Suplemen PJJ tanggal 08-14 November 2015, ogen Heber 13:4

Ogen        : Heber 13:4
Tema        : Ngergaken Perjabun

 

1. Cubaken kentisik si inget kai ndia nai pengakunta sangana kita si jemaken tan waktu pasu-pasu i Gerejanta? Kuakap adi kata-kata ah ndai tetap terngiang bas pikirenta maka seh kal kita biarna erbahan si la mehuli ibas jabu-jabunta kerina. Sebab nina kualoken kam uga litna, susah senang, sakit sehat, aku tetap njaga kebadian jabunta, kematen ngenca  sibanci nirangken kita. Mantap sebab tuhu bage ateku ninta pekepar.

 

Hal enda merupaken ikrar kalak Kristen adi ia ngaloken pemasu-masun i lebe-lebe Dibata ras itengah-tengah jemaatNa. Janah Dibata pe nehken pasu-pasuNa nandangi manusia (dilaki ras diberu si ijadikenNa e.  Kej.1:27-28). Janah perjabun eme lembaga si tertinggi i lebe-lebe Dibata, sebab perjabun e eme si irestui ras irancang Dibata, dingen ia ka nge mpersiapken jabu si ipasu-pasuna e.
2.    Ngergaken perjabun enda me nasihat si isehken man perpulungen Heber, sebab lit ibas paksa e lanai ngergakenca, bahkan menganggap hal-hal si bagenda enggo soal biasa. Perjabun eme ija dilaki ras diberu ipersada guna membantu keluarga, emaka itengah-tengah jabu lahir anak-anak guna ndemi doni enda (Kej.1:28b). Emaka harus sijaga kebadianta, ertina dilaki-diberu si enggo ersada e, eme pasangenna seh ngayak mate, la banci nari lit WIL : Wanita Idaman Lain, ntah PIL : Pria Idaman Lain, emaka nina kita Heber, hubungen perbulangen ras ndehara la banci melket (Ind. Jangan mengotori tempat tidur), ertina eme : la banci tukar-tukar pasangen, baik perbulangen bagepe ndehara. Ula kal si main-mainken perjabun e, sebab bas Alkitab nina Dibata ula kam erlua-lua, hukum ke 7 bas 10 hukum taurat (Kej.20:1-17)

3.    Erlua-lua enda kepeken pinakit si enggo ndekah lit, janah hal enda pe sada perlakuan si sulit untuk menghilangkenca. Emaka Dibata pe ngingetken man manusia gelah ula erlua-lua. Kalak si erlua-lua eme ncedai hubungen suami-istri bagepe dungna banci kari keluarga e retak.
Nai bas kalak karo lit pinakit pasar, janah hal enda engkenai kalak karo khusus perbapan, lit denga ngelakoken ganti-ganti pasangen (erlua-lua), emaka lit kena pinakit pasar ndai. Gundari  enggo reh pinakit si itimbulken akibat la njaga kebadian perjabun/melket. Ija adi kita ganti-ganti pasangen maka banci kita kena pinakit HIV-AIDS, janah pinakit si enda  kebanyaken akibat pergaulan bebas/ganti-ganti pasangen. Baik dilaki bagepe diberu ikenaina, bahkan anak-anak simbaru lahir pe ikenaina.

Guna sie man banta kerina (suami-istri) harus si jaga kal jabunta, ula kal kita main-mainken jabu e. sada pasangen seh ngayak kita isirangken Dibata. Gundari ibas abad tehnologi enda, maka arah media sosial la sitik keluarga runtuh, la suami la ndehara pe enggo terpengaruh ganti-ganti pasangen. Eme siniigelari SELINGKUH. Dunia selingkuh enggo menghancurken masa depan keluarga, emaka guna si e harus kita hati-hati guna njaga kebadian jabu e.
Guna banci kita njagai kebadian jabunta eme :
a.    Melala komunikasi antara suami-istri
b.    Rajin ngikuti kegiaten Gereja
c.    Rusurlah pujiken pasangenta

Pdt. A. Brahmana
081317054961