Suplemen PA Moria 07-13 Februari 2016, Ogen Job 23:1-5

Thema        :

Mesikel Ndatken Kepentaren

 

Tujun        :

- Nuriken kesikelen Job ibas ndarami jabab perbebenna
-    Mesikel erlajar guna ndarami jabab ibas kerina

1. Kitab Job eme turi-turin sekalak perbapan si bujur, singenanami kiniseran ibas kerina dampar kegeluhenna, bahkan kiniseran enda ieteh Dibata (Job 1:12). Luar biasa nge kuga kegeluhen Ayub, dari orang kaya, setia man Tuhan, bujur, ersembah man Tuhan, peduli jabu/anak-anak ras ersahabat ras ise pe. Janah berubah jadi kalak miskin, sakit, anak-anak mate, ndehara nadingken ia, teman-temanna pe enggo lanai mehuli. Tapi sada si la luntur eme erkiniteken man Dibata, kai pe jadi Dibata la tadingkenna. Hal enda arah pengakun Ayub (Ayub 1:20-22). Kiniteken ras perbahanen enda me erbahanca Ayub ngasup ertahan ngalaken perbebenna, janah sitik pe la luntur. Kuga kita kerina? Khusu man Moria GBKP Enda.

 

2. Kita kerina seh kal payona guna ndatken kepentaren (hikmat), biasana adi ateta ndatken hikmat maka sumberna eme erlajar erpalasken kata Dibata. Sebab bas Dibata ngenca lit kepentaren, bagi nina Salomo : “bena-bena kepentaren eme erkemalangen man Dibata (kuan-kuanen 1:7). Erkemalangen ertina tetap ngasup ngalaken kerina perbeben, baik suka bagepe duka la goyah kiniteken tetap bertahan, janah bagepe ngendesken man Dibata, sebab Dibata simetehsa.

3. Secara fisik Job nderkuh ras sehkal akapna suina erkiteken mulai piserenna nari seh ku tapak-tapak nahena ugahen, emaka la gejabna megati jungut-jungut ia man Dibata erkiteken kinisuinna. Job ersura-sura nuriken kai sinihadapina man Dibata secara langsung, janah igejabna maka ia bujur. Tempa iakapna kai pe sijadi e Dibata la bujur, la adil, emaka jumpaina atena Dibata.
 
4. Hal enda situhuna kompensasi saja, ras nuriken man jelma si enterem maka ia kalak mehuli, dingen kai sibahanna e atena iturikenna man Dibata. Tapi arah kai si ate Job ibahanna enda, eme sada perbahanen si mehuli. Sebab ku Dibata atena turikenna labo man kalak sideban (Manusia). Hal enda ma positif. Sebab megatikal kita adi lit kenca masalah lupa kita maka lit Dibata inganta nuriken perbebenta. Ulin siakap situriken man kalak, bahkan banci ka situriken man para normal.

Sada pelajaren si mbelinkal pengalaman Job enda man Moria, gelah ku Dibatalah rusur nuriken kerina perbebenndu. Ma luar biasange si idah Job enda :”oh bicara kuteh min ija ia genduari, tentu minter ku jumpai (ay.3). Job ngajari kita, jangan tunggu hari esok, tapi langsunglah ungkapkan pada Tuhan kai kin masalahndu, sebab pagi lit ka siman ukuren. Emaka kuterangken perkarangku enda i lebe-lebena (ay.4), man Dibatalah kita ngerana (erperkara), pasti Ia mereken kemenangen man banta.

Enda me piga-piga sikap kegeluhen kalak si erkiniteken, janah erpalasken si enda me kita erlajar guna ndatken kepentaren/hikmat. Kalak sindarami hikmat pasti ibereken Dibata jawaben si pasti, sebab Dibata pe meteh kai siharus ibereken banta, bagi Dibata njabab pergumulen Ayub/Job “tetntu ibegikenNa nge aku” (ay.6b).

 

Emaka man Moria GBKP, si melala kal hal-hal si harus ilakokenna ibas kegeluhenna sebagai nande : erguna ka atena ia man Dibata, erguna ka min ia man Keluarga, erguna ka min man masyarakat. Emaka terkadang jumpa la bagi ukur, tapi Moria enggo ngasup ndalani geluhna erpalasken kepentaren bas Dibata nari.

 

Emaka ula kita lupa teruslah ndarami kepentaren si rehna ibas Dibata nari gelah kam Moria kerina ngasup ndahiken dahinndu ras dahin Dibata, emaka ernanam kamman ise pe bas kegeluhenndu.

Salam,
Pdt. A. Brahmana
081317054961