Ogen       : Amos 4:1-3; Lukas 3:10-12

Thema   :  Korupsi

Tujuan     : 1. Meteh  maka korupsi e me perbahanen si la ngena ate Tuhan

2.    La  ngelakoken korupsi ibas pendahin si iampeiken bana

Benakata

Korupsi kepeken nai nari enggo berlangsung itengah-tengah kegeluhen manusia. Janah korupsi enda salah sada musuh bangsa, musuh gereja musuhta kerina. Emaka ibas tiap-tiap Negara enggo I bentuk sada badan guna nangani hal korupsi enda termasuk pe Indonesia. Memang kal ateta kerina kal kita enggo eragama tapi tetap denga nge lit kalak korupsi bahkan pejabat pemerintahan si paksa la i lantik I cikepna kitabna ras ngakuken membangun, tidak korupsi ras kai sidebanna iakuina waktu ia I lantik jadi pejabat, tapi kepeken bas babahna ngenca pusuh ras pendalankenna la bagi katana ndai. Ijah-ije tetap denga kena OTT -> Gubernur, Bupati, Wakil Rakyat ras swasta pe nterem kena OTT, bahkan ngawan GBKP pe bancika kari kena OTT, memaluken. Emaka marilah radu ras kita kerina erbahan si mehuli guna ndalanken tanggung jawabta, gelah kita terhindar dari pelaku korupsi, gereja harus terus menyuarakan sora kenabian, brantas koruptor she ku akar-akarna.

Uraian Teks

Adi ku idah bas teks Amos enda, ija Dibata mereken pendidiken alu keras kal man diberu-diberu Samaria. Iandingkenna diberu e:

-          Bagi lembu basan

-          Merjaki kalak si laergegeh

-          Nindin kalak si musil

-          Memaksaken perbulangen mere minumen keras

Bagenda me ke adaan umat Tuhan si tading i Samaria. Berarti Ndehara-Ndehara mempengaruhi perbulangenna gelah banci ndatken duit melala, emaka perbulangen harus korupsi, gelah melalal hasil baba mulih. Memang tahta, harta, wanita sedalanen la,  megati si perbulangen I pengaruhi ndehara gelah nangko si labo si kerajangenna. Sementara nina Mazmur 128:2 Ipanna me ulihna latih, sangap sikerajangenna. Emaka Dibata ersumpah, maka ndatken hukumen me umat enda, irintak-rintak alu kawil, bagi nurung ibas kawil, isarenken ku lubang si ndeharana ibas tembok kuta (hukumen). Bageme pe gundari maka kalak si korupsi I tamaken kubas penjara. Kerina jadi korban (anak, suami, istri, kade-kade bahkan gereja pe ikut mela).

Emaka Yohanes pe nehken sada motivasi nandangi jelma si enterem:

-          Ise lit dua bajuna, bagepe ise si lit nakanna harus ibagikenna

-          Bagepe man pengalo cuka nina: ula pindo buen asa si enggo i tentuken

Endame rusur erbahanca korupsi e, tidak mau berbagi, jang na tena kerina, ngerauk ia, la buen asa ketetapen I pindona, erbahanca korban rakyat oleh penguasa e. Emaka Yohanes pembaptis alu tegas ngataken maka sebagai anak-anak Dibata harus mehuli, jujur, bertanggung jawab, mau berbagi, la serakah, la ngukurken jangna saja, menghindari mengambil milik kalak.

Pengkenaina

Kita mamre me sebagai pengambil keputusen ibas setiap hal-hal krusiol, janah kita me harus mempengaruhi keluarganta gelah ula terlalu banyak tuntutan-tuntutan, she maka lanai kari terbedaken kita apai haram apai halal. Emaka ula kal kita bermain-main dengan gelap, tapi lakukanlah rusur si mehuli untuk masa depan keluarganta. Ula kal kita mempermaluken Dibata ras keluarganta, hanya untuk permainan doni enda. Korupsi kita hindari, mari kita kembangkan budaya kris panas, kita  sira ras terang (Mat 5:13-16)

Pdt Andarias Brahmana 

Ketua Klasis  Jakarta Kalimantan

Ogen : Keluaran 32:1-11

Thema  :

Dibata Si Mereken Pengertin, Kebeluhen ras Kengasupen

Tujuan          : Gelah Mamre

1.    Ngasup nuriken ras makeken pemeteh

2.    Ngasup mbedaken dampak positif ras negative IPTEK ras ndalanken si positif

1.    Benakata

Salah sada kemajuan jamanta si gundari eme ija informasi ras teknologi luar biasa perkembangenna. Ija si idah cepatna informasi si nikmati manusia, mulai ujung doni ku ujung doni hanya hitungen detik mis banci sidat kel beritana, baik ngirim ras ngalokenca. Bagepe teknologi cukup cepat perkembangenna, adi harus iarapken manusia gundari enggo ikerjaken mesin ntah robot, cepat tepat, efisien, dan rapih. Emaka ise la melek teknologi ras informasi maka ia ketadingen nari, bahkan itadingken kalak. Emaka la banci lang maka kerina kita harus melek teknologi ibas zaman enda, baik tua bagepe muda, terutama kita mamre. Tapi harus si inget dampakna pe lit positif bagepe negatifna, hal enda tergantung man kita si nggunakenca, kuja arahndu kenndu ku jenge ia

2.    Uraian nats

Kitab Keluaren eme kerina si itulisken Nabi Musa, gelah tetap banci jadi pedoman man umatNa, bagepe man kita kerina kalak sitek man Yesus. Ija umat Israel enggo ndauh nadingken Mesir, emaka enggo she ia idaerah Sinai, ija nai Musa ipeberkat Dibata Musa guna membebasken umat Israel I taneh perbudaken nari. Emaka umat Israel enggo she deleng Sinai, dingen enggo pe ngaloken 10 perintah Tuhan (Hukum Taurat). Kel 20:1-17, janah endape enggo ipeseh man umat Israel, janah harus jadi pedoman man ia. Namun erkiteken Musa bolak-balik naik deleng Sinai ras jumpa ras Dibata, emaka enggo dekahsa kap umat e Musa nusur, seolah-olah lanai lit pemimpinna. Akap kalak enda Musa lanai bo nusur, emaka enggo bingung. Ijenda enggo ka ia lupa 10 perintah Tuhan, emaka ideherina Harun sebagai wakil Musa. I pindona: Bahanlah sada dibata si man sembahen, guna mimpin kita (ay 1c). Harun pe setuju, emaka kerina anting-anting I pepulung, I lebur ras I tuang, I tepa sada lembu emas, hebat teknologina, enggo tehna ngelebur emas ras erbahan patung lembu, tapi enda enggo nalahi 10 perintah Tuhan, ula ban patung- gana-gana. Kel 20:3;4;5. Janah patung lembu e ka isembahna, o Israel enda me dibatanta sim aba kita ndarat I mesir nari (ay 4). Ngantiken Dibata Yahwe alu erbahan patung lembu emas. Emaka ije kalak enda mpersembahken kambing domba, mabuk-mabuk, erlagu la mehuli dilaki diberu,- enggo ka tambah dosana, erlua-lua ia (ay 6). Emaka Dibata ngataken man Musa, pedas kam mulih, sebab bangsa e enggo nadingken dalan si kuajarken. Merawa Dibata, erkiteken enggo salah nggunaken kepentarenna. Dibata ernembeh ate nandangi umatNa. Ay 7-10, tapi Musa tetap mereken pengertin man Dibata

3.    Pengkenaina

Kita mamre sebagai bapa ibas jabu, kitame sebagai penyampaian pendidiken, penyampaian informasi, bagepe nuriken tehnologi man keluarganta. Tapi gundari perbapan pe enggo lit jadi korban teknologi, korban informasi, bancika kita sebagai bapa menyalah gunaken tehnologi, mengirim berita si la membangun bahkan mengorbankan kalak. Emaka arah tekta wari enda hati-hati kal kita, nehken informasi, ula bagi Harun, mis buatna keputusen erbahan patung lembu, ajakna ka ersembah ilebei-lebei patung e, mabuk-mabuk ras erlagu melket . Adi bagenda ma kita kange si erkorban. Emaka kita sebagai mamre tetaplah nehken informasi si lit ertina, informasi si meningkatken semangat erkiniteken ras melayani. Bagepe tehnologi mbelin gunana tapi ula kal si salah gunaken, misalna, erbahan narkoba, oplos miras, judi online, bisnis terlarang, bagepe berita hoax. Talukenlah kerina si erpalasken kiniteken, inget maka sitek la ia jadi korban tehnologi, tapi arah tehnologi menjadikan peluang duna kemajuan.

Pdt Andarias Brahmana 

Ketua Klasis  Jakarta Kalimantan

Ogen           : Sakaria 10: 1-3

Tema : Pindolah Man Tuhan

 (Entrepreneurship: Okultisme)

Piga-piga waktu silewat, Indonesia sempat ngenanami kemarau/kekeringan si luar biasa. Biasana kenca seh bulan alu akhiren “-ber”, Indonesia memasuki musim perudan. Tapi ibas paksa si udan pe tempa-tempa segan nusur i Indonesia enda. Sempat sekali jadi piga-piga daerah khususna s iingani kalak karo erbahan ritual ndilo wari udan. Turah penungkunen ije, adi silakoken ritual sibage, situhuna kita sangana mindo udan man ise?

Peristiwa si ehampir mirip ras kai sijadi bahan oratenta sekalenda. Ibas negaranta Indonesia, dua ngenca lit musim. Musim perudan ras musim kemarau. Tapi i Israel bagepe daerah-daerah si beriklim Sub-Tropis, lit 4 musim eme: musim semi, musim panas, musim gugur ras musim dingin. Ibas musim semi, tentuna sinuan-sinuan mulai bersemi, bunga-bunga terlak ras biasana melala udan paksa musim semi, sementara kenca mulai masuk kubas paksa musim panas, udan biasana mulai berkurang, janah pe suhu udara lebih lasna asa si biasa. Logikana, enterem jelma ngarapken udan ibas pendungi musim semi guna jadi persiapen ibas memasuki musim panas.

Masalahna man ise kita mindo— udan e? kata Dibata jelas ngataken maka kita arus mindo udan man Tuhan Dibata, arusna kin pe man Dibata ngenca (ay. 1a). engkai maka bage? Tentuna erkiteken Dibata nge sinjadiken doni ras kerina isina (kej. 1:1-31). Adi Dibata sinjadikensa, emaka ia nge sierkuasa penuh nandangi iklim ras musim. Dibata ngasup penusur kemarau si la erngadi-ngadi seh telu tahun la nusur udan (Jak. 5:17, 1 Raj. 18:1), tapi Dibata pe ngasup penusur udan simeder guna ndungi kemarau e (1 Raj. 18:45). Lebih asa si e, Dibata pe ngasup penusur udan 40 wari 40 berngi seh maka lau ndemi doni ras engkernepken tinepa si lit ibassa seakatan tinepa si ringan ibas Bahtera Nuh (Kej. 7:12).

ÚÚÛDibata erpadan penusur udan meder man kerina kalak si mindo man bana (ay. 1b). lit tersurat ibas pustaka si Badia “Pindolah tentu idatndu” (Mat. 7:7). Pindolah man Dibatakai saja pe keinginenta banci sip indo man baNa. Amin pe banci saja labo kerina pemindonta e ijababNa alu kata “Yes” tapi silang-langna kita enggo mindo man baNa ras e encidahken maka siakui Dibata e selaku Dibata sierkuasa nandnagi kegeluhenta. Bali bagi sekalak anak si mindo man bapana, tentuna bapa e labo mungkin mereken batu adi anakna mindo Roti (Mat. 7:9-11).

Ibata ngelarang kita mindo man sideban seakatan man baNa saja. Ibas konteks penulisen kitab sakaria enda, senangen iakap bangsa Israel mindo petunjuk ras mindo pasu-pasu nandangi gana-gana si ipajuh, guru sibeluh ngoge nasip, ras guru sibaso. La ia nungkun man Dibata, situhu-tuhu jadi Dibata sierkuasa nandangi kegeluhen bangsa Israel. Tek kal bangsa e nandangi kai siibelasken guru sibeluh ngoge nasip ras gru sibaso e. Padahal kai si ikataken guru-guru e labo tuhu. Lalit kepeken gunana mindo petunjuk ntah pe nasehat man guru sibeluh ngoge nasip ras guru sibaso e. alu ngelakoken hal sib age akhirna bangsa Israel pe ndauh ibas Dibata nari, merap marpar bagi biri-bir si lalit permakanna. Uga ningen Dibata mpermakani bangsa Israel adi bangsa Israel sendiri pe la nggit ipermakani Dibata? Senangen iakapna ndarami sierbahanca senang pusuhna arah belas-belas guru sibeluh ngoge nasip e.

Bahan renungen enda, ngajuk kita guna niksiki dirinta, ntah pernah sekali jadi sipindo petunjuk man dukun, peramal ntah “orang pintar” sideban. Tapi arusna, paksa kita netapken pusuh ras kinitekenta guna tek man Dibata, ertina kit ape arus tek sepenuhna man Dibata. Ibas situasi sikugapana pe, arus me kita erpengendes man Dibata. Teklah kita tuhu-tuhu man Dibata sebab Ia me Dibata sierkusa ras simere kegeluhen man banta kerina manusia tinepaNa.

Pdt.Abdi E.Sebayang,M.Th.

GBKP  RG  Graha Harapan