Suplemen PJJ Tgl  22-28 Juli 2018

Nats       : Matius 25:14-30

Thema  : tutus ras bujur ibas pendahin

1.       Kalak karo nai-nai nari pe enggo kal tutus erdahin, emaka kalak karo si ku idah labo lit si nggeluh ibas penderitaan bagi suku-suku sideban. Janah ku jape ia lawes tentuna inganna erdahin lebei darami, kujuma tah erbinaga, tah erdahin i kantor. Emaka si pedahken Dibata enggo banci terpenuhi kalak karo, cur-cur kal panasna guna memenuhi kebutuhenna. Janah kalak larope nai iajarken gelah bujur ibas kaipe, emaka nina nini-nininta: adi la kam tutus erdahin kelehen kam, adi la kam bujur maka lalit pagi temanndu. Sebab ke bujuren pe nambahi semangat erdahin guna ndarami keperlun geluhna. Tapi sada penungkunen kugange ndia gundari kalak karo, semangat denga nge erdahin, ras bujur denga nge ibas kai-kai pe... ? Tentuna secara kiniteken ninta tutus ras bujur.... puji Tuhan

2.       Gambaren kerajaan surga eme ituriken bagi tuan, si atena lawes, emaka berena hartana guna i modalken juak-juakna si telu, pemerena pe lako seri eme:

a.       50 duit emas

b.      20 duit emas

c.       10 duit emas

Janah labo iberena perintah kuga ban duit e, janah la ka bo katakenna digan  ia mulih. Tapi si jelas maka tua enggoberharap gelah i gunaken duitna e. Situhuna adi juak-juak ia pasti enggo tehna sura-sura tuanna. Tapi sayang seribu kali sayang, juak-juak pe laka seri perbahanenna, ija dua juak-juak mis i gunakenna modal, berhasil 100 % , tapi lit sada kuga kin nai bere modal bage lalap, lagunakena.

Apapun ceritanna, maka paksana mulih pagi tuan simada modale, sebab ia er sura-sura gelah tambah hartana, tapi si jumpainya arah laporan pertanggungjawaban la bagi sura-surana. Dua pujikenna tapi sada lang. Si 50 ras 20puluh, jumpaina tuan babana modal ras untungna, emaka nina tuan “mehuli kap perbahanenndu e” kam juak-juak si tutus, tutus atendu bas si kitik, maka ku percayaken siterlebihen,  mari bengket kam ku bas ersenang-senang ras aku. Pujian, sukacita man kalak si tutus, sebab enggo berhasil. Tapi si 10 pe ngelaporka, ia la gunakenca, bahkan ibunikenna, penuh alasen si lamasuk akal: kam kejam. Iperaninndu atendu si la isuanndu memang kalak malas pasti melala alasen, pembelaan ibas kesalahenna, (OMDO saja tahpe  NATO)

Emaka nina tuan kam juak-juak si jahat, buat lah duit e, juak-juak si la terpake enda sampetkenlah kubas ingan si gelap, tangis dingen mesui me atena. Teridah kal tuan adil, bujur man kalak si kerja keras i pujikenna janah ipesenag-senagna, man kalak si malas i ukumna, mberat, susah kal akapna, ndalani geluhna.

3.       Kita pe sebagai kalak kristen lanai banci kita la tutus erdahin, sebab arah kita ndahinken ndahinta maka kita dat pasu-pasuNa, janah bagi janji Dibata man Abraham kupasu-pasu kam, arah kam  enterem kalak ndatken pasu-pasu.

Emaka tidak ada tempat bagi orang malas dan santai, tapi harus kerja keras, sebab erdahin eme amanah Dibata. Erdahin bas doni enda guna kebuttuhen geluh, tapi pe erdahin guna erbelangken berita si meriah guna kesenangen surga. Inget nina Jesus “daramilah lebei kini rajanna, gelah icukupken bandu (Mat 6:33).

Berarti sembari kita erdahin guna berita si meriah, maka kita pe tutus ardahin ndahiken  dahinta( perjuma, perbinaga, pegawai PNS ras swasta). Arah kerja kerasta kita ngalo ken rejeki ibas Dibata nari. Radu ras sie maka kita pe jujur arah ulih dahita e, eme arah rejekinta maka kita nampati pelayanen, nampati temanta si man sampaten, (Kalak jujur terus akan diberkati).

Sebab labo kerina kal man banta kai si bereken Dibata ( berbahagialah). Bicara pe kita berbagi pasti buen denga nge tading bas kita. Alu e maka Dibata : kam juak-juak si mehuli, mari ras kita ersenag-senang. Emaka, tutus, jujur eme si man bahanenta.

Selamat PJJ

Pdt Andarias  Brahmana

081317054961

Suplemen PJJ  tgl 15-21 Juli 2018

Nats       : Kuan-kuanen 4:10-19

Thema  : NGGELUH IBAS KEPENTAREN

1.       Dibata nggo ngataken man manusia sipertamakenca enggo ndabuh kubas  dosa: “Latihh kap ndu muat nakan pangan ndu, cur-cur panas ndu”. ( Kej 3:17). Emaka manusia ndai enggo harus latih ras ngenanami erbage-bage kini saran kini seran guna kegeluhenna. Bagepe kesusuren manusia ndai pe munuh agina, emaka reh buena masalah masalah si ihadapi. Emaka Dibata ngarapken manusia si enggo erdosa enda haruslah  nggeluh ibas kepenteren si reh na idur Dibata nari (berhikmat dalam kehidupan), sebab nina kuan-kuanen:

“Guna ndatken pemeteh si pemena si labanci lalit ibas kalak e eme mehamat dingen erkemalangen man Tuhan” (Kuan-kuanen  1:7a) Pemeteh/kepentaran eme si reh ibas Dibata nari, baik caranta rukur, ngerana, erdahin, bertindak ertina ibas kerina dampar kai pe si lakoken harus bagi si ngena ate Dibata.

2.       Arah kitab kuan-kuan enda mabai kita gelah ngantusi kuga kin nggeluh enda adi ras Dibata.

Kuan-kuanen enda itulis raja Salomo, ia pernah sebagai anak, ia pe Bapa man anak-anakna, ras bapa bangsa man kerajaanna. Emaka la ersura-sura kel gelah kerina anak-anak Israel nggeluh ibas kepentaren. Adi sinin judulna eme pengajaren man anak perana/pemuda, emaka iawalina ibas pasal 4 enda “O anakku begiken ajar nande bapandu.! Mergemeetlah, gelah mbages pengertinndu”(4:1). Janah ia pe sebagai anak i ajarken nandena sanga ia kitik(4:1). Emaka ilanjutkenna: Begikenlah aku o anakku, berarti kenca enggo iturikenna maka ia pe iajarken orangtuana, maka mulai me ia ngajari anak-anakna bagepe pemuda bangsa, gelah paguh, erpengarapen man Dibata, alu bage maka anak-anak e kerina pentar. Janah payo kel kalakJahudi pentar pentar kerina. Hal enda sua ras hukum taurat ke 5. Kai kin makna megiken ajaren kepentaren e ..?

a.       La dat alangan adi erdalan

b.      Lla kam ter tuk-tuk adi kiam

Erdalan tah kiam tetap aman bas geluhen enda, sungguh luar biasa kuga Dibata ngarak-ngarak kita, emaka ibas kita ndalanisa harus kita:

a.       Jagai lalap pengajaran e

b.      Ula lawes kempak perlawesen kalak jahat

c.       Ula usih perbahanen kalak jahat

d.      Tulak janah si rangi jahat

e.      Pinterkenlah perdalanenndu

Endame si harus i perdiateken anak-anak kalak si enggo ngaloken Jesus. Sebab kejahaten ras kekejaman desken pangan ras inemen kap man kalak enda (meriahkel kapna erbahan jahat) enda harus i tulak, dingen nina pemasmur gelah malem ate ta kita harus: la megiken nasihat kalak jahat, la ngusih perbahanen kalak perdosa, si la erteman ras kalak si megombang man Dibata/jahat. (Maz 1:1) Tapi dalan si ni dalani kalak bujur (erkiniteken man Dibata)

a.       Seumpama matawari pultak erpagi-pagi = cerah dan menncerahkan , dan sukacita kerina alam semesta enda, bagepe manusia

b.      Lalap reh terangnna, ncidahken maka kalak si erkiniteken  man Dibata, terus i pasu-pasuNa, seh metua tetap jadi pasu-pasu (band. Maz 37:25). Ras ia serei ras batang kayu si turah itepi lau anak. Erbuah, bulungna tetap la melus, sangap ibas kaipe (Maz 1:3).

3.       Emaka man orang tua wajib ngajarken anakna, alu payo ras mehuli erpalasken kata Dibata (band Eps 6:4). Ras anak-anak pe wajib magiken pengajaren orang tua (band Eps 6:1-3). Bagepe selaku anak harus nggeluh ibas kepentaren/berhikmat, sebab kalak singgeluh ibas kepentaren masa depanna i pasu-pasu ras jadi pasu-pasu man kalak sideban, bagepe malem ate Dibata, malem ate orang tua, malem ate jelma si enterem. Tetap jadi berkat ijapape kita tading, sebab kita Terang man kegelapen.

Selamat PJJ

Pdt Andarias Brahmana

081317054961

Suplemen PJJ Tgl 8-14 juli 2018

Nats       :  Job 29:12-16

Thema  :  Anakku si ku kelengi. HUT YKPD GBKP ALPHA-OMEGA ke XXX

1.       Alpha omega nai idiriken GBKP 30 tahun si lewat eme erkiteken lit piga-piga anak-anakta si cacat, emaka megati iakap keluaraga hal si bagenda jadi beban bagepe mela nandangi kalak si deban. Emaka anak sicacat ndai kai pe lalit pemetehna, piah mbeli-mbelin irumah anak si cacat ndai. Emaka gereja GBKP muat sada tindaken semehuli, guna ndiriken sada ingan anak-anakta si cacatndai gelah banci ia iajari, imandiriken gelah gelah ulanai beban man orang tua ras keluarga, sebab anakta si bagenda pe pemere Dibata nge man banta , janah Dibata pe engkelengi ia. Sejak hadirna yayasen enda maka enggo enterem anak-anakta terdidik i Alpha Omega, lit nge enggo mandiri ia, erjuma, erternak ras sekolah. Puji Tuhan gundari enggo 30 tahun kita GBKP mperdiateken yayasen enda, emaka secara kasap mata maka enggo banci si cidahken keleng ate Dibata nandangi kerina tinepana (cacat tah la cacat), seri i lebe-lebe Dibata. Bravo buat GBKP, Bravo buat ALPHA OMEGA maju terus bersama Kristus

2.       Kitab Ayub 29:12-16

Si idah maka sungguh luar biasa kal perbahanen ayub/job, teridah tempa kai si ibahanna sedekah enda ilupa ken Dibata, emaka reh kinisuin bana. Emaka iulihina nuriken man kalak, amina gai pasti enggo me meteh kalk kerina, kal sini ibahan Job. Arah penurikenna maka secara manusia tentuna latihkal akapna, uga maka banci mehuli parbahanen man kerina manusia reh ka bagenda...? kuakap nungkun nungkun nge ukurta...? Payo, kalak si erkiniteken pe la ka bo terlepas ibas kiniseran si mesangat, bagi Job. Ia kalak si erkiniteken, perbahanenna seh kal ulina, nggit nampati (melumbar) man ise pe terutama kalak musil, anak melumang, kalak narus bene, diberu balu-balu, kerina manusia, kalak pentang, kalak cempang, kalak pertandang. Lengkap kal si isampatina. La lit ketadingen. Tapi jumpa kini seran bahkan teh Dibata ka..ada apa ini..?

Tapi cara Dibata mendewasaken kini teken berbeda-beda, memang lit kange la bagi Job, tapi laka bo sitik bagi Job, sekolah rohani tentuna lain-lain carana namat kenca, si penting cara kai pe sienda kerina eme gelah sitandai Dibata ibas kerina dampar kegeluhen enda, si penting man banta kaipe jadi ula tadingken Tuhan, sebab dibalik kiniseran e lit kemalemen ate enggo isikapken Dibata.

3.       Saja arah bahanta sendah, sekaligus HUT ke 30 ALPHA OMEGA, ngingetken maka gerejanta tetap ngukuri ras exen nandangi manusia si perlu isampati, bagi Job ndai la i sia-siakenna kesempaten kalak si kuga pe geluhna. Emaka arah pjj nta sendah kai ka dage siban nandangi yayasen silit ibas GBKP, terutama anak melumang ras cacat..? lape keleng ate Dibata saja la sempurna geluhna, ma labo ka ninta gengken jena..? pasti lang, kita pe sepakat guna nampati ia arah kai pemere Dibata si enggo si aloken. Gelah arah penampatta e, ernanam man anak-anak ta si tading i yayasan alpha omega ndai .. terakap-akap na, aminna gia labo ndungi masalahna,tapi setidakna lit penggejapenna iinget kade-kade ngku kap kami atena . emaka ibabana ibas pertotonna, gelah Dibata masu-masu kita kerina, tambah ka rejekinta. Emaka mari dage si sehken penampatta nandangi anak-anak ta si lit i ALPHA OMEGA.

      Pdt A. Brahmana

081317054961