Suplemen PA Moria : Lukas 14 : 15-24 ; Tgl 24Februari - 03 Maret 2019

Nats   : Lukas 14:15-24

Thema : Ota Enggo Sikap Kerina

Tujuan :  Gelah Moria : 1. Meteh maka kita iundang ku bas kerja man-man si mbelin . 2. Reh mereken ukur alu nikapken diri ku kerja simbelin

1.    Adi lit kata ota, berarti ngiahken kalak, kuja nina ndahi ku sada ingan, tentua ku pesta si enggo ipersikapken kerina alu mehuli, eme ingan ras panganna. Janah biasana kalak si iahken e eme gelah ngenanami suguhan/hidangen si enggo ipersiapken alu mehuli. Si mada kerja/hajatan e enggo ermeriah ukur guna ngalo-ngalo tamu si enggo iundang . situhuna sada kehormatan man kalak adi iajak kubas kerja-kerja si mbelin, sebab kerina si enggo sikap e pasti entabeh

2.    Arah nats Lukas 14:15-24 eme menceritaken tentang sekalak si erbahan pesta mbelin. Pasti kerina enggo isikapken alu mehuli ras payo, bage pe dana enggo isikapken alu mehuli, melala ka. Janah enda nggambarken, undangan Dibata nandangi kerjaNa, eme kini Rajan Dibata. Adi si idah maka tuan enda cukup sabar nimai tamuna, sebab kerina enggo sikap. Janah undangen enggo i sebarken man kerina si biak man undangen. Tapi aminna gia undangan enggo ikirimken, tapi si iundang e sadape lenga reh. Sengaja tah lenga reh, ternyata tuan lanai sabar nimai-nimai tamuna reh. Emaka isuruhNa juak-juakNa ngelegi si enggo iundang (lit jemputan) isikapken tuan si mada kerja, seh nge ulina tuan enda.

Juak-juak ndalanken tugasna, tapi si idah lit 3 alasan si i undang e.

-                    -   Mbaru denga aku nukur juma

-                   -    Mbaru denga aku nukur lembu

-                   -    Mbaru denga aku erjabu

Enda alasan, si labo masuk di akal tapi enda me alasan; telu alasan erbahanca lanai sempat ia reh ndahi pesta man-man ndai, alasan-alasan kesenangan doni tetap menjadiken lanai sempat reh. Emaka tuan mulihken nuruh juak-juakNa janah merawa “To lawesken ku pasar-pasar ras ku kesain kuta, baba ku jenda kalak musil-musil, kalak cempang-cempang, kalak pangpangen ras kalak pentang”. Janah kalak enda reh nge kerina, tentu lenga memenuhi kerina ingan kundul.  Janah tuan alu kesabaren maka juak-juak isuruhNa ngelebuhi kerina jelma ku pasar-pasar, ku simpang-simpang, janah iahken kerina ku jenda “Gelah rumah dem”

Ternyata kelompok si pertama i legi, ia ndatken undangen, janh erkitken alasenna, sada pe la reh. Undangan ke dua, kalak si cacat reh nge ia i legi atau i dahi ternyata reh ia guna memenuhi ruangen pesta e. Emaka enggo pasti tuan e ermeriah ukur, erkiteken  suasana pesta berjalan alu mehuli kal.

3.    Hal enda encidahken maka, kerehen Yesus ku doni enda guna mabai manusia gelah mulihken ndahi Dibata, arah kiniteken dingen ngelakoken singena atena. Emaka iundangNa kal kerina manusia, guna ersenang-ersenang ras Ia, ras kerina enggo sikap kenNa. Emaka tentuna bergantung nandangi manusia ndai mengindahken undangen dingen reh, atau melala alasan-alasan si menyangkut terhadap kesenangan doni, tahta, harta, alasen keluarga lah, alasen juma lah, alasen hobi ras sidebanna, erbahanca lanai kita reh ku pesta ndai.

Emaka ulakal kita i pengaruhi doni enda, doni enda pagi sitadingken, janah kita pagi ku pesta si enggo isikapken Tuhan ndai, janah undangen e enggo bas kita kerina, janah juak-juak e pe terus erberita man banta. Janah, tapi kai gia nina  kalak , e tergantung nge man banta, adi ateta reh Puji Tuhan, tapi kuakap ulanai pala i iah-iahi, kesadaren sendirilah kita kerina, reh ku pesta ndai, pasti ibas pesta e meriah nari, janah panagn pe melala ras entabeh-entabehen kerina, bagi nina PA nta minggu si lewat ( Mazmur 23), enggo iaturkenNa kerina man kita anak-anakNa, emaka tergantung man banta nge, adi reh man ras adi la reh i UkumNA.

 

Selamat erPA Moria

 

Pdt Andarias Brahmana

Ketua Klasis Jakarta-Kalimantan.