Suplemen PJJ tanggal 10-16 April 2016, Ogen Johanes 15:4-8
ERBUAH ADI ERSADA RAS TUHAN
(Johanes 15:4-8)
(Johanes 15:4-8)
Adi ibas dunia pertanian sada jadi persoalen eme adi si isuan kita e “la erbuah”, sebab buah eme lambang : keberhasilen, sukacita, keuntungan. Emaka adi kalak si nuan-nuan kerina usaha ilakokenna uga maka banci melala buahna, mulai ibas pemilihen bibit si mehuli, pemilihen taneh si tepat, pemupuken ras pembasmian hama, mbersihkenca ibas tumbuh-tumbuhen si menggangu , bahaken seh kubas pemotongen dahan-dahan si la productif gelah zat hara (makanen) e fokus kubas buah la keri ikonsumsi bulung. Bage ka me pe tentu kita kalak Kristen si iarapken Tuhan eme gelah kita erbuah meramis dingen entebu.
Matius 3:8 Jadi hasilkanlah buah yang sesuai dengan pertobatan.
3:8 Jadi hasilkanlah buah-buah yang sesuai dengan pertobatan. Dan janganlah berpikir dalam hatimu: Abraham adalah bapa kami! Karena aku berkata kepadamu: Allah dapat menjadikan anak-anak bagi Abraham dari batu-batu ini!
Contoh ibas Alkitab pribadi si mengalami “pemrosesen” gelah erbuah meramis eme Yusuf,( bdk Kejadian 49:22 Jusup desken sada batang kayu si turah i duru ulu lau. Meramis buahna i bas dahanna sindauh njurjur ngepari bidena).
Man banta selaku kalak Kristen labo cukup menghasilken buah, erbuah pe adi macem kurang nge tabehna, amminna pe banci ka nge iolah jadi “manisen”, meramis pe adi kitik-kitik buahna la ndatken erga si maksimal, jadi harus erbuah meramis, galang ka entebu .... si igambarken arah kegeluhen Yusuf.
Uga maka kita banci erbuah meramis dingen entebu ?
- Tetap ersada ras Tuhan
Lagu sekolah Minggu ngataken “Yesus pokok dan kitalah carangnya tinggallah di dalamnya”, ertina dahan adi sirang ras batang labo saja la erbuah tapi mate, itektek je nari iambengken ku api. Batang eme saluren si mereken kegeluhen man dahan-dahan. Bage me igambarken “ketergentungen” manusia man Tuhan, sebab Tuhan kap ulu kegeluhen e, tapi megati kel ibas kegeluhenta lasiakap perlu “persadan ras Tuhan”, kita menempuh jalanta sendiri, piah dungna enggo kelsehen dingen ngelabuh. Persadan ras Tuhan bagi si igambarken bagi kapas tama ku tinta , tinta e e lit ibas kapas, janah kapas e lit iba tinta seh maka lanai terpersirang. - Membangun Persadan ras Tuhan
Membangun kiniersadan ras Tuhan memang membutuhken sada pengakuan “kita terbatas Tuhan la terbatas” alu bage lit ketedehen ate si mbages menggantungken diri sepenuhna man Tuhan. Ertedeh ate rusur jumpa dingen ercakap-cakap ras Tuhan, arah pertoton ras ngoge Kata Dibata (merincuh er-SaTe = Saat Teduh) Ertedeh ate mpesenang ukur Tuhan arah mpenangkih ende-enden pujin (ibas kita rende lit energi si ndarat ibas dirinta nari si erbahanca lit ruangen si banci igantiken alu energi si mbaru adi rende kita guna Tuhan enegi si mbaru si bengekt ku pusuhta e eme energi Kesah Sibadia , sebalikna adi kita rende man sekalak pribadi entah pe kuasa iblis roh sie ka nge si mengketi pusuhta). Mbangun persadan ras Tuhan eme arah njumpai Tuhan, njumpai Tuhan labo saja arah kita ertoto, ngoge kata Dibata ras rende, tapi pe njumpai kalak si “musil” musil ijenda labo terbatas kubas materi, tapi pe kalak musil ibas kerohaninan (perbahanendu man seninangku si kitikna em perbahanendu man baNgku bdk. Mat. 25:40) - Ulih Persadan Ras Tuhan
- Kalak si ersada ras Tuhan seri ras kayu si turah itepi lau anak (bdk.Mzm1:3 “la ndele ibas paksa kelegon erbuah meramis ibas paksana” ertina kalak si bage lit rusur keyakinena maka kerina peristiwa si terjadi ibas ia (suka atau duka) eme cara Tuhan mereken si terbaik man bana, ras lit sada penggejapen bas ia maka la sisada ibas ngelaken sie kerina, lit Tuhan temanna (bdk. Mzm 23:4 “ amin aku erdalan arah kelbung si gelap la aku mbur jumpa cilaka sebab Kam kap ras aku o Tuhan.....”), Alu bage bicara isu MEA, perdagangan bebas la jadi kearun ate man banta sebab ibas setiap tantangen pasti lit ije peluang.
- Melala me buahna (ay.5), kalak si ersada ras Tuhan lit sada gegeh si maler ibas kulana kekelengen bagi lau sumbul si la pernah kerah, labo saja erkiteken geluhna ibas “kelebihen” tapi erkiteken nggejapken keleng ate Dibata si mbelin (mensykuri pemberian Tuhan) seh maka meriah akapna ibas kekurangen si lit ibas ia kekurangen si liti iabs ia la akapna jadi masalh ibas nampati.
- Ibereken Tuhan kai si ipindona (ay.7) Kai kin si metedeh kel ate kalak si paguh kinitekenna? Kalak si enggo paguh kinitekenna si metedeh atena eme “Ndalanken Si Ngena ate Bapa Surgawi” emaka pemindonna lani bo guna kesenangen pribadina, kerna hal-hal doni enda, tapi uga ia banci tetap nggeluh ibas teruh perkuah ate Dibata, ras uga ia banci erguna man jelma si enterem, pertoton si bage menurut Yohanes pasti iberken Tuhan (bd. Jakub 4:3 Janah adi ipindondu la idatndu, sabap erkiteken tujunndu la mehuli; kai si ipindondu guna pesenangken dirindu saja ngenca ). Kalak si ersada ras Tuhan ikataken me ia Ajar-ajar Tuhan, adi ibas dunia “persilaten” itandai ise guruna arah jurus-jurus si ipakena ras arah sepak terjangna, jadi kita hanya layak ikataken murid-murid Yesus adai kerina tindak-tandukta mencerminken sifat Yesus ras bagi Yesus mbue erbahan si mehuli (menghaslikan buah Yang banyak) maka kita pe harus erbuahken si mehuli entebu ras meramis.
- Kalak si ersada ras Tuhan maba kemulian man Bapa i Surga (ay.8), goal kerina buah persadanta ras Tuhan, kita erbuah meramis deningen entebu (perbahanen si mehuli) eme “soli Deo Gloria, ertina labo gelah gelarta si merim, kita ipuji kalak, jadi motivasi si bersih ibas kerina kalak Kristen eme uga maka ermulia gelar Dibata. - Ulih Adi Sirang ras Tuhan
Bali ras segal iembusken angin (bdk. Masmur 1:4), adi kita sirang ras Tuhan, kita jadi jelma si la erpendirian, si banci ijole-joleken pengajaren-pengajaren si la jelas, kita ijole-joleken erkiteken lalit pijaken/gelemen nggeluh. Atau lebih ekstrimna bagi lapung page lalit “beratna (la erbobot) emaka la pe metersa angin e mis kita ikabangkenna. Kalak si sirang ras Tuhan bali ras dahan si la erbuah ikeret ( iukum) Dibata, iambekken kubas api (ay.6), enda me wari penghakimen terakhir maka kalak si la ersada ras Tuhan, kalak si la erbuah si meramis dingen entebu kalak si labo erbahan kesenangen dingen kedamen ibas geluh enda iambekken kerina ku api neraka.
Pdt. Saul Ginting
Rg. Bekasi
