Nats         : Pilipi 2:1-5a
Tema        : Mediate nandangi unit pelayanen Diakonia GBKP

 

1. Diakonia eme salah sada tugas Gereja, janah diakonia enda merupaken tugas si penting kel di luar tugas Marturia ras Koinonia. Sebab erdiakonia enda mis igejapken kalak si ndatken pelayanenna, diantarana eme : ngapuli, ndahi kalak sakit, mperdiateken anak melumang ras nampati kalak sindatken bencana, limana enda eme pelayanen Diakonia karitatif, ija kita melayani alu nenhken keleng ate dingen la ngarapken simulih. Janah seh asa gundari salah sada andalan Gereja termasuk GBKP, maka pelayanen diakonia enda eme masih ndatken peringkat tertinggi adi kin I bahan penilaianna.
Memang idah kami ras pengalamen kami enggo 30 tahun melayani ibas GBKP enda maka jemaat GBKP bagepe di luar GBKP tetap mujiken pelayanen Diakonianta.
Memang nina Yesus pe : “ anak manusia datang bukan untuk dilayani tetapi untuk melayani” Matius 20:28. Arah enda si idah maka Yesus reh eme guna erdiakonia, melayani. Emaka Ia mediate nandangi kalak sakit, kalak si gulut ukur, kalak miskin, bagepe ngapuli kalak si erceda ate. Janah kita me gundari (Gereja) guna nerusken tugas pelayanen e nandangi manusia, baik anggota Gereja bagepe si labo anggota Gereja. Bagepe slogan mamre GBKP “Erdiate ras erpemere”. Enda ma erdiakonia ndai mediate kita nandangi manusia sekaligus erpemere.

 

Ogen        : Esra 8:21-23 ; Matius 9:14-17
Tema        : Erti Puasa

 

 

Puasa sada istilah simbaru kali bas Gerejanta GBKP. Aminna gia puasa enda enggo me melala si ngelakokenca itengah-tengah Gerejanta GBKP, tapi lenga bo sada kewajiben. Sebab megati erpuasa e pemahaman kalak la man, la minem saja. Tapi adi si gar-gari kal simbages-mbagesna maka puasa enda cukup mendasarkel, sebab Yesus pe erpuasa Ia 40 waru 40 berngi (Mat. 4:1). Emaka erpuasa enda tetap denga jadi percakapan ikalangen Gerejanta GBKP. Janah seh asa gundari maka lenga bo dat kal sada kesepakatan kuga kin ras kai kin si harus ilakoken adi kita erpuasa. Tapi amin bage gia mari sitelusuri kai kin maknana erpuasa e.

 

Ogen        : Keluaran 20:12; Kuan-kuanen 23:22-25

Tema        : Kelengi Orang Tua

 

 

1. Bas kalak Jahudi soal engkelengi orang tua hal si utama kenca ngkelengi Dibata. Anak cukup bangga kel ia adi sempat idahna orangtuana, emaka bas kegeluhenna iergaina kel nande ras bapana, sebab e merupaken berkat dari Tuhan. Bagi nina Mazmur 128 “idahndu kempu-kempundu”. Berarti kesangapan ibas Dibata nari adi lit denga orang tua  apaika adi orang tua adi sempat idahna kempu-kempuna.
Kuakap kalak karo pe nai she gundari maka orang tua ngajari/mereken pedah man anak-anakna gelah keleng kal atena nande-bapana. Sebab adi lalit orang tua pasti labo lit anak-anak. Tapi aminna gia lalit anak, orang tua e pasti lit.
Nina Paulus : o kam anak-anak kelengilah nande-bapandu (Ef.6:2). Sebab enggo kita  anak-anak ilahirken, ipebelin-belin bahkan itaruhkenna njabuken bana deba. Emaka  ma wajibkel anak e ertanggungjawab guna ngkelengi orang tuana.