Suplemen PJJ Tanggal 08-14 Mei 2016, Ogen Johanes 16:12-15;Efesus 1:13-14
Thema:
Kenca lima puluh wari kekeken Jesus, entah pe kenca sepuluh wari kenangkihen Jesus ku Surga, isuruh Dibata me Kesah Si Badia ku doni enda man murid-murid ras kalak si tek. Kerehen Kesah Si Badia e sue bagi si enggo ipadanken Jesus nina "Ialokenndu pagi gegeh asum Kesah Si Badia seh man bandu. Janah kam me pagi naksiken kerna Aku man kalak si deban, i Jerusalem, i daerah Judea ras Samaria seh ku belang-belang doni enda." (Perb Rasul 1:8). Penting kal peran Kesah Si Badia ibas penginjilen si la erbatas seh ku kerina bangsa ras belang-belang doni enda. Penginjilen akan menghadapi erbage-bage tantangen ras perbeben arah erbage-bage budaya, tradisi ras erbage agama ibas doni enda. Tapi murid-murid ras kalak si tek la banci ngadi entah cebuni ibas penginjilen e nari. Jesus pe atena gelah murid-murid ras kalak si tek berhasil mbaba enterem jelma nandai Ia ras ngakuken Ia jadi Tuhan ras Juruselamatna. (bdg Joh 3:16).
Suplemen PA Mamre tanggal 01-07 Mei 2016, Nats Keluaren 3:1-11
Thema :
1. Tuhan mereken Pengertin,Kebeluhen ras Kengasupen sierbage-bage man tep-tep jelma. Contohna Musa ibereken Dibata kengasupen guna mabai bangsa Israel ndarat itaneh Mesir nari nuju kutaneh Kanaan. Tapi lalit kengasupenna guna erbahan perkakas Rumah Pertoton Kengasupen e ibereken/lit ibas Besalel ras Oholiap. Bdk. Roma 12 : 8, I Kor. 12.
2. Kengasupen silit ibas tep-tep manusia eme Pemere Tuhan. Kata:”Enggo Kupilih”-ay.2 ,6. “Kudemi ia alu kesahKu”-ay.3, “Kubereken”-ay.3,6 rsbna. Bandingken Yoh 1:3; “ Arah kata e ijadiken Dibata kerina sinasa lit; lalit sada pe ibas kerina sienggo jadi e ijadiken la arah kata Dibata”.
3. Selain Besalel ras Oholiap man tukang-tukang sideban pe ibereken Tuhan kengasupen simbelin, jadi hal sicukup penting pe ijenda eme kerinan kengasupen / kerina siterlibat ibas ndahiken ndahin Tuhan eme erkiteken gegeh Tuhan, janah perlukal saling siergan sada ras sidebanna, labo saling menonjolken kengasupenna masing-masing sierbahnca la akapna meherga temanna sideban, silabagi ia kengasupenna.
Kerina arus erfungsi ibas inganna/paksana; adi palu tah Martil tuhu dahinna malui, tapi labo asal palu tah kai pe paluina. Adi Bor pe labo kai pe ras ijapape ilubangina. Tapi bayangken adi lalit Martil tah Bor tentu la banci mejle bekasna tah arus erpala-pala ndahikenca. Dismpingsie kerina labo banci erbekas adi lalit simakesa, adi lalit kerjasama simehuli.
4. Dibata mereken kengasupen man banta tujunna eme :
- Man singalokenca: Ngelatih KETAATENTA: “ gelah banci ibahanna kerina sienggo kuperintahken-ay.6.
- Man Dibata (simere Kengasupen): gelah rencana Dibata igenepi. Rencana Dibata gelah tetap jumpa ersada ras manusia. Kemah siBadia eme lambang/ingan Perjumpan Dibata ras bangsaNa.
5 Dibata mereken kengasupen sipelain-lain man tep-tep jelma sue ras sura-suraNa jine. Kengasupen sinibereken Tuhan e arus igunaken sue ras rencannaNa. Kengasupen si lit ibas kita adi sipakenken sue ras rencanaNa enda si jadi pasu-pasu man kalak sideban.
6. Sijadi penungkunen man banta arah Nats enda, Kengasupen kai si lit ibas kita si lenga sipake guna ngelai ????
GBKP Pondok Gede
Suplemen PA Moria tanggal 01-07 Mei 2016, ogen Matius 7:24-27
Tujun :
- Ngasup jadi penjemba kalak sideban gelah reh ulina arah kata pergegeh.
1. Yesus nerusken pengajarena idas uruk nari, janah enda me pengajaren si terahir isehkenNa nandangi ajar-ajarna ras jelma sienterem. Janah ibas paksa enda ituriken kerna kalak mbangun rumah : Tentu Yesus memahami maka kalak Jahudi rusur membangun rumah, sebab rumah eme salah sada sinibutuhken manusia. Janah iseputar Palestina, Rata-rata gurun, janah Gurun enda tentu lit deba pasir kerina seh mbagas pe ikali, tapi lit ka deba pasirna tipis, iteruh batu, janah batuna pe piher kel, sebab rata-rata bagi Batu karang.
2. Tentuna kalak simbangun pasti membutuhken biaya si cukup, tukang si ahli, namun lit deba cari mudah, tanpa cari susah. Ija membangun idatas pasir ras membangun idatas batu karang. Pasti ibas membangun enda beda kal, pasti simbangun idatas pasir tidak begitu susah, gampang saja mengali janah bangunen cepat dung. Namun si membangun idatas batu karang pasti sulit, sebab membutuhken tenaga, keahlian, sebab pengalian sulit, sebab batu karang . Tukang duana erdahin, pasti membagun e pasti beda dungnna, sebab bangunen ipasir cepat dung. Kwalitas bahan bangunen sama, hanya beda pondasi, ras beda tenagana guna mbagun. Tentuna meriahkel natap bangunen enda, janah sinatap pe mehuli ras nyaman. Namun daya tahanna terlelak ibas pondasi bangunen enda. Sebab adi lit bangunen pasti lit rusur angin, lit ombak. Sebab itaneh pondasina, adi musim udan entah angin, pasir banci mombak tah pe berpindah-pindah. Emaka kai si lit idatasna banci ibabana, janah bergeser seh runtuh bangunen e. Tapi adi na dasarna idatas batu karang , maka la tergoyahken , kokoh dasarna. Angin banjir la banci mindah kenca.
