Kucing Bas Sumur ras Tokek

Pengalamen Sewaktu SMA
Kenca aku tammat i SMP Negeri 1 Kaban-jahe tahun 1979 aku melanjutken SMA ku Jakarta janah dat aku i SMA Negeri 39 Cijantung jurusen IPS seh aku tammat tahun 1982. Emaka ngelamar kami ras Gembira Torong ku Perintis III tapi pengumumenna pe lanai bo nen kami,sebab erpikir kami nggo me ndauhsa nge solo ah ate kami. Memang sebelum ku Jakarta pe mulai kitik-kitik nari aku enggo rajin ku gereja,peridiken pe waktu kitik denga aku ibaba Nande ras Bapa ku gereja tapi la pernah ngoge kata Dibata,kugereja ngenca rajin,tari-tarian sekolah minggu bagepe menghafal ayat-ayat Alkitab adi erwari Natal biasana wari e luar biasa kal man kami anak-anak waktu e sebab erbaju baru kami kerina,man pe enggo i sikapken guru ras orang tua pangan kami lomok-lomok ras cincang bagepe sopna bagem tiap-tiap tahun kegeluhenku.

 

Waktu aku SD denga pe enggo i bereken orang tua sada tanggung jawab e me memelihara indung babi, emaka tiap wari aku muat nakan babi ku juma kalak,emaka ban buena si man beren man maka maun bewan kalak pe ku tangko,bagepe mbertik ras ropahna gelah enggo banci kari melala dat aku nakanna ateku , piah nangko pe asa gelah besur babi. Meriah kang erbabbi erkiteken lit ka ban nande bonusna e me adi lahir kari anak babinta 7 maka man bandu ping-pingna nina e me si kitikna ibas kerina anakna. Tapi ping-pingna ndai banci ia si galangna erkiteken adi radu ia man kerina babi si galngna ku pekpekki gelah ping-pingna ndai banci besur man emaka ia dungna si galangna,emaka enggo mamang ate empuna e me nande janahna nungkun nina gua ka maka enggo galangen ping-pingna ndai asa temanna nina man bangku kujawab ningku entabeh akapna man la ia milih-milih ningku,adi babindu la tama kedep la ia nggit man ningku.

Mulai aku kelas V SD aku berubah profesi e me naik ka sada tingkat jadi memelihara lembu, janah tiap wari aku i ajari nini bulang ginting mergana aku cara erlembu gelah entabeh akapna man nina,sira-sirai tiap wari banci alu sira bagepe pista , pasti entabeh akapna man nina bulangku,emaka bagem tiap wari kuban seh ngasa galang lembu enda ku permakani tiap wari,enggo banci ia erlajar saren-saren emaka gaggaten pe lanai kita mbabasa enda labo kereta lembu tapi terbuat ibas buluh nari dua i pegedang ban angkung-angkungna ras ingan kundul sejenis e me bentukna. Enggo ka banci ia erlajar nenggala ku juma tapi meter kal ia erdalan piah merawa aku maun ,erkiteken entah enggo latih iakapna sebab adi meter ia galungi juma e pe la mejile bagem seterusna.Tapi dungna ngadi aku erlembu waktu kelas VI SD erkiteken kena tambaten lembu buta-butangku telpus lebe nari ku kupudi emaka harus i opname i RS.Umum Kaban-jahe gua i jepit waktu e. Em dalanna aku lanai merhat erlembu.

Mulai SMP aku ras Bapa ( Pt. Em. Johanes Sembiring ) bagepe silih Kapiten ginting si gundari ia jadi Pertua i Ndokum Siroga ( Ketua Runggun Ndokum Siroga Surbakti II ) erbahan usaha er babi panggang i simpang empat surbakti,emaka adi la motong dagingna legi silih ku tiga beras tagi,janah tiap wari mie tiaw banna sarapen kami, je nari me aku mulih-ulih sekolah ku Kaban-jahe. Emaka kenca kelas II SMP aku pindah ku Kaban-jahe i rumah bengkila Sarikat Sitepu guru SMP Negeri i daerah katepul lau siki tapinna. Tapi kenca kelas III mulihken ka aku ku surbakti erbinaga ras bapa.Kelas III SMP enda aku enggo dung erlajar ngawan.

Berkat Erlajang ku Jakarta ikut ras nini Bulangku Gejab Surbakti tahun 1979,janah tading i Kampung Karpus Kramat Jati Jakarta Timur i rumah bibi nd.Lina br Ginting ( Elisabet Br. Sembiring) janah bengkilangku ( Kira Ginting ) erdahin i Komdak sekaligus pemain catur utusen Komdak Metro Jaya. Sambil sekolah erbinaga ikan asin ras bibi i pasar kramat jati seh setahun. Emaka tahun ke dua aku erbinaga uis i pasar induk kramat jati jakarta timur. Kelas III SMA mulai aku kost i Cijantung ras teman-teman e me Kamta Gia Sembiring Meliala,Barta Sembiring Pelawi,Darta Sembiring Pelawi emaka dua kami meliala,dua ka pelawi seh ngasa kami tammat kerina 3 kalak kami i SMA Negeri 39 sada STM Penerbangan Jakarta selatan genduari kerina kami sarjana janah dahinna pe lumayan kerina , lit Swasta lit ka negeri. Kenca SMA enda pergaulen pe ertambahna urbuena teman mbue erbagena lit si ngisap lit ka singgelek piah kami pe enggo terpengaruh aminna la gia mekelek sada linting gia adi enggo pernah nanami. La terjeng e ngenca bodrek,napasin pe giling tamaken ku sirup abc aduk kence i inem seh maka mata enggo megara tapi enda la ketagihen bagi kalak sideban seh lanai terkontrol. Baenda me pengalamen enda ku turiken alu terbuka la itup-tutupi .

Nangdangi kami tammat sekolah teman deher rumah kami kost si sekaligus ka ia erdahin sebagai tata usaha SMA Negeri 39  ito kami br siringo-ringo masuk kucing kusumurna janah lau e enggo seh bauna piah lanai ia banci ridi ras muat lau inemen ibas sumur e nari. Emaka arih-arih kami empatna ise masuk kusumur muat kucing enda. Sada pe la nggit emaka ningku aku saja yah buat tangga ras nali ningku erkiteken bagesna lit 6 m2, tamaken tangga ndai ujungna naring ngenca idah emaka ertoto aku masuk  ku dunia bawah taneh janahku nggirgir, tapi gua ban ateku erkiteken ia ito kami ah ndai rusur nukur isap kami,bage kal ulina ia ma wajar ka nge mehuli siban man bana aminna gia lit risiko. Kuangkat bangke kucing bas sumur nari tuhu-tuhu seh bauna kuiket alu nali janah launa ndabuhen man bangku waktu iangkat teruh nari piah dagingku pe enggo mbau tapi demi pertemanan labo dalih. Dunggna ku dat hikmahna maka bagem kepe adi la kita iangkat ibas si mbau e nari labo banci ipergunaken lau ndai. Bagem kita ateku adi la kin iangkat dosanta tentu kita mbesung nge lalap. Tapi dunggna Darta sembiring Pelawi erteman ras br siringo-ringo janah genduari enggo jadi ndeharana enda kisah nyata si terjadi. Endam si kurasaken pertama gua Tuhan melindungi aku,gua min ndai akapndu adi kehabisen oksigen aku ibas sumur kai si terjadi lanai ku eteh ngatakenca.

Pindah rumah teman kami ndai ku Pasar Rebo ibas karaben wari waktu e seh berngi i sampati kami mindahi barangna seh dung. Istirahat kami janah main jokker kami labo taruh-taruh janah minem bir. Tapi teman kami Darta Pelawi ras br ringo-ringo ndarat rumah nari la eteh kami kai arihna darat duana kami tetap tading i rumah. Kenca ia mulihken ku rumah br Ringo-ringo enggo gesteng nahe ras tanna,ipenna pe enggo ngeskes lanai i eteh kami gua ibahan. Teman kami sideban lit kepe i babana lau penguras kuta nari emaka pirpirina tiap sudut rumah, kai e ningku janahku merawa tempa sebab bagepe banna gesteng denga lalap ito kami ah ndai. Emaka ningku lit kin je Alikitab ningku lit nina emaka ku tama ku dadana,sebab maka Alkitab ningku kenca mulai SMA mulai aku enggo ngoge Alkitab la tiap wari. Ertoto kami janah kujemak tanna ndekah kami ertoto Amin ningku tapi eku ertoto lalap piah enggo mamang ate ito kami ngapain hendri kok berdoa terus nina ,  emaka dungna medak aku nina teman njawabsa man br ringo-ringo kamu tadi kesurupen nina. Memang ia lit rusur pertanyannya engkai kita labanci ku gereja pake celana jean nina la banci ningku rusur kai alasenna pe labo ku eteh tapi adi erjean ku gereja la kuakap metunggung bage saja ngenca. Tapi keri enda Matius 4:10 ningku man teman enda kerina janah erkata tokek. Sebab asal ersora tokek enda gesteng mis teman kami br ringo ndai seh ningku 7 kali kari erkata tokek enda tempa-tempa aku enggo ernubuat. Aku pe enggo heran mulai ertoto nari kalak enggo amin aku lenga,enca kukataken ka kata Dibata si  la pernah ku oge ayat si kukataken ndai,janah tokoek enda pe erkata kari pitu kali ningku ka. Tapi kai si terjadi ibas proses enda kubuat puntung isapku janahku ngerana alu sadar ningku mulai detik enda,menit enda,jam enda seh pagin maka lanai aku ngisap,minem-minemen keras,erjudi ras la ku diberu gutul em ningku ibas waktu e. Emaka nungkun lalap teman kami kai dage isina Matius 4: 10 ndai nina lalap emaka ningku kenca kari erkata tokek ah ndai 7 kali maka kari sibuka Alkitab ningku. Ibas perdalanen mbuka Alkitab ningku man teman-teman adi lit denga pagi reh si bagenda rupana inget saja baju gara si kupake enda ningku janah nantangi baju. Tapi ngerana Tuhan ibas pusuhku maka nina pake bajunndu labo bajunndu si tading rumah enda tapi aku nina Tuhan. Emaka dungna ibuka kami Alkitab ndai nina ibas isina " Maka berkatalah Yesus kepadanya: Enyalah,Iblis sebab ada tertulis : Engkau harus meyembah Tuhan,Allahmu,dan hanya kepada Dia sajalah engkau berbakti."  Kerina teman-temanku mbiar waktu e erkiteken lenga pernah i idah kami si bagenda rupana janah kerina kami lipat tan sada pe la pang mbuka tanna adi lenga amin. Bagenda me pengalamen pertama Tuhan nuduhken kuasa man kami ras man bangku secara pribadi si merubah aku aminna gia lenga kuangka uga rencana Tuhan selamjut man man bangku secara pribadi seh maka kami tammat SMA Teluna sada nari lenga tammat waktu e erkiteken ia teruh kami setahun i STM penerbangen Jakarta Selatan. Ertoto aku gelah arah pengalamen si sederhana enda banci nambahi kiniteken si ngogesa Dibatalah simereken man banta kerina Pasu-pasuna ras berkatNa Amin..... Amin...... Amin.