Suplemen PA MORIA : Mazmur 8: 1-10 ; Tgl 18-24 Oktober 2020

Lingkungan Hidup

Nats             : Mazmur 8:1-10

Thema          : Itangkuhken Guna Pekena kena TinepaNa

Tujuan          : Gelah Moria :

·         Meteh sura-sura Dibata ibas mpekena-kena tinepaNa

·         Mpekena-kena lingkungenna

Metode         : Aksi (Diskusiken dingen lakoken aksi si banci ibahan Moria sue ras tema)

1.    Bena kata

Adi ngerena kita tentang lingkungen Hidup maka mis teringet kita kai nina Dibata kenca Ia dung njadiken kerina si lit bas doni enda. Emaka kerina si  I jadikennNa tuhu-tuhu mehuli (kej 1:12). Memang payo kel kerina si jadiken Dibata maka seh kel ulina, baik daraten, tumbuh-tumbuhen, lautan ras isina, rubia-rubia, hutan ras manusia. Rencana Dibata pe maka kita manusia njagai ras nguasai kerina kai si enggo ijadiken Dibata bas doni enda. Lingkungen hidup eme ija kita tading bagepe ingan sinasana tading bagi enggo iaturken Dibata. Emaka Dibata pe ngarapken gelah Lingkungenta si jaga, si bersihken ras si rawat. Seh asa gundari kita pe lenga bo konsen 100% guna mperdiateken lingkungen hidup, bahkan lingkungen ta sendiri pe lenga bo terperdiateken kita sebaik-baikna. Tapi puji Tuhan gundari penggunaan plastik lebe enggo ikurangi, janah kerina gundari supermarket lanai nggunaken plastik e nandangi konsumen. Belanja kita wajib si baba plastikta. Kita budayakan jaga lingkungan, hilangkan pake plastik, dan buang sampah pada tempatnya, bersihkan got, tanam bunga-bunga di halaman dengan pot.

2.    Urian Nats

Pemasmur nuriken kerna kuasa Dibata nandangi Doni enda, janah kuga Ciptaan Dibata e ermeriah ukur erkiteken banci ia ngaloken kegeluhen ibas Doni enda. Teridah kuga pemasmur nuriken kemulian Dibata e teridah I bekang0belang doni arah :

a.    Danak-Danak gara-gara rende muji Tuhan

b.    Bulan ras Bintang itamaken Dibata I langit, mejile tatapen

c.    Kuga Dibata engkelengi manusia aminna gia enggo ndabuh kubas Dosa. Yoh 3:16 (Perban keleng ateNa. Dibata pkena kena manusia)

d.    Manusia eme Ciptaan si termulia diantara Ciptaan, karena segambar ras Dibata (kej 1:26-28)

e.    Dibata mere kuasa nandangi kerina TinepaNa, (kej 1:26) Ras bagepe Dibata nangkuhken Raja-Raja ISRAEL (Daud, Salomo)

f.     Dibata namaken Binuring I lawit, Rubia Rubia idarat, perik iawang-awang. Janah baik si meliar bagepe si melemuk ijadiken Dibata kerinana.

g.    Emaka kerina si enda erkiteken kemulian Dibata I belang-belang doni enda

Arah ungkapen pemazmur enda ngingetken man banta, gelah si jaga si lestariken kai si enggo jadiken Dibata enda. Sebab kita nge manusia si harus pro aktif guna ngkawali tinepa Dibata

3.    Renungen

Situhuna bahanta enda lit hubungenna ras pelantiken pengurus Moria baik BPP Moria, Klasis, Runggun ras sektor, sebab memang seharusna Oktober enda Mupel Moria kerina tingkaten, tapi erkiteken Sidang Synode lenga ilakoken emaka Mupel pe lengaka ilakokken. Janah arah teksta enda ncidahken kuga Dibata nentuken pemimpin atau Raja Daud, gelah banci iaturkenna Bangsa Israel, emaka si idah alu mehuli, emaka selama Daud jadi Raja Bangsa Israel aman ras tentram dingen kerina erkemalangen man Dibata. (ay 7). Janah hal enda pe menyangkut kubas kerehen Yesus Kristus ku doni enda ngkelengi doni enda. Kita pe kerina enggo idilo Dibata guna pekena-kena kerina tinepana. Baik idaraten (hutan, rubia-rubia), I lautan (nurung), I udara (perik-perik). Jadi kerina harus I pehuli ras jaga alu mehuli. Doni enda ras isina kerina tinepa Dibata, janah kita manusia me si ipercayakenNa guna tetap melestarikan kai  si enggo I Cipteken Dibata

Salam, selamat Er PA

Pdt Andarias  Brahmana

Ketua  Klasis Jakarta  Kalimantan