Suplemen PA Mamre tanggal 11-17 Oktober 2015, Ogen Pilipi 3:1-10
1. Pertobaten Paulus labo erkiteken kehendakna, tapi erkiteken pendilo Dibata. Janah Tuhan Yesus mpersiapken ia gelah jadi perberita simeriah, mpertandakan Yesus si enggo keke ibas simate nari bagepe enggo nangkih ku surge. Paulus ipersiapken guna meritaken man bangsa Israel, bangsa-bangsa bagepe raja-raja ras pe ncidahken kerina kiniseran si arus inanamina erkiteken Tuhan (Perb.Rasul 9:15-16).
Erpalasken kai sienggo ipadanken Tuhan Yesus kerna Paulus, maka enggo i wujudkenna ibas diri Paulu, ibas ia meritaken berita simeriah ku kalak Yahudi bagepe si non Yahudi, rikut pe man pemimpin-pemimpin negeri ras ngadapi ahli-ahli Taurat. Erkiteken si e maka Ia rusur kel I penjaraken, sebab la sitik kiniseran siharus ihadapina. Janah man kuta Pilipi end ape ituliskenna ibas penjara nari.
2. Paulus nehken man Perpulungen eme gelah mpertegas sekaligus tole mpertandaken ia ka, gelah ieteh Perpulungen ise situhuna ia nai ras ise ka ia gundari. Sebab la ka sitik kalak nuriken man perpulungen kerna si la payo tentang Paulus. Labo rasul lah, cari keuntungenlah, menyenangkan diri sendirilah, ras macam-macam si i gembar-gemborken kalak tentang ia. Emaka alu tegas ia nuriken man jemaat gelah ula terprovokasi jemaat e, tapi gelah jelas ras sejelas-jelasna. Emaka niana, ngulihisa, berarti enggo me rusur iturikenna ise kin ia, tapi gelah reh jelasna. Emaka nina metengetlah nandangi kalak si ndalanken perbahanen si jahat eme biang (ay.1-2). Janah Paulus pe litnge hakna guna menenangken dirina, bahkan ope dengan ia terpilih enggo kap inanamina kerina kesenangen, kebayaken, kuasa. Tapi sienda kerina enggo iabaikenna erkiteken Yesus enggo iakunia, maka nai ia nggas-gasi Gereja ras la I sunat, la ndalanken undang-undang, tapi sienda kerina sampah. Emaka iakunia maka kerina kerugin, ibandingkenna ras Kristus, emana nina : nai kuapak untung, gundari kinirugin kuakap (ay.7). Luar biasa kal berbalik 180 derajat ia, nadingken biak si ndekah, ndalanken biak simbaru. Aminna gia secara doni kiniseran ras kerugian materi, tapi lanai ikukurina sebab ia berpikir kesenangen surga. Paulus la ndarami selamat (cari selamat) tapi ndarami kesenangen surga.
3. Adi si oge Pilipi 3:1-11 enda ndai, ras sibayangken kuga luar biasana Paulus berbalik dari kesenangen duniawi ku kesenangen surgawi, ia konsiten ndalanken tugasna e aminna gia i penjara. Kuga nge ndia kitaa? Maka megati denga kita cari selamat, kesenangen dunia. Ija lenga kel si idah teridah PA Mamre meningkat , bahkan lit denga kita ngaturken PA sebulan sekali tahpe dua minggu. Bagepe lenga piga PA Mamre ilakoken per sektor, tapi gabungen terus. Epe sipulung la lebih 70 kalak per Runggun. Sementara bas Runggun e lit 200 Mamre, engkai nida?? Bagepe kurang denga siidah Mamre si ikut muat bagin ibas nehken berita simeriah ku kalak si lenga nandai Yesus. Emaka arah temanta sendah ngatak kita Mamre, mari sidarami keselamatan si reh ibas Yesus Kristus nari. Guna si e sitadingken biak-biak si la payo eme : erjudi, ernarkoba, erlagu la mehuli, ermalas-malas erdahin, ersoal ras teman bagepe kalak si deban. Ersoal ras ndehara, ersoal ras teman sada gereja, ersoal ras sangkep nggeluh. Tapi kehadiaran Mamre eme jadi maba si merim. Ijapa pe Mamre, ula kal kita erbahanca ceda si enggo mehuli, tapi pehuli si enggo ceda. Biak-biak ndarami popularitas, ndatken harta, erpalasken duniawi, kerina itentang Paulus. Emaka kit ape harus menolak : Korupsi, sogok, bagepe ndarami dukun/paranormal demi kepopuleran ras sidebanna. Ema radu raslah kita nadingken biak-biak doni enda kerina. Sebab doni enda la menjamin masa depan, adi la kin erpalasken kuasa ras keleng ate Yesus.
