(PILPRES ras PILEG); BERPARTISIPASI I BAS POLITIK)

Ogen      :  1 Timotius  2 : 1 – 2

Tema     

Ikut Milih Pemimpin

Tujuan    : Gelah Mamre

1.    Sadar dingen ertanggungjabab i bas milih ras ipilih jadi pemimpin

2.    Erpartisipasi aktif i bas pemilihen Presiden ras Legislatif

I.      Kata Penaruh

       Kurang lebih 3 minggu nari seh me kita ku pesta demokrasi 5 tahunen bas negarata. Tepatna bas tanggal 17 April 2019 seh kita ku wari nyoblos ntah pe nyontreng PILPRES ras WAPRES bagepe PILEG secara serentak. Emaka enggo si jemaatken bas gerejata subuk arah PJJ 2 minggu erumput-umput bagepe sekalenda arah PA Mamreta gelah milih kita alu mehuli, payo, dewasa ras cerdas. Asil PEMILU enda seh kal pentingna, seriusna ras kritisna guna masa depan bangsa ras negarata. Sada sora pe seh kal penting ras meherhana. Kita wajib milih bas PEMILU enda secara moral labo secara hukum. Emaka ersikaplah kita kerina lako milih pemimpinta. Si pilihlah rikutken sura-sura Tuhan, si ngena ateNa ras si bujur. Guna mpebagesi pengangkanta kerna temata, marilah erlajar kita arah Kata Dibata.  

II.   Isi/ Tafsiren

Surat 1 Timotius isuratken Paulus man Timotius temanna sada aron lako mberitaken Berita Si Meriah (BSM). Timotius eme sekalak Kristen si nguda denga tapi enggo ipilih Tuhan lako erBSM. Timotius jadi teman ras si nampati rasul Paulus ibas dahinna mpebelangken BSM. Kata Dibata si jadi ogenta sekali enda eme bagin si peduaken ibas surat 1 Timotius si ngerana kerna aturen-aturen kerna perpulungen ras si erdahin (1 Timotius 1:3-3:16). Khusus kerna ayat ogenta eme 1 Timotius 2:1-2 ngerana kerna isi pedah/ nasehat rasul Paulus, pemindonna gelah kalak si tek (perpulungen) nehken sapaat, pemindon, pertoton ras pengataken bujur man Dibata guna kerina manusia; guna kerina raja-raja ras kerina si erkuasa.

Selaku kalak Kristen si payo dingen mehuli, kita idilo ras ipindo guna nehken sapaatta, pertotonta ras pengataken bujurta man Dibata guna kerina manusia, terkhusus pe man pemerentah, pejabat ras kerina si erkuasa. Si eteh ras-ras maka tupung sejahtera kekristenen mula-mula labo sitik singolangi, perlawanen seh pe ku bas kiniseran ras si mesui (persekusi) man gereja. Perbahanen persekusi enda melala ilakoken raja, pemerentah ras si erkuasa. Enggo banci si bayangken adi raja ernembeh ate ras erbahan tindaken jahat enggo tentu kerina pejabatna ras anak buaha iperentahkenna ngelakoken si seri. Si inget uga perbahanen kaisar Nero man kalak Kristen. Ia jine nge si nutung kota Roma, tapi ituduhna (hoaks ia) kalak Kristen nge si ngelakokenca. Seh maka kalak Krsiten rate mesui. Ieteh ras iadapi rasul Paulus hal si bagenda rupana. Amin bage gia, ibas ras arah suratna ipedahkenna gelah perpulungen notoken ras nsapaatken raja-raja ras kerina si erkuasa. Ieteh ras iantusi Paulus bahwa pemerentah  rehna ibas Dibata nari (bdk Roma 13:1,2). Emaka kerina kalak si tek idilo lako patuh man pemerentah. Salah sada bentuk kepatuhen man pemerentah eme arah ndukungsa. Pemerentah si la idukung ras la isampati erbahanca ia la erdolat (la erwibawa), lemah ibas mimpin ras mengelola pemerentahen. Adi pemerentah lemah, murah kal masuk agenda-agenda si terbuni ras jahat bas pihak si deban nari. Arah ndukung pemerentah, pemerentah jadi megegeh, paguh, erdolat ras pentar. Salah sada cara lako ndukung ras nampati pemerentah eme arah ertoto man Dibata. Pemerentah perlu itotoken gelah merentah alu bujur ras adil. Pemerentah perlu toto gelah erpemeteh ras pentar ibas ndalanken pemerintahen. Ibas Padan Sindekah pe si idah kerna si enda. nabi Jeremia nuruh bangsa Israel ertoto ras erdahin guna kiniulin kuta-kuta ija ia ibuang eme i Babel (bdk Jeremia 29:7).

Selain sapaat, toto ras pengataken bujur man Dibata kerna pemerentahta perlu kal kita kerina ikut muat bagin ibas milih pemimpinta arah PEMILU tgl 17 April 2019 enda. Milih pemimpin sue ras sura-sura Dibata tanggungjawabta kap. La ertoto ras terjeng toto ngenca, tapi marilah si bereken sorata ibas milih pemimpinta. Sada sora pe seh kal mehergana.

III.   Aplikasi/ Pengkenaina

1.        Lebih kurang 3 Minggu nari ntah pe 20 wari nari seh me kita ku wari pesta demokrasi negara tepatna tgl 17 April 2019. Ije si pilih me para pemimpinta subuk bas lembaga eksekutif eme presiden ras wakil presiden, bagepe legislatif eme (DPD, DPR, DPRD Tkt 1 ras DPRD Tkt 2 ras kota). Ilakoken me pemilihen secara serentah ibas kerina wilayah Indonesia si 34 provinsi bahken seh ku luar negeri ija lit tading ras erdahin WNI. Ije ibas tanggal e seh me waktuna si pilih mulihi pemimpinta guna periode 5 tahun ku lebe. Selaku warga negara si mehuli la banci kita lepas tanggung-jawab. La banci kita apatis (la erdiate) bas milih kerna pemimpin si iperluken kita guna njawab keperlun jelma si enterem. 

2.        Tema: “Ikut Milih Pemimpin”. Arah tema enda mereken sada pengertin ras gelemen man banta maka kita arus ikut milih. La mehuli adi kita la ikut milih pemimpinta. Kune la kita ikut milih, sorata e terbuang sia-sia. Sorata e pe banci ipake ras isalah gunaken kalak si la mehuli ukurna. La ikut milih ertina la erdiate kerna masa depan bangsa ras negarata. La ikut milih seri ertina nerahken tampuk kepemimpinen man kalak si la mehulina. Sebalikna adi kita ikut milih, terlebih milih alu pentar ras cerdas, kita encidahken tanggungjawabta gelah milih si mehulina ibas calon si lit. Arah kita milih si cidahken tanggungjawab moralta man bangsa ras negarata. Arah kita ikut milih sicidahken maka kita patuh man pemerentahta. Kita ikut muat bagin alu aktif termasuk kerna politik bangsata.

3.        Milih pemimpin la banci bagi nina kuan-kuan “Memilih kucing dalam karung”. Ertina la ieteh ras itandai pemimpin si ipilih e. Ise dat tan e. Milih pemimpin la banci bage. Milih pemimpin arus kepeken iukuri, ipepayo ras isiksiki alu payo dingen mbages. Pemimpin si bujur eme kalak si mehamat ras erkemalangen man Dibata, ngasup mimpin ras kalak, la duit jadi perayaken nggeluhna (la nggit korupsi). Kalak si mbiar man Tuhan nggo tentu kalak bujur. Kebujuren turah erkiteken ia mbiar ras mehamat man Dibata. Pemimpin si bageme si erbahanca bangsa ras negarata la salah pimpin ras salah kelola.

4.        Ula “Salpil” ntah pe “asal pilih” ras “salah pilih”. Gelah ola asal pilih ras salah pilih tentu perlu kal si siksiki calon-calon pemimpinta si man pilihen e. Si ingetlah kai sukat-sukat pemimpin bagi si ikataken Jeteru man kelana Musa. Salah pilih erbahanca tambah persoalen, jadi kiniseran ras keguluten selama 5 tahun (=60 bulan/ 260 Minggu/ 1.825 wari). Arus si tandai alu mbages ras jelas ise man pilihenta e. Ise ia, kai latar belakang, uga ia selama enda bas perjumpanna, erdiatena, perbahanenna ras rakyat. Tole kai parte pengusungna, idelologina ras si debannna.

5.        Selaku warga negara si payo ras mehuli kita ikut ras patutna aktif ibas ngukuri nasib bangsa ras negarata. Erkiteken si e la mehuli kita golput (la milih/ netral). Bas PEMILU enda arus si pastiken gelah ola calon si ianggap kita lebih la mehuli si terpilih. Ertina, arus si pilih si mehulina ibas calon si lit e. Ula si dukung ras si pilih si la bujurna. Nina Franz Magnis-Suseno, “Dalam suatu pemilu, kita tak memilih yang terbaik, melainkan berusaha memastikan yang terburuk jangan terpilih”. Enda me tugasta ras-ras.

Pdt. Juris Tarigan, MTH (GBKP Depok – LA; 081316879945)

BACAAN      : KEJADIN 13 : 1-13

THEMA         : “KEWIRAUSAHAAN (ETERPRENEUR) SI MEREKEN PASU-PASU MAN KALAK SI DEBAN”

·      Memilih adalah bagian yang tidak terhindarkan dalam hidup dan setiap pilihan memiliki dampak, entah besar atau kecil, entah untung atau buntung. Betapa bersyukurnya kita ketika kita membuat pilihan yang tepat, kebahagiaan bukan hanya kita yang merasakan tetapi orang lain juga.

·   Teks Alkitab kita kali ini menceritakan bagaimana Abram dan Lot memilih dan menghadapi resikonya. Kisah ini dimulai ketika Abram, isterinya dan segala kepunyaannya, serta Lot meninggalkan Mesir dan mengembara sampai dekat Betel. Abram dan Lot sama-sama sangat kaya sehingga negeri tidak cukup luas untuk mereka diami bersama-sama. Untuk menghindari perkelahian, Abram segera memutuskan bahwa mereka harus berpisah dan ia meminta Lot agar memilih. Lot memilih lembah Yordan yang terlihat sangat baik (Kejadian 13 :10-11). Abram pun mengalah dan menetap di tanah bagian lainnya di Kanaan.

·  Apa akibat dari pilihan Lot? Pada akhirnya tempat yang dipilih oleh Lot di musnahkan oleh Tuhan yaitu Sodom dan Gomora. Sementara Abram secara kasat mata hanya mendapatkan tanah sisa dan terlihat tidak sebaik lembah Yordan yang banyak airnya, tetapi Abram rela untuk mengalah dan menjauhkan pertengkaran. Kita melihat bahwa justru Tuhan memberikan yang terbaik bagi Abram (Kejadian 13:14,15). Mari kita MAMRE GBKP belajar dari Abram mengandalkan Tuhan sehingga di tanah kering sekalipun, Tuhan mengubah ketiadaan harapan menjadi berkat.

Pdt. Prananta Jaya Ginting Manik, S.Si (Teol.) MM

BACAAN      : EFESUS 1 : 1-6

THEMA         : “KITA IPILIH TUHAN, BUKTIKEN”

·       Bagaimana kita memandang sesama orang percaya? Saudara seiman atau teman gereja? Rasul Paulus menyebut jemaat di Efesus sebagai orang kudus dan orang percaya dalam Kristus Yesus (ayat 1). Ketika orang menerima keselamatan, kasih karunia, damai sejahtera dan seluruh kepenuhan arti keselamatan menjadi pengalaman yang nyata. Itulah keselamatan yang dikerjakan oleh Allah.

·       Bapalah sumber keselamatan. IA memilih dan menciptakan orang percaya sebelum menciptakan alam semesta. Pilihan ini lahir semata-mata dari kasih karuniaNya dan terwujud karena anakNya melakukan karya penyelamatan bagi manusia. Ajaran tentang rencana keselamatan dan pilihan kekal Allah membuat keselamatan bertumpu kepada sesuatu yang pasti dan bukan pada kondisi manusia. Dia memilih dan menganugerahkan keselamatan untuk satu tujuan yaitu agar umat kudus dan tanpa cacat cela (ayat 4), yaitu tidak lagi hidup sia-sia dalam kecemaran dosa karena telah diubah oleh Allah menjadi orang-orang kudus. Maka hidup orang pilihan dan percaya seharusnya mencerminkan kemuliaan Allah yang telah memilih dan memilikinya penuh.

·     Kita adalah anak-anak pilihan Allah masa kini, yang sudah mengalami penebusan dosa oleh pengorbanan Kristus. Dalam hal ini kita bertanggungjawab untuk meninggalkan perilaku cemar. Menerima anugerah Allah menjadikan kita hidup yang serasi dengan kemuliaan Allah. Maka pancarkanlah kemuliaan Allah itu dalam kehidupan kita setiap hari.

Pdt. Prananta Jaya Ginting Manik, S.Si (Teol.) MM