PA MAMRE GBKP TANGGAL 13-19 MEI 2018

Bacaan: Kejadin 6:14-15, Tema: ULIH TEKHNOLOGI SIMPEHULIKEN (Positif)

 I.                   KATA PENARUH

·         Ibas zaman genduari enda entah pe ibas zaman tekhnologi enda lanai terbalengi kita la makesa, sebab sie genduari sangat berkembang ibas zaman enda janah zaman semakin maju terus. Bahkan pemerintah genduari pe enggo ngarusken kita ikut ibas tekhnologi enda, misalna, masuk tol arus make E-Tol, muat nomor antri bas instansi-instansi pe enggo arus arah download aplikasina, rsd. Tentu tekhnologi enda cukup berkembang kel man banta adi sipake kemajun tekhnologi enda alu bijak ras berhikmat man Tuhan. Sebab adi la kenca kita bijak ras berhikmat ibas makeken tekhnologi enda melala dampak si la mehuli si banci terjadi bas kita kerina subuk ibas keluarga, masyarat, gereja ras bernegara.

·         Ibas zaman tkhnologi enda manusia termasuk bas keluarga sendiri pe enggo mulai berkurang komunikasi ras kebersamaan. Ija manusia lebih asyik bermain gadget, la ka bo sitik terjadi perceraian, pembunuhen, penculiken, perampoken, rsd, erkiteken kemajuan tekhnologi enda. Bahkan banyak ilustrasi-ilustrasi yang menceritakan tentang seorang anak yang ingin menjadi seorang gadjet erkiteken orang tuana la pernah nadingken gadjetna bahken adi la idahna gadjetna latih ukurna bahken banci irawaina anakna.

·         Tapi manfaat tekhnologi pe tuhu-tuhu seh kel mbelinna, umpamana, informasi-informasi seluruh doni enda banci sidat arah kenajun tekhnologi enda, Aminna gia kita i Jakarta banci siawasi karyawanta i rumahta entah i kantorta, metedeh ateta keliuargata erkiteken kita pedauh-dauh banci sipake Video Call, bagepe tekhnologi banci sipake untuk melayani sebagai sarana guna membagiken firman Tuhan baik melalui Whatsapp, facebook, ras sidebanna. Bahkan ibas perjalanen kami piga-piga bulan silewat ku Israel banci siidah dengan tekhnologi, Israel yang memiliki tanah tandus tapi dapat menjadi tanah yang penuh dengan pohon-pohon yang tumbuh tinggi ras subur erkiteken menggunakan tekhnologi. Bahken 4 tahun silewat paksa lit seminar peternaken, isingetken ije maka alu tekhnologi banci erbahansa Lembu sekali ranak banci 2 anakna, bagepe batang galuh sekali erbuah  banci dua tandan buahna si biasana pohon pisang erbuah sekali ngenca ras sada tandan ngenca buahna. Emaka arah bahan PA Mamre ta enda iajuk kita uga kita bijak ras berhikmat makeken tekhnologi enda gelah banci si dat ulihna kemajun tekhnologi enda.

II.                PEBAGESI PENGANGKAAN KERNA TEKS

·         Ibas bagin perikop enda  nuriken kerna cedana tinepa Dibata. Ibas perikop enda ituriken kerna kefasiken manusia. Manusia e kerina enggo erdosa tapi Nuh tetap ibas kinitekenna. Ija dosa-dosa siilakoken manusia paksa sie eme  kiniteken manusia si lanai setia ersembah man Dibata tapi enggo nembah mkan gana-gana. Manusia enggo nembah man dibata-dibata sideban arah patung-patung. Manusia enggo ceda ras dem alu dosa ibas nembeh atena Dibata ras ihinana Dibata alu erbahan perbahanen si langena ate Dibata ras ilawanna Dibata.

·         La terjeng je saja doni enda pe dem alu kekerasen ras ketidakadilen nandangi manusia. Lanai lit pemerintahen si tertib entah pe teratur paksa sie. Lanai lit kalak si merasa aman ibas kai silit bas ia sekalipe hakna kerna kai si lit bas ia e jelas janah aminna gia lanai banci iganggu gugat. Lanai lit siilakoken manusia paksa sie selain pembunuhen, pemerkosaan ras penjarahen. Arah sienda teridah maka perbahanen manusia si meliuat situhuna eme dalan manusia bengket kubas kehancuren. Adi lanai lit ate perkuah ibas manusia ras lanai lit kebiaren man Dibata  maka manusia e berubah jadi “binatang” ras setan nandangi sapih-sapih ia. Sienda me siterjadi nandangi manusia paksa zaman Nuh. Dosa e enggo ndemi doni  alu kekerasen janah alu bage mengubah doni jadi manusia yang kejam.

·         Dosa manusia paksa sie la hanya melanggar hukum-hukum Dibata, tapi pe mengesampingken Tuhan ibas kerina dampar geluhna. Dosa la hanya ngadi  kenca lit korbanna tapi pe manusia enggo  nggit ngelawan Tuhan. Manusia e pe enggo berusaha menyaingi ras seri atena ras Dibata bagepe ersura-sura merebut ras encedai kerina tinepa DIBATA

·         Bukti-bukti kerna jahatna manusia lanai terpersoken sebab Dibata sendiri enggo naksikenca ras niksikisa janah idahna alu mataNa jine maka manusia enda enggo seh kel jahatna janah seh kel macikna kerina perukurenna (ay. 5). Janah Dibata selaku Hakim  si adil ibas kerina hal ertindak berdasarken kepastin ibas kemahatahuanNa  si la perna salah (bnd. Mzm. 33:13).

·         Kai si paling memberatken manusia iadep-adepen Dibata? Eme erkiteken manusia e manusia e menyebarken pinakitna e (dosa-dosa siilakokenna) ku kerina jelma. Emaka lanai hanya terjeng bangsa entah kota-kota terntentu saja si ngelawan Dibata janah nggeluh ibas dosa, tapi kerina manusia i belang-belang doni enda. Lanai lit manusia si erbahan simehuli seakatan NUH.

·         Tapi kerina sura-sura manusia e la ipediat Dibata. Emaka ibahan Dibata dua hal eme nggeluh manusia ibatasi, eme umur manusia seh 120 tahun ngenca (ayat 3). Sipeduaken siiban Dibata eme ilitken Dibata penghukumen sekaligus pemusnahen (ayat 7,13).Kerina enda ibahan Dibata gelah manusia meteh sekaligus nginget ras sadar kerna otoritas Dibata eme simeganjangna janah manusia kai kel pe labo iadep-adepen Dibata. Dibata make Nuh guna nelamatken kerina tinepa Dobata, erkiteken Nuh nari ngenca tetap setia man Dibata janah sie kerina semata-mata erkiteken  perkuah (anugerah) Tuhan man Nuh (ayat 8,13a).

• Dibata njadiken Nuh  sebage tugu peringaten kerna perkuah ate Dibata si enggo nelamatken tinepa Dibata. Dibata nuruh Nuh erbahan sada bahtera (ay. 14-16).
• Bahtera e arus ibuat ibas kayu gofir (kayu sienteguh).
• Arus ibahanna kamar-kamarna.
• Janah ilapisi alu ter arah bas ras arah darat. 
• Gedangna 150 meter.
• Belangna 25 meter.
• Ganjangna 15 meter.
• Tarumna setengah meter ganjangna ibabo dingdinmgna nari
• Kapal e ertingkat telu ibas.
• Tama sada pintuna ibas sada  dingding.

·         Nuh ngelakoken kerina kai siperintahken Tuhan man bana. Sebab kepentaren si lit bas manusia epe rehna bas Tuhan nari tentu Tuhan me harus menentuken kerina kai siilakoken manusia. Dibata ngataken ukuren-ukurenna man Nuh gelah terjadi keseimbangen ibas bahtera e, melala ruangenna ibas bahtera e guna nehken tujun bahtera e ibahan. Ertina kalak sierdahin guna Dibata harus ngaloken “ukuren-ukuren” siilakokenna bas Tuhan nari ras alu teliti iikutina. Nuh arus nutup dingdingna i darat nari ras ibas nari ertina, adi darat nari itutupi guna melindungi bahtera e ibas udan nari ras mencegah lau gelah ula merembes kubas. Itutupi bas nari guna meneken bau binatang=binatang kidekahtertutup. Nuh la nuruh Musa guna ngecet bahtera e.

·         Dibata erjanji man Nuh maka Nuh ras keluargana pasti ikawali ras ijaga Tuhan gelah tetap nggeluh ibas bahtera e  (ay. 18).

 III.             PENGKENAINA

·         Temata eme ULIH TEKHNOLOGI SIPEHULIKEN. Ibas Kamus Karo Ulih ertina  apa yang diperoleh, penangkapan, upah. Ibas Kamus Karo pehuliken ertina memperindah, memperbaiki, mengatur.  Ibas KBBI Tekhnologi eme metode ilmiah untuk mencapai tujuan praktis, keseluruhan sarana untuk menyediakan barang-barang yang diperlukan bagi kelangsungan dan kenyamanan hidup manusia. Jadi arah tema enda mereken pengertin man banta maka kai si banci sidat arah metode ilmiah siilakoken guna kepentingen manusia si erguna ras mpehuliken.

·         Tentu arah tema enda gelah banci tercapai la banci lang kita harus neladani kai siilakoken NUH. Lit perbedan manusia paksa sie ras Nuh. Adi manusia paksa zaman Nuh makeken kepentarenna guna nyaingi Tuhan ras berusaha gelah ia seri ras Tuhan dingen nehken kerina sura-surana alu la ngenen sendalanen ras sura-sura Tuhan siilakokenna e entah lang. Tapi Nuh ia megiken kerina siperintahken Tuhan bas geluhna janah la sitik pe siilakokenna menurut pendapatna. Termasuk bahan-bahan kayu guna erbahan kapal e pe Tuhan banna singaturkenca, ukurenna pe Tuhan si ngaturkenna, belangna, gedangna, tingkatna kerina Tuhan singaturkenca, soal lapisna arah darat ras bas Tuhan kerina singaturkenca.

·         Emaka arah bahan PA Mamre enda marilah sipakeken kemajun tekhnologi enda arah mata rohanita. Sentudu nge ras sura-sura Dibata siilakoken kita e  entah lang. Ergadjet suari berngi tanpa memperduliken keluarga ndehara ras anak-anak mehuli  iakap Dibata entah lang, rsd. Adi enggo me sieteh la mehuli ula lakoken bas geluhta enda. Tapi kai si erguna ibas makeken tekhnologi enda pakekenlah guna kemuliaan Dibata.

·         Hal si sederhana sibanci sibahan arah kemajun tekhnologi enda si labo muluk-muluk eme, nungkun kesehaten isi jabuta adi kita pedauh-dauh, ngiahken teman-temanta perpulungen ras kerina kegiaten gerejanta, rsd. Marilah mbages-mbages siukuri, enggo nge pemaken tekhnologi enda mereken dampak (ulih) simehuli man kinitekenta ras isijabunta entah lang. Adi lenga tentu harus sipehuli, adi enggo mari sitingkatken. Amin

Pdt Abdi Jaya Tarigan 

Rg Bandung Pusat 

Invocatio        : Erkiteken sie ertotolah  min perpulungen situtus, tupung ia ibas kiniseran. Gelah adi reh galumbang kesusahen,la seh man bana.Masmur 32;6

Renungen      : I Tesalonika  5 : 17-18

Tema            : Tetaplah ertoto

“Ertotolah katawari pe, janah katakenlah bujur man Dibata ibas sikugapana pe. Enda me singena ate Dibata ibahanndu ibas geluhndu selaku kam kalak si enggo ersada ras Kristus Yesus”.

1.     Ertotolah katawari pe=”Tetaplah berdoa”=”Berdolah sennatiasa”(BIS). Kata “kawaripe” ijenda labo berarti,  melasken pertoton lalap segedang-gedang wari tapi gelah perpulungen lalap ertedeh ate reh ndahi Tuhan, labo hanya ibas paksa-paksa tertentu. Adi meriah ukur dahi Tuhan, adi seh sura-sura dahi Tuhan. Bagepe banci saja ibas susah kal ije teridah tutus kal ate ndahi Tuhan. (Biasana ibas Ruang ICU ijem situtusna kal ertoto).

Ertotolah katawaripe ertina ula sempat bosan ertoto.

Ertoto  = kebutuhen labo kewajiban. Tuhu kita kalak sierkiniteken harus ertoto tapi labo e kewajiban

2.    Piga-piga pengajaren Rasul Paulus kerna ertoto:

Fil 4:6 “Ola aru atendu kerna kai pe, tapi ibas kerina pertotonndu, pindolah......rstna”

Kolose 4 : 2 “Tutuslah ibas ertoto, janah sanga kam ertoto ersikaplah dingen katakenlah bujur man Dibata

Efesus 6 : 18 “Bahanlah sie kerina alu ertoto, mindo penampat man Dibata....”

Kerina enda encidahken sikap geluh erpengarapen ras erpengendes man Dibata singaturken kerina ibas kegeluhenta.

3.  “Katakenlah bujur man Dibata ibas sikugapana pe”, ngataken bujur labo tergantung kubas situasi tapi ngataken bujur man Dibata aminna kai gia jadi ibas kegeluhen.

Dua kata “ertoto” ras “ngataken bujur”  Enda me siarus ilakoken adi ninta kita ersada ras Yesus.Alu kata sideban adi ninta kita kalak sierkiniteken labo kita tutus ertoto janah teridah kita jungut-jungut, kelsehen, merawa katawari pe, labo tuhu kita kalak sierkiniteken.

4.  Banci siperdiateken, cara guna ermalem ate eme alu tetap ertoto. Kita pasti lebih ermalem ate adi kita lebih mbue ertoto. Kita harus tetap ertoto ibas waktu-waktu si itentuken, janah e harus silakoken terus-menerus. Kita harus lalap ertoto, alu la ermedu-medu. Ertoto la erngadi-ngadi, seh maka pertotonta e jadi sada bentuk pujin man Dibata. Labo berarti maka kalak la banci erban kai pe erkiteken ertoto ia lalap, tapi si enda mpersingeti kita gelah ula e siban jadi alasen si erbanca lanai ateta ertoto man Dibata. Ertoto nampati kita guna lebih mpeturah kinitekenta, labo jadi penghambat kegeluhenta ibas erkiniteken, kerina pendahin si ibereken Dibata tuhu mehuli.

5.  Adi kita ertoto la erngadi-ngadi, maka labo kita kekurangen alasen guna ngataken bujur man Dibata ibas kerinana (bnd. Plp. 4: 6). Kita harus ngataken bujur ibas kerina keadaan, bahkan ibas kesusahen ntah pe ibas kemakmuren. Keadan geluhta mungkin labo bage kal burukna bagi si ukurken kita, tapi banci ka nge jadi lebih buruk. Kita ibereken mbue kesempaten guna nehken perbebenta alu meteruk ukur man Dibata, emaka labo lit alasenta mengeluh man Dibata, janah lalap lit alasenta guna ngataken bujur man Dibata.

6.  Seh ija ngen pentingna pertoton ibas kegeluhenta? Si sehken pertotonta ibas gelar Jesus Kristus, janah sieteh maka lit kuasa si seh kal belinna ibalik sada pertoton si seh kal sederhanana, adi pertoton e isehken tuhu-tuhu arah pusuh si mbages nari ras kiniteken sipaguh. Sieteh e payo, tapi seh ija nge aplikasina ibas kegeluhenta? Mbue kalak labo penting akapna ertoto. Ertoto ia adi la akapna sibuksa dahinna. Erdahin e penting, ngurus keluarga penting, bersosialisasi ras sidebanna penting. Tapi ertoto merupaken sada hal si pentingna kal ibas geluh enda janah la banci inomorduaken apai ka itadingken. Pertoton merupaken salah sada sarana komunikasinta ras Tuhan si seharusna menempati posisi ibas uruten si paling meganjang. Adi sangana kita sibuk harus kita berhati-hati gelah ula tergoda guna berkompromi secara pribadi ras Tuhan. Banci kita terjebak guna lebih mementingken ndungi pendahinta lebe asangken mereken waktunta guna megiken sora Tuhan. Kesibukenta banci ipakeken iblis guna melemahken ras membujuk kita gelah reh dauhna kita ras Tuhan e. Erbage-bage kearun ate nandangi kebutuhen-kebutuhen geluh i doni enda banci jadi celah si ipake iblis guna nehken sura-surana mpesirang kita ras Dibata. Kerina kearun ate ras kebiarenta merupaken pintu masuk si banci ipakeken iblis adi la kita terbiasa ngendesken kerinana man Tuhan arah pertotonta. Tuhan Jesus jine mengalami hal enda sanga Ia erpusa 40 wari 40 berngi i padang gurun. Sanga igejapNa melihe ije me iblis e melanacarken serangenna guna ncubai alu menawarken kerina hal si mungkin banci memuasken kebutuhen-kebutuhen arah sisi manusiawi (bnd. Mat. 4: 8-9). Tapi Jesus la tergoda janah tegas itulakNa pengajuk iblis (ay. 10). Arah peristiwa enda banci kita erlajar guna ngidah gelah ula kita terpengaruh ibas kemewahen ras kai si itawarken doni enda si erbanca buta/pentang kita secara rohani janah ngadi kita ngukurken perkara-perkara si rasa lalap (bnd. Mat. 6: 19).

7.  Andar Ismail ibas bukuna si erjudul “Selamat Berteduh: 33 Kumpulan Doa” ije ikatakenna ertoto e merupaken percakapen ras Tuhan. Pemahamen sibagenda pernah lit ibas ibadah gereja mula-mula (abad ke 2 s/d abad ke 5) fungsina sebage salah sada bentuk pendidiken agama kristen kalak dewasa (PAK Dewasa). Pertoton enda labo terjeng ibelasken  tapi terutama guna irenungken, ertina merenung janah ertoto bagepe ertoto janah merenung. Dua tindaken enda ipaduken ibas pusuhta si mbages nari janah seh ibas intina eme sada kebutuhen dasar tiap jelma, eme merasa tenang, merasa dame, rsd. Sebab nggeluh eme ingan ndarami ketenangen, kedamen, keteduhen, rsd. Eme sebabna kita berteduh/cio kempak Tuhan (bnd. Msm. 90: 1). Ertoto labo gelah kita “bermanis mulut” man Tuhan, tapi berterus terang ngataken perbeben kegeluhen si dalani kita. Ertoto iandingken bagi kalak si ndatken ingan cio ibas lasna matawari, angin meter ras galumbang si merawa si nderpa kegeluhenta. Kristus kap si mereken kita ketenangen, emaka ku Ia kita ngadu arah pertotonta (bnd. Msm. 71: 3). Emaka tetaplah kita ertoto.

                                                                                                                                Pdt. Iswan Ginting Manik

                                                                                                                                  GBKP Runggun Pondok Gede

Invocatio    : “Ampekenlah kerina kearun atendu man Dibata, sabap Ia kap si

mperdiateken kam” (1 Petrus 5:7)

Khotbah      : Masmur 102:1-12

Tema         : “Sehkenlah Pingko-Pingkondu!”

I. PENDAHULUAN

Kinata kegeluhen manusia si enggo ndabuh ku bas dosa eme kerina ngenanami perbeben, masalah ibas kegeluhenna, labo lit manusia nggeluh si la lit perbeben ntah masalahna. Subuk masalah sosial, ekonomi, pinakit, jabu (anak si gutul, bapa pe gutul, nande si la bagi nande) kerina pasti engkenai manusia. Seh maka lit sada kuan-kuan nina “manusia yang hidup tanpa masalah, itulah masalah utamanya”, sebab nina kuan-kuan enda ndai dua ngenca macamna manusia si la lit masalahna em kap ‘kalak adon/gila ras kalak si enggo tambat kambal-kambalna alias kalak mate’, lebih asa si e kerina pasti erbebe ibas masalah geluh. Emaka adi latih entah kelsehen gia kita erkiteken lit masalahta, katakenlah bujur man Tuhan sebab “sehat” denga kap kita, janah tatap ku teruh nin kambal-kambalta langa kepe “i tambat”.

Saja si jadi persoalen megati labo erkiteken mbelin kitikna perbeben sinihadapi kita, tapi uga sikapta ibas merespon perbeben e. Lit deba kalak meresponsa alu sikap negatif, putus asa ras bene kiniteken (la nai erkiniteken). Tapi si harus ilakoken anak-anak Tuhan ibas kerina perbebenna eme kap mengandalken Tuhan. Jenari mindo gegeh man Tuhan arah pertotonta alu pengarapen maka ibegikenNa pingko-pingkota.

II. PENDALAMAN NAS

Masmur 102 eme kap pertoton sekalak si sangana lit ibas kiniseran, tupung ia lemah entah kote subuk perukuren bagepe daging kulana ituriken kerina man Tuhan arah pingko-pingkona. Ibas masmur enda ituriken pe maka ibas kerina kecibal geluhta terkhusus ibas kerina perbebenta la banci kita ‘numpah padan’ ntah putus asa tapi tetap kita ernalem dingen ngarap man baNa.

Ibas pertoton enda, pemasmur mindo gelah ibegiken dingen ialoi Tuhan min kerina pingko-pingkona (ayat 2,3) janah masu-masu ia (bnd. Bilangen 6:26). Kelsehen e ituriken pemasmur erkiteken igejapkenna (identifikasi) lit si salah ibas geluhna paksa e, enda banci si idah arah kata-kata si ibelaskenna: ia sangana lemah, suin, janah terbuang (terkucil) bagi cimber, seh makana igejapkenna lit pinakit si mekelek ibas kulana emkap “dagingku melas bali ras api” (ayat 4), geluhna desken nggala bagepe dukut (ayat 5, 12), dagingna reh kertangna erdekahna desken kuling maluti tulan (ayat 6), kelungunen desken perik simeliar i gurun pasir, bagi kalingkupa i bas rumah si enggo runtuh bagepe bagi perik i babo tarum rumah (ayat 7, 8), igejapkenna tempa-tempa melala kalak si megombang nandangi ia (ayat 9) seh maka i akapna Tuhan merawa dingen nembeh nandangi ia seh maka i ukum Tuhan ia (ayat 11).

Megati manusia ibas ngalaken perbebenna entah masalah-masalah geluhna alu kelsehen, putus asa seh maka lit pe si enggo bene pengarapenna. Kelsehenna teridah ibas ia erlebuh dingen serko man Tuhan nina, “engkai maka aku singenanamisa Tuhan?”. Adi terjeng je denga nge si jadi kelsehenna langa bo jadi masalah simbelin kal, tapi dikune enggo seh ku bas meraguken keleng ate Tuhan dingen nalahken Tuhan ibas perbebenta jenari nadingken Tuhan (la nai tek nandangi Tuhan) enda merupaken puncak kelsehen manusia ibas perbebenna. Tapi pemasmur ibas kelsehenna pe tetap ia tek janah erpengarapen man Tuhan, maka ibegikenNa kap kerina pingko-pingkona.

 Ibas 1 Petrus 5:7 si jadi invocatio, ituriken alu gendek, padat ras jelas uga seharusna kita selaku anak-anak Tuhan ibas ngalaken perbebenta. Petrus nulisken surat enda nandangi kerina kalak kristen si sangana ngenanami kiniseran ibas kondisi ingan tading marpar merap (diaspora). Adi si perdiateken surat Patrus enda, ikatakenna “Ampekenlah kerina kearun atendu man Dibata, sabap Ia kap si mperdiateken kam” (bhs. Indonesia, “Serahkanlah segala kekuatiranmu kepadaNya, sebab Ia yang memelihara kamu”). Lit ije kata ‘kerina/semua’ la setengah-setengah, labo seperteluna, labo ka 90 % tapi kerinana/semuanya, enda nuriken maka Tuhan tuhu-tuhu mperdiateken kita janah ngasuhi kita ibas kerina dampar geluhta. Ibas bahasa Inggris kata kekhawatiren iperinci alu ndauh nina: “all your anxieties, all yuor worries, all your concerns, once and for all” (semua ketakutan, kecemasan, kegelisahan, ketidaktenangan, segala yang membebani pikiran, sekali untuk selamanya). Ola nari ibaken entah tadingken kerina perbebenta tapi endesken/serahkan man Tuhan kerinana/semuanya, seh makana enggo menahang si akap ndalani geluh enda.

III. APLIKASI

Jadi kalak kristen labo jaminen maka la nai kita ngenanami perbeben ntah masalah nggeluh, tapi jadi kalak kristen lit sada jaminen maka kita ipegegehi ngalaken kerina perbebenta arah kita erpengendes man Tuhan janah tek kita Tuhan nampati kita guna ndungi kerina masalahta. La nai kita erbebe sekalak kerna perbebenta alu ngandalken gegeh ras kemampunta tapi siendesken kerinana man Bapa si ni Surga. Siharus ilakoken kalak kristen ibas perbebenna em kap “reh ku adepen Tuhan”, amin gia melala denga kita adi lit perbebenta leben si dahi temanta, si teleponi janah curhat kita man bana sebab siakap banci kari iberena solusi tapi megati sebalikna banci ka nambahi si man tangkelen. Emaka si dahilah Tuhan bagi si ituriken bas Pustaka si Badia, “E maka marilah sideheri alu la biar-biaren Dibata si erkuasa si dem alu lias ate. I je sialoken perkuah ate ras lias ate gelah dat kita penampat i bas paksa si iperluken kita” (Heber 4:16). Sabab tek kita i bas tan Tuhan kerina perbebenta la bo lit si mberatsa ntah menahangsa, bagepe tetap si gelem pengarapenta maka “mata Tuhan tetap nare kempak kita dingen mperdiateken kerina perbebenta janah Tuhan-ta ndauh kal belinen asangken perbebenta”.

                                                                                                                               Pdt. Irwanta Brahmana

                                                                                                                               GBKP Rg. Surabaya