Ogen            : Nehemia 7:70-73

Thema

Sehken penampat mpekena kena rumah pertoton

1.     Pendahuluan

Minggu enda sinigelari kita eme Minggu Iventaris Gereja.

Adi sebelum Sidang Synode tahun 2000 maka setiap Minggu Inventaris Gereja maka ilakoken pepulung dana, lit deba erbahan lelang-lelang lit deba naruhken persembahen ku lebe. Sienda kerina  ilakuken untuk merawat ras ngelitken inventaris, sabap setiap tahunna inventaris e lit si man rawaten tah pe si man gantin. Emaka kenca enggo terpepulung duit e ibahanme rencana-rencana apai si man rawaten inventaris e tah pe siperlu man litken guna i perluken rumah pertoton janah payo maka setiap tahuna lit rusur tambah invertaris gereja baik rumah ibadah rumah PKPW ras gedung Ka-Kr tapi kenca Synode 2000 lanai ilakoken hal sibagenda erkiteken la kap Runggun-runggun enggo banci mprogramken dana nandangi inventaris gereja, amin na gia lanai ibahan pedalan persembahen tahpe lelang-lelang

2.     Uraian teks

Nehemia eme juru minum Artaserses i Raja Persia janah begina berita maka tembok Jerusalem  enggo runtuh emaka ceda kel atena sabap tembok e me lambang ke kokohan kota kudus. Emaka Nehemia i percaya ken sebagai Gubenur Yuda emaka tangis kel ia ngukuri tembok e latih kel e kapna emaka piga-piga wari ceda atena janah na ertoto kel man dibata. Emaka Nehemia ras umat Israel ersada arih guna membangun tembok, amina gia lit tantangen bas piga-piga kalak menganggap dahin Nehemia sia-sia saja. Membangun tembok e tentuna la terlepas ibas  dukungen umat dari segi daya dana ras doa sabap tanpa si telu emaka sia-sia kange rencana sini irencanaken erdalan alu mehuli emaka si idah antusias umat guna ikut muat bagin ikut erdahin kalak si enggo mulih ipembuangen nari,  piga-piga baik terpuk umat bagepe imam ras ia kerina erdahin ras muat bagin bangsa e nyumbang kai silit bas ia baik asuh-asuhen bagepe hartana simereken penampet ras ikut erdahin eme :

- Gubernur

- Kepala-kepala terpuk

- Bangsa nari

- Imam-imam

- Kalak Lewi

- Pemain music

- Rayat biasa

Luar biasakel kai si lakoken Nehemia ras teman-temana lalit si ketadingen kerina. Hal enda i lakoken eme erkiteken tembok ras gerbangna Jerusalem runtuh

3.     Pengenaina.

Man banta warga tidak terkecuali (Pdt, Pt, Dk) kerina jemaat maka si idah min maka rumah pertotonta (Pastori , gereja , gedung KA-KR) ta  harus sindatken perhatianta baik barang-barang si enggo lit perlu perawatenana ula kari membeli hebat merawat tidak baik barang-barang si lit ibas 3 lokasi  (Gereja Gedung KA-KR, ruang Pastori) .

Sabab banci denga si idah maka rumah pertotonta lenga bo maksimal kita ngerawatsa (Mimbar, Ruangan, Toilet, halaman). Sisedekah enda si bertanggung jawab ? Labo cukup kariawan penjaga  saja, harus bahagian rumah tangga bertanggung jawab

Bagepe barang-barang si enggo lit megati lalit si ertanggung jawabap  radu ras perawaten maka perluken pe penambahen inventaris bas gereja konsistori  ras KA-KR sabap melala denga kel lenga terpenuhi kita kal sini butuhken guna sienda me maka butuh dana janah guna ndatken dana enda perlu kel kita ras-ras ngelitkenca baik arah persembahen persembahen

4.     Ibas minggu inventaris enda marilah kita ras-ras ngelitken barang barang inventaris bagepe ras-ras kita ngerawat barang-barang inventaris sienggo lit e kebersihen ruangen, halaman kerina  toilet enda kerina tanggung jawab ta bersama

      Pdt Andarias  Brahmana

Ketua Klasis Jakarta Kalimantan

Ogen : 2 Kronika 1:13-17

NGELITKEN SINIPERLUKEN

          Menaken masa pemerintahenna sebagai raja, Salomo nerusken sura-sura bapana Daud guna majekken Rumah Pertoton. Tuhan masu-masu raja Salomo emaka paguh kuasana ibas kerajaan Israel. Taneh Gibeon eme ipilih Salomo guna ingan majekken rumah pertoton, sebab ibas daerah enda me Kemah Perjumpaan Dibata si ibahan Musa, emaka Taneh Gibeon penting kal man Salomo ibas menai kepeminpinena raduken majekken Rumah pertoton man Dibata. Raja Salomo ras kerina bangsa Israel ersembah man Tuhan I lebe-lebe kemah per

jumpaan ras Tuhan, alu mpersembahken persembahan i babo batar-batar tembaga. Igelehna seribu asuh-asuhen jenari itutungna kerina ibabo batar-batar.

          Ibas sada berngi icidahken Dibata baNa man Salomo nina, “Kai atendu kubereken man bandu ? (ay.7). Ije ituriken Salomo sura-surana man Dibatag una minpin ras ngerunggui kerina bangsa Israel. Nina Salomo “ O Tuhan Dibata, she ken dage padan si enggo ibahanndu man bapangku, emeka bereken man bangku kepentaren ras pemeteh si kuperluken guna ngerajai ia kerina (ay.9-10). Pemindon raja Salomo enda eme ertujun guna majekken Rumah Pertoton, sebab tupung sie peti perpadanen enggo itamaken Daud I Jerusalem, janah kemah perjumpaan e lit I denga I Gibeon. Salomo ersura-sura guna mpersada peti perpadanen ras kemah perjumpaan enda banci ersada.

          Kai si jadi sura-sura raja Salomo i “respon” Dibata alu mehuli, Ia mereken kesempaten man raja Salomo guna mindo kai si iperlukenna eme kepentaren guna minpin ras ngerunggui bangsa Israel. Si enda ncidahken man bantam aka kai si ipindo Salomo labo terjeng kepentingenna tapi guna kepentingan rakyat eme keadilen  ras kesejahteraan ibas masa pemerintahenna sebagai raja.

          Guna encibalken sura-sura simehuli enda, raja Salomo mulai mperdiateken ekonomi rakyatna ras meningkatken pertahanen bangsa Israel. Salomo nambahi gegeh tentarana alu mpepulung 1.400 gereta kuda, rikut ras 12.000 tentara si erkuda. Salomo mengembangken sistem perdagangen ku wilayah-wilayah darat Israel si lenga pernah iban raja-raja sebelumna. Iaturkenna suruh-suruhenna guna ngkuasai perbinagaan kuda man raja-raja sideban. Sada gereta kuda idayaken 600 duit pirak, dingen kuda alu erga 150 duit pirak. Guna menjaga stabilitas keamanen raja Salomo namaken gereta tentarana I ibu kota Jerusalem, deba itamakenna ku kuta-kuta si deban.

          Guna keperluan majekken Rumah Pertoton raja Salomo mbangun kerja sama perdagangan ras bagsa-bagsa si deban. Salomo mengimpor bahan-bahan bangunen, emas, perak bage pe kayu si mejile guna keperlun majekken rumah pertoton. Raja Salomo memajuken bidang perdagangan erkiteken letak Israel strategis ibas jalur perdagangan darat eme Mesir nari she ku Mesopotamia ras Asia kitik arus mentasi daerah si ikuasai Salomo, jadi arah upeti si idatken raja Salomo melala ndatken keuntungen man bangsa Israel.

          Tema ta ibas perpulungen jabu-jabu enda eme ngelitken siniperluken, tentu sebagai jabu melala si iperluken kita guna kelangsungen geluh isi jabuta, bage pe uga ka kita ngelitken keperluan ibas perpulungen jabu-jabuta. Adi erlajar kita arah raja Salomo ibas ia minpin Israel guna keamanan ras kesejahteraan rakyatna, Salomo pang ngelakoken perbaikan system pemerintahen bage pe perdagangan. Pembaharuan enda icidahken alu mengali potensi/ kebayaken si lit ibas bangsa Israel, termasuk memanfaatken letak wilayah Israel si strategis. Ibas pendahin ras usaha bage pe guna kemajuan perpulungen perlu lalap ilitken sada pembaharuan/inovasi, gelah ibas pendahin bage pe usaha banci terlitken kerina kai si ibutuhken. Asa bancina lit lalap teridah hal simbaru si ilakoken kita ibas pendahin bage pe kemajun perpulungenta, ula ernalem man cara-cara atau program sidekah si lanai mendukung ibas kebutuhen jabu bagepe perpulungen.

                                                                                    Pdt.Rena Tetty Ginting

                                                                             GBKP Runggun Bandung Barat

Ogen  : 1 Korinti 12:20-26

DIBATA NGATURKEN KULA ALU SERASI

          Ibas sada bangunen Gedung si mejile ras kokoh, lit ije erbage-bage bahan bangunen si banci erbahanca bangunen e banci pantek alu mejile ras nteguh. Ibas kerina bahan-bahan e lit semen, batu bata, besi, kersik, seng, kayu, cat tembok, baut, batu galang, kerikil, paku rsd. Kerina bahan-bahan enda i persada guna banci pajek bangunen ndai. Ibas kerina bahan-bahan ndai megati lit iakap bahan si paling penting guna banci ndatken bangunen si mehuli. Umpamana semen na arus simejile ntah pe meherga, cat tembokna arus si paling mbaru. Padahal adi iukurken kai ertina semen si mejile adi kersikna la lit, kai gunana cat tembok si paling mbaru ibas gedung adi baut-baut na lalit, tentu bangunen e banci mbulak.

          Ibas bahan Perpulungen jabu-jabu ta paksa enda Paulus nuduhken gambaren kula manusia arah lit na pengangkaan maka lit bagin-bagin kula tertentu simerasa kurang meherga ras la tama bagin ibas mejile na sada kula. Sendalanen ras sie lit ka bagin-bagin kula si “merasa” dirina sangat penting ibas kula, sierbahanca lanai ia perlu kula sideban. Paulus mereken penjelasan maka pengejapen sib age salah ras lanai sue ras tujun Dibata ibas mbuena bagin-bagin ibas sada kula.

          Mata ras takal ibas ayat 21 i bandingken/ikontrasken ras tan ras nahe si ncidahken mata ras takal eme hal si meganjang ras tan ras nahe sada hal simetruk. Gambaren posisi kula enda nuduhken posisi kepeminpinen (tuan ntah kalak bayak), janah tan ras nahe nuduhken ku bas perpulungen si pendahinna buruh ntah pe budak. Enda sada contok maka lit pengejapen kalak si erkuasa ras pengejapen i kuasai kalak. Ibas Kor.11:17-34 i cidahken uga perpulungen si bayak “merendahkan” perpulungen si musil. Ibas Lakon Persadaan Sibadia, perpulungen si lit buatenna “merasa” la perlu perpulungen sideban. Kalak enda man ras minem sampai mabuk tanpa merasa perlu nimai kalak sideban. Lit sikap diskriminatif, membanding-bandingken ras milih-milih teman eme sumber perpecahen bas perpulungen.

          Paulus ngajarken perpulungen I korinti maka bagin kula si iakap la meherga justru e nge si mehergana “ tapi sebalikna ring-ring si tempa-tempa la megegeh, e nge la la banci lang na” (ay.22).  Alu kata sideban Paulus ngajarken bahwa penampilan si le ergegeh/lemah la berhubungen ras “nilai yang sesungguhnya: ibas bagin kula. Nilai si lit ibas kula la tergantung ibas posisi ras bentuk , tapi kerinana mereken fungsi si berbeda simereken kiniersadaan ibas megegeh ras paguhna sada kula. Bagi sada pepetah ngataken:Jangan menilai buku dari sampulnya.

          Dibata ngaturken kerina alu serasi, ring-ring si la meherga siakap ibas kula, eme si lebih ipehaga, janah ring-ring simehangke ncidahkenca, si e nge lebih iuisi alu mehuli. Jnah gelah kula e la erbelah-belah, tapi sada-sadai ring-ring e radu seri mperdiateken ring-ring sideban. Kalak si lit ibas status sosial si meganjang menurut ukuren doni (bayak), maka secara otomatis ia ngo ndatken perhatian ibas doni enda nari. Biasana doni enda melala mereken penghormatan, keistimewaan man kalak sim elala erta na, bahkan melala kalak si mengantungkan hidup ku bas kalak si melala ertana. Ibas konteks perpulungen Tuhan, kalak bayak (status sosial tinggi) lanai arusna ndarami, ndatken hal-hal (status sosial) ibas gereja/perpulungen sebab sienda enggo idatkenna ibas doni.

          GBKP ibas tanggal 21 juli enggo 78 tahun njayo, ertina ngasup ngeluh mandiri ibas teologia, daya ras dana. Ngawan perpulungen ibas gereja labo seri, beda laatar belakang kegeluhen ras pendahin. Lit tading i kuta she ku kota besar, pendahi ta pe pelain-lain, lit erbinaga, ku juma, pegawai ras pengusaha. Ibas kerina si berbeda enda lalit si la penting man pertumbuhan gereja ta. Perbedaan si lit la jadi halangen untuk terus ndahiken dahin Tuhan. Taanda-tanda perpulungen Tuhan si dewasa eme mpebelin biak kiniersadaan, ras mpekitik perbedaan si lit. Dikune lit ibas runggunta sector-sektor si man sampaten, minterlah si sisampati, adi lit si kurang mari si sampati, ula sipandangi saja, sebab kai ertina lit ibas kita adi lakin radu ras si akapi kiniliten si lit ibas kita raduken ras kerina perpulungenta. Majeken kula Kristus bas perpulungen la banci lit si menonjol ras lalit si merasa la perlu, la pantas (la ngasup) kerina kita sada ring-ring guna majekken kula Kristus.

Pdt Rena Teti br Ginting

Rg GBKP Bandung Barat