Suplemen PA Moria tanggal 21-27 Februari 2016 (HDS I), ogen Markus 10:3-16
1. Perjabun eme bekas Dibata netapkenca, ija ipersadaNa dilaki ras diberu jadi pasangen si cocok, emaka ipasu-pasuNa gelah ertuah jadi enterem (Kej.1:26-28). Lalit sitikpe ijenda si idah usaha manusia e guna ndatken pasangenna, tapi eme bekas usaha Dibata nempatkenca ise si cocok jadi pasangenna ibas ndalani kegeluhenna (Kej. 2:18 ; 22-23). Kai si ibanNa (sienggo ipersadaNa) harus syukurilah e janah kelengilah segadang-gedang geluh. Janah kai si enggo ipersadaNa e, eme bekas perbahanenNa, emaka kelengi kal kai siniibahanNa (suami-istri) harus seiya sekata, tanpa ada hal-hal yang membuat bosan dan tidak setia. Dua menjadi satu, itulah tulang rusuk yang hilang sudah persatukan oleh Dia si pemilik semuanya (suami-istri)
Secantik-cantik wanita lain lebih cantik istri yang ditempatkan Tuhan jadi teman hidup suka-duka. Juga seganteng-ganteng laki-laki lain jauh lebih ganteng suami yang diberikan oleh Tuhan. Suami-istri pasangan yang ditempatkan Tuhan harus selalu dalam ikatan perjabun.
2. Ibas paksa Yesus ngajar, maka lit ka kalak Parisi, tempa ia sibujurna, janah penungkunenna pe la masuk di akal. Tapi erkiteken ncubai gua gia ma harus isehken. Lit kemungkinen, banci jadi sada kesempaten man bana, adi kari Yesus melegalken kerna perceraian/sirang mulih si ndehara. Si enda nguji Yesus, tapi banci ka guna banci kari ndatken lgalitas, maka banci ilakoken aminna gia undang-undang ngelarang ngulihken ndehara (menjebak). Emaka Yesus la mereken jawaben banci, tapi isuruhna kalak Parisi e nuriken undang-undang si enggo ibereken Musa, emaka langsung kal ijababna : adi Musa iberena sekalak dilaki ngulihken ndeharana alu erbahan surat mulih (ayat 3-4). Emaka alu tegas jawab yeus : perban kam la terajarken . Kepeken bangsa e lit si la terajarken, tetap mindo man Musa gelah banci ngulihken ndehara.
Sementara nina Yesus : tapi mula-mulana ijadiken doni enda ije pe enggom ikataken “Dibata njadiken manusia dilaki ras diberu”. Em sebabna si enggo ipersadaken Dibata la banci isirangken Dibata. Jelas kal si enda tertulis, tapi lanai diate manusia e, keras kepala, ipejangjangna ukurna, tetap mpertahanken hak istimewa, menganggap benar ia. Labo ingetna si dua ndai lanai ia dua tapi ia enggo sada sebab enggo ipersadaken. Janah hal end ape mendasar kal man ajar-ajar, emaka nungkun ka ia man Yesus. Lebih tegas pe jawaben Yesus, kalak si enggo sirang (cerai) adi erjabu ka maka ia enggo erlua-lua. Si enda enggo melanggar undang-undang si pe pitu (7) ken. Lebih tegas ras keras kal ibahan Yesus. Alu gambaren enda maka la lit ruang terbuka untuk cerai/mulih tah ngulihken alu alasan kai pe.
3. Engkai ndia maka manusia lit cerai/mulin? Tentuna la ingetna maka pasangen e Dibata si nentukenca, akapna bekas beluhna. Bagepe, kalak (suami-istri), terkadang egois, menganggap dirina benar, kalak kapna rusur si salah. Emaka sitik-sitik mis ngotot/adu otot ras pe terjadi cekcok. Bagepe lanai ingetna janjina waktu ia pasu-pasu ras pesta adat, sebab iorati kal kita waktu i Gereja bagepe i jambur/losd. Janah lanai ingetna waktu ia sangana singuda-nguda anak perana seh kal tena jadina pekepar, la situalen ras-ras ia ndalani suka ras duka. Bagepe la ka terlepas ibas pihak ketelu si ipengaruhi iblis erbahanca bene ate jadi, bene ate keleng, bene ate ngena, bene segala-galana. Emaka megati turah perselisihen, bahkan enggo megati pe ikut campur enggo keluarga. Lupa ia maka lit masalah ibas jabuna, lanai ingetna maka waktu ia pasu-pasu lit ibereken Pendeta konseling pra nikah. Ibas pra nikah e pe ibereken nge penegasen man siatena pasu-pasu i Gereja. Emaka adi ingetna kai sini ibelasken Pendeta maka la lit peluang perceraian kalak Kristen.
Perceraian ilarang agama, namun seh asa gundari maka lakabo sitik kalak si cerai, baik Agama Islam bagepe Agama Kristen, lit nge cerai/simulihen. Tapi engkai maka bagenda, tentuna la ka terlepas bagi kai nina Yesus man kalak Parisi : la kam terajarken/mengeraskan hati. Emaka kapna metersa perjabun e, bahkan lit singatakenca “kehendak Allah”, payo nge ndia kehendak Allah si ilakokenna e.
Emaka guna si e Yesus ngelanjutken, guna nehken percakapen, eme kuga harus engkelengi anak-anak ras kuga ka orang tua mendidik anak-anakna alu mehuli. Igambarken Yesus maka kinirajan Surga e bali ras ngaloken anak-anak. Ertina anak-anak sifatna tulus, jujur, la lit dendam diantara ia, edenga pe ia rubat tik nari enggo ia meriah ka. La bagi tua-tua “sada matawari pe te ku lang” aneh ma, tapi enda me kenyataan.
Emaka sebagai Moria/Nande harus gundari ekstra guna ngaloken anak-anak (mperdiateken) ia alu mehuli, sebab gundari enggo melala kal tantangen siniihadapi kita tentang anak-anak e, sebab kenakalan anak ras remaja semakin meningkat.
Janah perlu pe siantusi maka adina sialokenlah anak-anak e alu mehuli ras payo maka tingkat perceraian pasti semakin menurun. Sabab jabu e eme anak segala-galana, emaka guna njaga keharmonisen jabu kalak Kristen harus rusur mehuli hubungen antara Bapa, Nande ras anak-anak.
081317054961
