Ogen  : Perbahanen Rasul-Rasul 21: 7-11

Tema  : NURSURKEN KINITEKEN

Tujun  : 1. Meteh maka Pilipus nursurken kinitekenna man anak-anakna

          2. Nursurken kiniteken man anak-anakna dingen jadi usihen

Arah ogen banci siidah piga-piga poin:

1) Pilipus eme sekalak ibas pitu kalak diaken si ipilih guna nampati rasul-rasul (Perb Rasul 6: 1-7). Ibas masa e perlu ipilih 7 kalak erkiteken rasul-rasul enggo dat kritik ibas kurang sikapna pembagin diakoni (pangan man diberu mbalu). Banci ikataken rasul-rasul enggo kewalahan ibas ndahiken dahin e sebab lit denga dahin si utama eme meritaken kata Dibata. Emaka 7 kalak si terpilih e me si ngelakoken dahin ngelaken pangan si tep-tep wari man kalak si membutuhken. Salah sadana eme Pilipus. Adi Pilipus terpilih jadi diaken i tengah-tengah perpulungen Kristen enda, berarti ia memenuhi syarat si ibereken rasul si sepuluhdua eme: kalak mehuli, dem alu Kesah si Badia, ras pentar. Dahin ngelaken pangan tempa sederhana, tapi tetap iperluken kalak si erkualitas guna nehkenca. Ras teridah ka hasilna ibas enggo litna diaken-diaken si 7 kalak. Kenca Pilipus ras kerina diaken nampati dahin rasul-rasul, reh mbarna kata Dibata dingen ertambahna kalak si tek i Jerusalem.

Mari si renungken: Ibas kita muat bagin pelayanen i tengah-tengah Runggun/Sektorta, teridah nge hasilna ibas kemajun gerejanta?

2) Arah bahan PA Perbahanen Rasul 21: 7-11 banci si idah, ibas perdalanen Rasul Paulus ras teman-temanna dari kota ke kota, seh me ia i kuta Kesarea. Paksa si e Pilipus ras keluargana lanai i Jerusalem tapi enggo tading i Kesarea. Ibas kunjungen e teridah lit peranan Pilipus nampati pelayanen eme ibas menyediaken akomodasi selama piga-piga wari. Tentu Pilipus ermeriah ukur ngalo-ngalo Tim PI Rasul-rasul enda i rumahna gelah banci tersampati dahin meritaken berita si meriah enda.

Mari si renungken: Meriah nge ukurta adi lit kesempaten bas kita nampati dahin pelayanen nehken kata Dibata alu memfasilitasi (transportasi, akomodasi, konsumsi) serayan Tuhan/Tim PI si ndahikenca?

3) Perb.21:8 mere keterangen: dahin Pilipus meritaken Berita si Meriah. Pelayanen Pilipus ibenaken ibas ngelaken pangan, seh maka ia enggo jadi sekalak perberita Si Meriah ka, bali ras si idahiken rasul-rasul. Mungkin ibas kuta Kesarea lanai lit aksi ngelaken pangan tiap wari man kalak mbalu ras kerina si memerluken bagi sanga i Jerusalem. Tapi Pilipus la ngadi ibas pelayanen. Justru ia semakin berkembang, yang tadinya di belakang meja, gundari enggo pang erberita. Jiwa pelayanan itu sudah tertanam dalam diri Pilipus. Kesah si Badia si ndemi ia, mereken kengasupen man Pilipus guna ndahikenca.

Mari si renungken: Enggo nge kita ernalem man kuasa Kesah Si Badia ibas ndahiken pelayanenta?

4) Lit empat anak Pilipus singuda-nguda si enggo biasa ernubuat. Tentu labo erkiteken pengajaren Pilipus maka anakna singuda-nguda denga pe enggo biasa ernubuat. E pemere ibas Dibata nari. Terjemahen Bahasa Indonesia ngatakenca: beroleh karunia untuk bernubuat. Karunia ernubuat labo pemere manusia, tapi pemere Dibata. Tetapi keberhasilan Pilipus eme mabai anak-anakna nandai Dibata alu payo. Arah pengajaren Pilipus selaku orang tua, mpeturah kiniteken anakna. Banci ikataken Pilipus enggo “nursurken kiniteken” bahkan nursurken semangat melayani Tuhan man kesusurenna. Anak-anakna singuda-nguda denga enggo ipake Tuhan secara luar biasa alu pemere ernubuat. Selaku serayan Tuhan, Pilipus erberita man kalak si lenga tek man Yesus. Selaku orang tua, Pilipus erberita man keluargana. Pilipus la hanya sibuk pelayanan di jemaat, tapi banci seimbangkenna ras pelayanen man keluargana. Teridah buahna ibas anak-anak si empat kalak enda.

Mari si renungken: Enggo kin kita erberita man isi jabuta khususna anak-anakta?

Aplikasi ibas kegeluhen terkait ras tema “Nursurken Kiniteken”:

1. Selaku orang tua, Moria (raduken ras Mamre) la ngenca bertanggung jawab ibas nikapken hal-hal si berbentuk fisik man anak. Lit zaman gundari orang tua pekeri gegeh guna nikapken tabungan pendidikan, asuransi kesehatan, rumah dan tanah, investasi dan lain sebagainya demi jaminan kesejahteraan hidup anak di masa depan. Enggo melala tading-tadingen. Tapi urusan kiniteken, dianggap tanggung jawab gereja. Ipercayaken man Guru KA/KR ras Pendeta ngenca. Enda kurang tepat. Pertumbuhan iman anak pun adalah tanggung jawab orangtua. Moria harus jadi usihen anak-anak ibas erkiniteken. Jadilah contoh yang baik. Jangan hanya mewariskan harta, wariskanlah iman kepada Tuhan Yesus untuk anak-anak kita. Itu adalah warisan yang tidak ternilai harganya.

2. Mengerjakan pekerjaan Tuhan tidak boleh menjadi alasan untuk mengesampingkan keluarga. Sebaliknya, meninggalkan tugas pelayanan dengan alasan mengutamakan keluarga pun kurang bertanggung jawab. Keduanya harus seimbang. Kita harus berhikmat dalam membagi waktu. Janganlah salah satunya dikorbankan karena mengutamakan yang lain. Justru keluarga sebaiknya juga terlibat dalam pekerjaan Tuhan. Mari teladani Filipus dan anak-anaknya. Misalnya keluarga Pertua/Diaken, maka Nora, Naras dan anak-anak pun haruslah terlibat aktif dalam pelayanan di gereja, sesuai porsinya masing-masing. Banyak keluarga yang serumah tapi tidak sefrekuensi dalam beribadah, bahkan ada yang berbeda denominasi gereja. Alangkah indahnya jika satu keluarga sama-sama bersehati melayani di gereja (jemaat) yang sama.

Pdt. Yohana Samuelin br Ginting

GBKP Rg.Samarinda

Nats   : Kejadian 6 : 5 – 8

Asum idah TUHAN uga jahatna manusia ndai i doni, janah uga macikna perukurenna katawari pe, emaka erkadiola Ia njadiken manusia ras namakenca i doni enda. Perbahan erkadiola kal Ia emaka nina TUHAN, "Kusasapkenlah manusia si nggo Kujadiken e, bage pe kerina rubia-rubia ras perik-perik, sabap erkadiola Aku njadikenca kerina." Tapi Nuah ngena ate TUHAN.

Tema  : “Tuhan ngidah kejahaten manusia”

Arah Bahan Pjj-nta Minggu enda icidahken 3 Biak ras kuasa Dibata;

1.   Dibata Erkadiola

...Barangkali di sana ada jawabnya
Mengapa di tanahku terjadi bencana

Mungkin Tuhan mulai bosan melihat tingkah kita
Yang selalu salah dan bangga dengan dosa-dosa
Atau alam mulai enggan bersahabat dengan…

Enda sada bagin syair lagu “Berita Kepada Kawan”(Ebiet G.Ade)

Kata Bosan iakap kami sejajar ras kata “Erkadiola” (menyesal) rikutken bahan Pjj-nta enda. Dibata bosan tah menyesal erkiteken pengelako manusia sila sitik pe bagi ukur Dibata, manusia jahat,macik perukurenna katawari pe (Kej.6:5).

Pustaka siBadia megati make  bahasa Anthropomorphism (bahasa yang menggambarkan Allah seakan-akan Ia adalah manusia) dan Anthropopathy (bahasa yang menggambarkan Allah dengan perasaan-perasaan manusia.

Piga-piga ayat ibas pustaka sibadia encidahken Dibata Erkadiola : Kej 6:6-7; Kel 32:14; I Sam 15:11; II Sam24:16; Jer 18:7,8; 26:13,19; Jun 3:10). Bagepe ibas bagin sideban isingetken maka Dibata labo pernah sambar ukurna, perguak, labo pernah mobah ibas padanNa, Labo ia erkadiola(bdg. Bil 23:19; I Sam 15:29; Jer 4:28; Mas132:11)

Pesan kata Dibata erkadiola ijenda eme: Maka Dibata tuhu-tuhu ciga kal atena nandangi perbahanen sila menuhi, Nembah kal ate Dibata nandangi dosa si engkuasai manusia. Alu bage perlu sirenungken sekalak-sekalak: “ Lalah ndia perbahanenku megati erbahanca Dibata erkadiola...???

2.   Dibata ngidah keberadanta sikugapana pe

Labo terbuniken tep-tep perbahanen silamehuli, bicara sicubaken pe mbunikenca e pas bagi “percebuni Belkih”. I ayak-ayak perburu ia, kiam ia, jumpa peren peren, surukkenna takalna ku peren ndai, payo kai pe lanai idahna, tapi perburu ndai tangkas idahna belkih e.

Lit ka pe kalak ibunikenna dosana alu erbahan simehuli(Lebih pas kata “erbahan simehuli” ijenda eme pura-pura erbahan simehuli). E desken : Kotor manuk ibas sadaguni erkiteken mbau, isemprot alu minak wangi, kentisik payo merim tapi la ndekahsa teranggeh ka nge bauna.

Pesan kata Dibata ijenda eme : Dikune salah lepak perbahanenta labo man daramen ingan cebuni, tahitutu-tutupitapi, mari! lalit dalan sideban selain aku-ken jenari Robah.

3.   Dibata erngena ate man Nuah.

Ibas kerina manusia sijahat, simacikkal ukurna katawaripe, lit denga kepe manusia simehuli. Ibas zamanna Nuah ngenca mehuli, Janah lalit kesalahenna, Ia erdalan ibas dalan Dibata(Kej.6:10). Pernyataan Dibata erngena ate man Nuah, labo hanya sekedar pernyataan tah pujin, tapi lebih asa sie bahwa arah litna denga kalak mehuli Dibata “mbatalken” sura-suraNa guna engkernepken doni ras isina. Payo tuhu Dibata perehken banjir tapi banjir e la engkernepken manusia , doni ras isina. Banjir e hanyaencidahkenkugarawanaDibatanandangiperbahanenmanusiasilamehuli.

Sipat Dibata teridah maka ibas rawaNa, ibas ukumen sinisehkenNa pe teridah teridah keleng ateNa sila erkeri-kerin.

Pesan kata Dibata ijenda eme : Erkiteken kita kalak sindalanken singena ate Dibata, maka Dibata la sahun “engkernepkep” doni enda. Ula sebalikna erkiteken kita erbahanca kernep doni enda, jadi ras isina.

Pdt.IGM – GBKP Rg.Pondok Gede

Ogen           : Heber 12:9-11

Tema          : NEHKEN PENGAJAREN SI ERBAHANCA MALEM ATE.

PERLEBE

Lit istilah si rusur ibelasken eme : Long Life Education, Belajar sepanjang kehidupan manusia. Ungkapen enda ngataken maka erlajar e labo pernah ngadi, tapi terus menerus segedang kegeluhenta. Tujun erlajar eme guna ndatken pemeteh si ngerehken kemalemen ate ibas kegeluhen manusia. Kalak si kisat erlajar ikataken kalak lenge ulihna banci ketadingen ibas kerina dampar kegeluhenna. Ibas PA Mamre ta enda, kita ipersingeti segelah tetap merincuh erlajar ras ngajari anak-anakta, labo hanya kerna pemeteh-pemeteh intelektual tapi erlajar kerna kepentaren Dibaata. Sebab arah kepentaren Dibata nge banci turah kemalemen ate si tuhu-tuhu ibas kegeluhenta.

BIMBINGEN TEKS.

Kitab Heber, eme kitab si isuratken man kerina kalak kristen si  merap marpar ibas belang-belang doni si sangana ngenanami erbage-bage kiniseran erkiteken kiniteken man Kristus. Tujun surat enda segelah perpulungen kalak Kristen tetap memegeh ras ngasup ngalaken perbeben alu tetap ncikep kinitekenna alu paguh. Palas PA ta enda ngingetken perpulungen guna ngertiken/memaknai maka kerina situasi sinialaken anak-anak Tuhan ibas kegeluhenna eme bagin proses pengajaren Dibata man kerina tinepaNa. Pengajaren Dibata e desken pengajaren sekalak bapa si disiplin nehken pengajaren man anak-anakna, ibas proses erlajar e megati anak-anak la ermeriah ukur ngaloken pengajaren e erkiteken kedisiplinen bapana, tapi ulihna ngerehken keriahen ukur ras kemalemen ate.

Enda me jadi palas man banta selaku orang tua ibas ndalanken tugas ras tanggungjawab ibas nehken pengajaren man anak-anakta, megati kita pe harus tegas ibas nehken pengajaren e, bahkan ibas kitab  Kuan-kuanen 13:24, make tongkat ras perligas ibas ngajarken anak, tapi ilakoken  erpalasken keadilen ras ibas paksa si payo, ola erpalasken emosional/gelap mata, harus tetap erpalasken keleng ate Dibata. Ciken ras perligas ibas kitab Kuan-kuanen enda ula hanya simaknai secara hurufiah, tapi banci si ertiken, melalui sanksi, misalnya la banci ndarat i rumah nari dikune anak e lupa waktu erkiteken gawah-gawah, la ibereken sen mingguan, erkiteken la ertanggungjawab ibas makeken duit, rsd.

REFLEKSI

Melala cara Dibata ibas nehken pengajaren man banta, banci saja sijumpai situasi si la bagi ukurta, turah persoalan mberat sinialaken kita, pinakit, rsd. Dibata labo pernah ersura-sura guna ngerancang/ngerehken si lamehuli man anak-anakNa, Sie kerina banci saja erkiteken dosa ras kesalahenta, ras kerina e banci sialoken erkiteken iijinken Dibata. Labo berarti Dibata la erkeleng ate man banta, ola minter kita nalahken Tuhan, tapi sievaluasilah dirinta, adi sijumpai kekurangen mis kita nggit robah ras ola nari erbahan si la mehuli si la ngena ate Dibata. Situasi Perbeben  eme keleng ate Dibata guna mpelimbarui gegeh ras kinitekenta seh maka kita reh dewasana ibas erkiniteken ras erpengarapen man bana.

Kita selaku orangtua pe tetap erlajar ras nehken pengajaren man anak-anakta alu la erngadi-ngadi, pengajaren intelektual ras spiritual harus tetap sisuanken man anak-anakta, segelah anak-anak e meteh mehuli ras pentar ibas kegeluhennta.  Megati orangtua berjuang segelah anak-anak ndatken pendidikan ibas sekolah si  berkualitas saja, tapi lupa kerna pendidikan spiritualitas, padahal pendidikan spiritualitas nge si erbahanca anak-anak e ndatken kesuksesan ras banci iarapken guna jadi penerus keluarga, gereja ras bangsa.

Pdt  Togu  Persadaan Ginting Munthe

GBKP – Rg  Cililitan