Suplemen PA Moria 14-20 Februari 2016, Ogen Kuan-Kuanen 14:6-9

1. Erlajar merupaken sada hal si la banci lang ilakoken manusia mulai kitik-kitik nari seh ia nadingken doni enda. Sebab lit pepatah kalak karo : “erlajar seh metua” emaka nai-nai nari seh gundari tetap kita idorong gelah terus menerus menuntut ilmu, sebab arah pemeteh/ilmu kerina banci irobah. Kai ateta si bahan pe menuntut pemeteh. Kalak si erpemeteh pasti menuju kesuksesan, tapi kalak si la erpemeteh menuju kehancuran. Emaka  maju  nge ateta tah hancur..? pasti jawabta maju. Janah guna mendorong generasi gelah erlajar eme kam pernanden/Moria, sebab Moria me si ndeherna ras keluarga, ndeher ras Bapa bagepe ndeher ras anak-anak. Emaka teruslah si dorong anak jabunta gelah erlajar…erlajar terus. Jangan abaikan waktu yang ada. Semasih ada kesempatan manfaatkanlah, ula tunda wari pagi guna erlajar gelah reh meningkatna kegeluhenta.

2. Kitab kuan-kuanen (Amsal bhs.Indonesia), eme sebahagian besar tulisen Salomo anak Daud, Raja ketelu i Bangsa Israel (1:1). Inti dari surat Kuan-kuan eme :
“Bena-bena kepentaren eme erkemalangen man Dibata” (kuan-kuanen 1:7). Berarti  Salomo  pe menekanken  maka harus erpemeteh/berhikmat. Janah kepentaren enda banci idat arah erlajar terus menerus. Emaka Raja Salomo terus erlajar ras erkiniteken, emaka ope denga ia memulai tugasna pindona lebe pemeteh ibas Dibata nari (I Raja-raja 3:1-15). Nina Salomo “Emaka bereken man bangku kepentaren si kuperluken guna ngajari bangsandu alu kebujuren ras kebeluhen membedaken sibujur ras sijahat (I Raja-raja 3:9).
Siperdiateken bas Kuan-kuanen 13 enda, penulis memulai anak si pentar ipergermetkenna adi Bapana mereken ajar (Ay.1). berarti orangtua mengajari anak-anakna gelah ndatken pemeteh, sipenting iajarken eme : kinibujuren, la meganjang rukur, la pekulah-kulah,, la nogok. Enda me piga-piga si harus situriken man generasinta, sebab adi bagenda me perbahanen si mehuli siniarapken Dibata gelah generasi enda maju ndatken pemeteh simehuli guna masa depanna. Sebab kerina kal kita ngarapken maka generasinta erpemeteh, emaka harus rusur si singetken man bana gelah tutus atena erlajar kerna IPTEK, duana pemeteh enda menentuken masa depanna guna maju ia.
Kuan-kuanen ndai ngataken : kalak pekulah-kulah ia bayak, ternyata kadena pe labo lit, ma aneh kal, janah kalak si pekulah-kulah ia musil tapi bayak ia, si enda ma labo mehuli adi bagenda kapndu manusianta, kuga jadina pagi generasinta.
“kalak bujur desken  sinalsal si har-har, kalak jahat bali kap ras lampu si midep-idep” (Ay.9)

3. Moria GBKP eme si utama kal guna meningkatken pemeteh anak jabu, guna si e maka min kerina Moria harus menanamken nilai-nilai mendidik, gelah reh warina reh pentarna anak-anak ras bagepe anak jabunta. Bagepe min warga GBKP enda harus kerina erpemeteh. Kata Dibata merupaken utamakal gelah kamjun jaman enda banci sihadapi berdasarkan pemeteh si enggo si pelajari.

Kinibujuren eme merupaken inti si harus si ajarken, kenca si e maka siajarken pemeteh guna kepentaren erpalasken IPTEK. Sebab Dibata ngarapken kerina anak-anakNa jadi kalak si erkuasa I doni enda, bagepe kerina anak-anakna gelah ersinalsal.

Salam,
Pdt. A. Brahmana
081317054961