(1) Sangana Yesus idoni enda maka asal ia ngajar enterem kal kalak pulung, aminna ija gia Ia ngajar. Tapi ibas kehadiren jelma macam-macam sura-surana ija.

1. Lit deba payo erkiniteken/tek Ia man Yesus si reh sebagai Juruselamat.
2. Lit deba ikut-ikuten kalak kuje iape ku jeka mungkin ngenen-ngenen (ndedah)
3. Lit deba hanya ingin tanda-tnada sengget, man geratis, malemka pinakit
4. Lit ka deba cari-cari kesalahen/kekurangen tah kelemahen Yesus.

Kuga kita sebagai mamre ibas ngaloken Yesus ibas kegeluhenta enda, kelompok siapai kita...? jawabenna lit bas kita perbapan masing-masing. Cuba si ukuri lebei mbages-mbas persen siapai si melalana, a,b,c tah d...? kita metehsa nandangi dirinta sekalak-kalak, saja mbera ula kari kalak singikut Yesus e persena si sitikna poin a, simelalana poin a tah c, enggo mberat kal kita, tapi marilah si perdiateken kata Dibata ndai.

Tujuan    :  GelahMamre ibas muat keputusen rukur alu mbages; GelahMamre la bene erkiteken pemere kalak si deban

Tindakan sila terpuji eme, menghianati teman dekat atau sahabat karib. Sebab temanta enggo sehkal ia tek nandangi kita, je ka mesi beneken temanta e, masehkal ate gogona adi teman ta e erbahan kita ndatken kini seran. Tapi hal enda megati denga terjadi i tengah-tengah kegeluhenta enda. Emaka lit kuan-kuan karo: Siakap teman benekenna kita. Megati enggo melala kita keri nampati ia tapi arah eibenekenna kita. Bagem Judas iskariot salah sada ajar-ajar Tuhan Yesus, ija ia enggo ikuasai iblis emaka ia ngelakoken sada perbahanen si la terpuji ija ia nungkun man imam simbelin: “ kai berekendu upahku adi ku endesken Yesus man bandu...? Luar biasa ia ndayaken sahabatna, guruna, Tuhanna man penguasa, janah teridah kal sidekah enda pura-pura baik tapi dibalik sie, litharapenna nandangi duit. Mangerikal dayakenna Yesus, siselama endaenggo melala erbahan simehuli nampati termasuk nampati Yudas sendiri pe. Tapi Judas enggo gila duit, mata duiten, memang adi duit penggurun maka temanpe dayaken. Kaipe lakapna meherga. Masi idah gundari labo sitik terjadi penjualen manusia, lit deba jadi pelayan restoran, pembantu rumah tangga, siteragisnya jadi pemuas nafsu hidung belang. la erpilihen nguda tah metua, kade-kade pe megati enggo iperdagangken. Hal enda erkiteken duit ras duit. Emaka lanai bo sitik sijadi  korban, korban harta ras diri, kalak sedap akapna sideban menderita: Menari kita diatas penderitaan orang lain. Mengerikan bukan. Yudas pe ndayakennaYesus TuhanNa, apai denga kapdu sigundari. Tapi perlu siinget sienda kerina nimai warina ngengenca pasti suatu ketika: kai isuan e kange i perani.

Ogen    :  Heber 11:13-16
Tema    :  “Doni Kalak Mate”

Tujun   :  
1.       Gelah ngawan perpulungen ngangkai doni kalak mate
2.       Gelah ngawan perpulungen lanai mbiar ngalaken kematen

Adi si oge Heber 9:27 jelas maka la lit manusia si banci nilahken kematen. Ibas paksana manusia pasti mate kenca si e iadili. Tapi engkai maka ngerana kerna kematen seolah sada hal si man silahenken? Adi mbiar iadili erkiteken iakap kita pasti ikelompokken kalak si ersalah jenari masuk neraka, wajar adi mbiar encakapken kematen. Saja ngenca payo nge bage? La lah erkiteken lenga jelas man banta kerna keadan kalak si enggo mate?

Situhuna ibas Pustaka Sibadia mbue ngerana kerna kematen. Salah sada eme ogen Pjjta sendah. Ikataken Abil, Enoh, Nuah, Abraham, Sarah eme kalak sierkiniteken tapi kerina ia mate kang, saja ngenca mbedakenca ras mbue manusia eme ikataken ibas ayat 13 kalak enda mate ibas kiniteken. Kai kin ertina mate ibas kiniteken? Erpalasken erti kiniteken ibas Heber 11:1 maka banci ikataken amin gia kalak enda lenga bo ngidah kegenapen kerehen Yesus Kristus si padanken[1], tapi  pengharapen kalak enda nandangi kegeluhen sirasa lalap ras Dibata I negeri siterulin eme negeri I sorga erbahanca kalak enda ibedaken ras kalak si mate si la erkiniteken. Kata “dauh-dauh nari enggo idahna si e” nuduhken uga pengarapen kalak enda nandangi kegenapen padan Dibata e janah enda ipahami sada kebenaren emaka penulis Heber ngataken maka man kalak enda enggo isikapken Dibata sada kuta (surga).