoksal. Bukan berarti memberi adalah sesuatu yang baik sedangkan menerima adalah sesuatu yang buruk. Tetapi, lebih berbahagia ketika memberi meski menerima juga berbahagia.

5.     Menenggelamkan hak demi kepentingan orang lain. Di dalam Lukas 10:7 dan 1 Kor. 9:4-14 dinyatakan bahwa para saksi-Nya diizinkan menerima upah. Paulus berhak akan upah tersebut. Meski demikian, Paulus biasanya tidak memanfaatkan “hak” ini untuk dirinya, ia tidak mau membebani jemaat (meski di tempat lain dia tidak melakukan hal ini, tentunya tergantung situasi jemaat tersebut). “Perak atau emas atau pakaian tidak pernah aku ingini dari siapa pun juga.” (ay. 33), merupakan implikasi yang jelas bahwa dia suka agar para penatua Efesus mengambil sikap yang sama terhadap bantuan finansial, mungkin karena anggota jemaat lainnya tidak dalam keadaan berada. Akan sama halnya bahwa, hasil kerja keras kita memang benar adalah hak kita. Tetapi teladan Paulus memberi kita dorongan untuk “menenggelamkan hak” tersebut untuk/ demi mereka yang lemah. Ada motivasi dari dalam diri untuk memberi.

6.     Melayani di tengah tantangan. Bukan hal yang mudah bagi Paulus untuk tetap setia melayani Tuhan di tengah tantangan yang hebat. Umumnya, ketika seseorang menghadapi tantangan, orang tersebut hanya akan memikirkan dirinya sendiri serta kecil kemungkinan memikirkan kebutuhan orang lain. Tetapi, menariknya, cara hidup Paulus tidak demikian. Meski di tengah tantangan, Paulus tetap dan selalu memikirkan kehidupan jemaatnya. Cara hidup Paulus ini menjadi teladan bagi kita di tengah krisis akibat pandemi covid-19 ini. Semua kita mungkin akan berkata bahwa “aku pe mberat nge kuakap, aku pe mesera nge kuakap, uga ningku mere penampat, khususna nandangi YKPD, PAK Gelora Kasih ntah pe PPOS? Di dalam situasi seperti inilah kita diuji. Paulus tidak menghindar untuk memberi diri kepada jemaat di tengah tantangan tersebut. Maka saatnya kita “memberi di tengah tantangan”.

7.     Sulit memberi adalah kegagalan dalam menyadari. Sadar akan apa? Gagal menyadari betapa banyak kita telah menerima dari Tuhan. Gagal menyadari bahwa kita sebenarnya adalah pengelola bukan pemilik. Gagal menyadari bahwa ada yang Tuhan titipkan lewat diri kita bagi orang lain.

8.     Mperdiateken anak-anak YKPD, PAK Gelora Kasih, ras orangtuanta i PPOS enggo pasti “la rulih man banta”. Jika  dunia ini sangat menekankan pada hukum timbal balik. Jika saya memberi, maka saya akan menerima. Maka, sudah pasti mereka yang disebut di atas tidak bisa membalas kebaikan yang kita lakukan secara langsung. Sama seperti kata Pengkotbah 11:1 “Lemparkanlah rotimu ke air, maka engkau akan mendapatnya kembali lama setelah itu.”

9.     3 tahun mereka diajari oleh Paulus baik melalui pengajaran maupun dalam teladan kehidupan, sudah saatnya mereka tidak lagi dilayani tetapi melayani, sudah saatnya mereka memberi. Paulus telah memberi teladan tersebut (ay. 35) dengan bekerja keras bukan hanya memenuhi kebutuhan diri sendiri, tetapi juga untuk orang-orang yang lemah. Seolah Paulus mengingatkan kita di ay. 32 “dan sekarang...” bahwa tugas melayani mereka yang lemah tersebut diserahkan kepada kita.

10.  Bekerja keras ternyata bukan hanya “demi” kita, tetapi juga bagi mereka yang membutuhkan. Ini adalah sebuah etika kerja yang luar biasa. Jika selama ini kita dengar bekerja adalah ibadah, tetapi kali ini ada tambahannya bekerja untuk mereka yang lemah karena itu adalah ibadah. Paulus bekerja bukan hanya untuk memenuhi kebutuhannya sendiri, tetapi berupaya berbagi dengan mereka yang lemah.

Orang lemah bisa dalam arti lemah secara iman. Tetapi ada kala orang lemah dalam iman karena tekanan ekonomi (berkekurangan, meski ada juga yang kaya tapi lemah dalam iman, sebaliknya ada juga yang hidupnya pas-pasan tapi teguh dalam iman). Tetapi ada kalanya berkaitan bagi sebagian orang, tekanan ekonomi membuat kehidupan beriman menjadi lemah. Maka di saat seperti inilah gereja mengambil peran membantu secara materi selain hanya doa.

11.  Memberi sebagai pelayanan. Memberi tersebut bukan hanya sekedar pemberian kepada mereka yang membutuhkan melainkan melihat pemberian itu juga sebagai pelayanan (”service”, 2Kor. 9:12; Rm. 15:27). Suatu tindakan kasih yang didasarkan atas kasih Kristus (2Kor. 8:11-12,24; 9:5-7). Sejajar dengan itu maka memberi harus dengan sukacita dan ucapan syukur bukan dengan paksaan. Juga dengan memberi melalui  maka kita diajak untuk memelihara keseimbangan di tengah persekutuan orang percaya, antara mereka yang berkecukupan dengan mereka yang berkekurangan/ lemah.

12.  Memberi berdasarkan apa yang ada. Paulus di surat-surat yang lain , misalnya kepada jemaat Korintus meminta jemaat Korintus untuk memberi dari apa yang mereka miliki, bukan dari apa yang tidak mereka miliki. Pemberian itu bukan masalah jumlahnya tetapi sukarelanya. Sikap bermurah hati kepada orang-orang yang membutuhkan merupakan ajaran yang populer dalam tradisi hikmat (Ams. 3:27-28

Pertanyaannya, adakah kita yang sampai saat ini dengan konsisten memberi hati dan sebagian harta kita kepada mereka?

Mzm. 37:25-26 “Dahulu aku muda, sekarang telah menjadi tua, tetapi tidak pernah kulihat orang benar ditinggalkan, atau anak cucunya meminta-minta roti; tiap hari ia menaruh belas kasihan dan memberi pinjaman, dan anak cucunya menjadi berkat.”

Jangan ajari Tuhan belajar matematika atau ilmu ekonomi.

Pdt  Dasma Turnip

GBKP Rg Palangkaraya