Ogen    : Efesus 5:15-17
Tema    : Makeken waktu alu mehuli

1. Budaya kerja keras si pertamakal ikataken Dibata man Dilaki kenca ia ndabuh kubas dosa : perban ibegikendu diberundu, janah ipanndu buah batang kayu si Kularang, emaka kena sumpah taneh enda erkiteken kam. Terpakasa igegehi kam latih erdahin ngusahai kidekah geluhndu, gelah banci ibereken cukup nakanndu (Kej. 3:17). Terpaksa I gegehi kam erdahin alu cur-cur panas gelah taneh enda banci mereken hasil man bandu seh kam mulih ku taneh (Kej. 3:19). Arah enda maka kerina kita perbapan/Mamre lalit dalanta nilah, sebab enggo kin ipadanken man manusia erdahin alu megegeh guna memenuhi kerina kebutuhennta ibas doni enda. Sebab nina rasul Paulus : kalak si la nggit erdahin ola bere man (II Tes 3:10). Alu tegas maka kalak si enggo ngaloken Kristus arus erdahin, sebab arah erdahin maka banci dat nakan, emaka adi lalit nakan kai pan.

2.    Waktu eme pemere Dibata, enggo iberekenNa 1 minggu 7 wari, 1 wari 1 berngi 24 jam. Emaka 6 wari erdahin 1 wari igunaken untuk memuliaken Tuhan. Adi budaya makeken waktu eme 24 ibagi 3 eme 8 jam erdahin, 8 jam untuk bersosial ras keluarga bagepe kalak sideban, janah 8 jam istirahat. Emaka waktu erdahin, erdahin alu tutus, waktu sosial sipakeken alu mehuli misalna : kegiatan Gereja, budaya ras keluarga, waktu istirahat, istirahatlah kita. Kita nge ngatur waktu, labo waktu ngatur kita. Tapi melala kel kita jadi korban la nggunaken waktu alu mehuli. Emaka sia-sia saja waktu e berlalu alu percuma. Cubaken siperdiateken kutanta Sumatera Utara, ija lit ije kalak karo, kedai kopi lalap lit pengunjungna, siparahna banci papan catur piga-piga lit I kede, 2 si main catur 5 sindedah, kerina jadi korban. Kedai kopi e mulai senin seh ka  senin, suari berngi bahkan 24 jam lalap lit penghunina.
Apakah lanai lit dahin siman dahin?? Atau enggo jore kerina baban geluh..? arah kejadin enda lenga kita memanfaatkan waktu alu mehuli, sementara nina seninanta kalah Eropa “waktu itu adalah uang, siapa yang menyia-nyiakan waktu maka banyak peluang sukses dilewatkan begitu saja”

3.    I awali Paulus alu negasken perdiatekenlah lagu langkahndu, ola kam bagi kalak motu, tapi bagi kalak motu, tapi bagi kalak pentar min. keras kal enda merupakan teguran  sbab idahna maka sienggo ngaloken Kristus la jadi teladan ibas nggunaken waktu, emaka icapna kalak motu. Payo kin sebab kerina kalak si enggo ngaloken Kristus si enggo tehna  apai semehuli apai si lang. Emaka  harus terus menerus mperdiateken lagu langkah khusus ibas makeken waktu. Janah ibas waktu si lit ipergunakenndu mehuli sebab : wari enda lanai mulihken, emaka banlah rusur tandana wari enda gelah si bentasi wari-wari e lit rusur tanda si man ingeten guna kiniulinta ras bagepe kiniulin kalak sideban.
Bagepe kai si ilakoken kita tetap i evaluasi ma erguna nge man Tuhan ras man bangku nandangi kai si kubahan e..?? tentuna adi mehuli tingkatken, adi lang perobahi ku si mehuli.

Pdt. A. Brahmana
081317054961

 

Ogen        : Heber 13:4
Tema       : Ergaken perjabun

 

1. Perjabun eme sakral, janah perjabun eme rencana Tuhan Dibata nandangi manusia. Emaka Ia nge si  mprakarsai perjabun si pemena i Taman Eden (Kej. 1:26-28 ;  Kej.2:18-25)
Adi si nin bas Alkitab Dibata ngerana/runggu eme ibas Ia njadiken manusia (dilaki ras diberu), bagepe Dibata ka nge si masu-masu perjabun si pemena e. Emaka berdasarkan si e maka kita pe nggejapken maka jabu kalak Kristen eme bekasi pemasu-masun Dibata.
Erpalasken pemasu-masun e maka kegeluhennta sebagai jabu harus mengacu ku bas kata Dibata. Sebab adina lanai kita ku bas kata Dibata maka jabu si nai ipasu-pasuNa banci jadi rontok.

 

2. Kitab Heber eme kitab penggembalaan siniisehken man perpulungen si sangana njumpai kiniseran. Tapi isingetken gelah  si nomor sada eme ngergaken perjabun, sebab jabu eme dasar utamata guna menghadapi masa depan si lebih sulit. Tapi adi suami-istri tetap ngergaken jabu maka kerina banci ihadapi kai pe si terjadi.
“kerina kam ngergaken perjabun, hubungen perbulangen ras ndehara ibas perjabun la banci melket. Dibata pagi ngumuk kalak si erlagu langkah la mehuli bagepe si erlua-lua”
Kata la banci melket---bhs.Indonesia Jangan mencemarkan tempat tidur.
Hal enda ma seri nge ras erlua-lua --- sundel dan berzinah. Arah teksta bagepe tema ngergaken perjabun, ngingetken man banta khususna perbapan GBKP gelah si jaga keharmonisen jabunta.
Gundari enda enggo rusur si begi maka la sitik keluarga runtuh akibat la ngergaken perjabun. Emaka  paksa gundari enggo melala kal kita kalak karo kena pinakit HIV-AIDS, khususna kutata Sumatera Utara. Menurut  data maka enggo lebih 700 kasus HIV sinitemuken i Kabupaten Karo, lenga ka Deli Serdang ras Langkat, Dairi, ija lit ije kantong-kantong mukimna kalak Karo. Hal enda kerina eme akibat la ngergaken jabu --- mencemarken tempat tidur. Ija lanai siakap mela megati ganti-ganti pasangen. Emaka ingan-ingan terselubung muncul ijah-ije. Menurut kesehaten HIV-AIDS enda  engkenai jelma eme erkiteken hubungen sex si labo pasangenna si melalana. Guna si e maka man Mamre, inget janji setianta waktu kita ngaloken pemasu-masun i lebe-lebe Dibata ras jemaatNa.

 

3. Ngergaken  perjabun e banci si lakoken eme arah kita :
a.    Satu suami satu istri (Mat.19:5)
b.    Jangan sekalipun mengadakan hubungan sex dengan yang bukan pasanganta (bdk.Ef.5:28,33)
c.    Suami-Istri harus selalu dia, baca firman bersama
d.    Ingat bahwa ganti-ganti pasangan, maut menantimu

e.    Sama-sama mengurus diri baik suami maupun istri, ula lit cakap bagi tua-tuanta nai, adi  enggo lako lanai bo perlu merawat diri
f.    Percantik/perganteng diri dipersembahkan untuk pasangenta
g.    Ciptakan selalu suasana sukacita setiap saat, apalagi di saat jumpa dengan pasangan kita
h.    Jangan kita gunakan MEDSOS mencari-cari teman-teman yang bukan membangun keutuhan jabu. Istilah si gundari CLBK (cinta lama belum kelar)
i.    Ingat maka kalak si erlua-lua iukum Dibata
j.    Inget kai nina Mazmur 63:6a “tupung aku tayang idas ingan medemku, kuinget kam”
Emaka ijapa pe kita si enggo erjabu, adi nangkih kita kuingan medem ras ndehara ntah sisada, inget lebe Dibata, emaka inget pasangenta gelah la si melketi ingan medem (selingkuh).

 

Pdt. A. Brahmana
081317054961

 

Ogen        : Ulangen 7:1-6
Tema        : Okultisme (isu-isu begu ganjang)

Salam,
Pdt. A. Brahmana
081317054961