Tema  

 Pemimpin simbebasken

Tujun   : 1. Ngidah kinipangen ras perjuangen Ester mbebasken bangsa Yahudi ; 2. Mbebasken generasi I bas ancaman pinakit social

Kata penaruh

Pemimpin si ngukurken kiniulin rakyat sinipimpinna tuhu-tuhu mereken kemalemen ate man rakyatna. Apalagi pemimpin e pang mpertaruhken nyawana sendiri guna keselamaten rakyat sinipimpinna e sungguh-sungguh hal yang sangat mengagumkan. Janah hal enda enggo ilakoken pemimpin-pemimpinta si arah lebe guna mpertahanken kemerdekaannta. Emaka tuhu-tuhu enggo maba kebebasen man bangsata ibas penjajahen nari. si erbanca kita genduari lanai nggeluh ibas penjajahen nari. tuhu kita nggo seharusna ngataken bujur man pemimpinta si enggo mereken kebebsen man banta alu mengisi kemerdekaanta enda alu perbahanen si mehuli.

Ibas prikopta  si sendah pe kita ngidah uga ka pergumulen Ester sebagai ndehara raja Ahasweros guna banci nyelamatken kalak Jahudi si ndatken ancamen guna ibunuh oleh Haman. Kai nge silakuken Ester guna nyelamatken kalak Jahudi ?

Mpebagesi pengangkan kerna ogen

Ester si enggo terpilih jadi ndehara raja Ahasweros tading iistana. Ija ibas paksa e Haman simenjabat sebagai perdana menteri raja nembeh kel atena Mordekai erkiteken Mordekai la nggit nembah ia. Sebab ibas kalak Jahudi si man sembahen hanya Jahwe labo manusia emaka Mordekai la nggit nembah Haman. Emaka erkiteken si e nembeh kel ate Haman man Mordekai. Ban nembehna atena emaka la saja Mordekai atena ibunuhna tapi pe kerina kalak Jahudi. Emaka iberitakenna me man raja bahwa lit salah sada suku ibas negerina la seri adatna ras kalak sideban gelah min ibunuh. Alu e Haman banci mereken duit 340.000 kilo pirak man bendehara kerajaan. Emaka raja pe menyetujuisa.

Kenca surat e ibahan ras imomoken  erbanca Mordekai ras kerina kalak Jahudi erceda ate. Emaka icaingkenna bajuna kenca e ipakena paken guni. Ibas kalak Jahudi memang semal kalak Jahudi erbahan sibage adi ia sangana ibas ceda ate erkite-kiten dosana. Kenca bage Mordekai lawes ku kerabangen Istana. Memang adi kalak si sangana make uis guna ia hanya banci she ibas kerabangen istana la banci ku bas istana. Kenca persuruhen Ester baik sidilaki ras sidiberu ngidahsa emaka ilaporkenna man Ester. Emaka ester mereken baju man Moedekai gelah ia banci masuk ku istana. Tapi Mordekai la nggit makesa. Emaka idilo Ester Hatah guna jumpai Mordekai janah nungkun kai si jadi. Mordekai cerita maka kalak Jahudi atena ibunuh emaka ipindo Mordekai gelah Ester jumpai raja guna mindo perkuah ate raja nandangi bangsana kalak Jahudi. Permintaan e mberat bagi Ester erkiteken ibas paksa e raja la banci ijumpai adi la kin raja sendiri sindudurken tongkat emasna man ise siate raja berkenen guna ngerana ras ia. Hal enda ipeseh Ester man Mordekai tapi Mordekai ngataken maka adi lakkin pe nggit Ester guna napatisa maka lit nge kari sinampati kalak Jahudi. Janah nina Mordekai maka mungkin posisina sebagai kemberahen raja e gunana guna nampati kalak Jahudi. Erkiteken si e nina Ester man Mordekai gelah kerina kalak Jahudi erpuasa selama telu wari telu berngi guna ertoto man bana bage pe ia ras kerina suruh-suruhenna. Janah nina “adi terpaksa kin pe aku mate; mate pe labo dalih”. Enda perkataan si enggo tetap kel ukur Ester guna mpertaruhken geluhna guna keselamaten kalak Jahudi.

Kenca bage lawes Mordekai, jenari ibahanna kai si nikataken Ester ndai.  

Pengkenaina

Situasi sinialami Ester tuhu-tuhu hal silabo menukah erkiteken ia sebagai kemberahen raja harus berani muat tindaken si banci mengancam keselamatenna. Ia harus lebih melihat keselamaten bangsana dari pada keselamaten kedudukenna sebagai ratu. Enda me sikap si tepat sinilakoken moria ibas keadaan negaranta genduari enda. Selaku moria lanai banci hanya memikirken kerna dirina saja sebab keadaan diluar sudah sangat mengancam akan kenyamanen ras keutuhan negaranta enda. Lit maslah narkoba si setiap saat menghancurken generasinta, prostitusi, korupsi ras keutuhen NKRI. Ertina nggo saatna kita moria muat bagin guna banci mbebasken generasinta ibas pinakit social e nari. misalna tetap sijaga keituhan keluarganta segelah anak-anakta la terkena Narkoba, la terhasut kerna masalah kebencian terhadap salah satu agama atau ras, tetap njaga jabunta gelah la ikut ibas korupsi rsd. ertina kita selaku moria tetap menanamkan cinta buat bangsa ras negaranta enda. Kita selalu rindu ada kemajuan, ketentraman dan kesatuan ibas negaranta Indonesia enda.

Ester ibas ndahiken dahinna ras rencanana ndai ilakokenna puasa telu wari telu berngi, ertina ia meminta petujuk ras penyertaan Tuhan man bana. Kita pe selaku moria ibas kita ateta lako ngelakoken pembebasen nandangi penyakit masyarakat I sekelewetta mari kit ape tetap mindo petunjuk ras penyertaan Tuhan man banta segelah la sia-sia perbahanenta e. Tuhan simasu-masu kita ibas ngelakoken ukurta si mehuli e.

Pdt Kristalonia br Sinulingga

Tema  

Ngergai pengalamen moria saitun

Tujun   : 1. Ngidah uga Rut megiken ras makeken kata ajar Naomi;  2. Ngasup ngidah Moria saitun jadi teman arih

Kata penaruh

She kel kepe ulina adi moria singuda banci tetap ngergai, entah jadiken moria saitun sebagai nandena. Sebab secara pengalaman, moria saitun tentu nggo lebih mbue pengalamenna kerna kegeluhen enda. Saja ngenca uga moria si nguda banci ngangkai sura-sura ras perkataan moria saitun. Amin pe secara umur nggo ndauh bedana. Janah ibas perbedaan umur end ape banci mabai cara pandang ras cara perukuren pe nggo beda. Tapi adi bancilah sibegiken pengalamen moria saitun ibas kegeluhenn, alu e banci ndatken pengajaren si mehuli. Sebab pengalamen eme guru yang terbaik ibas kegeluhen enda.

Pembagesis pengangkan kerna ogen

Naomi eme kalak Jahudi tapi erkite-kiteken terjadi kelihen si mesangat I kutana emaka elimelek (perbulangen Naomi)maba Naomi ras dua anakna dilaki ku negeri Moab. Tapi I negeri moab, Elimelek ras duana anakna dilaki mate. Kenca I begi Naomi maka negerina nggo ipasu-pasu Tuhan alu udan emaka ersikap Naomi mulih ku kutana ras duana permaina. Tapi sada permainan sitergelar orpa milih guna mulihken ras keluargana sedangken Rut milih guna tetap tading ras si metuana. Emaka berangkat me Naomi ras Rut ku Betlehem,

Kenca I Betlehem Rut tading ras si metuana Naomi. Rut sitading ras Naomi lawes guna mumahi ruhi gandum si tading-tading I juma kalak guna banci jadi panganna ras si metuana. Emaka lawes Rut guna mumahi ruhi gandum si tading ibahan aron. Janah kenca Rut mulih, ibabana me ruhi gandum s imbue menam sada ayan. Erkiteken si e isungkun Naomi me Rut ; juma ise ia erdahin maka bage Buena idatna ruhi gandum. Rut ngataken gelarna Boas. Kenca si e Naomi tetap nuruh Rut gelah tetap erdahin I juma Boas she dung peranin.

La ndekahsa nari kenca si e nina Naomi man Rut, arus kudarami dilaki man perbulangenndu gelah meriah iakapndu. Emaka nina Naomi man Rut, ridi kam, minaki dagingndu salu minak wangi si merim, janah pakelah uisndu si mejilena. Kenca e dahi ia ku inganna ngerik, pepayo ija ia medem janah kenca ia tunduh, talangi cabinna jenari pedemken arah nahena.  Ngaloi Rut uga nindu, bage kubahan bibi. Luar biasa siidah perhatian Naomi man Rut she ngukurken uga maka akap Rut meriah. Janah lit kehamaten Rut si luar biasa man bibina she maka la ia nogan kata bibina. Kai sinikataken Naomi man Rut ialoken Rut ras idalankenna. I jenda teridah maka diberu si enggo metua ngukurken uga maka meriah (berbahagia dalam hal benar) nandangi moria si nguda denga ras moria singuda banci memahami kata ras maksud moria singgo metua emaka la itoganna tapi idalankenna sebagai tanda kehamatenna. 

Pengkenaina

Di beru si nggo metua tentu nggo mbue pengalamen geluhna. Janah pengamenna e tentu sangat nampati diberu si nguda denga. Apalagi pengalamen kerna turi-turin ngeluh. Emaka iarapken gelah selaku moria si enggo metua sinikataken sebagai saitun tetap min jadi ingan penggurun diberu singuda denga. Apalagi diberu simetua e igelari saitun, iarapken ia seri ras batang saitun si tetap erguna amin pe nggo metua. Tetap banci jadi ingan cicio moria singuda, singajari kerna kegeluhen perjabun, peradaten, perekonomin ras kegeluhen masyarakat. Segelah alu bage moria singuda pe tambah-tambah tetap kepentarenna kerna kegeluhen enda.

Isamping si e selaku moria singuda denga banci ka kita ngusih biak Rut si ngasup ngergai pendapat Naomi sierbahanca ia jumpa keriahen ibas geluhna. Kita enghamati moria si enggo saitun segelah ia pe malem atena ibas geluhna. Saja ngenca harus kang nge tetap sipergermetken kerna erjabu dua kali tetap nge la sue ras kinitekenta. Labo banci erkidua. Perjabun kalak risten tetap monogamy.

Pdt Kristalonia br Sinulingga

Ogen : Ulangen 6:20-25

Tema  : “Tuhan Mbebasken Bangsanta”

Peringeten wari kemerdekaan Indonesia 17 Agustus 1945 seh pentingna man generasi paksa enda sebab arah perayaan e ngingetken kita kerna sejarah kemerdekaan bangsa emekap  ndarat arah penjajahen Belanda telu setengah abad ras i bas penjajahen Jepang sidekahna telu setengah tahun. Sejarah ngajarken kita kerna keberhasilen ras kegagalan para pemimpin masa lalu, kuga sistem perekonomian  si pernah lit, bentuk-bentuk pemerintahen, ras arah sejarah kita banci mpelajari kai-kai saja simpengaruhi kemajunras kemunduren sada bangsa ntah peradaban gelah banci jadi pelajaren ku masa depan.

Ibas kamus besar bahasa Indonesia nina, sejarah mengandung telu pengertin e me : 1. Kerna asal usul entah silsilah, 2. Kejadin ras peristiwa siterjadi i masa si nggo lewat, ras 3. Pemeteh kerna turi-turin si pernah terjadi i masa lalu. Alu bage maka sejarah e ertina peristiwa si pernahterjadi bas masyarakat i bas paksa si nggo lewat. “Jangan sekali-kali meninggalkan sejarah”enda isingkat alu kata “Jasmerah”,  eme semboyan si pernah ikataken  Soekarno i bas pidato terakhirna 17 AGUSTUS 1966.

Ulangen 6 : 20 - 25 siorati kita pe ngerana kerna pentingna nuriken sejarah man generasi penerus bangsa. Sejarah keselamaten bangsaIsrael ndarat i bas perkawanen nari ku taneh kemerdekaan si nibereken Dibata. Adi nungkun anak-anakta kerna engkai maka kita harus ngikutken kerina undang-undang-Na maka orang tua perlu nuriken sejarah keselamaten e man anak-anakta turun temurun. Maka nina orang tua ku anakna, “mbarenda kami budak raja Mesir, tapi Tuhan nggombebasken kami alu gegehna simbelin. Nggo iidah kami alu mata kami jine ilakokenna tanda kuasa ras ibahan-Na kejadin-kejadinsi erbahanca mbiar bangsa Mesir bagepe rajana ras kerinapegawaina. Ibebasken-Na kami i Mesir nariguna maba kami ku jenda janah ibereken-Na man kami negeri enda sue ras padan-Na man nini-nininta. Kenca bage iperintahken Tuhan gelah kita ngikutken kerina undang-undang-Na. Adi siikutken ntah pe patuh kita man undang-undang-Na maka i pasu-pasu-Na kita.Bageme sejarah si harus ituriken bangsa Israel man anak-anakna secara turun-temurun.

Ibas ogenta (Ulangen 6) enda, erkemalangen man Dibata ertina ndalanken kerina undang-undang-Na (Ulangen 6 : 2) ras ngkelengi Ia asa ukur, tendi ras asa gegeh (ayat 5). Bas hubungenta ras Tuhan maka kekelengen ras erkemalangen man Tuhan titik temuna e me kepatuhen man undang-undang Tuhan. Kepatuhen entah ketaaten nandangi undang-undang Tuhan merupakan kunci lako ndatken pasu-pasu ras kemalemen ate e me :  1. Cawir metua (ayat 2), 2. Mbue anak/jadi bangsa si mbelin (ayat 3), 3.Kinibayaken sebab ngiani taneh mehumur (ayat 3), ras  4. Peningkaten perekonomian  ras kemakmuren (ayat 10-11). Em pasu-pasu si ijanjiken Dibata man bangsana si patuh. Kepatuhen man Dibata sebagai pengataken bujur sebab ia nggo mulahi bangsa enda bas taneh perkawanen nari menuju ku taneh perpadanen si dem dadih ras tengguli. Kekelengen Dibata ibalas alu kepatuhen man Ia(1 Yoh. 4:19).

Pesan sejarah ibas kitab Ulangen enda perlu iterusken ku generasi penerus gelah ia pe ula lupa  kerna perluna kesetiaan man Tuhan alu ndalanken undang-undang-Na. Sejarah pe mencatat  uga akibatna adi bangsa e lapatuh. Israel banci ngiani taneh perjanjin ras ipanna ulihna latih asal ia tetap patuh man Dibata tapi adi la patuh man Dibata amin gia ia tading i Israel tapi la banci ia nggeluh dame sebab gangguen e reh i bas bangsa e sendiri ras i bas bangsa sideban. Bukti ketidak patuhen i bas sejarah e me pembuangen Isrel Utara bas tahun 722 ras pembuangen Israel Selatan ku Babel 586, enda merupakan akibat kelapatuhen Israel nandangi undang-undang Tuhan. .

 Pdt. I. B. Manik