Suplemen PA Moria : Kuan-Kuanen 3 :27-35 ; Tgl 02-08 Mei 2021
Ogen : Kuan-Kuanen 3:27-35
Tema : BELUH ENCIBALKEN DIRI (Mempersiapken anak dalam berelasi)
Tujun : Gelah MORIA:
1. Meteh uga pergaulen anak si mehuli
2. Mabai anak gelah mehuli ras metenget ibas erteman
Ngajarken anak kerna uga kin kearusen nggeluh si benar, terlebih kerna Kata Dibata labo pernah mengenal kata berhenti ”long life education”. Sepanjang hayat di kandung badan kita harus tetap setia, la erleja-leja ngajarken anak-anaknta. Bagi nina kata Dibata ibas kitab Ulangen 6:7-9 ”Ajarkenlah e man anak-anakndu. Persingetilah rusur, subuk sanga kam i rumah, ntah sanga kam i bas perdalanen, subuk sanga kam ngadi-ngadi ntah pe sanga kam erdahin. Iketkenlah undang-undang e ibas pergelangen tanndu pakeken ibas perdempakenndu, gelah jadi persinget man bandu. Suratken e ibas binangun pintun rumahndu ra i babo pintu gerbangndu.” Ibas segala dampar kegeluhennta, anak-anak harus terus berulang-ulang diberikan pengajaren tentang si benar, ras kita orang tua sebagai penanggung jawab ibas hal enda.
Orang tua selaku mandataris Allah i tengah-tengah doni enda, harus senantiasa menjadi role model man anak-anaknta (nggeluh pengajaren si benar e bas dirinta, tidak hanya manis dibibir atau sebatas pintar menasehati, tapi hidup dalam perbuatan kita). Sebab kerina kita erpengarapen segelah anak-anaknta menjadi pribadi-pribadi si erkemalangen man TUHAN, iangkana kerna orat nggeluh sibenar ras kedungenna beluh ia encibalken dirina i tengah-tengah kegeluhen enda. Anak-anak kita tahu menempatkan diri, menjadi kalak si berguna ras maba dame sejahtera ijapape ia ringan ras ise pe ia bergaul. Endalah sijadi tema PA MORIA sekali enda ”Beluh Encibalken Diri” rikutken bahan ogen Kuan-Kuanen 3:27-35.
Kitab Kuan-Kuanen 3:27-35 ngajarken kerna kepentaren si rehna ibas Dibata nari, pengajaren si ibereken man anak singuda gelah tetap erbahan si mehuli, segelah beluh ia ncibalken dirina man ise pe ras ija pa pe. Berdasarkan teksnta perbahanen si mehuli si perlu iajarken man anak-anaknta banci ibagi 3, eme:
1. Ayat 28: Lakukan perbuatan baik yang bisa kamu lakukan sekarang
Selaku anak-anak Tuhan kita harus senantiasa ngelakoken simehuli, nggit nampati kalak sideban. Manusia adalah makhluk sosial, saling membutuhkan satu sama lain. Emaka ibas erbahan si mehuli ula rahan-ahan ntah pe ola tertaren-teren. Adi lit temannta ntah pe kalak sideban si perlu ia penampatnta, adi banci gundari isampati mislah isampati, sabap labo lalap lit kesempatan guna nampati. Bagi nina lagu rohani Hidup ini adalah kesempatan, hidup ini hanya sementara, untuk itu selagi masih ada waktu jadilah BERKAT. Kehidupan anak-anak Tuhan harus senantiasa jadi pasu-pasu man kalak si deban. Arah kegeluhennta igejapken kalak si deban Keleng Ate Dibata.
2. Ayat 29: Hidup damai dengan siapa saja
Selaku anak-anak Tuhan min ngasup kita erteman bagepe periahen ras ise pe. Nina peribahasa ”Seribu musuh kebanyakan, satu teman kurang.” Ula kal erbahan jahat man kalak sideban, khususna sindeher kal ras kita (temanndu si balengen). Ula erjengil la ersebab ras kalak si la pernah erbahan ceda man bandu. Dalam artian mosi saling percaya dan menjaga kepercayaan dalam sebuah hubungan (relasi) perlu kal siajarken aman anak-anaknta. Segelah hubungan e paguh, harmonis. Ula ka kari anak-anakta jadi ”biang kerok” masalah dimana pun berada. Ula!
3. Ayat 30-35: Tetap hidup dalam kebenaran
Rusur sibegi ungkapen “Dunia semakin tua, semakin edan” Gia bage gia, anak-anak Tuhan jangan ikut-ikutan menjadi edan, anak-anak Tuhan harus tetap hidup di dalam kebenaran Firman Tuhan. Ula nggit terkontaminasi dengan keadaan dunia enda, ntah pe pergaulen si salah si lit i sekeleweta. Anak-anak Tuhan harus tetap nggeluh badia ras la ersalah iadep-adepen Dibata (Hidup kudus dan tidak bercela), berintegritas! Ula mecimburu man kalak si erbahan la bujur, janah ola usih pe perbahanenna. Sebab TUHAN MAHA MELIHAT, MAHA MENDENGAR, bagi nina ibas Amsal 15:3 ”Mata TUHAN ada di segala tempat, mengawasi orang jahat dan orang baik.” Dibata siertatak nandangi kalak jahat, ernembeh ate IA man kalak si erbahan jahat. Tapi man kalak benar, pentar, meteruk ukur ras nggit ndalanken si ngena ate Tuhan, ipasu-pasu Tuhan ia rikut pe ras kerina keluargana.
Arah Kata Dibata si jadi bahan PA-nta enda, kita Moria perlu terus ngajarken kerina si nggo ijelasken i datas ndai man anak-anakta. Alu bage arah penampat Kesah Si Badia ngasup anak-anaknta ncibalken dirina, itandaina bana selaku anak-anak Tuhan, ietehna kerna simehuli, ngasup ia erteman-bergaul ras kalak sideban. Akhirna, bicara kuja pe anaknta lawes (sekolah, kuliah, erdahin, rsd), la ia tertekan i bas ingan simbaru, beluh ia beradaptasi ras kalak si mbaru, bahkan keberadaanna maba hal simehuli man lingkungenna, jadi pasu-pasu anak-anaknta man kalak si deban. Terpuji Tuhan
Pdt. Melda Tarigan
GBKP Rg. Pontianak
