Thema        :

Untungna rukur ras nadahken perbahanen si mehuli

 

Tujun        :

Mamre Ngasup :
1.    Ngisi perukuren alu cara si payo erpalasken perukuren Kristus
2.    Naksiken ulih perukuren ras perbahanen si mehuli

 

1.  Rasul Paulus sangana ibas penjara ngirmken surat man jemaat Pilipi. Janah Rasul Paulus nuriken soal keriahen ukurna aminna gia terpenjara sebab nina “meriahlah ukurndu erkiteken perasanndu ras Tuhan” (Pilipi 4:4).
   Emaka kenca turikenna keriahenna, ilanjutkenna suratna nina :
   a.    Cidahken perbahanenndu si mehuli man ise pe
   b.    Pindo man Dibata kai si iperlukenndu
   c.    Ukuri kerna si mehuli, bujur, mulia, benar, bersih, mejile dingen patut ipuji
   d.    Dalankenlah kai si enggo ipelajarindu
   Arah si empat enda maka teridah kai pengajuk Rasul enda nandangi jemaat cukup mehuli. Sebab ibas kegeluhen enda maka kepeken harus ngelakoken kai si ngena ate Dibata ras manusia. Tapi guna ndalanken si enda kerina maka membutuhken pengorbanan si la sitik, baik waktu, kiniliten, pikiren, bahkan lit pe rela mengorbanken jiwa dan raga. Paulus alu tegas arah kiniseran secara doni, la akapna masalah erkiteken persadanna ras Tuhan maka la akapna jadi masalah.
2.  Kerina kalak si erkiniteken man Dibata, isuruh  Paulus gelah nadahken perbahanen si mehuli man ise pe, sebab Tuhan pedas me reh. Janah ula aru ate, sebab kalak si erkiniteken harus tegar menghadapi kerina persoalen hidup, masalah-masalah  si lit ibas kegeluhen enda harus ihadapi erpalasken kiniteken man Tuhan Yesus. Janah harus rukur kerna kerina si menyangkut si harus menyenangkan kerina manusia baik si enggo tek man Yesus bagepe si lenga erkiniteken man Yesus Kristus, ertina kalak Kristen harus loyal, la erpihak-pihak bas ndalani kegeluhen  enda. Bagepe harus idalanken kerina enda ibas doni kegeluhen enda. Nina Paulus harus icidahken arah : keteladanen si ilakoken Rasul Paulus, baik sanga ia si ilakoken Rasul Paulus, baik sanga ia bebas dengan bagepe kenca ia ipenjaraken. Sebab la luntur kiniteken ras perbahanen tetap la luntur-luntur. Aminna gia ngenanami kiniseran si mesangat. Paulus menyadari “Hidup atau mati” semuanya untuk Tuhan Yesus Kristus.
3. Rukur si mehuli ras bertindak si positif eme perbahanen kalak Kristen/Mamre. Berpikir positif eme ncidahken maka sepanjang nggeluh la lit si atena nembah ibas kegeluhen, janah rukur ia erbage-bage kepe. Kegeluhenta/Mamre eme kegeluhen si ersaksi setiap wari, naksiken kebenaren Tuhan itengah geluhna dingen ia banci sira ras terang, si banci mis inanami jelma si enterem. Gelah banci kami ka mis kalak sideban e nggejabken dingen banci ka ia jadi saksi man kalak sideban.

Ersaksilah kita ope denga kita nadingken doni enda. Ibas kita nehken kesaksian bagi Rasul Paulus, maka perukurenna pe ipelimbarui Dibata, emaka labp ia pernah dendam man  si menyoroken ia, bahkan ia pe tetap mehuli man ise pe. Sebab iantusina maka tujunna ersaksi eme gelah kerina manusia nandai Tuhan Yesus sebagai Juruselamatna. Erpalasken perukuren si mehuli maka sidahikenlah dahin si mehuli tupung lit denga kesempaten ibereken Dibata.

 

Salam,
Pdt. A. Brahmana
081317054961

 

Thema        :

Kinitekenku labo bali ras kinitekenndu

Tujun        :

Mamre ngasup :
1.    Ngidah uga kiniteken Elkana selaku imam ras Hanna selaku diberu
2.    Nuduhken kiniteken selaku Imam bas jabu ras ngergai kiniteken ndehara

 

1.  Elkana sekalak perbapan sitading i Rama, ia suku Epraim janah isingetken gelar bapa ras nandena. Arah teridah maka si Elkana enda kalak si erkiniteken radu ras keluargana. Emaka kerina aturan agama ipatuhinakal ija setiap tahun ia nehken persembahen man Dibata ku rumah pertoton i Silo. Janah ibas nehken persembahen ikut sertakenna pe anak jabuna/ndeharana duana, eme Hanna ras Penina. I Silo  lit Imam gelarna Eli. Ia ipercayaken guna ngaturken kalak sinehken persembahen man Tuhan. Ibas ia nehken persembahen enda maka iaturkenna man anak-anak ras ndehara guna nehken persembahen man Tuhan. Tapi Penina pe ndatken bagin ras Hanna. Saja Hanna lenga lit pupusna emaka rusurkal ia tersudutken Penina (ceda kal ukur Hanna rusur ibahan Penina). Tapi Hanna tetap njaga hubungen ras Dibata, la putus tentuna pe hubungenna ras perbulangenna Elkana pe tetap mehuli, sebab Hanna tek maka dibalik deritana, lit Dibata si banci mereken jalan keluar. Janah Elkana pe encidahken ukurna mehuli nandangi Hanna (Ay.8)
2.  Hanna encidahken ukurna, si rusur ia isindir-sindir Penina. Emaka ibabana kerina ibas pertotonna man Dibata ibas rumah pertoton i Silo. Seh kal atena cedana tangis ia (Ay.9-10)
   Ibas pertotonna : mindo ia man Dibata gelah Dibata megiken pertotonna nina :
   a.    O, Dibata simada Kuasa
   b.    PerdiatekenNdu aku
   c.    Nehenlah kesusahenku
   d.    Ingetlah aku/ula lupaken aku
   e.    Adi ibereken Kam man bangku anak dilaki, erjanji aku maka kuendesekn ia man baNdu kidekah gelihna, janah bukna ndigan pe la ipangkasna.
   Luar biasakal pengakuan Hanna enda man Dibata. Tantangen ihadapina ka ibas Imam Eli nari, iakap Iman ia mabuk : pengadi perlangkahndu sibagena. Ngadiken minem-minem jenari pejore-jore ukurndu mulihi. Hal enda ihadapi Hanna menam lanai lit ingan ngadu-ngadu; perbulangen pe megati la mengerti, kiduana rusur naling-naling, Imam Eli ngataken ia mabuk. Tapi Hanna tutus ertoto, sebab igejabna aminna gia manusia lanai jadi teman tapi Dibata banci jadi teman situhu-tuhu.
   Emaka ijawabna : Aku labo mabuk pa. aku ertoto nuntungken kerina kesusahenku man Tuhan. Aku labo diberu si la mehuli. Tapi mbuekal kesusahenku emaka ertoto aku.
   Emaka ipasu-pasu Imam ia, alu ngataken : Mulihlah alu dame, ibereken Dibata Israel man bandu kai siipindondu. Luar biasa pertoton kalak si erkeluh-kesah ibegiken Dibata. Meriahkal ukur Hanna lawes ia, man ia, janah lanai atena ceda.
3.  Arah enda si idah kuga hebatna kiniteken Hanna, aminna gia kerina jadi imbangna tapi Dibata tetap nemani ia janah Dibata njawab pemindonna, janah seh sura-surana, emaka malemkal atena. Arah sienda siidah maka kiniteken Hanna bedakal ras kiniteken Penina, Elkana, sebab Penina ras Elkana rajin ku rumah pertoton i Silo, tapi tetap ka nge ibahanna ceda ate Hanna (Ay.7). bahkan Imam Eli pe menganggap Hanna mabuk, diberu gutul. Tapi Hanna menghadapi alu pasrah man Dibata. Dibata menjawab kerina pemindonna.                                                                                                                                       Man banta pe Mamre, maka ibas kegeluhen enda erbage-bage sinihadapi kita, tapi inget maka Dibata tetap nemani ras mereken jawaben man banta. Namun ula kal kita bagi Penina tapi bagi Hannalah kita.

Salam,
Pdt. A. Brahmana
081317054961

 

ERBUAH ADI ERSADA RAS TUHAN
(Johanes 15:4-8)

 

Adi ibas dunia pertanian sada jadi persoalen eme adi si isuan kita e “la erbuah”, sebab buah eme lambang : keberhasilen, sukacita, keuntungan. Emaka adi kalak si nuan-nuan kerina usaha ilakokenna uga maka banci melala buahna, mulai ibas pemilihen bibit si mehuli, pemilihen taneh si tepat, pemupuken ras pembasmian hama, mbersihkenca ibas tumbuh-tumbuhen si menggangu , bahaken seh kubas pemotongen dahan-dahan si la productif gelah zat hara (makanen) e fokus kubas buah la keri ikonsumsi bulung. Bage ka me pe tentu kita kalak Kristen si iarapken Tuhan eme gelah kita erbuah meramis dingen entebu.