Bahan: Jesaya 58:6-12

Tema: Tetap Megegeh ras Mejuah-juah

1.Kata Perlebe

Tiap jelma pasti ersura-sura ndatken kejuah-juahen ibas kegeluhenna, erkiteken sifat jelma eme ndatken simehuli ras bagi sura-sura. Kamus Bahasa Karo pengertin kata Mejuah-juah memiliki arti tentang keseimbangan dan keselarasan hidup, baik antara manusia dan manusia, antara manusia dengan lingkungan dan antara manusia dengan Tuhannya. Ketiga hal tersebut adalah merupakan satu kesatuan yang bulat yang tidak dapat dipisahkan satu dengan yang lain. Janah  adi lit perjumpan sada ras sidebanna ibelasken alu kata mejuah-juah.

Ibas bahan pekan penatalayanen ta si peteluken enda Kitab Jesaya ras 1 Tesalonika ngerana mengenai Megegeh ras Mejuah-juah. Guna ndatken si e la banci lang harus  lit usaha si harus idalanken kerna si mehuli, dingen lit “Sumber” ntah pe “Ulu” si jadi pengarapen eme Tuhan. 

2.Isi

A.Invocatio

Ibas bahan invocatio ta enda nuduhken padan Dibata kerna pemulihen bangsa Israel kubas kiniulin ras kemakmuren. Nina Dibata “tapi Aku sinambari kuta ras rayatna dingen kubereken mulihi kejuah-juahen” Pemulihen ibas pembuangen nari eme inisiatif Dibata, aminna pe paksa si e bangsa Israel mindo penampat man Dibata.  ije ka me teridah kekelengen Dibata man bangsa e  bagepe man kalak si erlebuh man baNa.  Perbahanen si mbelin ilakoken Dibata guna mereken gegeh ras kinijuah-juahen man banta aminna sedekah enda lit perbeben ras pinakit.   

B.Ogen

Tema umum pekan penatalayanenta eme “Erberita si Meriah Arah Tinepa” ibas bahan ogenta 1 Tesalonika 2:7-12 enda me teridah uga Rasul Paulus meritaken berita si meriah, janah ibas ia erberita e melala perbeben si alamina eme ifitnah bagepe igombang-gombangi kalak Pilipi (ayat 2). Perbeben si hadapi Paulus ras teman-temanna la erbahanca kote ntah pe ngadi erberita. Dibata ras ia erbahanca ia tetap megegeh, sebab uluna ibas Dibata nari.

Bagin ogen enda merupaken salah sada pembelaan diri Paulus ras teman-teman na ibas kebenaren. Ikataken Paulus maka situhuna lit hakna mindo kai-kai pe man perpulungen e, tapi la ilakokenna gelah ola sempat iakap perpulungen e jadi tanggungenna ntah jadi beban. Emaka itegasken Paulus maka suari ras berngi ia erdahin dingen erberita. Ije nuduhkenca maka Paulus arah talenta na sebagai pembuat tenda ibas ulihna ipakaina guna keperlunna bagepe ibas erberita. Paulus menyeimbangken antara Pekerjaan dan Pelayanan. Teridah arah si e maka Paulus ras teman-teman na megegeh dingen mejuah-juah aminna pe ibas tengah perdalanen pelayanen turah la bagi ukur. Paulus erberita la terjeng arah pelayanen, tapi pe erberita arah pendahinna. Bageme kita ituntut selaku kalak si tek banci erberita man sekelewetta arah pendahinta bagepe situasi kegeluhennta.  

C.Kotbah

Jesaya 58:6-12 enda igelari Trito Jesaya ija situasi bangsa Israel enggo ndarat ibas perbudaken nari janah enggo mulih ku Jerusalem. Ije teridah maka Dibata nehken padanNa man bangsa Israel, janah penekanenna man bangsa e eme gelah tetap mperdiateken keadilen ras kebujuren nggeluh, dingen mperdiateken persembahen ras pertoton  ibas kiniteken sebab eme gegeh man bangsa e dingen ndatken kejuah-juahen ibas ia ndalani kegeluhenna. Ibas ayat 6 tole ije ipersingeti bangsa Israel uga kin cara erkiniteken si benar terlebih ibas ndalanken puasa.

Puasa ibas bahasa Ibrani “tsom” ertina la man ras la minem. Secara teologisna kalak si ngelakoken puasa eme sikap Penguasaan Diri dan Penyangkalan. Puasa ibas Padan Sindekah ije lit mengandung makna “kana” ertina Merendahkan Diri (1 Raja2 21:29). Sekalak teolog si tergelar Guthrie Jr ngatakenca maka puasa ntah tsom enda eme Berpantang ibas kerina pangan jasmani janah akibat berpuasa enda mengakibatken “Penderitaan Jiwa”. Emaka terdauhen pengertin puasa enda ikatakenna menghilanghkan kesenangan tubuh dengan menangis dan mengenakan kain kabung dan abu serta merendahkan jiwa untuk maksud rohani. I tengah-tengah bangsa Israel erpuasa enda adi ilakoken sedalanen make Kain Kabung ras Abu, ise si ngelakokenca berarti ia sangana erpuasa dingen nuduhken pertobatenna. Janah labo terjeng i tengah-tengah bangsa Israel ngenca, tapi pe i daerah Timur Tengah kuno adi lit ancamen hukumen ras nuduhken pertobatenna ibas kesalahen ras dosa si lakokenna. Peristiwa Puasa besar-besaren nuduhken pertobaten eme Niniwe, ija si ngelakokenca la terjeng Raja ras rakyat, nguda ntah metua, tapi pe ikut ras asuh-asuhen, janah kerina make kain kabung (Juna 3:1-10). Bagenda me puasa si biasa ilakoken dingen jadi ritual.

 I bas bahan kotbah enda kerna pelaksanaan puasa paksa si e i kritik sebab puasana salah dingen la bagi siniarapken Tuhan. Adi sipepayo ndai pengertin puasa labo terjeng la man ras la minem, tapi puasa dingen nadingken perbahanen si la bujur bagepe menindas kalak sideban. Nina Dibata “osarilah rante  pengiket janah aguilah baban kinilabujuren, janah bebaskenlah kalak siidehkenndu” kata osari ije ertina ngelepasken, bebas, lanai lit si ngendaliken kubas si la mehuli jadi kebiasaan. Adi enggo iosari pengiket e, iterusken alu perbahanen mereken pangan man si kelehen, mereken kalak kesilang dingen mereken uis man kalak si la ruis. Adi perbahanen si mehuli e ilakoken maka nina Tuhan “adi ertoto kam, kudengkehken pertotonndu, janah adi erlebuh kam, minter Ku aloi”. Ertoto eme ulu ntahpe sumber gegehta guna ndalani kegeluhen bage pe ndalanken undang-undang Dibata. ibas perbeben dingen masalah memang banci erbahanca kita kote, tapi arah pertotonnta banci mereken gegeh man banta guna mentasi perbebenta aminna pe lenga erkedungen, ije me situhuna kita ngaloken kinijuah-juahen arah Dibata nari.  Enda me persinget ras pengajaren si isehken man bangsa Israel, ula munafik arah perbahanen puasa tempa-tempa ndalanken kai si ngena ate Dibata, padahal ndauh arah si e maka kepeken jadi topeng guna ngelakoken perbahanen si la mehuli. Adi iperbandingken ras pengajaren Yesus  puasa ibas Matius 6:16-18, adi erpuasa ula bagi kalak si pekulah-kulah, ipeberjut-berjut ayo gelah iteh kalak erpuasa, tapi harus erduhap dingen suri buk ertina sipesikap dirita gelah teridah tetap sikap dingen la kote. 

Ayat 11-12 enda nuduhken maka perbahanen Dibata e tuhu-tuhu mbelin man kalak si ndalanken undang-undang Dibata. janji Dibata “Kubahan kam tetap megegeh ras mejuah-juah, kam desken peken si la kurang lau, desken sumbul lau si la pernah kerah” kita megegeh adi Dibata erdahin ibas kita dingen ndalanken singena ateNa, janah adi mejuah-juah kin ateta. Peken si la kurang lau eme dirita, secara kiasenna aminna pe wari lego, lit perbeben ntah ipuasaken si erbahanca kote, tapi erkiteken penampat Dibata peken e tetap teridah sikap, adi geluhta ndai tetap teridah megegeh ras mejuah-juah. Bangsa Israel ngaloken padan Dibata e, sebab kai sedekah enda si enggo runtuh ipajekken mulihi, benteng-benteng ras rumah ipekena mulihi dingen teriani.

3.Pengkenaina

1.Ibas kegeluhen tiap jelma pasti ersura-sura maka kegeluhenna tetap lit ibas Mejuah-juah, tapi sendalanen ras sura-sura e maka perbeben ras kiniseran jadi ayam-ayam geluh tetap lit bas doni enda. Perbeben ras kiniseran enda la terjeng rehna ibas manusia nari, tapi pe banci rehna ibas alam nari, si berbentuk bencana alam bagepe masa si gundari Virus Corona, banci si idah kerna kejadin e laterjeng harta benda ngenca bene, tapi lebih asa si e kebenen anggota jabu. Ibas kejadin e kerina manusia kote dingen lemah, janah ije me kita perlu gegeh. Gegeh situhu-tuhu eme ibas Dibata nari, uga kita erjimpuh ilebe-lebeNa arah pertotonta nuduhken kita enda labo kai pe iadep-adepenNa.     

2.Perdalinen geluh manusia ibas ndarami gegeh ras mejuah-juah iakap manusia e maka adi sura-sura enggo tersehi, baik ibas materi, harta ras jabaten. Erlajar arah bahanta maka Raja si meganjang kedudukenna dingen pengawal istana si megegeh banci redas dingen runtuh kerina tembok-tembokna adi la kin Dibata jadi ulu ibas kegeluhen.  Ibas si e nduhkenca maka ula lit sifat egois bage pe meganjang ukur aminna ise pe kita, sebab Dibata ngenca ngasup nambari kuta dingen pinakit (invocatio), ibandingken masa pandemic enda, adi la seijin Tuhan kerina usaha manusia sia-sia. Negeri bagepe rumah-rumah banci teriani adi Dibata ringan ije, tembok-tembok si redas banci ipekena adi Dibata ikut campur tangan (ayat 12)

3.Paulus ras teman-teman na sepelayanen nuduhken kerna kerja sama simehuli ibas talenta pendahin ras pelayanen. Ibas kiniersadanna e nuduhken maka isamping Dibata si mereken gegeh ras kinijuah-juahen, kepeken harus lit usaha ibas kita guna ndatken gegeh ras mejuah-juah. Kiniersadanta ibas erberita jadi gegeh man banta, la kita kote, la kita lemah, tetap er lau aminna perlego. Pendahin si lit bas kita sipakeken alu mehuli bagi singena ate Dibata banci mereken mejuah-juah man banta bagepe anak jabuta, janah ula kel sempat pendahinta maba mala petaka kubas jabu.

Pendahin ras Pelayanen penting, arah pendahinta sekalak-sekalak banci erberita njaga tinepa Dibata, ula sicedai, adi lit ceda radu ras mpesikapsa, gelah ula sempat siakap tinepa Dibata enda maba mara man banta, padahal pengulahta nge kerna tinepa enda maka jadi perbeben man banta. Janah pendahinta banci sipakeken jadi gegeh ibas erberita ras melayani, saja ipersingeti kita arah kata Dibata enda, maka ula sibahan pendahin ras pelayanenta jadi topeng ntah pe kemunafiken, bali ras bangsa Israel si ngelakoken puasa tapi perbahanenna ndauh ibas sura-sura Dibata nari.  

Pdt Julianus Barus

GBKP Bandung Pusat

Invocatio        : Kenca bage, itamaken TUHAN Dibata manusia ndai i Peken Eden, guna ngusahai      ras njagaisa. Kej. 2:15.

Ogen               : Kol. 1: 15 – 20;

Khotbah          : Kej. 1: 26 – 28

Tema              : Ipasu-pasu Guna Mpekena-kena Tinepa

Geraken JPIC (Justice, Peace, and Integration of Creation) ngataken “Bumi sekarang sedang sakit, dia menjerit kesakitan” Enda teridah arah masalah keanekaragamen Hayati si melala punah, krisis air, krisis taneh, polusi rsd. Lit kape teori ngataken maka Pandemic global terjadi erkiteken krisis ekologi. Emaka perlu kal kesadaren manusia ibas tanggungjawabna njaga doni enda  sebagai “Rumah Bersama” ras kerina tinepa. Erpalas kubas Kej. 1:26-28 lit Piga piga alasen engkai maka manusia  ertanggung jawab ibas njaga doni enda/mpekena-kena tinepa sideban:

1. Manusia itepa Dibata alu cara si berbeda ras tinepa si deban.

Dibata njadiken manusia secara langsung (alu tan Dibata, Membentuk manusia itu dari debu tanah, Kej.2:7a) sedangken tinepa si deban ( ijadiken alu ucapen/firman saja. (Ibas njadiken manusia I pake kata Ibrani השׂע‘asah yang berarti “menjadikan” atau “membuat” dengan memakai bahan sedangken ku tinepa sideban  ipake kata  ארב bara’ yang  berarti “menciptakan”  dengan  tidak memakai  bahan), E ertina maka manusia e eme tinepa si special, lebih asa tinepa si deban. Emaka manusia e nge si ngasup empekena-kena tinepa sideban.

2. Manusia Itepa Dibata Sentudu ras Tempas Dibata/menurut gambar dan  rupa Allah.

 Kata  tempas/gambar  eme  םלצ tselem  siermakna “mengukir” / “memotong.”  kata tselem   ngataken maka   manusia  enggambarkan  Dibata,  Tempas/Gambar Dibata e merupaken Tanggungjawab Sisifatna fungsional,  manusia itamaken bas doni guna encidahken  kedaulaten Dibata nandangi doni tinepaNa alu ndemi, naluken ras engkuasaisa (Kej.  28).    Ndemi, aluken ras engkuasai ertina   hidup harmoni dengan alam.

Kata rupa eme  תומד damuwth si ermakna  “menyerupai” banci kape  iertiken “keserupaan”  e ertina maka  manusia menyerupai Dibata ibas  hal-hal tertentu. Salah sada bentuk keserupaan manusia ras  Dibata eme ibas hal kuasa.  Manusia ibere kuasa guna engkuasai kerina, nurung, perik-perik, kerina asuh-asuhen ras rubia-rubia si meliar, galang entahpe kitik. Maksud Dibata mbereken kuasa e eme gelah manusia  erkuasa nandangi tinepa bagi Dibata erkuasa nandangi kerinana. Bedana Dibata pemilik kuasa, manusia ibere kuasa. Kuasa e ibereken man Manusia arah erbahan gelar man kerina rubia-rubia (kej.2:20). William Dyrness,.ibas buku  Tema-Tema dalam Teologi Perjanjian Lama hlm. 64. Nulisken  “Memberi nama adalah menempatkan dalam suatu rencana bagi  segala  sesuatu  dan  menujukkan  keunggulan  Adam  dari  segala  ciptaan   yang  lain.  Memberi  nama  adalah  kelanjutan  pekerjaan  Allah  yang  dikerjakan  oleh  manusia.    Dalam  hal inilah manusia memiliki relasi yang terikat dengan alam”

Arah kata Memberi  nama  adalah  kelanjutan  pekerjaan  Allah  yang  dikerjakan  oleh  manusia. Ras kata representasi Dibata/menyerupai Dibata ibas hal-hal tertentu, adi sikaitken ras mpekena-kena Tinepa, maka manusia me representasi Dibata, ibas empekena kena tinepa sideban, bagepe menyerupai Dibata ibas mbabai tinepa e mehuli, sebab ibas Dibata njadiken tinepaNa, ikataken ibas ayat 25 “Allah melihat bahwa semuanya itu Baik”. Emaka tanggung jawabta melanjutkan pendahin Dibata  njaga gelah kerina tinepaNa tetap min baik-baik saja.

3. Ipasu-pasu guna mpekena tinepa:

Kejadian  1:28  Nuriken sura sura Dibata nandangi Manusia eme: 

Ertuahlah/ beranakcuculah: pengertin jasmani, ndatken keturunen secara fisik. Pengertin arah kata si ipake eme kata הרפ parah, fruitful (KJV) siertina  berbuah, berhasil, bermanfaat,  subur  dan  penuh  keberhasilan.  Enda banci siertiken maka sura-sura Dibata,  kita ras kesusurenta sada pe laerndobah, dilaki entah diberu (27), eme kalak si ertanggung jawab ibas emepena-kena kerina tinepa Dibata, janah erkiteken kita enggo ipasu-pasuNa maka berbuah, berhasil kita ibas nehken tanggung jawabta e. (Mendapat Berkat untuk menjadi berkat bagi alam)

Jadi enterem/bertambah banyak / הבר rabah/multiply  ertina  melipat  gandakan.  Enda banci siertiken maka Sura-sura Dibata eme kita ras sinursurta, melipatgandaken kalak si ertanggungjawab ras nehken tanggungjawab ibas mpekena-kena tinepa. Kita ras isi jabunta, kita ras sector pjjnta, kita ras runggunnta, kita ras denominasi si deban, kita ras lintas agama, lintas suku ras budaya. Adi ibas ayat 31 ikataken kenca idah Dibata sienggo ijadikenNa “Meriahkal UkurNa” bageka min jadi “kenca idah Dibata kerina manusia si ipasu-pasuNa enggo jadi pasu-pasu man tinepaNa, Meriahkal UkurNa”. Amin.

By. Pdt. Maslan Stp.

Invocatio         : “Marilah siberitaken kemulian TUHAN, mari radu ras kita muji gelarNa” Masmur 34:4

Ogen               : Markus 16:14-18

Kotbah            : Masmur 96:1-3,10-13

Tema               : Erberita Si Meriah Arah Tinepa

1.Kata Perlebe

Erberita si meriah e me pendilo sisekaligus risiken tanggung jabab kalak sierkiniteken man Yesus Kristus.  Erberita simeriah labo ngenca i lakoken man manusia saja, melainken pe man kerina tinepa Dibata secara umum.  Adi siperdiateken rikutken pengajaren Kristiani maka Dibata mpetandaken diri-Na kubas dua bentuk, e me: pernyataan secara umum (arah alam semesta ras tinepa silit) bagepe pernyataan khusus arah arah Pustaka siBadia si ipetandaken arah Yesus Kristus.[1]Adi siperdiateken kubas  perentah Dibata man manusia, maka manusia ibereken perentah lako njagai ras ngkuasai doni enda. Tentu perentah enda merupaken kekuasaan sisifatna koperatif, e me bekerjasama  alu proses-proses alami sila encedai ekosistem ras relasi sada ras sidebanna segelah pemeliharaan sienggo icidahken manusia banci berkesinambungen.  Justeru siterjadi manusia  memaknai kata njagai ras ngusahai i salah artiken merusak ras menggerus tinepa alu tujun keserakahan ras kesombongen, sierbanca lingkungen jadi musuh man manusia. Hal enda i benaken kenca manusia e meteh dirina i ciptaken manjang-anjang siertina terbuka.  Enda kerina erkiteken dosa. Keterbukaan enda kange simabai manusia nggeluh alu rate-ate sierbanca tercipta sikap individualis singukurken diri ras kepentingenna saja aminnape encedai relasi silit, baik relasi ras manusia bagepe tinepa sidebanna.[2]

GBKP e me salah sada gereja i tengah-tengah doni enda singejapken pentingna njagai tinepa (relasi simehuli antara Dibata, manusia ras tinepa sideban).  Hal enda teridah arah pokok-pokok pengakuan iman GBKP (konfesi GBKP) BAB III kerna Ciptaan sitertuang kubas  empat butir e me: 1).Ciptaan Allah, yaitu alam semesta: langit dan bumi dan segala isinya, baik yang kelihatan maupun yang tidak kelihatan. Segenap ciptaan itu sungguh amat baik dan kewibawaan Allah hadir dari permulaan hingga akhir dalam memerintah, memelihara dan menuntun segenap ciptaanNya dalam kasih setia dan keadilan. 2).Ciptaan Allah merupakan satu kesatuan yang utuh, yang dipercayakan kepada manusia yang adalah mitra Allah untuk menguasai: mengusahai, memelihara dan mengelola dalam menjaga ciptaan. 3).Proses penciptaan oleh Allah tidak berhenti: Allah terus menerus membaharui ciptaan, baik melalui peristiwa-peristiwa alam (bencana-bencana). 4).Ciptaan tidak boleh menggantikan posisi Allah: tidak boleh diperillah, disembah dan mendominasi manusia.[3]

Keprihatinan GBKP sendiri menurut hemat kami turah erkiteken  fakta genduari maka tinepa enggo semakin krisis raspe ceda. Hal enda banci saja iakibatken sikap kerangapen I bas manusia sendiri. Erkiteken semakin punahna ras cedana alam lingkungen bagepe mahluk hidup siitepa Dibata e. I bas pemenan Pekan penatalayanen GBKP 2022 enda niakap penting lit percakapen silebih mbages. Hal enda iakap memang cukup krusial raspe sasaren program ras pelayanen GBKP tahun 2022 enda, GBKP justru muat tema acuan program ras pelayanenna ku bas, “ Kreatif Merawat lingkungan.” Studi lingkungen hidup e me salah sada perkembangen koparatif ras memerluken aksi kepedulian bersama. Hal enda me teridah arah litna piga-piga istilah si jumpai kita ibas  lingkungen sijadi sasaren program ras pelayanen 2022 misalna, ekologi, habitat, konservasi, polusi ras sidebanna.[4] I bas Pekan penatalayanen GBKP 2022 enda I babai me kita tole ngukuri ras sekaligus merespon uga sikapta selaku warga GBKP I bas menyikapi persoalen-persoalen lingkungen erpalasken perenungen simbages I bas pe Masmur pasal 96:1-3,10-13.

2.Isi

Latarbelakang nats ras penjabaren Masmur 96:1-3,10-13

Masmur enda e me bagin I bas ende-enden siipeseh kubas tan Asaf ras senina-seninana lako iendeken (bnd. 1 Taw.16:7). Masmur enda i suratken Daud lako arak-araken peti perpadanen ku kota Daud. I bas ngendeken ende-enden Masmur enda, pusuhta Ibabai kubas sada situasi kekuasan ras kemulian Dibata.

Pemasmur  ijenda ngajuk perpulungen  lako ngendeken ende-enden simbaru (ayat 1). Ende-enden simbaru i kawitken ras peperangen siimenangken Dibata. Keselamaten sienggo ilakoken Dibata meliputi keselamatan sienggo ilakoken ibas masa silepas (ayat2,3) janah genduari, pemasmur ndilo perpulungen-Na lako meritaken kemulian Tuhan kukrina bangsa i doni enda. Perpulungen-Na jadi saksi kemulian-Na, ras e teridah arah kebijaken ras keputusen politis bangsa-bangsa  sinuduhken maka lanai hukum doni enda jadi standar hukum sijadi acuan menghakimi, melainken kebenaren-Na sijadi acuan (ayat10). Perubahen acuan enda me, simabai pemulihen sisifatna menyeluruh termasuk alam semesta (ayat11,12).Tolak ukur sijadi acuan sinimaksudken eme kerna perjanjin keleng ate simabai keselamaten man krina tinepa. Perjanjian e rehna I bas inisiatif Dibata nari arah Jesus Kristus.[5].

Kemulian Dibata  iandingken bagi matawari sibergerak secara perlahan membersihken langit sigelap. Hal enda nuriken bagi matawari maba pencerahen ras  perubahen suasana, bageme halna kemulian Tuhan. Paksa terang enda reh nuduhken maka kejahaten i doni teridah ras mbungkar (ayat 13). Bageme halna penghakimen Tuhan siadil siturut ras kemulian-Na. Penghakiman Tuhan siadil, teridah arah penghakimen man kalak siersalah ras latek. Kemulian Tuhan siituriken pe masmur e me bencana man kalak singelakoken kejahaten,  rasa rah sebalikna man kalak sibenar penghakimen e mabai keadilen. Em sababna maka kita iajuk lako:

-          Meritaken keselamaten arah tinepa-Na ras man kerina tinepa Dibata.

-          Meritaken kemulian Dibata arah kuasa ras kinimbisanNa selaku penguasa kerina tinepaNa.

-          Meritaken kerna Tuhan me raja singadili kerina alu kinibujuren.

Sendalanen ras ogen, maka kerina kita ertanggungjabab lako ersaksi dingen erberita simeriah. “laweslahlah siari kerina doni enda, jenari beritakenlah berita simeriah man kerina manusia”. Kata laweslah.., risiken perentah Jesus Kristus lako meritaken berita simeriah, ras e merupaken sada tanggungjabab man kerina kalak sitek.[6] Bagepe I bas invocation singajuk kita meritaken kemuliaNa. Baik khotbah, ogen ras invocation mabai kita kubas sada benang merah, maka kita ertanggungjabab ersaksi, erberita simeriah kukrina jelma bagepe ku krina tinepa Dibata alu njagai,mpekena-kena dingen makeken krina silit guna kemulianNa.

3.Pengkenaina.

I bas pemenaan pekan penatalayanen GBKP 2022 enda, itaruhken me kita kubas sada tema: Erberita Si meriah arah tinepa”ras tema enda sendalanen ras tema tahunen pelayanen GBKP 2022 eme: “Kreatif merawat lingkungan.”Tentu tema Pekan penatalayanen GBKP 2022 wari I enda mereken pengelayasi kerna pentingna njagai ras mpekena-kena doni enda. Doni enda e me rumahta, inganta ras-ras ,ras inganta mpermuliaken gelarNa. Selaku warga GBKP kita me aron Dibata siipakeNa guna erberita nandangi kerina tinepa, maka keselamaten nggo reh man banta.  Pustaka SiBadia menggambarken maka kiniersadaan manusia ras tinepa sidebanna sangatlah erat. Adi sigargari mulihken kubas sejarah penciptaan manusia, Tuhan njadiken manusia arah debu taneh (Kej.2:7).

Manusia ijadiken arah taneh (Kej.2:7;3:19,23), ia arus nggeluh arah taneh (kej.3:23)) ras mulihken ka kutaneh (kej.3:19;Mas.90:3). Enda membuktiken maka manusia ras tinepa (lingkungen) nggeluh saling bergantung, em sababna maka adi manusia ncedai alam maka secara otomatis iape encedai dirina sendiri.  Menurut Robert P Borrong, akhir-akhir enda perhatian masyarakat lako njagai lingkungen nggo semakin meningkat erkiteken doni enda paksa sakit ras ceda.[7] Sendalanen ras kai siikataken Robert P Borrong adi sinenka kubas Kejadin 2:15, justru tugas manusia ibas erberita simeriah arus ilakoken secara otaomatis. Litpe kata ngusahai (mengelola) arah Bahasa Ibrani, abudah, siseri ertina ras ibadah ntah mengabdi. Alu bage banci siertiken maka manusia selaku gambar Dibata arus mpergunaken alam enda alu mehuli selaku ibadah ras pengabdianna man Dibata. Jadi kesadaren erberita arah tinepa,  memang bagin tanggungjababta selaku manusia.

Faktor kai saja sierbanca manusia lanai erberita simeriah arah tinepaNa.

-Erteremna manusia mpeturah kemusilen

Masalah lingkungan hidup la banci isirangken ras masalah kependudukan (sosial). Pertumbuhen si lanai terkendali, penyebaren silamerata, kemiskinen, pengangguren, kerina pasti membebani lingkungan hidup. Penduduk siterlalu padat erbanca tiap manusia menggunakan persediaan silit i doni bagi lau, taneh, bahan bakar, logam, bahan pangan ras duit pada akhirna erbanca kerina sumber daya alam kedungenna krisis.[8]

-Pencemaran Lingkungen

Polusi ntahpe pencemaran lingkungen e me sada proses ija zat energi, ntahpe komponen sideban turah iakibatken kegiaten manusia sierbanca kualitas lingkungan turun sampai ku tingkat tertentu sierbanca lanai berfugnsi nari sesuai ras fungsina.[9]

- Perkembangan Teknologi ras Industri

Hampir kerina negara, ngelakoken pembangunan industri. Hal enda merupaken bagin sipenting lako meningkatken proses produksi barang ras jasa. Alu litna pemanfaaten teknologi ras ilmu pengetahuan arah industri, maka manusia banci memanfaatken sumber daya alam secara maksimal tapi i pihak sideban situasi enda mabai konsekuensi perubahen man lingkungen alam, ija tanpa isadari manusia megati ngelakoken penggunaan lahan secara berlebihen alu erbahan pencemaren iberbagai tempat. Kekuatan-kekuatan siimiliki teknologi cenderung ekspansif ras eksploitatif. I bas sada sisi teknologi banci memicu manusia mempercepat pencapaian-pencapaian sinisurakenna i bas pemenuhen kebutuhan nggeluh, tapi i bas waktu si bersamaan teknologi banci mempercepat terjadina kerusakan ras pengurasan sumber daya lingkungan (natura resources). Keadaan enda mempercepat proses terjadina krisis lingkungan/degradasi kualitas lingkungen.[10]

Kegagalen manusia lako ndalanken tanggungjababna, njagai ras ngusahai krina tinepa bersumber kubas sikap kerangapen manusia e sendiri. Hal enda terjadi erkiteken manusia secara khusus “ ada keinginan” I bas dirina jadi seri ras Dibata. Erkiteken sura-surana ia ngelanggar pedah dibata (Kej.3:5-6). Tindaken endame sierbanca maba dampak siencedai relasi manusia ras Dibata ras sesamana bagepe ras tinepa sideban. Akar perbahanen manusia siserakah ras mengeploitasi tinepa sideban, erkiteken manusia i bayangi kebiaren kerna wari sipepagi. Hal enda me simendorong manusia semakin serakah ras meterialistik. Secara teologis banci sisimpulken maka akar kecedaan lingkungen enda terletak  kubas sikap kerangapen (rakus) manusia. Sikap kebiaren manusia enda jadi erkiteken lapatuh man Dibata. Amin bage Dibata tetap erkeleng ate man TinepaNa termasuk manusia. Dibata menahan diriNa lako mereken ruang man tinepaNa gelah banci njumpai diriNa mulihken ras bertumbuh selaku gambaren Dibata. Amin bagepe , dibata labo sinik ija manusia I bas kebebasenna ngelakoken hal-hal siencedai relasi Dibata ras manusia bagepe tinepa sideban. Penyelamaten manusia ras tinepaNa teridah arah Kristus siberdimensi ekologis ras kosmis. Sikap ija Dibata mengosongken diriNa merupaken bentuk konkrit berita simeriah man manusia ras tinepaNa.[11]

Alu bage siidah uga kekelengen Dibata man tinepaNa (kosmos) siteridah Jesus Kristus e me anakNa sitonggal sireh kudoni enda (Joh.3:16). Tuhan Jesus Kristus i gelari kata Dibata (logos), siberinkarnasi jadi manusia. Hal enda nuduhke maka Tuhan Jesus nggo mpekena hubungen anatara Dibata ras manusia bagepe tinepa sideban. Kai siibayangken padan sindekah kerbna pendamaian man krina isi doni ras krina tinepa nggo terdungi ibas diri Jesus Kristus, em sebabna maka relasi simbaru Antara manusia ras tinepa sideban sedekah enda relasi dominio (ngkuasai) genduari jadi relasi comunio (persadaan). Mari erberita si meriah arah tinepa, segelah teridah maka perlu pemahamen ras penyadaren: Krisis ekologi merupaken ancamen doni enda. Gereja idilo menyuaraken suara nabiahna I bas mengatasi krisis enda, baik arah pengajaren, khotbah bagepe tindaken konkrit. Sibanci teridah arah keikutsertaan gereja, iharapken kita terutama warga Gereja sadar kerna pentingna hubungen alam ras dirina sendiri. Krisis ekologi la banci teratasi secara otomatis, sabab membutuhken kesadaran ras tanggungjabab seluruh pihak. Kita arus membudayaken hemat energi sue ras kebutuhen saja, alu bage energi ntah sumber daya alam akan terpelihara. Manusia arus mengikis sikap egoisme ras sikap konsumeristis, erkiteken doni enda hanya cukup menyediakan kebutuhan semua orang namun tidak cukup menyediakan untuk ketamakan manusia. Salah sada aksinta uga kita encidahken pentingna membudayaken bersih, membuang sampah I bas inganna ras menghemat energy I bas pemakaian listrik rsd. selamat pekan penatalayanen GBKP wari I.

                        Pdt.Walder M Ginting,M.Th

                                                                                                                                                                                          GBKP Karawang