1. I bas Perpulungen Pilipi turah  ajaren sipapak sinigelari  Yudaisme eme kalak Yahudi si enggo jadi kristen tapi tetap denga make ajaren-ajaren agama Yahudi, inti pengajaren enda  nina : keselamaten siialoken genduari lenga bo  sempurna, arah tek ngenca man Yesus Kristus. Keselamaten sisempurna eme adi ndalanken taurat, khususna sunat,

2. Kesaksin Paulus encidahken maka Penandai kerna Kristus eme simeherga ibas kegeluhenna, sabab eme simabai ia kubas kegeluhen situhu-tuhu.
(Kesaksin Paulus: aku eme keturunen Yahudi asli ibas suku Benyamin nari ras tutus ndalanken undang-undang agama eme isunat asum umur waluh wari, selaku kalak Parisi tutus ndalanken undang-undang taurat, janah “menentang” ise saja singelanggar undang-undang taurat. Erkiteken tutus kal ndalanken undang-undang taurat maka igasgasi Paulus me gereja. Bagepe ibas ndalanken undang-undang Paulus la pernah salah. Tapi enda kerina sinai iakap Paulus merupaken sada keuntungen kepeken kenca jadi kalak si tek man Yesus Kristus kerina e sada kerugin man Paulus).

1. Dalam rangka perayan ras ibadah Natalta tahun enda, eme i tahun 2015, kita enggo me mempersiapkan kerina, diantarana Panitia, dana, bagepe pengkhotbah Natal, janah la ketadingen kuga dekorasi ras konsumsi Natal. Bagepe Gereja-Gereja enggo me ngelakoken latihen-latihen koor tah pe drama natal. Hal enda ilakoken mulai danak-danak seh ku lansia. Seh kel riahna adi enggo kenca seh bulan Desember. Gereja tiap wari ipake guna persiapen e, bagepe rapat-rapat panitia terus ilakoken. La ketadingen seragam si pake tiap sektor bagepe kategorial khusuna kategori Moria ras KAKR.
Meriah kel adi ernatal ningen, memang payokel, sebab permakan pe nai i mbal-mbal Efrata meriah kal akapna. Lit koor malaikat, lit kata-kata ula mbiar aku reh  maba berita si meriah, si mereken keriahen si mbelin man kerina manusia (Luk.2:10).
Emaka suasana Natal eme ngalo-ngalo Ia si erbahanca lanai kita mbiar, lanai ateta aru, sebab Ia si reh e maba berita si meriah e.