GBKP Cikarang yang telah disyahkan menjadi Jemaat/Runggun pada sidang GBKP klasis Jakarta-Bandung tanggal 10-12 Oktober 2014 di Hotel Rudian-Puncak,

sebelumnya sudah memiliki tempat beribadah, namun seiring bertambahnya anggota jemaat, tempat ibadah yang ada dianggap tidak lagi memadai sehingga pada tanggal 26 Februari 2012 GBKP Cikarang membeli dua ruko dan setelah direnovasi ditempat inilah jemaat beribadah.

Bena Kata

Ayub/Job eme sekalak perbapan tercatat gelarna ibas Pustaka Sibadia. Ia tading i us; kira-kira deher Damsik bagian timur danau Galilea.Ia kalak sierkemalangen man Dibata (ind saleh) mehuli (jujur), janah lalit perbahanenna si jahat, iape kalak bayak i timur, luarbiasa perbapanta enda, enggo ka bayakmehuli ka, ras ndalanken kai singena ate Dibata, lapernah jahat perbahanenna, sienda me man teladanen bapa-bapa sigundari. Adi ikataken kalak erkemalangen man Dibata eme:mehuli, bujur, ertanggung jawab rukur pe rembang tengah, nggit nampati ras mediate nandangi anak jabu ras ikut membangun simehuli guna kepentingen jelma si enterem (karo: la pertewas). Lit nge dia ibas zaman ta enda perbapan si bagi ayub/job enda, kugape ninta enggo mesera muat sibage, tapi selaku perbapan/mamre ma harus nge kita kerina bagenda...? coba dan mencoba terus pasti i pengasupken Dibatanta.

Ogen    : Matius 24:45-51
Thema  : Nggeluh Bujur Maba Kemalemen Ate

1. Gelah ngawan perpulungen meteh ulu kemalemen ate
2. Gelah ngawan perpulungen nggeluh ibas kebujuren

Perlebe

Lit lagu pop tahun 80-90 judulna “Pria Yang Jujur” si iendeken Ade Putra. Ibas bagin syairna lit ije ikataken “oh … pria yang jujur … oh susah di cari”. Cerita I balik lagu enda eme ija sekalak singuda-nguda ndarami anak perana si bujur, tapi ternyata la nukah ndatkenca. Payo, mbue anak perana si ganteng, tapi si bujur “susah dicari”. Bagepe para pengusaha tentu ngarapken kerina pegawena nggeluh bujur, tapi uga kinatana? Arusna min ndai masyarakat Indonesia berkomitmen tinggi nggeluh alu bujur erkiteken kerina enggo eragama, tapi kinatana? Mbue denga si idah masalah korupsi, ulih pengadilen si mencedrai rasa keadilen masyarakat, rsd. Bagepe kekristenen khususna, megati sibegi kata enda: “sada kiniteken tapi la siteken”. Kata enda iban erkiteken labo kerina kalak kristen nggeluh bujur. Ironisna lit pengusaha kristen, pangen ia merekrut pegawena si la kristen. Ngkai maka bage? Menurut kesaksinna erkiteken ternyata kalak kristen e labo lebih bujur asangken kalak si la kristen. Enda me tantangen man gereja. Emaka arah PJJta minggu enda iajuk kita segelah nggeluh bujur, sabab e maba kemalemen ate baik I doni enda terlebih ibas kerehen Yesus si peduakaliken dem kemalemen ate e.