“Ajar Bapa Si Meherga”

(HUT PERMATA GBKP)

1 Samuel 2 : 22-26

                   Tujun PA       : Gelah Mamre

1.  Meteh kai sebabna pengajaren Eli lanai meherga

2.  Mereken ukumen man si salah ras pujin nandangi si mehuli

Jabu merupaken sada lembaga pendidikan kiniteken si pemena ras si pentingna ibas kegeluhen manusia. Sabab tangtangna kita nggeluh, keluarga ibas jabu me siertanggung jabab ngajarken kegeluhen si mehuli. Dikune anak-anak banci nggeluh alu kebiasaan, karakter, prilaku si mehuli, perdalinen nggeluhna pe merandal, tentu jadi kebanggan man orang tua. Sebalikna adi anak gagal dididik tentu kai terjadi ibas kegeluhen anak ei pe jadi hal si erbahanca ukur orang tua ceda. Mesui ras mpeturah kemelan siakap.

          Adi siinget, jabu Hana ras Elkana cukup ndekah ertima ketubuhen sekalak anak. Kenca Tuhan masu-masu jabu Elkana arah bertin Hana, tubuh Samuel. Kenca sie sue bagi padanna man Dibata, Samuel iendeskenna jadi anak si ikut ngelai ibas rumah pertoton, alu bimbingen imam Eli (1 Samuel 1:11-2:11). Ije ituriken maka Samuel reh belinna reh ngenana ate manusia bagepe ate Dibata. tentu arah kata enda, Samuel jadi anak si megiken ajar. Ia taat nandangi Tuhan bagepe ndalanken tugas pelayananna. Samuel jadi anak si megiken ajar orang tuana ras ngusih perbahanen simehuli.

Tentu ei la jadi sada kebetulan. Samuel jadi seorang anak si disiplin dalam iman, tapi nyatanya tampilan keluarga imam Eli malah yang bertolak belakang dengan pengajaran baik. Sabab isuratken maka kegeluhen anak-anak imam Eli, la man usihen. Hofni ras Pineas nggeluh alu la bujur. Perbahanenna sitik pe la nuduhken kegeluhen kalak siniajarken kerna palas Kata Dibata, sabab tercurna gelar Tuhan arah perlagulangkanna duana.

Imam Eli banci ikataken ‘gagal’ ngajarken anak-anakna kerna Kata Dibata. Bagepe anak-anakna la njadiken pengajaren bapana jadi hal si meherga guna iikutken. Imam Eli la tegas mendisiplinkan anak-anakna ibas pengajaren si mehuli. Kedungenna mabai anakna ndabuh ku bas dosa. Pengajaren bapa ibas jabuna lanai meherga, sabab banci jadi la iberekenna usihen simehuli sue ras pelayanen si rusur ilakokenna sebage sekalak imam. La idalankenna tugas ‘keimaman’ ibas jabuna.

          Ketegasan tentu berbeda dengan kekerasan. Melala orangtua erpengakap maka ngajarken anak harus keras, kasar, galak, marah. Nuduhken gegeh tah pe citra diri selaku orangtua si patut ibegiken ajar katana. Tapi kedungenna keras si la erturi-turin, misalna sipersingeti anakta si erbahan salah alu tan si ngerana, memukul, mencubit, menampar. Atau memarahi dengan kata-kata kasar, makian dan bentakan. Padahal lenga lit sibahan ketegasan kerna apai si benar apai si salah. Kai konsekuensina tah pe ulihna si tetap la jelas man anak-anakta. La siperdiateken keperlunna ibas komunikasi sue usia bagepe situasina.

Ketegasan iperlukan komitmen ras konsistensi. Bagepe tetap peka nandangi kai si terjadi ras mengutamakan kebutuhan anak. Man anak si kitik denga ras remaja. tentu beda cara nuduhken ketegasan e. Ibas nehken ajar si mehuli, man anak iperluken arahan ras alasan si logis. Kata-kata siipake pe arus membangun memotivasi, la guna ndabuhken anak gelah orangtua teridah lebih pintar, lebih tahu dan berkuasa. Arus memandang dua sisi. Dikune anak erbahan salah apai ka sada hal si pernah iajarken ras ipersingeti bana, maka patut anak iukum. Ukumen pe tentu ula encedai pusuhna tah pe fisikna saja, arus ukumen si mpeturah pengertin bana. Persingetilah alu kekelengen. Pilih waktu ras cara si tepat. Tandana kita peduli man anak.

Ula lupa ka sebalikna, adi anak ndalanken ajar, meherga akapna ndalanken pedah maka bereken ka pujin nandangi si mehuli si enggo ilakokenna. Sibereken tanda maka kai siniajarken e erpalasken keleng ate gelah aturen si patut, idalankenna ulihna pe mehuli man bana. Enda me gunana ketegasan gelah sikap kepemimpinan sekalak bapa sebage orang tua, tuhu-tuhu banci tetap mereken usihen si mehuli. Efek jera man anak seh kel pentingna, tapi mari sibereken alu tanggung jabab ras keleng ate si tetap tegas.

Khususna dalam rangka njadiken Mamre sekalak bapa si mereken pengajaren meherga man anak usia PERMATA. Tentu perlu sijadiken PERMATA sebage teman arih guna ndalanken si mehuli. Kai siisuanken gundari enda erbuah ibas kegeluhenna wari pepagi. PERMATA perlu ndatken usihen, maka marilah Mamre GBKP tetap ndalanken peran sebage bapa, la saja man anak sinipupus, tapi jadi usihen man anak gerejanta, kerina PERMATA siikelengi Tuhan. Amin.

Pdt  Deci Kita  br Sembiring

Rg GBKP Studio  Alam

Ogen  : Jeremia 9 : 23-24

Tema : “Ermegah Ate Erkiteken Tuhan”

(Menumbuhkan rasa kebanggan Mamre sebagai warga GBKP serta menurunkannya kepada anak)

Tujun : 1.  Meteh maka palas kemegahen nandangi Tuhan

 2.  Ngasup ia nusurkenca kemegahen e man anak jabuna eme nandangi gereja GBKP enda

Ku ise nge biasana kalak ndarami pemeteh? Tentu ku kalak si lit ibas ia kepentaren. Iarapken kepentaren si lit, mereken petunjuk nggeluh, guna meteh kai si arus ilakoken. Ku ise nge biasana kalak ndarami penampat? Tentu ku kalak si lit ibas ia gegeh kengasupen. Gelahna arah gegeh si lit banci nampati kalak si kote. Ku ise nge biasana kalak ndarami jaminen kerna kai siiperluken? Banci ka ku kalak si lit ibas ia kebayaken. Pemere kalak bayak, banci njamini kegeluhen kalak si perlu.

Payo nge maka keperlunta ndarami pemeteh, penampat, ras jaminen, mabai kita minter ndarami kalak si deban si iidah kita lit bas ia siniperluken e. Tapi perlu si inget, manusia la serta/sempurna ibas makeken kai si lit ibas dirina, adi terjeng ngarapken gegehna jine. Labo kerina manusia beluh makeken si lit bas ia, guna kiniulun kegeluhenna ras sekelewetna. Emaka tetap perlu proses erlajar guna ‘melatih diri’ gelahna kerina simehuli si lit ibas dirinta, banci ipakeken alu maksimal.

Arah Kata Dibata, isingetken man banta, maka kerina bagin kegeluhen subuk kepentaren, gegeh, kinibayaken, sada pe ula sempat erbahanca dirinta ermegah nandangi kerinana. Sabab labo lit ertina kerina sie, adi la nandai ras meteh ulu sinasana eme Dibata. Arah sie maka kemegahen si tuhu-tuhu eme, adi banci kita nandai Tuhan Dibata. Sabab manusia, tentu la ngasup mereken kebujuren ras kebenaren si serta. Lenga tentu mabai tanda nggeluh simpehaga Dibata

Jeremia ngingetken bangsa e gelahna la erpenalemen man gegeh si deban, subuk ibas ndalanken upacara keagamaan, bagepe ku bangsa-bangsa si lit isekelewetna. Tantangen pelayanen Jeremia si mbelin eme guna ngajuk bangsa e, gelah tek nandangi Dibata. Jangan berpaling dari Tuhan dan mengejar ilah lain bahkan jika hanya untuk membanggakan diri dalam apa yang dimiliki kemudian melupakan Tuhan. Emaka ikataken labo lit erti kemegahen seakaten ernalem man Tuhan arah keleng ateNa, si nuduhken keadilen ras kebenaren. Siingetlah maka dikune kerina si mehuli lit ibas kita, e semata-mata labo kerna kinibeluhen mausia. Kerina e reh ibas perkuah ateNa kap man banta. Enda jadi palas kegeluhenta kalak si tek, kemegahenta eme ibas penandai ku Tuhan Dibata.

Sebage Mamre GBKP, bapa itengah jabu ras gereja, gereja eme wadah/inganta menumbuhkan pengenalan nandangi Tuhan. Ermegah kita sabab banci siidah kegeluhen si ersaksi maka adi kita jadi kalak si pentar erpemeteh, ergegeh rikut bayak ibas kai-kai pe, kerina e rehna ibas Dibata. Si enggo encidahken keleng ateNa banta, nuduhken dalin si man bentasen. Pengenalan akan Tuhan eme si pentingna, jadi palas kegeluhenta. Gelah siangkai ras sieteh ija nari rehna kerina si lit ibas kita, maka perlu tetap meteruk rukur. Adi la kerna Dibata si merekenca tentu la kap atan kita ngalokenca rikut makekenca. Erpenandai kerna Dibata janah ermegah ibas IA, eme ‘warisan’ si mehergana ku anak kempunta. Gegeh banci urak, pemeteh banci lesap, kebayaken banci bene, tapi keleng ate ras penandainta nandangi Tuhan ulu kerinana, kemegahen si la erkeri-kerin. Amin.

Pdt  Deci Kita  br Sembiring

Rg GBKP Studio  Alam

Ogen : Kuan-kuanen 4:20-27

Tema : Ukuri Alu Mbages

Kata Pemena

Lit pepatah si enggo umum sibegi ibas kegeluhenta e me, “buah jatuh tidak jauh dari pohonnya.” Biasana enda ikaitken kubas kegeluhen sekalak anak si arusna labo ndauh berbeda bagi orangtua si mupus ia. Adikin skelenda erkawiten ras kegeluhen permata selaku anak i tengah jabu, maka Mamre merupaken salah sada ukuran paling mendasar bagi Permata sebab Mamre selaku Bapa menjadi Idola bagi anak-anaknya. Kehidupan Permata sebagian besar dipengaruhi oleh kehidupan Mamre i tengah jabu. Emaka tema si seh man banta e me, Ukuri Alu Mbages, segelah Mamre banci jadi usihen ibas mendorong generasi muda untuk menjadi berkat. Ibas wari enda Mamre i persiapken guna banci siap jadi role model i tengah-tengah gereja ta terkhusus man anak-anak Permata.

Pembahasen

Kata Dibata sijadi palas ibas PA ta e me, Kuan-Kuanen 4:20-27. Ibas bindu 4 mulai ayat 10 secara keseluruhen nuriken ajaran hikmat kerna sekalak manusia si iperhadapken ibas dua dalan guna ndalani kegeluhenna. Guna memilih dalan enda ituriken ibas ayat 11, maka kepentaren e banci mabai kita kubas memilih dalan si payo janah la bene. Segelah kita banci tetap ibas dalah si benar makai bas ayat 20-23 ijelasken guna lit sikap ta megiken kai sijadi pengajaren e me megiken hikmat Tuhan ibas memilih dalan si benar. Kata “begiken” ibas ayat 20 ilanjutken kubas “pusuh” ibas ayat 21. Ertina pusuh peratenta mereken keputusen guna ngaloken kai si enggo sibegiken janah kepentaren enda harus enggo ringan ibas pusuhta sebab ia me sinampati kita guna persingeti kita. Rikutken Kuan-Kuanen 8:22-31, maka kepentaren enda e me kata Dibata si enggo jadi nai-nai nari. Kata Dibata enda me harusna si ringan ibas pusuhta janah ia me si ngajari kalak si ngaloken ia, guna nilahi dalin-dalin si erbahanca ia mapak.

Poin sipeduaken e me persinget kerna pusuh perukuren si banci mabai kita kubas ngelakoken tindaken si enggo siukurken ibas pusuhta. Adi perukuren ta guna erbahan kalak celaka, maka bageme si ilakoken kita ibas kegeluhenta sebab pusuh enda me sierbahan kita siap ngelakoken kai pe lit ibas ia. Banci ipastiken maka kalak si pusuhna ndauh ibas kata Dibata nari, si muncul lalap ibas pikirenna e me hal-hal si negatif janah berdampak negatif ka pe ku sekelewetna. Sebab arah teks enda, kai si lit ibas pusuh sekalak manusia banci jadi penentu guna ndatken kegeluhen ras kejuah-juahen. Ertina pusuh si tetap ibas kata Dibata enda banci jadi sumber kesehaten janah banci jadi sumber kemalemen ate, sebab ibas pusuh perukuren enda kerina i pertimbangken guna netapken langkah-langkah si ateta silakoken.

Adi ibas zaman modern enda kalimat anak muda biasana “dari mata turun ke hati”, tapi adi ibas kata Dibata si seh man banta ibas wari enda e me “dari pendengeran turun ke hati.” Kita i persingeti segelah ibas kegeluhenta kita pe i harapken menjadi “pendengar yang baik” e me megiken setiap pengajaren-pengajaren si seh man banta ibas pengalamen-pengalamen si jadi ibas kegeluhenta. Labo saja pendengaran arah cuping nari, tapi pengerana sindarat ibas babah nari pe jadi sarana untuk tetap berfokus njagai pusuh, sebab banci jadi lain pengerana janah lain ka si lit ibas pusuh ta. Kata Dibata persingeti kita gelah tetap nuriken kata tuhu, e me kata yang tidak membohongi hati nurani. Bersikap jujur dan tulus adalah kunci menjaga kehidupan yang tetap penuh dengan sukacita. Guna memilih dalan si benar, maka iperluken ketulusen ras kejujuren ibas ngukurisa segelah pertimbangen si iputusken ibas dirinta banci jadi kejuah-juahen man dirinta bagepe man keluarga entah pe jelma i sekelwet ta.

Penutup

Mamre selaku bapa i tengah jabu, e me ndatken peran si penting guna jadi teladan man anak-anak Permata. Ibas masa muda tentu Permata rusur lenga mbages pengukurina ibas ia ndalanken kegeluhenna, tapi paling tidak anak Permata memiliki ingan guna erlajar ibas Mamre nari guna memilih jalan hidup alu pertimbangen si rehna ibas pendengaren, kejujuren ras ketulusen guna ngukurisa ibas pusuh. Janah ibas mempertimbangken enda kerina kepentaren me si menentuken langkah ta guna memilih dalan si benar entah pe dalan guna kebeneen. Mamre me jadi sosok bapa si banci mbegiken sura-sura Permata janah ngajarken kerina pedah-pedah alu kejujuren ras ketulusen siperlu ibas kegeluhen guna kemajun Permata. Selamat HUT Permata GBKP, Generasi Muda menjadi Berkat.Amin.