Suplemen PJJ tanggal 11-17 Oktober 2015, Ogen Keluaran 20:12; Kuan-kuanen 23:22-25

Ogen        : Keluaran 20:12; Kuan-kuanen 23:22-25

Tema        : Kelengi Orang Tua

 

 

1. Bas kalak Jahudi soal engkelengi orang tua hal si utama kenca ngkelengi Dibata. Anak cukup bangga kel ia adi sempat idahna orangtuana, emaka bas kegeluhenna iergaina kel nande ras bapana, sebab e merupaken berkat dari Tuhan. Bagi nina Mazmur 128 “idahndu kempu-kempundu”. Berarti kesangapan ibas Dibata nari adi lit denga orang tua  apaika adi orang tua adi sempat idahna kempu-kempuna.
Kuakap kalak karo pe nai she gundari maka orang tua ngajari/mereken pedah man anak-anakna gelah keleng kal atena nande-bapana. Sebab adi lalit orang tua pasti labo lit anak-anak. Tapi aminna gia lalit anak, orang tua e pasti lit.
Nina Paulus : o kam anak-anak kelengilah nande-bapandu (Ef.6:2). Sebab enggo kita  anak-anak ilahirken, ipebelin-belin bahkan itaruhkenna njabuken bana deba. Emaka  ma wajibkel anak e ertanggungjawab guna ngkelengi orang tuana.

2.    Mehamatlah man bapandu ras nandendu, gelah banci kam ndekah nggeluh ibas negeri si kubereken man bandu pagi. Mehamat ertina : ija ka setiap anak bas kegeluhenna harus erbahan meriah akap bapa-nandena, gelah alu bage bapa-nande pe seh kal akapna riahna ibas ndalani wari-wari kegeluhen enda. Mehamat labo cukup hanya kita nampati, tapi pe ibas kita ndalani kegeluhen enda, maka kita la menciptakan erbahan sedih iakap orang tuanta. Misalna la siangkan ibas jabunta, ersoal ras sembuyakta, bagepe kita sebagai anak-anak malas erdahin guna memenuhi kebutuhen geluh, end ape membuktikan la kita mehamat man orang tuanta. Suari berngi meriah akap nande bapanta, dingen senang akapana jumpa ras kita.
Nina Dibata kalak si mehamat man orang tua ndekah ia nggeluh ibas negeri. Sungguh luar biasa kel man kita enda, ibere ndekah nggeluh adi kita mehamat. Memang kebiasaan kalak si mehamat pasti meriah akapna katawari pe, janah siakapna meriah katawari pe, maka senang iakap kalak ras ia. Emaka kalak sibage lalit pikiranna si negatif tapi positif silalap, adi ukurta tetap positif maka kita pe tenang ndalani kegeluhen enda.

Budaya kalak Jahudi seh asa gundari, meriahkel iakapna adi bas tengah-tengah keluarga lit si enggo metua terutama orang tuana si gedang kal umurna. Janah e ikatakenna orang yang sayang orang tua. Emaka anak-anak erlumba-lumba guna ngurus/erbahan simehuli gelah banci ka ia pagi gedang umurna.

Raja Salomo sebagai pemilik kitab kuan-kuanen, enggo idalankenna ibas kegeluhenna, emaka igejapna maka kai si enggo datnna (kuasa, harta, tahta) . si e kerina ibere Dibata erkiteken ia ngkelengi nande-bapana (Daud ras Betseba). Emaka nina : begikenlah ranan bapandu. Malem kel ate bapa adi anakna erkemalangen man Dibata, ersurak pusuhna adi pentar anakna. Emaka bahanlah maka megah iakap nande bapandu, malem ate simupus kam.

Kerina enda pengalamen Raja Salomo. Atena gelah rakyatna ndalanken ka bas geluhna. Emaka  kit ape wajib ka nge bagi kai sidalanken Salomo, sebab kita sebagai anak nandangi orang tua, bage ka pe saatna pagi kita ka jadi orang tua nandangi anak-anakta. Gelah kita pe ipasu-pasu Dibata, maka anakta pagi ipasu-pasuNa ka.

Pasu-pasu Dibata man kita manusia eme merupaken harapenta. Ija ndekah nggeluh bas doni enda bagepe kai si dahiken kita berhasil. Dibata mereken ketegasen  enda gelah kerina umatNa tetap la ngelupaken, emaka hal enda isingetkenNa ibas loh/10 perintah Dibata ( pedah 10 ). Gelah hal enda jadi sacral, sitetap iajarken ku anak kempu.

Kita pe enggo nge perlu mengoreksi kegeluhenta nandangi temata sendah. Kai nge ndia si banci siban nandangi orang tuanta gelah orang tuanta pe malem ate ibas ia ndalandi kegeluhenna, seh ia pe banci gedang umurna, tetap ia jadi tiang doa man anak kempuna emaka perlu :
a.    Ula kal si ciptaken kaita sebagai anak-anak orang tua, ceda atena ibas masa tuana
b.    Kita sebagai anak sicidahkenlah mak akita anak-anakna sada odak sada oleh,

       ersenina   erturang
c.    Kita tetap jadi penghibur man orang tua arah komunikasi tah pe jumpa ras
d.   Siaturkenlah maka lit min pulung kita sindauh ras sindeher silang-langna setahun sekali
e.   Ula kal kita anak-anak nuntut nandangi orang tua adi lit kin hartana
f.    Ula kal kita membeda-bedaken anak dilaki diberu, janah ula ciptaken

      kelompok-kelompok ibas keluarganta.
g.    Kita sebagai anak harus menjalin hubungen sesame anak gelah malem ate orang tua
h.    Man kita orang tua pe pepulunglah anak-anakta ula kal orang tua tertutup nandangi

       kai si lit, gelah ula terjadi la siteken diantara anak
i.    Adi lit kin tading-tadingen man orang tua bahanlah surat terbuka kerna harta e,

      tah banci  ibegiken saja paksa orang tua sehat denga, tapi adi masih nggeluh hasilna

      man orang tua adi ate orang tua nampati arih-arih ras anak-anak
j.    Ula kal orang tua ka ebahanca lanai keleng ate anak, jadina kari Dibata nehken bagi

      hukum ndai
k.    Anak ras orang tua tetap seia sekata erbahan kai pe, janah hadirkenlah Dibata

      setiap perjumpan anak ras orang tua
l.    Man orang tua singuda, inget, ula pesega-sega anakta erbahan ia merawa tapi ajari ia

      bagi singena ate Tuhan (Ef. 6:1-3), gelah ia pe pagi tetap keleng atena orang tuana.

Salam,
Pdt. A. Brahmana
081317054961