Suplemen PJJ tanggal 27 September-03 Oktober 2015, Ogen Perbahanen Rasul-Rasul 26:16-18
Ogen : Perbahanen Rasul-Rasul 26:16-18
Tema : Erberita Dingen Ersaksilah
Tujun :
- Gelah ngawan ni perpulungen meteh maka Dibata enggo milih ia guna jadi saksi Kristus
- Gelah ngawan ni perpulungen ngasup ndalanken pendilo Dibata guna erberita ras ersaksi kerna Kristus
- Gelah ngawan ni perpulungen ngasup ndalanken pendilo Dibata guna erberita ras ersaksi kerna Kristus
1. Erberita ras ersaksi, dua kata enda berbeda tapi tujun seri, eme galah banci itandai kalak Tuhan yesus sebagai juruselamatna. Bagepe gelah banci ia jadi kalak si ndalanken kata Diabata ibas kegeluhenna suari ras berngi.
Erberita banci silakoken arah nehken pesan baik arah pengerana bagepe perbahanen, janah si man beritanken e, eme kerna Yesus mulai ia lahir seh Ia nangkih ku Surga ras bagepe banci sikataken meritaken perbahanen-perbahanen Dibata simbelin arah Tuhan Yesus (I Petrus 2:9). Sebab kita enggo ipilih jadi sikerajangenNa (bangsa pilihen, sikerajangen Dibata). Bagepe banci ka kita meritaken arah perbahanen, banci ka kita meritaken arah perbahanen, bekerja tanpa bicara. Misalna, la pe kita ngerana banci idah kalak arah perbahanenta, caranta erdahin, bagepe nehken keleng ate nandangi kalak, tutus ku Gereja ras tutus ngaturken dahin adat bagepe dahin Gereja (bagi mars mamre).
Erberita banci silakoken arah nehken pesan baik arah pengerana bagepe perbahanen, janah si man beritanken e, eme kerna Yesus mulai ia lahir seh Ia nangkih ku Surga ras bagepe banci sikataken meritaken perbahanen-perbahanen Dibata simbelin arah Tuhan Yesus (I Petrus 2:9). Sebab kita enggo ipilih jadi sikerajangenNa (bangsa pilihen, sikerajangen Dibata). Bagepe banci ka kita meritaken arah perbahanen, banci ka kita meritaken arah perbahanen, bekerja tanpa bicara. Misalna, la pe kita ngerana banci idah kalak arah perbahanenta, caranta erdahin, bagepe nehken keleng ate nandangi kalak, tutus ku Gereja ras tutus ngaturken dahin adat bagepe dahin Gereja (bagi mars mamre).
2. Ersaksi. Biasana kalak si ersaksi eme naksiken perbahanen Dibata sigejapkenna ibas geluhna, bagepe jabuna (I Petrus 2:3), emaka enda isaksikenna, la lebihina, la ka kurangina. Emaka arah kai si enggo gejapkenna, isaksikenna lewat kegeluhen pribadi bagepe keluarga. Emaka kerina enda labo maba ia meganjang rukur.
Gundari megati kalak ersaksi tapi labo gejapkenna kai si isaksikenna e. emaka lit nge saksi palsu.
Tuhan Yesus ngataken man murid-muridna “kam pagi jadi saksiKu ibelang-belang doni enda” (Perb.Rasul 1:8). Emaka erpalasken enda maka Tuhan Yesus milih muridNa, milih Paulus ras milih kita kerina.
3. Paulus ope ia bertobat gelarna Saulus. Dahinna menyiksa pengikut Kristus, tapi waktu ia berkat ndalanken tugasna ku Demaskus, ia itangkap Tuhan ibas dalan. Emaka ia dialog ras Yesus, maka nina Yesus “Aku kap Yesus si ayakindu e ( Perb. Rasusl 9:4-5). Emaka kenca sie ia ipilih guna meritakaken ras ersaksi kerna Yesus Kristus si milih ia.
Nina Tuhan man Ananias “ia me enggo kupilih guna mpetandaken Aku man bangsa-bangsa Israel, bangsa sideban ras raja-raja” ( Perb. Rasul 9:15-16). Arah kai si terjadi I dalan ku Damaskus (gundari Syria), enda Saulus I obah dari perberita si liah jadi perberita simeriah. Dari anak hantu jadi anak Tuhan.
Arah perbahanena maka nterem kal kalak singaloken Yesus ras tek maka Tuhan Yesus Juruselamat manusia (doni enda). Emaka turikenna/saksikenna kisah nyata tentang dirina si igejapkenna rehna arah Tuhan Yesus nari. Cuba sibaca ibas ayat 12 nari, pas kel kai si alamina waktu kejadin idalan ku Damaskus e, iturikenna mulihken. La itambahi, la ka ikurangina.
Janah hal enda me erbahanca Paulus lanai biar-biaren guna erberita man kerina lapisen masyarakat, kalangan bawah seh atas, kalangen budak bagepe tuan.
4. Kita pe enggo ipilihNa lit kita jadi Pendeta, Pt, Dk, pengurus kategorial, Mamre, Permata, Guru KAKR ras anak KAKR. Kerina kita enda eme rancangan Tuhan Yesus, gelah kita banci jadi saksi ras jadi perberita simeriah. Baik arah pengerana, perbahanen rasp e arah pendahin. Potensi kai si lit ibas kita kerina sipakeken guna mpermuliaken Tuhan Yesus.
Gundari enda erberita lanai bo ku kuta-kuta kel bagi tahun-tahun 80an, gundari enggo melala caranta banci sipakeken guna erberita, tapi adi ersaksi ningen enda harus kehadirenta sendiri arah kai sibelasken bage si bahan, kerina enda si enggo pernah si alami bas kegeluhen enda. Kesaksian ula iban-ban, tapi nyata bas kegeluhenta, gelah arah si e banci kalak pe tak ras reh tekna ia man Tuhan Yesus.
Ula kel si sia-siaken bekas pemilihen Dibata e, janah ula ka la sipakeken kai si enggo ibahan Dibata man banta kerina. Janah kai pe siban turunna eme gelah ermulia gelar Dibata, labo gelah kita siterpuji. Kita bukan menampilkan diri, tapi tampilkanlah Yesus ibas kegeluhenta enda.
Salam,
Pdt. A. Brahmana
081317054961
Pdt. A. Brahmana
081317054961
