Suplemen PA MORIA ; Kuan-kuanen 17 : 17 ; 18 : 24 ; Tgl 4-10 Oktober 2020

Nats             : Kuan-kuanen 17:17 ; 18:24

Thema          : Teman Sepenggejapen

Tujuan          : Gelah Moria :

·         Meteh erti teman sepenggejapen ibas ncidahken kekelengen

·         Terteki jadi ingan nuri-nuri

Metode         : Si mulasi : nuriken isi pusuh (2 kalak sada kelompok)

Bena Kata                        

          Kitab Kuan-kuanen/Amsal eme sebahagian besar isuratken Salomo anak Raja Daud (1:1). Tujuanna eme nampati kalak gelah pentar dingen ngelakoken pengajaren simehuli (1:7). Janah kitab kuan-kuanen enda eme kerna pengajaren-pengajaren sini itujuken man anak ras Anak perana aminna gia lit ka nge itujuken man nande-nande. (1:8 ; 31:10). Bagepe kitab kuan-kuanen enda merupaken kitab si wajib I baca/I pelajari kalak Jahudi, terutama iajarkenna man anak-anakna sejak usia dini, gelah reh dewasana ia turah ibas ia pemahamen berdasarken Hikmat/erkemalangen man Tuhan. Janah menurut tradisi kalak Jahudi tiap wari iogekenna sada-sada pasal sada wari ibas jabuna, emaka kalak Jahudi bangsa sini ipasu-pasu Dibata. Janah adi siperdiateken kuan-kuanen pasal 22:17 sd pasal 24:22, maka lit ka ije itulisken telupuluh petuah kalak pentar. [BHS Karo], emaka si 30 petuah enda iajarken/ipelajarina ka tiap wari sada petuah, enda me inti pengajaren kuan-kuanen

Urian Nats

          Natsta ibas wari enda hanya 2 ayat, sinuriken tentang teman si tetap ncidahken atena keleng, janah setiap engkelengi tah pe ratekeleng eme sitetap Empati ras Simpati nandangi kalak sideban. Sebab banci igejabken perbahanenta nandangi kalak sideban eme ija ia sangana nggejabken lit perbeben si harus ras-ras kita ndungisa. Hidup berarti bila kita saling membutuhkan dan dibutihkan. Emaka selaku kalak si erkiteken wajibnge kita nggeluh si kelengkelengen, sebab kita enggo ikelengi Dibatanta, emaka bagi nina kuan-kuanen : Teman tetap encidahken ateNa keleng. Kata teman eme orang yang dekat ras kita, biasanya keterbukaan megati terjadi nandangi ia, istilahna kin “Tiada dusta diantara kita”, semuanya dibukakan. Emaka labo lit ertina adi sekalak senina adi labo lit ibas nggejabken kiniseranna. Erti ersenina eme adi gejabkenna kiniseranta, ras ia pe ikut muat bagin guna penyelesainna masalah-masalahta/temanta e. Bagepe bas kegeluhen enda litkang teman labo setia, litka teman meriah deher asangken ersenina. Hal enda labo min mehuli, tetapi kenyataanya litnge bage. Riahen ras senina asangken sembuyak, adi ersembuyak megati kal rubat, tapi ersenina megati kal akrab/meriah, labagi nina pemazmur : “Andiko riahna ersenina sada perarih” Mazmur 133:1. Emaka aminna gia bas kegeluhenta lit teman ta la setia, labo e erbahanca lanai kita ndalanken/erbahan si mehuli. Bas kegeluhen enda tetap nge kepe dua gendangna, Lit setia, Lit si la setia. Tapi kaipe jadi kita tetap kal harus setia, bagi Dibata pe setia nandangi kita

Renungen

       Moria sinikelengi Tuhan, kewajiben sekalak moria eme ia harus ndalanken bagi nina Tuhan Yesus :

a)        Ngkelengi Tuhan Dibata ras ngelengi teman manusia

b)        Harus kita mengutamakan temanta ibas kita nehken perkuah ate

c)         Ula kita dendam eminna gia terjadi labagi ukurta ibahan kalak sideban

d)        Sigejabkenlah maka kiniseranta eme bahagiata siakap gelah turah ukurta nampati ia

e)        Ula erbalas nandangi isepe sebab labo lit hak ta guna membalas perbahanen kalak man banta

f)         Tawalah kita ras kalak sitawa, ras tangislah kita ras kalak tangis

g)        Melayani dengan sungguh eme ngejapken/empati kita nandangi senina turangta ibas ndalani wari-wari kegeluhen enda

Salam, selamat Er PA

Pdt Andarias  Brahmana

Ketua  Klasis Jakarta  Kalimantan