Suplemen PA Moria : Masmur 26 : 1-5 ; Tgl 03-09 Februari 2019

Ogen : Mazmur 26:1-5

Thema : Kupepayo Pusuhku

Tujuan  :  Gelah  Moria  : 1.  Nidah isi Pusuh  pemasmur. 2.  Pang  mpepayo Pusuhna  rikutken pengalamen si ibentasina bas  kegeluhen .

1.      Lit pepatah nina: Dalamnya laut dapat diukur, tapi dalamnya hati siapapun tak tau. Hal enda ngataken maka ise pe la meteh isi pusuhta, selain kita ras Dibata. Emaka megati lit nina salah duga kal aku nandangi si anu ah, adi kuidah pengerana na la min kuakap bage perbahanenna. Memang payo sesekalak banci si kataken mehuli eme arah perbahanena setiap wari,, sebab lakabo sitik manusia mehuli pengerana tapi pusuhna la bage. “lain kata lain tindaken” pusuh ise pe la meteh/ngidah tapi banci igejapken kalak adi pusuhta mehuli bas kegeluhen enda. Emaka sebagai Moria harus rusur kata pusuhlah iddalanken, sebab kata pusuh/hati laperna erbual, perbahanen ras babah nge rusur la seri ras kata pusuh/hati ndai.

2.      Mazmur 26:1-5 enda eme Mazmur si i suratken Daud, tentuna si eteh maka Daud enda sekalak Raja, pemimpin Rohani ras Guru Bangsa. Janah ia pe bekas pemilihen Dibata, tanpa isadarina  ia ibaba ku istana i mbal-mbal nari (1 Samuel 16:1-).

Emaka kalak si ipilihna, tentuna iberena gegeh lako ndalanken tanggung jawab lako jadi pemimpin bangsa ras umat (1 Samuel  17).

Emaka alu terus terang Daud ngerana ras dibata arah syair laguna. Ngataken maka igejabna maka ia labo kalak si ersalah, janah tetapnge  ia erbahan si mehuli. Namun isadarina kange maka mehuli pe perbahanena laka bo ia terhindar dari hal_hal si membuat latih akapna, baik arah pengerana ras perbahanen kalak nandangi ia. Emaka arah syair rlaguna nuri-nuri ia janah ertoto, nina : Breken min man bangku ke adilen Tuhan,  teridah mak atempa iakapna Dibata lanai adil nandangi ia. Tapi ibas si e i akuina kange maka ku diabata ngenca  situhu-tuhu.

Memang ibas si akap lanai lit jalan keluar, erkiteken tindakan doni enda, maka kuncina kal me:

-        La monce-once kiniteken

-        Tetap erpengarapen man Dibata

Sebab si angkai nge maka kalak si la monce-once ras repengarapen pasti lit jalan keluarna ibas erbagai-bagai tekanen-tekanen ras penilaian kalak nandangi kita .

Arah pemindon Daud, maka i pindo na Dibata nguji, pepayo, ras periksa sura-sura ras perukurenna.

Hal enda ncidahken maka Daud alu terbuka man Dibata, janah arah pengakuan enda tentuna Daud jujur ras terbuka man simada ia. Sebab adi enggo ngataken maka Dibata nguji tah mperiksa pusuh, makak ia enggo leben pepayona pusuhna, janah ia enggo mengusashaken dirina bersih i lebe-lebei dibata ras manusia. Emaka igejapkenna maka penilaian Dibata mehuli ras lanai terjului. Kita pe bage adi pang kita ngataken man dibata bagi Daud, maka pasti kita enggo membersihken diri ras pusuhta. Sebab adi man Dibata pe kita erbual maka man kalak enggo reh kelek na.

Secara kemajuan maka gundari enda maka aminna gia budaya eragam reh majuna, tapi budaya  erteman ras kalak jahat, nipu, ersandiwara pe reh teremna. Teridah munculen berita hoax, saling menjatuhkan sesama, si penting senang aku dan kelompoku, kalak si deban

Emang gw pikirin?. Ma enggome mberat adi bagennda. Lo sitik kalak tipu menipu, pekulah-kulah, tapi nina daud maka ia langgit ertemani langgit rembak pe ras kalak sibage. Tentuna ngingetken  kita maka kalak si nipu, perkulah-kulah, labo erbahanca kemajuan tapi kehancuran di masa-masa datang

3.      Ku pepayo pusuh ku, enda merupaken kata kerja. Adi pepayo pusuh me harus berdasarken kata dibata, sebab adi erpalasken pengadilan doni, banci salah. Pepayo ertina koreksi dirinta, kata, kerja harus teridah mehuli janah positif sini i kerjaken. Hidup ini hanya sementara, emaka lakukenla arah tindakan si mehuli, membangun imanta ras iman kalak sideban.

Emaka nina ndai Daud “ Bereken min man bangku “, lit kesempaten mindo ope denga ngelakoken sesuatu, janah bersihken pusuh alu pang membuka diri man dibata tetap erbahan simehuli, tapi tetap ngarap gelah dibata terus menerus nguji kita, sebap arah nguji kita dungna si eteh dirinta salah tah benar

Emaka tetap erkemalangen man ia, sebap ia me tetap nemani kegeluhenta sitep tep wari.

Ulakal pertemani kalak jahat, tapi pertemani lah kalak mehuli, erkiniteken. Lalit kejahaten siatena mpengaruhi kita, hindari ras tadingken: “ Bersama Tuhan kita mampu “

Pdt Andarias Brahmana.

Ketua Klasis Jakarta-Kalimantan