Ogen     : Masmur 119:97-104

 

Tema     : “Ciga Kal Ateku Kata La Tuhu”

 

KATA PERLEBE

 

La sigejap enggo seh kita ku tahun simbaru 2021, janah enggo sitadingken tahun 2020 alu erbage keriahen ras perbeben sierbahanca gulut ukurta. Ibas tahun simbaru enda bengket ka kita ku bas PA Mamrenta, perlu sigar-gari terdauhen kerna pelaksanan pelayananenta ibas Mamre terlebih PA-nta ibas tahun 2020 silewat, enggo nge ikut kita janah atan pe kita ibas pelayanen Mamrenta e? Enggo nge efektif pelaksanan PA nta kidekah “tahun pandemi covid-19” e? Uga evaluasinta kerna prioritas tahun pelayanenta GBKP tahun 2020 eme kerna pemaken teknologi informasi (TI), enggo kita jadi Mamre si pentar makeken TI ras mengelola informasi si seh man banta. Ibas PA nta sendah mari sievaluasi ras sigar-gari terbagesen kerna sienda.

 

I bas penerapen TI, melala hal-hal positif ras erguna sibanci nampati manusia ibas pendahin ras aktifitasna, tapi lit ka hal-hal negatif sibanci erbahanca ceda ras la nai ratur kegeluhen manusia. Melala beredar berita-berita si la tuhu dingen la terpertenggung jawabken/hoaks, enda banci mpeturah persoalen/perselisihen ras konflik hubungen sosial i bas masyarakat bagepe sapih-sapih perpulungen. Erkite-kiteken status FB enterem kalak siadun ku Polisi, erkiteken berita hoaks terjadi kerusuhen simbelin i Manokwari (Papua Barat) ibas bulan Agustus tahun 2019 si lewat, erkiteken berita la tuhu malala kalak lanai siperkuanen. Emaka perlu kita megermet ibas pemaken TI, secara khusus ibas menyebar luasken berita man kalak sideban, perlu kal ije kita ‘megermet’ bagepe ‘niksiki’ terbagesen. Kuan-kuan kalak karo singataken “sik-sik lebe maka tindes” ntah pe istilah “saring dulu baru di sharing” perlu kal siterapken ibas penggunaan ras pemaken TI enda.

 

PEMBAGESI TEKS

 

Masmur 119:97-104

 

Masmur 119 em kap masmur sigedangna ibas kerina masmur si lit. Ibas masmur enda tema utamana eme “Undang-Undang Tuhan/Firman Tuhan”. Ibas masmur 119 enda nuriken hal si luar biasa antara pemasmur ras Dibata sinisembahna. Pemasmur merefleksiken maka lit sada hubungen si seh kal mbages ras akrab antara manusia si nggit makeken Undang-Undang Tuhan ras man Dibata. Arah ia makeken ras ndalanken Undang-Undang Tuhan mabai bana reh pengangkan “pengertian (hikmat)” simbages ibas diri pemasmur. Pengertin kerna penandaina kempak Dibata siisembahna alu mbages. Ise sinisembahna, kai sinisurakenNa janah ngangkai uga gelah banci rembak ras Ia.

 

Pemasmur nuriken kerna pengakunna ibas Masmur 119 enda, maka lanai tanggung keleng kal atena nandangi Undang-Undang Tuhan (Taurat Tuhan), janah ngit ia ngkusur-kusursa ibas ukurna gedang-gedang nu wari. Igejapken pemasmur maka ibas ia engkelengi bagepe nggit ngoge ras makeken kata Dibata ibas kegeluhenna, mabai ia jadi manusia si mehuli, dingen kata Dibata enda ngasup nampati ia guna ngelakoken simehuli ras kepentaren. Pemasmur labo ngarapken gelah ia ndatken kinibayaken bagepe kinihamaten bagi siniarapken enterem jelma, tapi arah ia mpekusur-kusur kata Dibata enda iarapkenna ia jadi manusia si dewasa, si dem kepentaren guna meteh apai si payo janah apai si la payo, apai singena ras sentudu iadepen Tuhan, ras apai si lapayo ras la ngena ate Tuhan guna idalankenna. Endam sierbahanca pemasmur la mesukah tergoda guna ndalanken kejahaten ras la mesukah terjerumus ku bas kejahaten. Arah kata Dibata si nggit ia ngoge ras mpekusur-kusursa ibas pusuhna jadi ampang-ampangna guna la ngikutken sura-sura dagingna.

 

Ayat 98 ngataken, “Kerina perentahNdu tetap kuinget katawari pe, e maka pentaren aku asangken imbang-imbangku”. Pemasmur la erlajar kepentaren/hikmat arah bangsa-bangsa sideban nari, tapi ia erlajar kepentaren ibas Tuhan nari arah ia engkelengi ras nggit mpekusur-kusur Kata Dibata. Seh maka ia jadi megegeh ras la lit bangsa-bangsa si deban ngasup nalukenca.

 

Bagepe ipetangkas pemasmur ibas ayat 104, maka ibas ia makeken ras nggit ngoge Undang-Undang Tuhan erbahanca ia ndatken kepentaren, seh maka itehna apai si benar, si payo ras si tuhu janah i padauhna bana nandangi si la benar, si la payo bagepe si la tuhu. Engkelengi kebenaren kata Dibata erbahanca mabai ia erciga ate nandangi kata si la tuhu.

 

Kata la tuhu (dusta) banci mabai kita ku bas kiniseran janah kebenen damai sejahtera. Erkiteken si e pemasmur ibas ogenta enda naksiken maka ia nggit engkelengi ras mpekusur-kusur kata Dibata, gelah ia ngasup mbedaken si tuhu ras la tuhu. Pemasmur makeken Undang-Undang Tuhan jadi gelemenna. Kata Tuhan negu-negu kita guna engkelengi kebenaren ras ketuhu-tuhun, jenari nadingken kejahaten ras ciga kempak kata si la tuhu.

 

APLIKASI

 

Lit sada turi-turi kerna nehken berita man kalak sideban, nina bagenda: Pada suatu hari Socrates (sekalak filsuf simbelin) kedatangen seorang teman. Teman ini berkata kepada Socrates, “Tahukah anda cerita yang baru saya dengar tentang salah seorang teman anda? “Tunggu sebentar”, jawab Socrates. Sebelum kamu menceritakannya kepada saya, saya ingin kamu melewati ujian kecil.

 

Yang pertama, tentang kebenaran. “Sudah pastikah bahwa apa yang akan anda katakan adalah benar?”. “Tidak” jawab orang itu. “Saya juga baru mendengarnya dari orang lain dan ingin memberitahukannya kepada anda”.

 

Sekarang yang kedua, kebaikan. “Apakah yang akan anda katakan kepada saya tentang teman saya itu adalah sesuatu yang baik?”. “Tidak, sebaliknya, ini sesuatu yang buruk”, jawabnya. Kata Socrates, “Jadi anda ingin mengatakan kepada saya tentang sesuatu yang buruk tentang teman saya, tetapi anda sendiri tidak tahu pasti itu adalah benar?”

 

Yang ketiga, kegunaan. Apakah yang akan anda kataken tentang teman saya itu sesuatu yang berguna bagi saya? Tanya Socrates. Jawab orang itu, “Sungguh, saya tidak tahu”. “Jadi, anda ingin mengataken sesuatu yang buruk tentang teman saya, padahal anda sendiri belum tahu pasti itu benar dan berguna untuk saya, kalau demikian untuk apa anda mengatakannya kepada saya?”, tanya Socrates.

 

Arah turi-turin enda, kita pe banci erlajar etika ibas nehken berita arah teknologi informasi. Sungguh berbahaya adi kita nuriken si la mehuli kerna kalak si deban padahal kita jine lenga yakin e berita si tuhu dingen erguna man kalak si ngaloken berita e. Turahna perubaten banci jadi terjeng erkiteken salah informasi. Emaka litlah etikanta ibas nehken berita e. Enda me etikana kalak simpeseh berita. Kalak simpeseh berita memang arus mengkonfirmasi sumber beritana. Berita e memang berita si tuhu. Si periksa arah sumber-sumber si deban. Istilah check and recheck. Genduari enda ‘labo si penting upload, tapi uploadlah si penting’. Siluangken lebe waktunta guna ndarami informasi si deban, segelah berita sinipeseh kita memang berita si tuhu-tuhu. Jenari pe kita perlu ngukuri pusuh, perukuren, biak kalak si bakal ngaloken berita e. Kengasupen kalak si ngaloken dingen ngukuri berita e perlu si eteh. Banci jadi, sada berita e mpeturah kebiaren man kalak si ngalokenca. Emaka berita-berita si positip, si mpekeke ukur kalak, si mereken semangatlah si sehken man kalak si deban. Bagenda me ibas kita makeken teknologi informasi enda, lit aturen ras norma-norma si man tenggetennta. Berita si tuhu dingen si ergunalah sinipeseh kita.

 

Pdt. Irwanta Brahmana

 

(GBKP Rg. Surabaya)

 

 

OGEN            : KETANGKASEN 4:11,

 

Tema         : DIBATA SI ERMULIA

 

EVALUASI TAHUN 2020 (TEKHNOLOGI INFORMASI)

 

I.                   KATA PENARUH

 

·           Perpulungen sikelengi Tuhan, tentu labo kebetulan ibas Tahun 2020, tahun pelayanen GBKP eme “MENINGKATKAN KEMAMPUAN WARGA BKP DALAM PENGELOLAAN INFORMASI DAN KETERAMPILAN DALAM PENGGUNAAN TEKHNOLOGI INFORMASI”. Emaka mulai Bulan Januari tahun 2020 kegiaten GBKP mulai tingkat Moderamen, Klasis, Runggun, kerina erlumba erbahan seminar tentang Tekhnologi Informasi.

 

·           Emaka Dungkenca  kerina tingkat Moderamen, Klasis, Runggun erbahan seminar-seminar tentang tekhnologi Informasi dan penggunaannya ibas Bulan Februari, emaka Bulan Maret Minggu ke-3 tahun 2020 lanai kita banci beribadah ibas Gedung Gereja erkiteken pandemic Covid-19 nderpa Indonesia.

 

·           Tapi erkiteken arah seminar-seminar ras persiapen-persiapen si enggo ilakoken erbahansa kerina kegiaten gerejanta ibas Tahun 2020 ibas masa pandemic, lalit sada pe la terlaksana aminna gia dalam bentuk si berbeda. Bahken Tahun 2020 banci itutup alu perayaan Natal si penuh dengan hikmat ras nyata ibas nehken kekelengen alu aksi natal ku bidang pelayanan GBKP eme, Rumah singgah Narkoba ras HIV AIDS, YAYASAN PENYANDANG CACAT ALFA OMEGA, PANTI ASUHEN GELORA KASIH, PUSAT PELAYANAN ORANG TUA SEJAHTERA YAPOS, termasuk nampati kas Moderamen GBKP. Alu kata sideban, si  amini maka, Tuhan enggo ngaturken ras mpersipaken kita kerina ngadapi situasi Pandemi enda.

 

·           Emaka alu la siarap pe maka tahun pelayanen GBKP ibas tahun 2021 enda eme, GENERASI MUDA MENJADI BERKAT, ternyata enggo me mulai terlaksana arah masa pandemi enda, erkiteken secara umum belang-belang GBKP enda ibas ibadah Live Streaming enggo me idominasi oleh anak-anak PERMATAnta.

 

·           Tapi erkiteken bahan PJJ ta enda isinggung kerna evaluasi, tentu siakui maka melala denga nge siman pekenan ibas kita kerina subuk alat-alat bagepe Sumber Daya Manusia ibas komitmen ras ketekunen ibas ngelai Tuhan. Emaka arah bahan PJJ ta enda mari dage kita erlajar uga arusna ibas pelayanenta banci erbansa Dibata si ermulia arah kerina kecibal kegeluhenta janah labo dirinta.

 

II.                PEBAGESI PENANGKAAN KERNA TEKS

 

·         Kitab Ketangkasen 4 enda nuriken kerna pengenehen Yohanes uga Dibata mbuka pintu Surga janah minter ia idemi Kesah si Badia si erbahansa Yohanes ndatken kesempaten  naksiken kai si la pernah isaksiken manusia. Iidahna sada kursi kinirajaan i Surga janah sekalak kundul ije janah ayoNa ersinalsal bagi permata Jaspis ras permata Sardis janah kursi e ikeleweti benteha (Pelangi) si erbae rupana.

 

·         Yohanes ndatken kesempaten guna ngidah “pintu “surga” janah la hanya ngidah pintu surga tapi pe ia ibereken kesempaten guna bengket ku bas. Lalit ise pe iijinken Dbata ku Surga guna nuriken kai si iidahna  tapi Yohanes ndatken kesematen e. Bahken Yohanes isuruh Dibata bengket kubas janah gelah icidahkenNa man Yohanes kai si bakal terjadi i doni kenca sie.

 

·         Pintu enda ngertiken man banta maka ertina Yohanes ngidah pintu masuk labo pintu ke luar, janah pintu masuk e eme pintu kempak kursi kinirajaan Surga. Adi secara umum manusia ndarami jalan ke luar secara kedagingan entah pe dalan ke luar kempak dosa adi lit perbeben, kiniseran, kepahitan si ialamina, tapi Yohanes ndatken kesempaten bengket kubas pintu kinirajaan Surga e gelah ietehna kai si nandangi terjadi ibas doni.

 

·         Pintu ibukaken man Yohanes ertina Tuhan nikapken pintu si terbuka man banta kerina, emaka kita harus bengket ku bas pintu e janah labo ndarami jalan ke luar secara kedagingen guna ndungi perbeben siihadapi kita. Mungkin banci jadi lit kalak ndarami dalan kelur erkiteken la ia ngasup ngalaken erbage-bage perbeben si reh nderpa ia.

 

·         Bagepe Yohanes ngidah maka isekelewet kursi e lit 24 kursi kinirajaan, janah ibas kursi e kundul 24 pertua-pertua, uisna mbentar janah ipakena mahkota emas. Ikelewet kursi kinirajaan e lit empat mahluk si nggeluh, sada teptep dampar janah si dem mata arah lebe rasa rah pudi.

 

·         Kai si idah Yohanes e situhuna mereken pengertin si luar biasa man kalak si erkiniteken. Empat mahluk e eme symbol sejumlah malaikat Tuhan, dua puluh empat tua-tua e sebagai symbol kalak si erkiniteken. Kai siidah Yohanes e encidahken maka Dibata hadir ras ibas ingan Dibata hadir e lalit ingan nandangi kesombongen, la kita siakap sihebatna, la kita meganjangen rukur (bnd. Yakobus 4:16), erkitekenDibata nandai manusia ras kelemahen-kelemahenna. Janah benteha (Pelangi) siidahna e melambangken perpadanen Dibata bagi perpadanenNa ras Nuh, janah Dibata la pernah la nepati janjiNa.

 

·         Kai siidah Yohanes ibas Surga e ngertiken man banta:

 

1.      Kursi Kinirajan ngataken man banta maka Dibata kundul ikursi kinirajan Dibata si ikeleweti empat mahkluk ras ipuji sebagai pencipta alam semesta.

 

2.      Kursi kinirajan Dibata i Surga ngataken man banta maka Kursi kinirajan Surga e labo kosong janah labo bual tapi memang lit kin kursi kinirajaan Dibata e si i Surga. Dibata mpeseh man kalak si Badia i doni ras menjamin maka Dibata paksana ndahiken rencana-rencana-Na. Dibata erpadan maka Ia merintah kerina tinepaNa arah Yesus Kristus.

 

3.      Yohanes ngidah sinalsal bagi si ipantulken permata Jaspis ras Permata Sardis ngertiken maka Dibata lit ibas terang si la ngasup ise pe ndeherisa.Janah Dibata eme terang janah lalit kegelapen bas Dibata (bnd. 1 Yohanes 1:5).

 

4.      Dibata setia kap janah Dibata mbuka pintu Surga ngataken maka Dibata tetap mbuka dalan man banta ibas kita ngalaken perbebenta.

 

5.      Dua puluh empatna pertua-pertua e menterken mahkotana i lebe-lebe Kursi Kinirajaan Dibata, ngertiken kiniteruken ukur erkiteken mahkota emas e pe labo lit ergana erkiteken Dibata e ngenca patut isembah, janah erkiteken Dibata me si njadiken kerina si nasa lit, janah erkiteken peraten Dibata nge maka kerina e lit dingen nggeluh. (ay.11)

 

III.             PENGKENAINA

 

·         Temata eme DIBATA SI ERMULIA. Ibas Kamus Alkitab 'Kemuliaan' pada umumnya menerjemahkan kata Ibrani kavod yang mengacu kepada kekayaan, kemegahan, atau reputasi (meskipun dlm pengertian terakhir kavod sering diterjemahkan 'kehormatan'). Kemuliaan Israel bukanlah bala tentaranya tapi Yahweh (Yer 2:11). Alu kata sideban Dibata ngenca patut ndatken kerinana termasuk kebayaken, kemegahen, kehormaten.

 

·         Tentu arah bahan PJJ ta enda lanai lit alasenta maka kita la mereken kemuliaan man Tuhan sebab Dibata kap sinjadiken kerina sinasa lit janah erkiteken peraten Dibata nge maka kerina sinasa lit enda lit dingen nggeluh. Bagi tahun 2020 si lewat aminna gia kita lanai banci muji ras permuliaken Tuhan arah kinipulungenta ku gereja bagepe PJJ ibas rumah turang seninanta kerina bage pe aminna gia la kita banci sidahi-dahin sada ras sidebanna, tapi tangkas uga Tuhan nikapken Tekhnologi Informasi bagi sigenduari endagelah banci denga kita muji ras permuliaken Tuhan ibas masa pandemic enda pe.

 

·         Emaka tetaplah sidukung terus anak-anakta Permata ras KA-KR ibas muji ras mpermuliaken Tuhan ibas masa pandemi enda alu makeken Tekhnologi Informasi si enggo lit. Janah selaku anak-anak Permata si selama enda enggo ikut mendukung perdalinen kegiaten gerejanta alu makeken Tekhnologi Informsi si enggo lit, tetaplah semangat ras setia ibas mpermuliaken Tuhan alu talenta si lit ibas kita.

 

·         Tentu pasti nge lit kekurangen-kekurangen ras tantangen bagepe kinilapuasenta ibas mpermuliaken Tuhan ibas masa pandemic enda, tapi ula e erbahansa urak semangatta guna mpermuliaken gelar Tuhan. Bagi kai siituriken man banta arah bahan PJJ ta enda, bahwa ibas kita ngalaken kerina perbeben sinihadapi kita bas doni enda, Dibata enggo mbukaken pintu man banta janah enggo mbuka ken dalan man banta gelah kita banci ndatken serpang pulah ibas kerina perbebenta.

 

·         Emaka ibas masa pandemi enda pe marilah tetap kita kerina setia ersembah man Tuhan, tetaplah kita kerina setia ertoto man Dibata, ras marilah kita kerina tetap erpengarapen man Dibata sebab tek kita maka Tuhan mbuka ndalan man banta ibas ngalaken kerina perbebenta. Tetaplah bereken kemulian man Tuhan ibas siugapana pe arah keterlibatenta muji ras permuliaken Dibata, sebab Dibata kap sinjadiken kerina si nasa lit, janah erdandanken PeratenNa nge maka kerina e lit dingen nggeluh. Amin

 

 

 

Pdt. Jaya Abadi Tarigan, M. Th

 

GBKP Runggun Bandung Pusat

 

 

Ogen   : Masmur 127:3-5

 

Tema   : Anak eme pemere Dibata

 

Tujun   : Gelah Moria meteh :

 

·         Maka anak eme pemere Dibata Labo bekas kebeluhen manusia

 

·         Ngergai anak selaku pemere Dibata si mbelin ibas geluhna

 

Moria kekelengen Tuhan, ibas geluhndu kai nge si paling meherga iakapndu? Rumah, pendahin, taneh si mbelang, sen si melala ibas bank ntah anak ibas jabu?

 

Mari siperdiateken Mazmur 127:3 i katakenna maka situhuna Tuhan ka psi mereken anak-anak e, pasu-pasu Tuhan kap e. Anak merupaken pasu-pasu si I bereken Dibata. Dibata mempercayakan anak kepada manusia. Emaka kai si enggo i bereken Dibata e harus i pertanggung jawabken. Uga carana mempertangggungjawabken? alu nekolahken anak, alu mengembangkan pendidikanna, aspek sosial, kebutuhan kasih sayang,  Kesehatan fisik, mental dan spiritualna. Uga nge keseriusenta kerna kebutuhen si anak? Jadi ula heran adi anak kurang bagi ukurta, gutul, La terkataken, kurang mehamat. Perlu si renungken Ija nge salah lepak ras kuga mpekenasa? Mari ras kita erlajar kerna kata Dibata.

 

Ibas Masmur 127: 3 ikatakaken maka situhuna  anak-anak eme pasu-pasu arah Dibata ras anak-anak eme pemere Dibata (Dibata si empuna) emaka piga2 hal si jadi pemikiren kita selaku moria:

 

1.      Orang tua tek man Dibata maka Dibata nikapken bekal ras kesejahteraan ibas geluhna

2.      Orangtua harus menghargai anak sebagai pemberian yang suci  si i percayakan  Tuhan man orangtua sehingga mereka harus meberi perhatian, kasih sayang dan bertanggungjawab dalam mendidik dan membesarkan anak-anak

3.      Orang tua akan terus melatih anak gelah nggeluh mehamat ras erkemalangen man Dibata

4.      Orangtua terus kontak ras melibatkan Tuhan (berkonsultasi) dengan TUHAN tentang anak-anak mereka

5.      Orangtua tidak mengeluh dan rela Ketika Tuhan memanggil anak2  si enggo percayakenna man orangtua. Erkiteken labo kita si empuna tapi anak-anak eme si kerajangen TUHAN DIBATA

 

Anak-anak adi i latih ras i pebelin/mendidik ibas sikap si benar, ia erkemalangen man Dibata tentu lit ulihna pagi si dat ibas waktuna eme:

 

1.      Anak-anak erbahan senang orangtua ras meriah akapna erkiteken anak-anak bertumbuh dengan baik

2.      Ibas pusuh anak-anak tertanam dan terpatri kerna kebijaksanaan dan didikan orangtua. Orangtua menjadi model dan teladan anak-anak

3.      Anak-anak e pe banci pagi terus menyayangi ras peduli man orangtua aminna pe nggo lansia/saitun, anak-anak tetap mehamat ras encidahken keleng ate kempak nande bapana.

 

Ibas Masmur 127:4 ikataken maka anak-anak e bali kap ras anak panah ibas tan si Mbisa maksudna eme anak lahir ibas paksa umur nguda denga orangtua membentuk dan akan senang jika anak panah melesat kencang dan mencapai sasaran (tepat pada tujuan). Bageme orangtua mengarahkan, mendidik anak seh ia mandiri dan dewasa. Anak-anak akan mencapai tujuan benar di dalam hidupnya jika orangtua melatih sejak dini dan melibatkan Tuhan didalam prosesnya.

 

Sebagai penutup ibas pasal enda kai dage tole si dat ulihna adi si ajari, si arak- arak, silatih anakta? Masmur 127:5 ikataken maka Sangap kap kalak si melala anak panah (anak-anak si mbiar ras erkemalangen man Dibata) ia me kinihagaan, kebanggaan orangtuana. Ndigan pe La tertaluken menggambarken anak e Tangguh ras megegeh amin pe musuh-musuhna (persoalen, pergumulan, godaan dunia, rsd) reh ku hadapenna La ia talu. Lanai aru ateta adi anakta si lepas mandiri sebab nggo sikap perbekalenna sibahan.

 

Emaka orangtua terkhusus moria kekelengen Tuhan maka  si ingetlah kai tujun PA nta wari enda eme anak e pemere Dibata Labo bekas kebeluhen manusia. Emaka orangtua La banci sesua hati memperlakukan anak-anaknya,  perlu si didik ia alu mehuli ras bertanggungjawab ibas kiniteken, moralna bagepe ibas pendidikan formalna janah kita ngergai anak selaku pemere Dibata si mbelin ibas geluhna. Ula sia-siaken waktu si lit ibas kita. Marilah kita mendidik anak-anakta jadi anak si bertanggung jawab, erkineteken, erkekelengen ras dem kepentaren.  

 

                                  Pdt. Rosliana Br Sinulingga, M.Si

 

                             GBKP Runggun Bumi Anggrek