Jadwal Kegiatan

Ibadah Umum - (08PM - 09PM)
Ibaadah Remaja - (09PM - 10PM)

Suplemen PJJ : Johanes 19 : 38 - 42 : Tgl 26 April - 2 Mei 2020

Ogen  : Johanes 19:38-42

Thema  : Nehken Kekelengen Arah Budaya

Adi ngerana kita kerna budaya, akap kami enggo pe kita nggeluh ibas jaman kemajun enda, janah enggo bengket ibas Berita Si Meriah, labo salah dingen la mela nggit erlajar kita kerna si adi. Siman kebiarenken pepagi merga ras beru e nari ngenca tading (genduari pe beru ‘Br’ enggo mulai itadingken) ibas dirinta, apai ka pepagi adi lanai siangka ras lanai iantusi kerna ranan adat ntah pe orat nggeluhta. Kita kalak Karo enggo kap merap-marpar ku kerina penjuru doni, banci nggeluh sukses amin la pe penampat kade-kade, erkiteken sie nterem kalak Karo lanai erdiate nandangi adat Karo, terlebih alu nggejapken maka kai pe banci tembe adi lit lah duit. (Tempa-tempa lanai kita perlu anak beru erkuskas/erdakan sabap enggo mbue pangan banci ipesan; tole pe lanai kita perlu kalimbubu lampas reh ibas kerjanta guna maba osenta, erkiteken enggo mbue salon nikapkenca bulang-bulang ras tudungta). Emaka melala kita lanai sieteh tumburen guna ngayak-ngayak duit/kinibayaken/pangkat, lupa nandangi adat budaya, lupa erkade-kade, piah lanai mehamat erkalimbubu, lanai metenget/melias ersenina, ras lanai metami er anak beru. Piah dungna enggo bagi kuan-kuan Karo: “Tarum ngayak-ngayak siman tadingenken lupa siman ayaken (ersangkep nggeluh) piah dungna taneh sedepa ngenca sikerajangenta”.

Bahan PJJnta enda nuriken ibas paksa sie sekalak si tergelar Jusuf kalak Arimatea si tuhu-tuhu kagum nandangi pengajaren ras pelayanen Tuhan Jesus, tapi erbuni-buni ia kagum nandangi Tuhan Jesus erkiteken mbiar ia man kalak Jahudi. Ipindokenna man Pilatus gelah banci min ibuatna mait Jesus. Paksa sie eme persiapen wari Sabat kalak Jahudi. Erkiteken wari Sabat ibenaken kenca matawari seh ku sundutna, mait Tuhan Jesus harus mis ikuburken sope wari Sabat ibenaken. Sebab mindahken ras nguburken mait la banci ilakoken ibas wari Sabat. Jusuf kalak Arimatea enda eme anggota Mahkamah Agama Jahudi (Sanhendrin), si nentuken keputusen kerna kematen Jesus si harus ipakuken i kayu persilang. Anggota Mahkamah Agama Jahudi buena lit 71 kalak, janah paksa sie Jusuf kalak Arimatea enda ngenca si la setuju kerna ukumen si isehken man Tuhan Jesus. Ibas ia mindoken mait Tuhan Jesus e man Pilatus tuhu-tuhu ije Jusuf kalak Arimatea enda lanai iukurina kerna reputasina, erkiteken ia kalak penting. Paksa sie ise si jabatenna jadi anggota Mahkamah Agama Jahudi berarti ia kalak terpandang. Perlu ka sieteh kerina ise kalak Jahudi si menyentuh mait kalak mate berarti nggo lanai ipebadiakenna me dirina (menajiskan diri).

Bage ka pe kai siilakoken Nikodemus tuhu-tuhu resikona mberat man bana. Nikodemus ikataken ibas Kitab Johanes, ija ia ikataken ije sebage kalak Parisi ras pemimpin agama Jahudi (ertina ia pe sekalak anggota Mahkamah Agama Jahudi) si ndahi Jesus sanga tengah berngi (Joh. 3:1-21). Teridah Nikodemus enda tuhu-tuhu ras kagum nandangi biak ras pengajaren Tuhan Jesus, tapi mbiar ia tereteh teman-temanna kalak Parisi sideban. Nikodemus pe ikut ngelegi mait Jesus e. Ibabana kira-kira telu puluh kilo minak mur si isinggur ras minak gaharu.

Perlu sieteh kerina, ibas daerah Timur Tengah Kuno paksa sie, piga-piga rempah si ianggap sebage barang mewah si meherga (bnd. 1 Raj. 10:10,25; Esek. 27:17-22), khususna jenis si harus iimpor arah negeri-negeri si ndauh nari. Ibas jaman Padan Sindekah perdagangen rempah-rempah tuhu-tuhu iperdiateken pemerintahen Salomo alu mehuli. Salomo ndatken bea masuk pajak tiap kalak si ngelewati daerah kekuasanna guna maba rempah-rempah.

Perlu iterangken kami ijenda piga-piga batang mur mungkin turah i Palestina, tapi buen mur iimpor Arab ras Afrika Timur nari. Sejenis damar si leket si warnana terang enda maler arah batang-batangna. Kenca damar enda terkena udara, emaka keras me ia janah salih warnana jadi coklat. Damar mur ihancurken ras ipake guna erban balsam ras minak merim si seh kal mergana, termasuk minak badia guna upacara agama (Kel. 30:23-33). Mur pe ipake guna membalsem kalak mate, enda banci sinehen ibas ayat 39 bahan PJJnta enda.

Bage ka pe minak gaharu. Sejenis damar si merim batangna pe meganjang si turah i daerah Asia Tenggara ras India Utara, ntah tanamen gaharu si bulungna mekapal berbentuk mawar. Damar gaharu bauna seh kal merimna tapi nanamna seh kal pagitna. Gaharu ipake guna erban minak merim, tambar, ras membalsem kalak mate.

Sope mait ikuburken, biasana ibalsem alu rempah-rempah si itamaken/ibaluti alu kain puti, termasuk ije campuren mur ras gaharu. Rempah-rempah e la menahan pembusuken mait, tapi erguna sebage pembasmi bau busuk/bau macik bagepe tambar disinfeksi.

Mait Tuhan Jesus pe ibaluti alu kain putih. Janah kain putih si ibalutken ku mait Tuhan Jesus eme bahan si seh kal mergana. Erkiteken make kain putih ibas jaman Padan Sindekah merupaken sada kearusen man imam-imam (bnd. Kel. 28:39). Kerina jubah, sorban ras ikat pinggang bahanna arah kain putih nari (ibas Bahasa Indonesia ikataken kain lenan). Menurut cataten Pustaka/Alkitan pemaken kain putih (kain lenan) ihubungken ras kalak si istimewa, kalak badia. Kain putih (kain lenan) paksa sie ilambangken sebage pemere si bernilai tinggi man sekalak diberu si ikelengi sekalak dilaki.

Adi siidah arah keterangen enda, tuhu-tuhu luar biasa kai si ilakoken duana tokoh enda eme Jusuf kalak Arimatea ras Nikodemus guna nehken kehamaten man Tuhan Jesus. Man bana duana Tuhan Jesus e arus isehken kehamaten rikutken adat penguburen kalak Jahudi. Emaka inganNa ikuburken pe ibas peken (taman), kuburen pe si lenga pernah ipake, mait Jesus ibalutina alu kain putih (dagangen mbentar simeherga) janah itamakenna pe rempah-rempah rikutken adat penguburen kalak Jahudi. Ulih perbahanen Jusup kalak Arimatea ras Nikodemus enda tuhu-tuhu mereken serpang pulah ras pengapul man ajar-ajar Jesus ras sangkep nggeluh Jesus (bnd. Luk. 23:55-56).

Rikutken bahan PJJnta enda, iajuk me kita kerina selaku serayan Tuhan bage pe ngawan ni perpulungen guna nehken kekelengen ibas kegeluhenta, khususna salah sada dampar eme arah budaya ntah pe peradatenta kalak Karo. Ibas dampar kematen, bagi si ilakoken Jusup kalak Arimatea ras Nikodemus situhuna biak-biak si bage pe enggo idalanken orangtuanta ndube. Kerinana iarapken muat bagin maka banci erlayas perdalanen peradaten penguburen kalak si enggo mate. Asum runggu, icakapken me kerna wari penguburenna, ingan pulung, utang adat, inganna ikuburken, ertenah ntah pe ngayaki ras sidebanna. Tuhu, ibas dampar sienda, semalna kita selaku gereja pe muat bagin. Lit ka nge runggun si nikapken peti adi kune si mate e anggota perpulungenna. Bage pe diakonia pe sipedalan nge.

Arah sienda teridah maka arah kerina bentuk-bentuk dahin perdaten ibas kalak Karo mulai kin ibas bertin nari (ngembah manuk mbur), kenca tubuh seh anak perana/singuda-nguda, erjabu (nereh empo), kerja tahun, mengket rumah, ngelegi merga ras beru, nengget, nambari ose man orangtua, mereken ciken/kujam-kujam ras tuk-tuk, mate ras kerina berku-berkuna ku semin. Lit nge ibas kalak Karo oratna ras ranan adatna, gelah lit torosna perdalanen nggeluh (ratur bagi toros gula gajah), gia sekali ibas dampar keriahen ntah pe keguluten/ceda ate. Ibas sienda kerina tereteh maka kepeken kalak Karo enda kalak beluh, ija ia rusur rukur, “Ola sempat mindo kalak sipatut ia ngalo”. Teridah kekelengen e mbelin ibas pusuhna (em inti adat), gia pelain-lain bentukna, bagi ikataken: “keleng ate senina, adi keri page i rumah man berenken, page ibas keben pe ilegi; keleng ate anak beru (erturang) la bias bas busan bereken, tapi page ibas lebengen pe ikurkur; ras keleng ate kalimbubu benih iberekenna”.

Emaka iarapken arah bahan PJJnta sekali enda jadi me kita kalak Karo desken: “gelang sada tariken, timah sada pinuang; kerbo sada karang, jadi berkisen bunga baban ku tiga ia kerina, maka mejile nina kalak kenjahe, merim nina sikenjulu, lalit pandangen nina sikepultaken ras kesunduten; teridah ia pagi kalak siradat itengah-tengah negara-bangsa i doni enda”. Jadilah GBKP enda desken: “jabu silindung bulan, jadi ingan ngelepasken latih, beluh ngergaken jelma sinterem, njaga gelah sierga-ergan jelma sitading ije, ingan sada perarihen, rumah ingan singgah, ras nehken kekelengen”. “Jabu sendi gading, ingan sumpit ngadi, ingan pengadun jelma sinterem”. “Jabu kurung manik, rumah ingan arih-arih kerina jelma, jadi jabu perberita si meriah nandangi sangkep nggeluhna”.

Pdt. Andreas Pranata Meliala, S.Th

GBKP Rg. Cibinong

Minggu 03 Mei 2020 : 1 Tawarikh 19 : 31 -36

Invocatio      : "Bersorak-soraklah bagi TUHAN, hai seluruh bumi, bergembiralah, bersorak-    sorailah dan bermazmurlah!” (Mazmur 98 : 4)

Bacaan         : Efesus 5 : 15 - 21

Khotbah       : 1 Tawarikh 16 : 31 - 36

Tema          : “Bersorak-sorailah Dihadapan Tuhan”

I.    PENDAHULUAN

Minggu ini, kita memasuki minggu keempat Paskah. Masa Paskah dirayakan 50 hari lamanya, dimulai dengan perayaan malam Paskah dan berlangsung terus sampai dengan hari raya Pentakosta. Masa Paskah adalah masa untuk menyanyikan sukacita Paskah, sukacita atas kebangkitan dan kemenangan Tuhan kita Yesus Kristus.

Minggu keempat Paskah, dalam bahasa Latin disebut Minggu Jubilate yang artinya bersoraklah. Minggu yang mengajak kita untuk bersorak atas kemenangan Yesus, Sang Juruselamat kita, yang menyelamatkan kita bukan karena kebaikan kita, tetapi karena kasih karunia Allah.

II. I  S  I

Daud dan segenap umat Israel bersukacita dan bersorak-sorai ketika Tabut Perjanjian dibawa ke Yerusalem. Nats kita 1 Tawarikh 16 : 31-36 adalah bagian dari nyanyian syukur bagi TUHAN, yang dinyanyikan oleh Asaf dan saudara-saudara sepuaknya dihadapan Tabut Perjanjian atas suruhan Daud.

Sebelumnya selama 20 tahun Tabut Perjanjian ditempatkan di Kiryat-Yearim (bdk.1 Sam.7:1-2).

Tabut Perjanjian merupakan tempat di mana Allah bertemu dengan umat-Nya (bdk.Kel.25:22) dan juga merupakan tanda kehadiran Allah di antara umat Israel. (bdk.Bil.10:32;Yos.3:11). Tabut Perjanjian berisi dua loh batu yang berisi Sepuluh Perintah Allah, Gulungan Kitab Taurat, satu buli-buli emas berisi manna dan tongkat Harun yang pernah bertunas.

Daud dan segenap umat Israel bernyanyi menaikkan syukur karena merasakan penyertaan dan hadirat Allah di tengah-tengah mereka. Seluruh semesta dipanggil untuk melihat perbuatan Tuhan yang besar bagi umat-Nya, untuk menyaksikan bahwa Allah mereka adalah Allah yang hidup, Pencipta langit dan bumi serta segala sesuatu yang ada. Seluruh semesta dipanggil untuk berlutut dihadapan-Nya dengan penuh hormat dan menaikkan pujian dan kemuliaan bagi nama-Nya. Kembalinya Tabut Perjanjian ke Yerusalem adalah suatu simbol Allah bertakhta di Sion, menjadi Raja atas segala semesta. TUHAN yang berkuasa adalah TUHAN yang baik, yang untuk selama-lamanya kasih setia-Nya.

Kasih setia Allah sungguh nyata melalui Yesus Kristus yang rela mati untuk menyelamatkan manusia. Untuk itu, Rasul Paulus mengajak jemaat di Efesus agar hidup di dalam kasih, sebagaimana Kristus Yesus telah mengasihi dan menyerahkan diri-Nya untuk menyelamatkan manusia. Agar nyata kasih Allah di dalam hidup umat-Nya, maka Rasul Paulus mengingatkan agar memperhatikan dengan seksama bagaimana menjalani kehidupan dan mempergunakan waktu yang ada. Sebab bila waktu tidak dipergunakan dengan baik, maka waktu yang ada akan berlalu tanpa makna bahkan bisa menimbulkan kejahatan. Oleh karena itu, di dalam menjalani kehidupan, Rasul Paulus mengingatkan supaya:

1.    Berusaha untuk mengerti kehendak Tuhan

2.    Menjauhi kemabukan dan hawa nafsu yang merusak

3.    Hidup dalam tuntunan Roh

4.    Berkata-kata satu dengan yang lain dengan penuh hikmat melalui mazmur, kidung puji-pujian dan nyanyian rohani

5.    Bernyanyi dan bersorak bagi Tuhan dengan segenap hati

6.    Mengucap syukur senantiasa atas segala sesuatu dalam nama Tuhan

7.    Dan merendahkan diri seorang kepada yang lain di dalam takut akan Kristus.

III.   REFLEKSI

Bersorak-sorai dihadapan Tuhan merupakan sebuah sikap hidup penuh syukur atas kebaikan dan penyertaan Tuhan. Terlebih lagi atas anugerah keselamatan yang diberikan kepada kita, yang sesungguhnya kita tidak layak menerimanya. Namun, karena Allah penuh kasih dan untuk selama-lamnya kasih setianya, IA mengaruniakan keselamatan bagi kita melalui Yesus Kristus.

Sikap hidup penuh syukur mengkondisikan kita untuk berusaha melihat kebaikan Tuhan di setiap sisi kehidupan kita dan fokus pada hal-hal yang positif.

Ada seorang ibu meminta anak sulungya membeli sebotol minyak. Di jalan ketika pulang si sulung terjatuh. Minyak dalam botol tumpah separuh. “Bu, tadi saya jatuh dan menumpahkan minyak setengah botol,” katanya. Beberapa hari kemudian, giliran si bungsu yang diminta sang ibu membeli minyak. Kejadian yang sama terulang, di jalan pulang si bungsu terjatuh dan minyak yang dibawanya tumpah separuh. “Bu, tadi saya jatuh dan minyaknya tumpah, tapi saya berhasil menyelamatkan separuhnya,” katanya. Kejadiannya sama, tetapi responnya berbeda. Si sulung melihat secara negatif, sedangkan si bungsu melihat secara positif. Bila kita berusaha fokus pada hal-hal yang positif maka kita mampu mengucap syukur kepada Tuhan dalam segala hal dan kita tetap memiliki pengharapan di dalam menjalani kehidupan. Pak Andar Ismail mengatakan “Kita berpengharapan selama kita hidup, dan kita hidup selama kita berpengharapan.” Dan pengharapan kita tidak sia-sia sebab sumber pengharapan kita yaitu Tuhan adalah Tuhan yang penuh kasih, dan bahwasanya untuk selama-lamanya kasih setia-Nya.

Bersorak-sorailah bagi Tuhan, sebab IA baik, bahwasanya untuk selama-lamnya kasih setia-Nya.

Pdt.Asnila Br Tarigan

GBKP Rg.Cijantung

Suplemen PJJ : 1 Tesalonika 5 : 19-24 : tgl 19-25 April 2020

Ogen  : 1 Tesalonika 5:19-24

Thema  : Ujilah Lebe, Cikep Si Mehuli

Kemajun teknologi sangat mempengaruhi kebiasan manusia tiap wari, termasuk seh ku cara beribadah pe. Ibas jaman lenga lit buku, Sepuluh Pedah Musa itulis ibas dua batu. Perkembangen jaman erbahanca e lanai praktis, mberatsa, emaka kotbah nabi-nabi isuratken ibas kulit kayu bagepe kulit rubia-rubia, kenca itemuken pengolahan kertas isalihken me isi Pustaka ku bentuk buku cetak, gundari enggo banci isimpan ibas bentuk file/data ibas handphone Android.

Surat 1 Tesalonika si jadi bahan PJJnta: 1 Tesalonika 5:19-24merupaken contoh man banta kerina kerna pemaken teknologi surat-menyurat/tulis-menulis ibas jamanna si erguna seh wari enda man banta eme penulisen Berita Si Meriah man perpulungen Tesalonika, si itulis man perpulungen Tesalonika. Bahan PJJnta enda ngerana kerna pedah si perpudi ras salam si ipeseh Paulus man perpulungen Tesalonika. Ola Ambati pendahin Kesah Si Badia, sebab Kesah Si Badia e me si nampati kita ibas kerina kelemahenta, si negu-negu kita ibas kerina pertoton ras pengataken bujurta. Kesah Si Badia e carana erdahin iandingken bagi api, alu nerangi, mpegeluhken, bagepe mbersihken pusuh manusia. Kita harus metenget gelah la si Ambati ntah pe la si beneken Kesah Si Badia erdahin ibas kegeluhenta. Bagi api si banci mate erkiteken keri bahan bakar, bage ka pe banci mate Kesah Si Badia adi la sipakeken ibas kegeluhenta. Ola kam anggap enteng nandangi berita kerna sura-sura Dibata. Paulus erban perbandingen alu meneken pendahin Kesah Si Badia ibas kegeluhenta berarti anggap enteng me kita nandangi berita kerna sura-sura Dibata eme ngajarken Kata Dibata ntah pe ngaloken Kata Dibata. Erpenulak nandangi berita kerna sura-sura Dibata banci erbanca bene kuasa Kesah Si Badia e ibas kita kalak si tek. Ayat 19-20 enda alu jelas ncidahken maka perpulungen sideban selain perpulungen Korinti ndatken karunia rohani (pemere Dibata) ibas ibadah umum. Perdiateken alu mehuli maka amin pe perkatan-perkatan kerna nubuat (berita kerna sura-sura Dibata) la banci ianggap enteng, tapi pe labo ka banci ialoken adi la isiksiki alu mehuli (siksik lebe makana tindes). Perlu ipebetehken kami maka kata Junani kerna karunia rohani (pemere Dibata) si berkaiten kerna ayat 19-20 enda eme kharisma biasana iterjemahken sebage “pemere Kesah”. Kata enda menekanken kiniulin Dibata ibas mereken kengasupen ras tanggung jawab khusus man pengikut Kristus. Pemere-pemere e imaksudken guna nampati pelayanenna guna ngelai kalak si lenga nandai Dibata. Pemere-pemere e pe imaksudken guna mpegegehi kula ni Kristus (perpulungen) arah kegeluhen si dem kemalemen ate, kedamen, ras pelayanen bagepe erpenembahen alu payo. Pemere-pemere Dibata lit dua jenis: 1) pemere si ibereken Dibata guna kepentingen perpulungen secara keseluruhen, 2) piga-piga kengasupen/kemampuan khusus man kalak tertentu guna ngelakoken sada dahin ntah pe kebutuhen khusus ibas kegeluhen perpulungen. Kai pe ujilah lebe. Persinget enda penting, guna nguji kerinana. Sebab, amin pe harus ngergai pengajaren, kita la banci tek bage-bage saja kai si isehken man banta, tapi harus si uji lebe alu Pustaka Si Badia ras kesaksin kegeluhen. Kita harus niksiki Pustaka Si Badia, guna ndarami apakah si katakenna benar ntah lang. Paulus meteh maka labo kalak Kristen ngenca si mengklaim lit ibas ia kesah ntah pe pengenehenen-pengenehenen ntah pe ajaren-ajaren khusus ibas Dibata nari. Emaka perpulungen harus menguji kerinana si ibegina guna mastikenca, sue ntah lang ras si iajarken Paulus erpalasken Pustaka Si Badia. Silahken kerina si jahat. Enda merupaken cara si mehuli gelah la kita itokohi erbage-bage pengajaren palsu (bnd. Joh. 7:17). Ukur si melket ras kerina perbahanen jahat si ipediat bage saja ibas kegeluhen, bakal cenderung mpeturah kesalahen-kesalahen si banci erbanca kita mate ibas perukuren. Sementara pusuh si bersih, kegeluhen si pinter, mabai kita guna ngaloken ras ngkelengi kebenaren. Erkiteken sie, harus sipedauh kejahaten ras kerina kemungkinen si jahat erkiteken dosa. Dibata, si mereken kemalemen ate man banta, erbahanca kam badia ibas kai pe; janah Ia si engkawali kam, kesahndu, tendindu ras kulandu bersih ibas kesalahen nari asum kerehen Tuhanta Jesus Kristus pagi. Dibata si ndilo kam e setia kap, janah Ia si erbahanca maka si enda banci jadi. Kemalemen ate ijenda ertinalebih asangken terjeng kemalemen ate pusuhntah pe lalit si man tangkelen. Kemalemen ate maksudna ibas ayat enda eme mencakup kemalemen ate, ketenengen ras pemulihen hubungen antara teman sada kiniteken ibas perpulungen. Sebab Dibata kap si erbahanca pagi kerina jadi sanga kerehenNa peduakaliken.

Kai pesan si banci idatken arah bahan PJJnta enda? Kesah Si Badia e ibereken Dibata man banta guna negu-negu kita ibas perdalanen kegeluhenta. Ertina jadilah kita kalak si pentar (berhikmat) makeken pemeteh/teknologi si ibereken Dibata man banta. Ula sijadiken pemeteh/teknologi e guna ncedai kalak sideban. Gundari ibas masa-masa Pandemi Covid-19 melala kal kita si berdebat kerna banci ntah la banci gereja nehken pelayanen alu erbahan ibadah online. Pemeteh/teknologi si ibereken Dibata man banta sipakeken sie kerina guna jadi sarana gelah pelayanen banci tersehi alu mehuli. Adi ateta lebih nyaman alu metode kebaktin bersama ras keluarganta alu la make sarana ibadah online (live streaming, khotbah arah youtube), silahkan saja si penting kita tetap nembah man Dibata ibas jabunta masing-masing. Adi ateta lebih nyaman alu metode kebaktin bersama ras keluarganta alum aka sarana ibadah online akap kami sie labo ncedai. Si penting ula siambati adi Kesah Si Badia e mabai kita guna bersekutu ras Tuhan ibas jabunta. Bukan lagi waktunya berbedat tapi berbuat. Mari kita pe sipakeken teknologi informasi ibas jamanta si gundari enda guna erBerita si mehuli, umpamana alu nehken renungen Kata Dibata, kata-kata motivasi ibas WA group. Emaka adi sisebarken berita, perlu ka cek mehuli payo ntah lang, bagi pesan Kepolisian nina Saring sebelum Sharing, gundari lanai jamanna “Mulutmu Harimaumu” tapi “Jarimu Harimaumu”. Apai ka Pandemi Covid-19 enda tuhu-tuhu mpeturah kebiaren ibas kita, emaka pesehlah berita si mehuli saja. Media sosial merekam kerina kai si itamaken kita kubassa janah megati ipersingetina tiap tahunna, tentu mela pagi anak kempunta adi ogena status bapa-nandena, nini-bulangna ibas media sosial guna mpebau-bau kalak sideban si segat atena.

Ibas kegeluhen enda kita banci langsung ngaloken kerinana. Harus lit tahap seleksi ras saringenna sope si putusken ras netapkenca guna ialoken ras ipakeken. Jaman enda jaman si erbanca bingung. Ijah-ije ras menam ibas tiap kesempaten, reh buena saja kalak Kristen si nungkun: “uga carana gelah banci mbedaken apai si reh arah Kesah Si Badia, ras apai si labo arah Kesah Si Badia?”.Tapi, sayang, “nguji kesah” labo hal si mesunah. Erkiteken sie, kebingungen reh tambahna. Reh buena kalak Kristen si polos ras sederhana jadi korban. Jaman enda tuhu jaman aneh. Ibas sada sisi, nina kalak jaman enda jaman canggih. Ija kemampuan intelektual ras penalaran rasional berperan penting. Tapi kepeken ibas piga-piga bidang ngenca. Tapi, ibas bidang sideban, dukun ras klinik seh kal larisna. La berlebihen adi sikataken, “bisnis spiritual online” lako jaman gundari enda. Kalak bayak, kalak perpangkat, kalak terpelajar banci kena banna. Si lebih parah kalak beragama pe kena. Labo saja lit kalak Kristen si rajin ku dukun, tapi reh buena ka pe “dukun-dukun Kristen online”. Praktekna seri nge bagi dukun, saja mungkin ikatakenna gelar Tuhan Jesus ras ayat-ayat Alkitab. Emaka reh bingungna me perpulungen e. Sebab lit ka nge jaman gundari enda si muat ayat Alkitab janah ibagikenna ibas media sosial alu cara “ketik amin”, padahal ayat ah ndai labo bage jiwana. Lit ka nge kita ibas jaman gundari enda mesunah kal mbagiken berita alu la ieteh kai inti berita e, dahinta guna ndabuhken kalak sideban ngenca. Emaka silahken lah si jahat ibas pemaken teknologi enda gelah Dibata ngenca terpuji ibas kegeluhenta. Ula kita erpengakap teknologi e merupaken tujun. Teknologi e alat ibas kegeluhenta guna nampati kita, bagepe ibas pelayanenta. Ula min kita reh ku gereja perban canggihna teknologi si ipake piah erbanding-banding ka kita. Tapi alu perukuren si pentar si ibabai Kesah Si Badia si katakenlah bujur maka alu teknologi si lit e banci terpeseh pelayanen alu mehuli man banta.

Pdt. Andreas Pranata Meliala, S.Th

GBKP Rg. Cibinong

Info Kontak

GBKP Klasis Jakarta - Kalimantan
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate