Suplemen  Mamre  Tgl 5 -11 Februari 2017

Nats . I Korinti 3 : 6-9

Thema : Mamre Aron Dibata

Tujun : Mamre kerja sama  selaku  “aron”Dibata.

1.        Kegeluhen kalak Kristen  mula-mula, ikota Korinti, pas kal bagi nina kalak karo : ACC  ( Anceng, Cian, Cikurak). Janah hal enda nai seh  kal kelekna bas  kita kalak karo ope denga bengket ku berita simeriah. Bahkan kenca ku berita simeriah pe lit denga nge rusus  terjadi  ACC, tapi gundari enggo me jarang terjadi erkiteken  enggo gejap  kerna maka  bas  kegeluhen enda kerina ciptaan Dibata bagepe enggo iantusina  kaipe jadi kerina sie erkiteken  perbahanen Dibata man  ia. Lani lit waktuna  pe encakapken kalak bagepe  lanai tena cian nandangi sesama ia manusia.

2.        Kata aron eme, lit ije kerja sama sekelompok janah ibas ia ndahiken dahin lapernah ia sipandang punjuten, aminna gia  beda gegehna, emaka ibas aron lit ije keriahen sada ras sidebanna. Sada gegeh guna ndungi dahin si lit siman dahinken.  Bageme Rasul Paulus ngidah  keadan jemaat Korinti . Ija jemaat  enggo erbahan  penilaina anatara serayan sada ras  sidebanna. Arah  pernyataan Paulus maka ngajuk maka tetap ngergaken karya Kristus ndandangi serayan ras jemaatNa.

Tentuna Paulus laperna menonjolkan dirina, ras laka menjatuhkan teman-temanna si ikut muat bagin. Janah akuina maka karya Kristus nge simake kerina si ipilihNa, janah ia erdahin ngenca, lit si nuan, lit si niramsa, tapi si erbahanca erbuah eme Tuhan Yesus. Ertina kerina jelma eme sada aron guna nehken berita simeriah, janah sama samna kita  ngarapken buahna . Emaka  i akui Paulus ia hanya  nuansa, Apolos niramsa, si erbahan erbuah eme Dibata (Yesus).

Arah  pengakuan Paulus maka jemaat  labo perlu membeda-bedaken, bagepe ula membanding-bandingken suruh suruhen Tuhan. Tapi sipenting   eme kuga perpulungen ngangkai maka sinuansa ras si niramsa labo  perlu, tapi  siperlu eme kuga  erpokus ku Kristus similih sinuan ras siniram e. Labo pokus  ku bas biak-biak ras  karakterna. Sinuan ras  siniramsa labo penting, tapi penting eme Dibata, sebab ia nge  si perturahsa ( Ayat 7).

3.        Mamre eme aron Dibata si ipilihNa guna ngelakoken kai singena atena. Emaka sebagai Mamre, kita sada aron  guna ndahiken dahin e.  Guna sie maka labo  lit  dalana kita ermegah  amina gia   enggo  melala sibahan  itengah-tengah  perpulungenNa. Baik kita pdt, Pt,Dk, bagepe ngawan, kita bermegah erkiteken Dibata tetap erdahin   itengah-tengah gerejaNa seh asa gundari.

Emaka mengacu ku  bas tahun  Gerejanta ibas 2017 enda ngigetken  kita gelah sitingkatken kemampuanta, sebagai warga Mamre gelah banci  kita menumbuh kembangken kata Dibata namndangi  kalak sideban. (Mengajar dan melakukan).

Ula  ka kita mis memponis temanta si  kurangka  kengasupenna guna ikut muat bagin ibas perdalinen gerejanta. Sebab kerina kita eme sada aorn, ibas ndahiken dahin Dibata ( ayat 9).

Erdahinlah kita bagi enggo itetapkenna man banta masing-masing selaku anak-anakNa.

                                                                        Selamat er pa Mamre  Dibata Simasu-masu

                                                                        Pdt Andarias  Brahmana.

NATS                          : HEBER 10 : 22-25

THEMA                      : NGELAI REH KU PERPULUNGEN

 1.        Kata ngelai  enda enggo me  ndekah kal sibegi, apai kita kalak karo maka budaya  ngelai e enggo iwarisken nini-nininta nai nari  seh  gundari, eme biasana igelari anak beru. Ia wajib  ngelai  kaipe pangkatna, kugape statusna labanci lang  i elaina kalimbubuna. Sebab suksesna acara kaipe sini i lakoken kalak karo  tergantung kuga anak beru  ngelaisa. Emaka anak beru e serika pengidahna siman elaina e.

Tentu hal enda ka me pe icidahken Tuhan Yesus waktu  ia lit  denga idoni enda. Ija ia tetap ngelai  kalak sireh ndahi  ia bahken idahina kepe  kalak siman erlanNa. Banci  siidah maka  Yesus lapernah merasa  latih  ibas ia ngelai kalak sideban baik kalak jahudi  bagepe non jahudi, kerina ielaiNa. Janah persadaan  simbelin ia mere man kalak si enggo  melihe (5 roti  , 2 ikan mere man 5000 orang ). Yohanes  6 : 1-13 ; Lukas 9 : 10-17.

Bagepe  ielaina ajar-ajarna ope ia menghadiri pelayanenNa idoni enda  (Lukas 22 : 14-20) ngelai  eme tugas utama sini ajarken Yesus ndandangi ajar-ajarNa.

2.        Kita sebagai kalak Kristen  pilihen Kristus, maka enggo ka seh man banta  kata enda, emaka kita pe haruska  ngelakoken kai sini ajarken Yesus sebagai sumber pengajaren man banta . Emaka kita ituntut arah kata Dibata ndai. Janah arah kitab Heber / Ibrani kita i ingetken  :

a.         Sirembakkenlah dirinta  ku Dibata  alu tutus, pusuh peraten si bersih.

b.         Tetap nggelem  pengarapan  si enggo  si akuken

c.         Marilah kita sisampat-sampaten ndalaken si mehuli.

d.        Kita tetap hadir ku perpulungen

e.         Si iah-iahen  kita.

  Arah lima hal enda ngajuk kita gelah tetap  bagi  temanta ndai .

Situhuna Dibata nge ndarami kita  Ia nge ngerembakken   dirinNa ku kita, cuma hal  enda mpertegas kita, maka Ia pe ngerembakken kita pe ngerembakken dirika  Ku Ia , emaka Dibata ras  kita jumpa  ku  sempurnaan. Emaka kalak  sirembak  ras Yesus pusuhna bersih, kalak si bersih pusuhna maka ia  setia  ngelai,  emaka rajin  ia tetap reh ku kegiaten gereja.

Bagepe kalak kristen lit  pengarapenna nandangi keselamaten si enggo sikapken Yesus eme kerajan surga. Emaka pengarapen ndandangi  kerajan  surga e harga mati, lanai banci tawar tawar.

Janah kalak si bersih pusuhna ras erpengarapan man Tuhan  Yesus maka kegeluhenna, si ngelai ras sisampat-sampaten ras tetap ndalanken kerina si mehuli, mehuli akap Tuhan Yesus. (Matius 20 : 20 a).

Sebagai anak-anak  Tuhan membuktikan  ia kalak si erkiniteken maka ia harus rajin reh ku  kegiatan gereja, perlu min penggejapenta . Adi  la aku reh lit kalak si kehilangan teta. Bage adi aku la reh  aku la reh, nungkun kari nande/bapa si anu :  i jange kap kena  temanta ..... ? Harus bage lah perasanta maka kita rajin. Sebab kehadirenta nambahi  keriahen temanta sada perpulungen, janah sekali gus  kita enggo si keleng kelengen.

Gelah semakin  bertumbuh jemaatta maka  kita  wajib ngigetken  temanta sada perpulungen.  Tapi  si inget ula kari iah-iahi lalap kita, kita harus si iah-iahen em tandana jemaat enggo dewasa.

3.        Arah kerhadirenta e pe  enggo ikut kita ngelai, sebap enggo sidat informasi jemaat,  emaka enggo si eteh tanggung jawabta. Notokenca, nampatisa membebasken temanta ibas erbage bage kini seran.

 Selamat  Er PJJ  Tuhan  simasu-masu

Pdt Andarias Brahmana

NATS                     : JOHANES  15 : 5-10

TEMA                    : KEGELUHEN GELUH UBAS TUHAN.   

1.                   Aminna gia kita enggo  jadi kalak Kristen, tapi megati denga  kita  ndalani wari-wari  geluhta lenga bagi  kegeluhen kalak si erkiniteken  (.... ) mengati  denga  ipengaruhi cara-cara nggeluh duniawi. Emaka megati ningkalak  : anak ah rajin nge rusur kugereja tapi mengati perbahanena la bagi kalak Kristen. 

Sebab megati denga kita gamoang emosi malas  bagepe ngut denga ka kita erjudi ras mabuk-mabuk, bagepe riahen  siakap erbual-bual ras kalak asangken   anak jabunta. Emaka megati   muncul cakap kalak, rananna mehuli tapi lagu la payo.

Adi siban paling ,  kira – kira piga persen nge  hai manre enda singgeluhken geluhnna ibas Tuhan .... ? memang labo terban kita persen-persena, namun kitape banci  banci nge ngenin kubas sikap nggeluhta ras geluh kalak, sebab lit denga  nge labo mehuli perbanna itengah-tengah masyarakat, bagepe gereja.  Sendah  kita sebagai mamre erbahan komitmen erpalasken Temanta : Kugeluhen geluhku ibas Tuhan .

Hal enda gampang  melaskenca tapi  sudah ndalakenca ibas kegeluhenta tapi enda me perayakennta sebagai mamre.

2.                   Nina Yesus Aku kap Batang Anggur Janah  kam me dahan-dahanna.  Sada perumpaman  si gampang kal akap kalak Jahudi ngatusisa, sebab Anggur e identik ras  bangsa israel. Ijenda lit piga-piga sipergermetken.  Yesus sebagai batang Anggur merupkan, ngingetken maka kita barus tetap ersada ras Ia, sebap la banci kaipe  siban adilakin kita ersada ras Yesus. Janah adi lakin  ersada ras IA igambarken na bagi dahan sikerah  iambengken ku api . Ertina kalak kristen (mamre),  harus tetap  ersada  ras batang (Yesus),  alu bageme dahan (kita) , banci erbuah, janah  buahna harus meramis.

Janh ibas ayat 7 enda sisehkal ulina dingen erbanca kita tetap ermeriah ukur, ija nina Yesus : Adi kam tetap ibas kam, Aku janah katangKu tetap nggeluh ibas kam, banci ipindodu kai pe atendu, janah ialokenndu me kai si ipindo  e.

Hal enda erbanca atenta malem nggeluj ras Tuhan . Sebap kalak singeluh ras Tuhan maka ia ndatken pasu-pasu ( Masmur 1 : 2-3).

Janah adi kita (Mamre) erbuah maka kita me ajar-ajar Tuhan. Arah kita enggo jadi ajar-ajarNa, emaka Bapanta i surga ipemuliaken, la ipemelaken.

Emaka arah kita megiken, ndalaken dingen ngelaken kataNa, maka kita ikelengiNa, Bali ras Bapa pe ngkelengi Yesus.

3.                   Kalak singgeluhken geluhna ibas Tuhan eme bagi dalan melekat bas Batang, emaka Mare tetap ia nggeluh ibas  Tuhan  gelah ia erbuah, erbuah  meramis, gelah kita me ajar-ajarNa.

Ajar-ajar / Mamre, ngakui Yesus eme sebagi batang Anggur  e, emaka kita   tetap mpehaga Yesus sebagi batang e.

Ula kal kita  Marte sirang ras Yesus, sebab paksa gundari la sitik  hal-hal dunia siman hadapenta, emaka gelah lakita itek-tek bagi dahan si la erbuah.

Kita mbelin kal ertina nandangi anak jabunta, perpulungenta bagepe ras temanta sesama manusia .

Selamat  er PA Mamre

Pdt Andarias Brahmana.