Suplemen PA Moria : Kejadin 41 : 53-57 : Tgl 24-30 Januari 2021

 

Ogen   : Kejadin 41:53-57

 

Tema   : Ulih Kalak Si Terpenalem

 

Tujun   :

 

• Ngangkai ulih ras ngusih pendahin ras perukuren Jusuf

 

• Ngasup Ngargari diri ibas dalanken kata Dibata ibas 5 tahun

 

Penjelasan

 

Ibas pertemuan PA sendah, ope kita bengket kubas nats/ogen sidatas, perlu kita erlajar  arah kuga  perdalanen kegeluhen sekalak tokoh Alkitab eme Jusuf. Uga sedekah ia nggeluh tuhu-tuhu teridah  ia erkemalangen man TUHAN DIBATA, pembentukan karakter ras datken ulih tentuna butuh waktu ras proses singgedang. Adi erlajar kita arah Jusuf piga-piga hal eme:

 

Ia sekalak ibas keluarga permakan, ia anak singuda janah bapakna seh atena kelengna man Jusuf. Emaka turah cian/ cemburu ibas ukur senina-seninana. Sanga senina-senina  mpermakani biri-biri, bapakna nuruh Jusuf dahi senina Sikhem tapi enggo kepeken berkat ku Dotan emaka i dahina ku Dotan ,  tapi senina-seninana enggo ersadah arih  gelah Jusuf ibunu. Tap abangna Ruben ngataken gelah ola ibunuh tapi masukken aja ku sumur si kerah. Sanga ia man kerina, I idahna kalak Ismael, emaka i dayakenna Jusuf ku kalak Ismael ergana 20 keping pirak. Baba bangsa Ismael ku Mesir.  Kejadin 37). Kenca bage Jusuf jadi pelayan Potifar, erdahin alu mehuli ras jujur, emaka ngena ate ndehara Potifar man bana. I fitnah ia, ikataken maka Jusuf atena guna mpedemi ndehara Potifar. Padahal La bage. Singkat cerita Jusuf i penjara. La ia erbalas. I dalankenna kerina alu tetap erpengendes man TUHAN. Ibas penjara pe mehuli perbahanenna rembak ia ku Dibata, tetap ia tek man Dibata seh kepala penjara pe tek ras mereken tanggungjawabna guna i dahiken Jusuf.

 

Ibas sada waktu, Jusuf ngasup ngertiken nipi si kalak ibas penjara ras kerina bali si terjadi bagi si kataken Jusuf. Bagepe Raja Mesir ernipi, La ise pe ngasup ngantusi nipi e. emaka lit si ngatakenca maka Jusuf ngasup ngertiken nipe. Emaka I dilo ia ku istana Raja, guna menjelasken nipi e eme 7 lembu mejile ras mbur ndarat ibas lau Nil janah nggagat ia. Kenca bage ndaratka 7 lembu sikertang kertut (sangat kurus) tempa-tempa tading tulan ngenca. I pangani lembu si kertang kertut ndai lembu sim bur ndai she keri.  Janah ernipi ka si peduaken makai dah raja 7 ruhi page perngis, turah ibas sada enkebena. Bagepe turah 7 ruhi page si lambang ras melus i embusken angin si melas. Emaka I pan page si lambang page si perngis. La ise pe ngasup ngantusi nipi e kecuali Jusuf.

 

Jusuf ngerana Labo terantusi aku Raja, tapi Dibata banci mereken antusen si mehuli ( Jusuf la mengandalken pemikirenna tapi tetap ia erpengendes man Dibata). Ia ngertiken maka 7 lembu mbur ras 7 ruhi page perngis eme 7 tahun pagi bangsa Mesir mengalami kelimpahan dan makanan berlimpah ruah (riba-iba pangan ) I belang -belang mesir.

 

Ras 7 lembu si kertang ras tading tulan bagepe 7 page perngis ras melus lambang kelaparan (kelihen si mesangat). Erkiteken bagenda akan terjadi emaka ipili Raja sekalak si bertanggungjawab guna ndalanken ras nikapken bangsa enda. Ipilih me Jusuf sebagai wakil Raja guna ngaturkenca.

 

Ibas Kejadin 41:42 ije si idah ulih latih (proses kegeluhen si menyakitken tapi Jusuf terus maju ras La putus asa) i angkatna Jusuf jadi wakil Raja I belang-belang Mesir, itangtangi Raja cincin stemple kerajaanna, jenari i tamaken ku jari-jari Jusuf. I pakeken man Jusuf baju simejilena kal, janah i buraken man Jusuf bura emas. Ibereken gereta emas. Bagepe ras pengawal-pengawal ibereken kerina man Jusuf

 

Bengket kita kubas pengogenta sendah maka seh me bangsa Mesir ngenanami kelihen selama 7 tahun, tapi erkiteken kepentaren si ibereken Dibata man Jusuf emaka banci tercukupi kerina pangan man kerina rakyat bagepe bangsa si deban reh ku Mesir guna nukur pangan termasuk pe keluarga Jusuf i Israel nari nukur pangan erkiteken kelihen si mesangat. Erkiteken bias persikapen ras lumbung page maka kerina jelma terselamatken arah kelihen nari.

 

Jadi moria kekelengen Tuhan, kai antusen man banta:

 

1.      Jusuf kalak si mbiar ras erkemalangen man Dibata ibas sepanjang nggeluhna. Ia mengandalkan Tuhan. Labo gegeh ras pemetehna i andalkenna. Dibata tetap jadi nomor sada bas geluhna. Tentu Moria pe harusna bage, Mbiar ras erkemalangen man Dibata,  kurangi jungut-jungut, hilangkan pikiran negative,  mulailah sungkun Dibata, ernalem kita ku Dibata adi lit perbeben ntah situasi si  La bagi ukurta.

 

2.      Jusuf dem kekelengen ras pengampunan. Aminna nggo i sakiti, tapi La ia melawan ras erbalas. Tetap kelengina ras i ampunina kesalahen-kesalahen kalak si enggo ersalah man bana. Kita pe moria bage, nggit kita engkelengi anak, perbulangenta, ras kalak sideban, terlebih nggit pe kita ngampuni kesalahan anak-anakta, perbulangenta, teman kantorta, teman sepelayanen/gereja rsd. Ula nari simpan dendam si banci jadi akar pahit dan menutup berkat Tuhan bagi kita.

 

3.      Jusuf sekalak si bertanggung jawab ibas dahin ras kegeluhenna. Dahikenna dahinna alu mehuli. Moriape bage, bertanggung jawab kita ndahiken dahin ta selaku nande khususna tahun enda kita masuk program Pemuda generasi membawa berkat. Uga kita mendidik anak-anakta gelah jadi pasu-pasu Labo jadi palu-palu. Kita perlu  belajar arah kegeluhen Jusuf enda

 

4.      Jusuf  kalak si terpenalem dat ulih si luar biasa. Ia iangkat jadi wakil Raja (orang no 2 dikerajaan) ras kerina jabaten, kuasa ras hakna ibereken Raja kerina (Raja mereken cincin stempel kerajaanna, jenari i tamaken ku jari-jari Jusuf. I pakeken man Jusuf baju simejilena kal, janah i buraken man Jusuf bura emas. Ibereken gereta emas bagepe pengawal-pengawalna. Kita pe bage tentu si dat ulih latihta ibas dalani nggeluh ras Dibata, tek kita pe i pasu-pasu Dibata. Memang nggeluhta enda La siangka maun-maun senang. Lain waktu susah. Tapi kai gia si jadi tetap mengandalkan Tuhan, megenggeng ibas kiniteken man TUhan Yesus. Perlu kita melewati proses si usur menyakitkan. Tapi teklah ibas masana pagi si dat ulih si mehulina si isikapken Dibata man banta. Teruslah TEK.

 

5.      Mari si gargari dirinta masing-masing selama 5 tahun enda, kuga nge kinitekenta, pendahinta? Bage-bage saja, reh warina reh kurangna , reh dekahna reh dauhna ras Dibata, atau reh warina Reh paguhna kita erkiniteken man TUHAN reh ngasupna kita bertanggungjawab ibas dahin? Mari si refleksiken ras-ras ibas ukurta. Tuhan simasum-masu kita kerina.

 

  Pdt. Rosliama Br Sinulingga, M.Si

 

GBKP Runggun Bumi Anggrek