PA MAMRE     : 12 – 18 FRBUARI 2017

Nats                 : Pilipi 3 : 15-17

Tema               :  Aku Mamre si man usihen.

Tujuan             : Mamre ngeluh jadi usihen

1.        Mengajar untuk  melakukan  eme tema Tahun Gereja ibas 2017 enda . Emaka arah Thema enda ngajak kita mamre gelah  banci jadi teladan arah ngajari. Terutama  lebe  anak jabunta, emaka nandangi kalak sideban. Ngajari enda  eme ncidahken  arah perbahanenta setiap  wari  itengah tengah kegeluhen enda. (Melakukan ) lewat sikap hidupta. Guna kita seh kubas tujun bagi themanta ndai eme : Aku  Mamre Jadi  usihen.

Guna jadi usihen  e labo  kape ken gampang, tapi jadi usihen  e harus lit piga-piga pengorbanen (waktu), pikiran, kiniteken bahkan  bancipe korban nyawa, tapi eme suka citanta segelah banci kataNa  tersehken ndandangi kalak sidebanna.

2.        Surat Paulus sini isehkenna man kalak pilipi,  maka ngingetken :

a.    Kita enggo mbages kiniteken man Yesus

b.    Terus kenlah ngikutken usihen, ula surut kiniteken ras perbahanen.

c.     Tetap daji teladan (usihlah aku)

d.    Erlajar meneladani kalak si enggo jadi teladan.

Mamre enggo me mbeges pengangkanna kerna kata Dibata, sebab lit nge kita bage lahir enggo  jadi  kalak Kristen, emaka enggo silalui tahap-tahap pendewasaan kinitekenta. (Peridiken, Ngawan, Pasu-pasu bahkan lit nge kita dilantik jadi pengurus katagoria), maka enggo melalakal sidat bagi pengajaren-pengajaren kataNa. Arah maka nina  Paulus kita enda  enggo dewasa, lanai bagi danak-danak, si lenga tetap  pendirinna, emaka arah  kedewasaanta e maka kita enggo banci jadi usihen man kalak sideban.

Sebagai mamre maka nerusken si mehuli erbahan si mehuli e lalit  ngadina, kecuali  pagi adi enggo  lanai lit kesahta enda. Janah aminna gia macam macam siterjadi bas kegeluhen enda, ula min  e erbanca  mundur kinitekenta, justru semakin litna tantangen ije me  kita ergegehna ngalakenca seh maka kita banci jadi pemenang, naluken kerina kuasa sijahat.

Kita sebagai mamre harus jadi teladan nandangi kalak sideban  (Usihen). Kiniteladanen banci si cidahken arah sikap kegeluhenta (Ukur, laku, kata). Ula nai kari ninta kita kalak Kristen , tapi  ukur, lagu ras kata-katanta la ncidahken nilai-nilai kekristenen. Umpana riahen siakap erkomunikasi  ras kalak daripada  anak jabunta.  Bagepe  riahen siakap  ngobrol-ngobrol si larujung asangken   PA, PJJ, Kebaktian.

Bagepe asal  kita ngerana nembeh ate kalak. Kita harus mamba dame ras ketenangen kalak arah kehadirenta jadi terang  ( Matius  5 : 13-16).

3.        Mamre harus ngasup ncidahken dirina jadi teladan ibas jabu, bagepe ibas  inganta erdahin bagepe ibas lingkunganta kerina. Gelah arah  kai  sini ialokeken kita banci kalak ngidah kita , emaka banci  jadi usihen .

 Selamat  er PA MAMRE

Pdt  Andarias Berahmana.

PA  MAMRE  TGL  26 FEB  - 04 MARET 2017

NATS              : Roma 1 : 16-17

Tema               : Nggeluh ibas kinitiken

Tujun               : Gelah Mare megenggeng erkiniteken man Dibata ibas kerina dampar geluhna

 1.        Kalak si enggo  ngaloken Berita simeriah, eme  kalak  si enggo itandaina Tuhan Yesus,  janah enggo ibahanna jadi penalemen geluhna idoni enda  sidem keguluten enda. Janah kalak si enggo jadikenna  Yesus  jaminen geluh  maka enggo tetap ukurna  nggeluh  erpalasken  kiniteken man Yesus e.  Memang payo,  sebab nina ibas Yohanes  3 : 16,  Kalak sitek man Yesus  maka ngaloken kegeluhen si la erkeri-kerin Emaka tading kuga kita nggeluhen  geluhta  enda, tergantung kubas kiniteken sitetap (la mobah) aminna gia kai pe sijadi tetap paguh. Nggeluh ibas kiniteken ras nggeluh la bas kiniteken, si dua enda megati silih berganti ibas kegeluhen enda, kita lanai mbiar sebab enggo si eteh  arah kita tek nandangi Tuhan Yesus  maka  kita i pegegehiNa.

Emaka man banta Mamre  harus kerina nggeluh tetap ibas kiniteken, sebab doni  enda tetap ngerintak kita gelah kita ndabuh kubas dosa .

2.        Surat Paulus ku perpulungen Roma ngingetken man banta Mamre alu judul kuasa berita si mehuli :  emaka iawalina  :  la  aku  mela kerna berita  simehuli  e, sebab lakap sitik jelma enggo  keristen tapi la  ia pang terang- terangen ngatakenca maka ia pengikut Kristus, mela tempa ia . Emaka  kita  mamre lanai perlu mela-mela , sebab berita e kuasa Dibata. Gelah enggo si eteh maka kita  banci bagenda  eme erkiteken kuasa Dibata, labo lit gegehta sibanci siandalken. Sebab arah keleng atena   kita,  enggo iselamatken emaka kalak si enggo selamatken  maka lanai ia ragu-ragu ndalani kegeluhen  enda.

Eme kerehen Yesus ku doni  enda, tentuna   guna kalak jahudi, emaka  man kalak sideban. Enda  maka payo maka Yesus reh kudoni enda   eme  ku tengah-tengah kalak Jahudi ,  tapi arah kerehen kesah Sibadia maka berita  e enggo  seh ku belang belang doni enda, emaka aminna gia  man kalak Jahudi     lebe  Yesus reh, tapi berita   kerna Yesus enggo mbar ,  emaka kita pe  enggo ngaloken   berita  si mehuli ndai. Emaka  nina Paulus maka arah berita simehuli e me maka enggo  tangkas uga Dibata ngerembakken kita manusia kempak diniNa. Alu  enda dage maka Dibata nge reh ndahi kita, seh maka kita kerina ermalem ate.

Emaka kegeluhenta kedungenna ibenaken ibas kiniteke  janah    iakhiri ibas  kiniten. Ngingetken kita, sekali ngikut Kristus sampai  mati tetap Kristus , aminna  kai pe guia jadi ibas kegeluhen enda. Kiniteken labanci kompromi, kiniteken labanci tawar menawar tapi  harga mati. Yesus la atenna i guro-guroken .

3.        Mamre eme sumber pemberi inspirasi bas jabu, ia me mabai anak jabuna gelah tetap nggeluh ibas Tuhan Yesus, sebab  ise nirangken keleng ate Yesus maka bene me ia, tapi ise sitetap nggeluh ibas Yesus  maka nggeluh me ia (ayat 17b),  ertina kegeluhen doni enda pe jadi milikna kegeluhen surga nari,  kita erdahin  guna  kinirajan surga janah kita  pe pagi mulihka ku kinirajan surga. Guna sienda kerina maka man Mare harus menggeng erkiniteken man Dibata ibas kerina dampar geluhna.

Adi siperdiaten para penginjil, baik i Tapanuli, bagepe i Karo, muali zaman sending seh ngayak gundari maka kinigengenna  erbahannca keberhasilen si luar biasa,  erbahanca  pertumbuhen gereja semakin pesat, emaka gundari GBKP enggo seh ku belang-belang Indonesia enda.

 Selamat   Er PA Mamre

 Pdt  Andarias Brahmana.