Suplemen PA Mamre : Masmur 107 : 28-38 ; Tgl 02 -08 Agustus 2020

Ogen  : Mazmur 107: 28-38

Tema  : Kemerdekaan eme Pemere Dibata Simeherga

Tujun  : Gelah Mamre 1) Meteh maka kemerdekaan e me pemere Dibata 2) Ngasup ngisi kemerdekan RI

PA Mamre minggu enda berhubungen ras kemerdekaan, baik secara kiniteken imerdekaken bagepe uga kita memaknai kemerdekan RI siiperingeti ibas bulan Agustus enda. Merdeka ertina bebas (dari perhambaan, penjajahan); tidak terkena atau lepas dari tuntutan; tidak terikat atau tidak bergantung pada orang atau pihak tertentu (KBBI).

Mazmur 107 isina ajakan guna ngataken bujur man Tuhan perban kiniulinNa. Kerina kalak si enggo ikelini usur min belaskenna bujur man Tuhan. Si enggo ipulahi ibas imbang-imbang nari (ay 2), si papak i gurun pasir ipulahi Tuhan ibas kepiceten nari seh dat sada kuta inganna tading (ayat 4-8), kalak muas itunggahi seh puas, si melihe ibesuri, si ipenjaraken erkiteken ngelawan Tuhan pe ipulahi adi nderkuh ia man Tuhan. Kerinana arus min tetap nginget kiniulin Tuhan e janah katakenna bujur. Arah si e melala kel contoh iban pemasmur si banci jadi refleksi kerna kegeluhenta ija kita imerdekaken Tuhan.

Ayat 23-32 eme gambaren kalak si erlayar alu kapal i babo lawit guna ndarami nakan alu erbinaga. Para pelaut ini sudah menyaksikan betapa besarnya kuasa Tuhan yang menyelamatkan mereka, membebaskan mereka dari situasi-situasi sulit di tengah lautan. Sebab kita manusia labo banci bertahan ndekah i tengah lawit diluar kapal, amin uga pe jagona berenang, adi enggo galumbang si merawa si reh kita la ngasup mpetenengsa (ay 26: bas paksa-paksa si bage bene kinimbisan jelma). Kai pe si terjadi, ibas kepiceten erlebuh lah kita ku Dibata, nderkuh ku Dibata, sebab ngasup IA mulahi kita. Angin si erpiu-piu ipejenengNa, galumbang si merawa pe enggo sinik.

Dibata si nepa langit ras doni bagepe kerina isina, emaka kerinana iteruh kuasaNa. Adi ate Dibata angin si meter rembus ku lawit seh menam pecah kapal e, IA tading merentah saja, bagi sinialami nabi Juna ras kerina isi kapal sanga ia kiam ku Tarsis. Sanga Juna ilemparken ku lawit, minter teneng lawit  ndai iban Tuhan (Juna 1). Enda pengalaman-pengalaman iman kalak sitersurat ibas Pustaka Si Badia si banci jadi pergegeh man banta genduari. Mentasi badai kegeluhen perlu kel kita mindo penampat Tuhan. Kuasa Tuhan la terbatas, gegehta manusia si terbatas. Alu bage sangat logis adi kita mengandalkan Tuhan ibas menghadapi badai kegeluhen.Erlebuhlah kempak IA. IbegikenNa sanga kita ertoto, janah iberekenNa jawaben man banta. Tuhan ngenca ngasup mbebasken kita arah kerina perbeben kegeluhenta, emaka ban lah IA jadi sekawalta. Bagi ende-endenta ibas KEE 275 “Kam Tuhan Sekawalku”

Kam Tuhan sekawalku, la lit kebiarenku

Amin gulut ukurku, ernalem tetap baNdu

Galumbang si merawa, jadi ibas geluhku

Lalap aku erpengendes, sabab Kam kap bentengku

Mazmur 107: 33-38

Tuhan berkuasa membebaskan, Tuhan juga berkuasa mengubahkan. Ada dimensi pemulihan dalam karya Tuhan. Tapi enda berhubungen ras uga perbahanen manusia. Ayat 33-34 erkiteken kejahaten si ilakoken kalak si ngianisa, lau belin jadi kerah, taneh mehumur jadi taneh masin. Tapi sebalikna alu kuasaNa banci ka iban Tuhan gurun pasir salih jadi tambak, taneh kerah salih jadi ulu lau maler, ulih juma seh kal buena. Teologia pemasmur ijenda mereken gambaren si jelas kerna konsekuensi kegeluhen. Adi bangsa Tuhan ipasu-pasuNa gelah ertuah, asuh-asuhen pe reh buena. Adi kita mengamini enda, tentu la kita mudah mengalami stress, frustasi, bahan depresi adi reh perbeben si mberat ibas geluhta. Pandemi Covid-19 sihadapi kita gundari erbanca melala si erbebe kerna perekonomian, ija mbue si irumahken, potong gaji, bahkan kehilangan pekerjaan. Bagepe kita si mengalami kehilangan anggota keluarga erkiteken Covid-19, enda sada baban geluh si mberat. Tapi kinitekenta ngatakenca Tuhan ngasup nalihken situasi buruk jadi situasi baik, dukacita jadi sukacita, pahit jadi manis, kegagalan jadi keberhasilan. Ula kita menyerah dengan situasi, tapi mari kita berserah pada Tuhan, terus berjalan dan melakukan bagian kita sampai kita melihat kuasa Tuhan mengubahkan situasi ini.

Sendalanen ras isi renungenta ibas Mazmur, ija Tuhan ngasup nalihken situasi buruk jadi baik, bage ka pe terjajah jadi merdeka la lepas arah pendahin Tuhan. Arah teks Pembukaan UUD 1945 bangsa Indonesia mengakui ‘atas berkat rahmat Allah yang Mahakuasa….maka rakyat Indonesia menyatakan dengan ini kemerdekaanNya’. Emaka patut nge kerina rakyat Indonesia ngataken bujur man Tuhan ibas peringetten kemerdekan RI. Ibas ngisi kemerdekan RI i tengah-tengah pandemi enda mungkin la ilaksanaken upacara bagi biasana nterem si mengikuti. Labo ka terban perlombaan-perlombaan si meriah. Si enda banci igantiken alu doa bersama ngataken bujur nginget perbahanen Tuhan si mbelin si enggo mere kemerdekan man Indonesia. Bagepe ula kita lupa notoken pemimpin bangsata gelah banna kebijakan-kebijakan si mehuli man rakyat.

Emaka ibas PA Mamre minggu enda kerina Mamre iajuk gelah:

1.    Mengandalkan Tuhan dengan sungguh-sungguhuntuk membebaskan kita dari pergumulan kehidupan

2.    Selalu ingat mengucap syukur atas kebaikan Tuhan yang kita terima

3.    Mengisi kemerdekaan RI dengan doa ucapan syukur

Pdt Yohanan Br Ginting

Rg  GBKP Samarinda