Jadwal Kegiatan

Ibadah Umum - (08PM - 09PM)
Ibaadah Remaja - (09PM - 10PM)

Suplemen PA Mamre : 1 Korinti 6:12 ; 10:23-24 :Tgl 13-19 juni 2021

(Pemakaian TI Menjadi Berkat)

Ogen : 1 Korinti 6: 12 ; 10 : 23-24

Tema : Kebebasen Si Ertanggungjabab

Ibas ogenta sekali enda eme kap i bas 1 Korinti 6 : 12 ; ras 1 Korinti 10 : 23-24 Paulus nuriken pandangenna karna kai kebebasen janah uga arusna kalak Kristen nggeluh selaku kalak si bebas janah seh ja batasen kebebasen e.

Kota Korinti e me kota si cukup terkenal i Junani, banci ikataken kota enda kota Metropolitan si cukup maju. Kota enda sebage pusat perdagangen ras kota industry kususna industry keramik, emka melala jelma alu erbage-bage budaya reh ku kota enda alu kepentingen si beda-beda. Kota Korinti enda ka pe jadi pusat penembahen dewa penyembuhen (Asklepisu) ras dewi cinta (Afrodite) si salah sada ritual penembahenna ngelakoken hubungen seksual. Tentu enda ngeruntuhken moralitas kota e, megati pe ikataken i bas kuil penembahen e terjadi ije persundulan suci.  Emaka Paulus nurati jemaat Korinti segelah kalak Kristen la lalar perdalanna.

·         1 Korinti 6 : 12

Paulus ngarahken perhatinna kempak kelemaham moral si mencemarkan gelar gereja erkiteken penerapen kebenaren tentang kebebasen Kristen bas hal seksualitas. Persoalenna eme kap: adi la lit pembatasen bas hal pangan (kebutuhen tubuh), uga maka lit pembatasen dalam hal seksual (salah sada kebutuhen tubuh). Lit  piga-piga kalak Kristen si bebas bas hal seksual bali bagi kebebasen i bas perpan, tertutama perbahan hukum bas negerina la ngelarang kerna si e. Emaka kalak Korinti ngatakenca, kerina bebas bas aku. Ijenda Rasul Paulus nentang kesombongen si ncedai enda. Ikatakenna maka mbue hal-hal si halal tapi labo erguna i bas kerina waktu ras i bas keadaen-keadaen khusus. Rasul Paulus ncidahken maka hubungen seksual situhuna labo hal si haram. Sabab manusia itepa Dibata secara sempurna subuk kula rikut pe ras sura-sura daging kerincuhen seks i bas dirinta. Tapi tentu saja keinginen seksual e arus ilakoken alu ertanggungjabab sue ras peraten Dibata, janah lakoken i bas konteks perjabun. I bas 1 Korintus 6 : 12 enda jelas maka maksud Paulus e me perlaku seksual e. kata “bebas” ntah pe “halal” i bas cakap Junani i pake kata exestin. Kata enda lit piga-piga antusenna: pantas, layak, kuasa ntah pe hak, lit kuasa guna ngelakoken, ras bebas ngelakoken. Terbagesen kata enda banci iertiken sebage perbahanen si secara bebas banci ilakoken erkiteken memang memungkinken sabab lit kesempaten janah la lit halangen guna ngelakokensa. Tapi nina Paulus maka labo kerina erguna. I bas kebebasenna Paulus nekanken pengendalian diri siutama janah si e banci jadi adi Dibta si ngkuasai ia. Paulus secara sadar mbalengi bana gelah kebebasen si ibereken Dibata tuhu-tuhu maba keselamaten man bana.

·         1 Korinti 10 : 23-24

I bas 1 Korinti 10 : 23-24 enda si jadi perhatin eme kap daging si lit idayaken. Paulus ngulihi prinsip umum kerna kebebasen (bdg. 6:12), ras arus inehen kai kegunan ras membangun kin e ntah lang, janah i bas ayat 24 i tulisken usaha membangun. Persoalen pangan i tengah-tengah perpulungen Korintus erkiteken lit kebiasaan maka kerina rubia-rubia si dagingna I dayaken i tiga janah enggo leben ipersembahken man dewa-dewa ntah pe berhala. Emaka Paulus nuriken pemahamenna nandangi persoalen enda. Pemena Paulus erpengakap daging e banci saja i pan, erkiteken kerina si lit i bas doni enda e me sikerajangen Dibata, janah Paulus jina la tek man berhala-berhala ntah pe dewa-dewa, jadi bicara i pan oe Paulus yakin maka labo lit ngaruhna man bana. Tapi si jadi penekanen Paulus i jenda eme kap merdiateken teman si isekelewetna. Paulus nghormati kalak si beda pandangen ras ia janah ia erupaya maka banci ngelakoken perbahanen si maba kiniulin man jelma sekelewetna. I jenda teridah sikap Paulus kerna ngertiken kebebasen. Adi i bas bagin sebelumna kebebasen e arus maba kiniulin man kegeluhenta, adi bas prikop si peduaken maka kebebasen e me mereken si mehuli man kerina jelma.

Aplikasi

Kebebasen e me salah sada arapen nggeluh manusia. I bas kebebasen sekalak jelma erbahanca banci ia ngelakoken erbage-bage hal alu la nggejapken keterpaksaan ntah pe tertekan, lit perasan dame ras leluasa i bas ndalani geluhna. Payo tuhu kita selaku manusia lit hak kebebasen bas kita. Tapi labo berarti kebebasen e tanpa batas. Sabab adi kebebasen e la lit batasenna maka mungkin saja kita banci jadi manusia si buas. Kunekenca lit hal siterjadi la bagi ukurta ntah pe la bagi sura-suranta, mak mungkin saja sipake kebebasen e segelah ukurta meriah saja tanpa mperdiateken sekeleweta ras lit kin gunana e man banta. Tentu kebebasen si enggo ibereken Dibata e man banta, arus ipergunaken salu ertanggungjabab. Janah pe si perdiateken enggo nge si ilakoken kita e sentudu nge ras peraten Dibata ntah lang. Terlebih i bas jaman genduari enda, i bas perkembangen tekhnologi si pesat janah mbue kal tawaren-tawaren si menggiurken man banta, maka ola min si pake kebebasen e guna ndatkenca enda kerina. Tentu i bas kemajun teknologi, janah mbue kal aplikasi media sosial si lit, arus nge kita metenget i bas pergunakenca. Teknologi arus nge si kendaliken, ola sempat teknologi e si ngendaliken kita. Maka enggo min arusna teknologi si lit e ipakeken guna kiniulin geluhta janah si eteh ndigan waktuna i pake. Pas bagi nina Paulus bas ogenta, tuhu nge kerina banci si pake tapi pakelah e guna kiniulin ras bijak i bas makesa. Janah mbue kal media sosial genduari enda, contohna saja bagi facebook, tweeter, instagram, WA, rsd. Media sosial si enggo lit genduari enda tentu bebas kita i bas makekenca, janah bebas ka pe kita bereksperi. Tapi arus ka nge si ukuri enggo nge pas, maba kiniulin, la lit jelma si megelut, la erban kalak sesat pikir, janah enggo nge tambah kiniteken jelma arah postingenta e? Selaku kalak Kristen tentu kita arus pentar i bas milihi apai banci si lakoken ras lang. Kata Dibata tentu jadi standart man banta i bas kita milih apai si sentudu ras peraten Dibata ras lang. I bas ogenta wari enda secara ringkas ngatakenca maka pengadilah hal-hal kebiasaa si ilakoken kita rusur adi labo erguna ras membangun, amin pe e banci silakoken. Tapi mulailah arah hal si kitik ngelakoken hal si erguna la man banta saja, tapi guna kalak sideban pe terlebih guna kemulian Dibata. Tentu Mamre pe selaku pemimpin i bas jabu arus ngarahken anak-anak i tengah jabu guna makeken teknologi informasi enda alu ertanggungjabab gelah maba kiniulin man bana ras kerina jelma, janah si cidahken ka e arah caranta i bas gunakenca, labo terjeng ngerana saja.

Robby Andarta Sinuhaji (081367130211)

Mahasiswa Praktek Rg. Bekasi

Suplemen PA Mamre :2 Timotius 1:1-8 ; Tgl 06-12 Juni 2021

(Kaderisasi nandangi anak singuda)

Ogen : 2 Timotius 1: 1-8

Tema : Tading-tadingen Simehergana

Surat enda isehken Paulus kempak anak rohanina si Timotius, si i bas kiningudanna ididik ras ipercayaken Paulus jadi serayan i tengah perpulungen s idem alu tantangen. Lit piga-piga carasi ibahan Paulus lako ndindik anakna Timotius.

·         Ayat 1

Banci si idah maka Paulus tuhu-tuhu nandai ise kin ia, i etehna maka ia kap juak-juak Tuhan. Paulus sadar maka kerasulan si lit i bas ia eme kap erkiteken sentudu bagi peraten Dibata. Erkiteken kesadaren Paulus e maka enda ka mabai ia nggeluh patuh man Tuhan, neteruk rukur i bas nehken berita si mehuli, termasuk mabai perpulungen nggeluh i bas kiniersadan ras Dibata bage pe kiniersadan sapih-sapih manusia.

·         Ayat 2

Kebiasan Paulus si tuhu-tuhu mehuli i bas ia nehken pengajaren e me kap ibahanna perpulungen jadi kandu-kanduna (membangun kedekatan), mehamat, mepehaga teman ras nehken pasu-pasu man kalak si deban. I bas ayat 2 enda pe Paulus mereken semangat kempak anak si ikelengi Paulus eme kap Timotius ras kempak anak si sah menurut imanta kalak Kristen (Tit 1:4).

·         Ayat 3

Paulus nandai dua angkaten sebelum ia sih seh kal setiana nandangi iman, seri ras penyebuten dua angkaten i bas keluarga Timotius (ay. 5). I bas ayat end ape banci teridah maka keriahen Paulus e me nginget-nginget kiniulin Timotius dingen natang-natang Timotius arah pertoton “Bujur kukataken man Dibata asum ku inget kam rusur i bas pertotonku subuk suari bage pe berngi.”

·         Ayat 4

Paulus tuhu-tuhu kal nandai ras meteh perbeben Timotius selaku anak rohanina. Ijenda pe tiridah maka Paulus gejapken kai si irasaken Timotius selaku anak rohanina. Paulus pe i bas ayat ke-4 enda ncidahken atena tedeh kempak Timotius janah nehken kekelengenna.

·         Ayat 5

Kebiasan Paulus si istimewa teridah ka i bas ayat enda, e me ngenen potensi ra ngergaken ketutusen Timotius. I bas ayat end ape banci teridah maka Paulus nandai ras meteh Timotius la terjeng Timotius saja, tapi terus ku nini tudung Timotius pe i tandaina. Enda tentu ncidahken maka Paulus pe mujiken keluarga Timotius, ras secara otomatis mereken semangat ka kempak Timotius

·         Ayat 6

I bas ayat enda Paulus persingeti Timotius guna ngelakoken kewajipenna. Paulus situhuna meteh pergumulen si lit i bas Timotius sibanci erbahan ia lemah i bas pelayanenna. Emaka ipersingeti Paulus segelahna Timotius la lupa nandangi kewajipenna.

·         Ayat 7

Paulus persingeti Timotius kerna Kesah si ibereken Dibata labo erbanca gelah percik-cik. Rasul Paulus sadar maka rintangen si galang guna jadi kalak si erguna eme kap kebiaren si lit i bas kita.

·         Ayat 8

Paulus ncidahken maka la bias adi terjeng kata-kata saja. Kiniteken banci si teridah arah perbahanen bagi si icidahken Paulus. Asum ia i penjara pe tetap ia nehken Berita Si Meriah e sabab sadar ia maka lit ibereken Dibata gegeh guna si e.

Aplikasi

Umumna, selaku orangtua tentu mbelin kal sura-sura nandangi anak i tengah jabu. Anak si tutus sekolah, meteh bujur ras mehuli, jadi kinihagan man orangtua, dingen tama pasu-pasu man jelma si enterem. Tapi sura-sura mehuli enda tentu la banciotomatis jadi bage-bage saja. I bas si enda, Mamre banci erlajar arah Paulus; jadi usihen, janah erkandu-kandu ras anak-anak, tek ras ngergaken kengasupen anak-anak i bas jabu bagepe gereja.

Anak i bas tengah jabu bage pe bas gereja eme kap pasu-pasu si luar biasa ibereken Dibata man banta. Sabab anak-anak enda nge pagi si jadi penerusta, jadi nggo min arusna anak-anak enda i bentuk salu mehuli sue bagi pengarapen Dibata. Pas bagi Paulus i bas ngajari Timotius, maka i bentuk Paulus me Timotius jadi jelma si erkemalangen nandangi Dibata, janah ergakenna kai si lit i bas Timotius e, janah i ajarina salu dem kekelengen.

Banci si idah bas ogenta wari si sendah maka Paulus i bas ngajarken Timotius nggunaken kata-kata si seh  kal ulina janah teridah kekelengenna ije. Kita pe selaku Mamre nggo min arusna ncidahken bagi si ibahan Paulus, sabab enda me gerbang masuk si seh kel ulina adi nehken pengajaren man anak. Ermediate kempak anak bage pe nandangi jelma si deherta pe tentu banci mereken aura si positif janah jelma si lit ideherta pe ndatken kemalemen ate. Selaku Mamre pe arus sieteh ras beluh kita nandai anakta janah meteh kai potensi i bas anak e, maka salu bage kai si lit i bas ia banci terpergunaken secara maksimal. Perlu si catat, maka si malemna ras si mesuina kal ateta i bas geluh enda e me kai si jadi i bas keluargata, khususna nandangi anak-anakta. Adi la kita surung naikpangkat ntah pe la seh sura-surata ndatken barang si ngena ateta labo pagi ateta mesuisa. Tapi adi anakta pagi la jadi jelma, e banci jadi morah-morah tendinta asa metua. Emaka i bas ngajari anak perlu icidahken kekelngen si tuhu-tuhu bagi si ibahan Paulus kempak Timotius. Maka salu bage, anak pe banci gejapken kekelengen e janah pe banci ka iserapna gelah dem ka kekelengen e i bas ia. Tapi kunekenca kita jadi Mamre si la ncidahken kekelengen maka ola ateta mamang adi bas anakta pe la teridah kekelengen e.

Selamat jadi Mamre si jadi teladan, si ermediate, si jadi teman kandu-kandu, si ngergaken ras mereken pujin mulai genduari nari. Sabab enda me persembahenta man Tuhan, man Gereja, man Taneh Karo Si Malem, bage pe man bangsata.

Robby Andarta Sinuhaji (081367130211)

Mahasiswa Praktek Rg. Bekasi

Suplemen PA Moria : 2 Timotius 1:1-7 ; Tgl 27 Juni - 03 Juli 2021

Bahan           : 2 Timotius 1:1-7

Tema            : Cara Nehken Pengajaren si Payo man anak-anak

Tujun           : Gelah Moria:

Ø  Meteh uga belinna pengaruh pengajaren nandangi anak-anak

Ø  Mbedaken pengaruh pengajaren man anak-anak I bas masa sindekah ras jaman modern enda

Ø  Erbahan aksi ngelitken ingan erlajar man anak-anak khususna ingan erlajar kerna orat nggeluh budaya rasp e pengajaren sideban si cukup penting ibas masa gundari.

1.     Seorang ibu yang memiliki tiga orang anak pernah sharing bahwa cara menghadapi ketiganya tidaklah sama walaupun mereka bertiga berasal dari orang tua yang sama. Anak yang pertama akan dengan cepat mengerti dan memahami maksud di ibu jika sedang berdiskusi namun selalu tergesa-gesa dalam bertindak; anak yang kedua lekas marah karena itu segala penyampaian harus dengan lemah lembut; dan anak yang ketiga malas bergerak dan ketika disuruh ibunya akan butuh waktu yang agak panajang untuk dia menyelesaikan tugas yang diberikan. Tiga anak yang memiliki pembawaan dan karakter yang berbeda walaupun tumbuh dalam lingkungan keluarga yang sama. Dan si ibu cukup bijak mengenal ketiga anaknya dengan baik sehingga bisa menyampaikan pengajaran yang benar dengan cara yang masing-masing anak dapat terima dengan baik.

2.     Timotius tumbuh besar di kota Listra dan merupakan anak dari wanita Yahudi bernama Eunike dan ayah yang berkebangsaan Yunani (Kis 16:1). Tidak ada informasi lanjutan tentang ayah Timotius karena itu ada kemungkinan dia diasuh oleh ibunya saja dan dalam ayat 5, Rasul Paulus menyebutkan bahwa neneknya Lois, yang juga adalah orang percaya ikut membesarkan dan mendidik Timotius sehingga memiliki pemahaman yang dalam tentang Kitab Suci dan membawanya dalam keselamatan Kristus. Paulus mengajak serta Timotius dalam perjalanan pekabaran injilnya (Kis 15:36-41) dan sepanjang perjalanan inilah Paulus melatih Timotius menjadi pelayan dan penginjil. Kemudian Paulus mengutus Timotius ke Efesus dan dia melayani ditengan-tengan jemaat. Paulus menyebut Timotius sebagai anak nya sendiri dalam iman. Melaui suratnya Rasul Paulus memberi pengajaran dan penguatan bagaiman seorang pelayan menghadapi tantangan berjemaat dan bagaimana menjalankan pelayanan dengan benar.

3.     Mengawali suratnya Paulus menyampaikan salam kasihnya kepada Timotius, yang adalah anak rohaninya. Dilanjutkan dengan ucapan syukur pada Tuhan karena Timotius memberi dirinya melakukan pelayanan diantara jemaatNya, dalam hal ini di Efesus. Dalam kemudaannya tentu tidak mudah melayani jemaat yang beragam latar belakan budaya, pendidikan dan usia, karena itu kembali lagi Paulus menguatkan Timotius dengan menyatakan: kerinduannya untuk bertemu kembali; mengingat keberadaan ibu dan nenek nya (Eunike dan Lois) yang telah menanamkan iman yang tulus ikhlas dalam dirinya; dan tumpangan tangan Paulus yaitu pengukuhan Timotius menjadi pelayan injil. Dan semua ini kiranya menumbuhkan keberanian pada Timotius untuk kembali semangat dalam melayani jemaat walaupun ada begitu bayak tantangan. (Ayat 7, “ Sebab Allah memberikan kepada kita bukan roh ketakutan, melainkan roh yang membangkitkan kekuatan, kasih dan ketertiban.” )

4.     Timotius memiliki tiga pribadi yang percaya Tuhan yang membimbing dan mengajarinya tentang kebenaran Firman Tuhan. Iman yang ada pada neneknya dan ibunya ada juga pada diri Timotius dan iman itu terus bertumbuh. Dan ketika bertemu Paulus untuk dibimbing,  iman yang bertumbuh tersebut semakin subur sampai akhirnya menghasilkan buah. Timotius akhirnya menyaksikan imannya dengan menjadi pelayan dan membimbing bayak orang untuk memiliki iman yang tulus ikhlas untuk kemudian berbuah dalam iman.  Ketiga pengajar Timotius adalah pribadi yang berbeda namun memiliki satu kesamaan yaitu percaya pada Tuhan Yesus.

5.     Pada jaman dulu media pengajaran yang tersedia tentu sangat terbatas, yaitu buku dan juga cerita/ pengajaran lisan yang disampaikan turun-temurun. Sehingga orang tua secara khusus menyediakan waktu untuk berkomunikasi dan meyampaikan pengajaran langsung kepada anak. Dampaknya cukup baik yaitu terbentuknya kedekatan orang tua dan anak juga pengajaran bisa tertanam dengan jelas karena selalu diulang. Walaupun kelemahannya ada juga yaitu materi yang terbatas. Dijaman modern sekarang media pengajaran banyak dan bahannya juga melimpah namun seringkali orang tua memberi fasilitas tersebut semua tanpa pendampingan bahkan ada juga yang menyerahkan pendampingannya pada pihak ketiga yaitu pengasuh dan atau guru. Karena itu ketika pendidikan sekolah harus dilakukan dari rumah selama pandemic, belajar dilakukan dibawah pengawasan orang tua maka banyak orang tua yang cukup kewalahan yang akhirny menjadi marah pada anak dan menyalahkan banyak pihak. Mendidiklah tanpa menyakiti hati anak.

6.     Metode, cara dan bahan pengajaran bisa berbeda sesuai perkembangan zaman namun ada prinsip pengajaran kepada anak tidak berubah yaitu harus dengan kesabaran, lemah lembut, jujur dan yang pasti takut akan Tuhan. Amsal 22:6, Didiklah orang muda menurut jalan yang patut baginya, maka pada masa tuanya pun ia tidak akan menyimpang dari jalan itu.”

Pdt. Erlikasana Purba, M. Th.

Info Kontak

GBKP Klasis Jakarta - Kalimantan
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate