Suplemen PA Moria : Kejadin 1 : 1-31 ; Tgl 24-30 Maret 2019
OGEN : KEJADIN 1:1-31
TEMA
ERDAHIN (PONDASI JIWA ENTREPRENEURSHIP)
TUJUN : Gelah Moria :
- Ngidah cara Dibata erdahin ras ulihna
- Ngumban cara Dibata ibas dahin ras usahaNa
KATA PENARUH
Enem wari arus kam erdahin guna ndahiken dahinndu, tapi wari sipepituken eme sada wari pengadi-ngadin si man persembahenken man bangku saja... (Kel. 20:9-10). Ertina kerina jelma isuruh Tuhan erdahin, la erpilihen jenis pendahin e, subuk e erjuma, ertiga-tiga, erternak, tukang bangunen, supir, nelayan, guru, pegawai, wirausaha, medis, polisi, tentera ras sidebanna. Kerina pendahin e ibas Dibata meherga, bali nge ergana ras pendahin ibas gereja, imam, pendeta, gembala sidang, pertua, diaken ras sidebanna. Erdahin eme persuruhen Tuhan.
Tapi rikutken Program pelayanan GBKP tahun 2019 : “Meningkatkan jiwa kewirausahaan (Entrepreneurship) warga GBKP dalam bidang ekonomi serta kepedulian terhadap kesehatan dan lingkungan”, bas tahun enda gerejanta rukur, gelah semangat erdahinta menjadi pondasi jiwa entrepreneurship ibas ngawan GBKP. Sebab Prof. Rhenald Kasali ngatakensa,” kalak si berjiwa wirausaha eme kalak si bermental pejuang, pikirenna pe nggeluh lalap sebab ia tertantang rusur guna erbahan hal-hal simbaru, la pernah nggit ngadi ras merasa puas ibas usaha ras kesuksesan si enggo berhasil, ia terus berinovasi, kalak sibage biasana ndauh ibas kolihen nari”. Mari dage sipebagesi semangat erdahinta jadi pondasi jiwa entrepreneurship.
MPEBAGESI PENGANGKAN KERNA OGEN
Mula-mulana ijadiken Dibata langit ras doni enda. Ijadiken Dibata guna nuduhken maka Dibata enggo lit ope kerina lit. IA la erbena ras la erkedungen. Si ngkuasai paksa-paksa ras perdalanen doni enda. IA sinjadiken, IA me si nepa, IA njadiken doni enda ibas lalit nari jadi lit. Kata “njadiken” (Heb : bara) la pernah ipake kata man manusia. Kata enda khusus ipake ku bas pendahin Dibata. La lit kata e si sepadan guna manusia. Lit pitu wari ijadiken Dibata doni enda eme : wari 1, Langit ras doni bage pe Terang (Dibata misahkan terang ras gelap). Wari 2, Awang-awang (cakrawala-langit). Wari 3, Daraten. Wari 4, Matawari ras bulan. Wari 5, rubia-rubia i lawit ras lau ras perik-perik. Bage pe rubiah-rubiah simeliar ras asuh-asuhen ibas daraten. Wari 6, Manusia. Wari 7, wari sibadia. Itepa Dibata doni enda ras kerina isina alu kataNA si erkuasa. Dibata telu sada (trinitas) enggo teridah ibas Dibata njadiken doni enda. Dibata Bapa si njadiken. IjadikenNA alu kataNA (Kata e Jesus si jadi manusia bdk. Joh 1:1-5,14), Kesah Dibata kelaling-kelaling ibabo lau.
Kenca enggo dung itepa Dibata doni enda maka doni enda enggo terisi alu erbage si mehuli ras kerina enggo lit tempasna. Dibata njadiken wari sipemena seh wari pe enemken nuduhken maka IA Dibata si ratur. itepaNA kerina alu ertorosen ras mehuli kerina. Teridah maka pendahin Dibata enda terencana alu mehuli. Ibas Dibata nepa doni enda ras kerina isina tuhu-tuhu irancangNa alu mehuli, emaka labo manusia itepa Dibata ibas wari si pemena, tapi manusia itepaNa ibas wari peenemken. Ertina, icukupi Dibata lebe kerina kebutuhen manusia maka kedungenna itepa Dibata manusia. Sura-sura Dibata ibas kerina siijadiken e, janah mehuli kerina harus ijagai ras iusahai manusia. Manusia me sebage perpanjangen tan Dibata ibas “ngkuasai” kerina nurung, perik-perik ras kerina asuh-asuhen bagepe rubia-rubia simeliar. Erkiteken sie me manusia ijadiken Dibata sentudu ras tempasNa. Iarapken gelah manusia ncidahken biak Dibata ibas kegeluhenna. Dibata nepa doni ras kerina isina tuhu-tuhu mehuli, labo gelah enggo entah pe meros (asal-asalan). Tep-tep dahin si ilakoken Dibata maba kiniulin ku bas wari simbaru. Dibata erdahin dem alu rancangan si mehuli, seh maka cara kerja Dibata wari enda maba kiniulin ku bas wari si pepagi. Malem ate Dibata ngidah kerina simehuli si isikapkenNa man kegeluhen manusia ras kerina tinepa.
PENGKENAINA
Dibata njadiken doni ras isina kerina alu ratur ras mehuli. Jelas teridah ije kreatif, ras inovatif, la gel-gel, lit lalap simbaru ibas Dibata njadiken doni enda ibas wari sipemena terus ku wari si peenemken. Teridah ije jiwa si seh kel muliana, simpebayak pengertinta kerna jiwa entrepreneurship. Tentu sebage manusia si sentudu ras tempas Dibata, biak Dibata kreatif ras inovatif enda me si tetap arus lit bas kita, segelah pendahinta pe la gel-gel tapi lit rusur perubahen siterulin. Nina Pdt Yahya Widjaya, “Entrepreneurship adalah soal perubahan, melihat celah-celah kesempatan, mendobrak kebuntuan”. Kalak karo nai nari semangat kerjana cukup tinggi, teridah sura-surana si la erngadi-ngadi guna nukur tanah, bangunan ras pendidiken tinggi, tujunna guna masa depan man dirina ras generasi penerusna. Tentu adi erdahin e ibahan sebage pondasi jiwa entrepreneurship maka ulihna ndauh lebih mehuli, perban la ngenca terjeng erdahin ngelitken tapi terus memanfaatken si lit e lebih mbaru ras lebih kreatif menjadi warisen ilmu selebih mehuli man generasi penerusta.
Ibas Etika kerja kristiani, erdahin labo saja ertujun guna ndatken sen tapi guna berkarya untuk menghasilken siterbaik, berinovasi, berkreasi, mengaktualisasiken dirinta, ras sidebanna. Erdahin alu jiwa entrepreneurship merupaken salah sada cara guna ndidik ras mewarisken kesegambarenta ras Dibata ku anak kemputa, keluarganta, gerejanta ras bangsanta. Berkarya guna menghasilken si mehuli bagi Dibata enggo nepa doni enda ras kerina isina. Alu bage Moria yang berentrepreneurship adalah moria yang tetap semangat berkerja dan mau berinovasi guna jadi moria simaba Pasu-pasu man isi jabuna bage pe man kerina kalak sekelewetna, rikut pe man gereja ras bangsanta.
Pdt Nur Ely br Tarigan
Rg GBKP Karawang
