Suplemen Mamre : Bilangan 23 : 1-22 ; Tgl 25-31 Maret 2018
Suplemen PA Mamre Tgl 25-31 Maret 2018
Nats : Bilangan 23 : 1-12
Thema : GBKP Ras Agama – Agama sideban.
1. Balak eme Raja Moab, ras Bilham eme sekalak tokoh peramal – imam siterkenal bas kerina bangsa-bangsa ia kalak Peor tapi sungai Evrat (Siria). Ia labo kalak Jahudi, tapi ia tek kai si ikataken Dibata Kalak Israel. Kalek Israel seh itanah Moab ( Moab – eme gelar anak Lot arah anakna sintua) Kej 19 : 37. Janah Raja Moab enda enggo megi berita maka kalak Israel enda megegeh la ter taluken alu senjata. Maka mbiar kal ia adi bangsa enda mentasi negarana.
Emaka salah sada dalan guna naluken Israel eme arah ndilo Bilham gelah ia nympahi bangsa enda. Sebab memang Biliam enda sekalak peramael si luar biasa, kai belasken na jadi (sumpah tah pasu-pasu). (Bilangan 21 – 22). Tentuna sada cara iakap Raja Balak untuk menghambat perjalanan bangsa Tuhan ngelewati Negarana Moab gelah banci seh ku Kanaan.
2. Emaka gelah puas kal iakap Raja, maka Bilham mindoken man Balak gelah mpersiapken kerina guna nehken Persembahen .
- Pajeken Batar – Batar pitu
- Persiapaken pitu jengki lembu
- Pitu Bajar biri-biri
- Emaka tedislah ijenda deher ingan ersenbah.
Emaka aku lawes tah jumpai Tuhan aku entah lang. Ertina kerina bahan er sembah bagi biasana ipersikapkenna, janah cara ersembahpe iaturkenna bagi biasa ras mehuli kerina. Tapi sura-sura Balak la mehuli eme numpahi manusia apai ka pilihen Dibata si atena isumpahina.
Tenmtuna pe bilham pe lakabo mengecewaken Balak tapi nungkun ia manm Dibata , kai kari sibelasken Dibata maka nge ituriken. Kepeken teridah maka Dibata la ngit ia make jelma guna numpahi jelma sebab enggo ikataken Dinata man Abraham : “Ise numpahi kama kusumpahi , si masu-masu kiam ku pasu-pasu (Kej 12 : 3)”
Kepeken lengape nungkun Bilham Dibata langsung ngerma man Bilham, Emaka nina Bilham :
- Kuga ningku numpahi adi la isupahi Dibata
- Ngataken kernep me kam adi la kernepken Dibata
- Bangsa enda i pasu-pasu Dibata.
- Kesusuren Israel enterem desken abu. Lanai terbeligai.
- Adi mate pagi aku mate bagi bangsa Dibata min (mate ibas dame)
- Kai isuruh Tuhan, erbanca ngasup aku ngatakenca.
Arah pengungkapen Bilham enda tentuna kecewa kal Raja Balak ( Bil 23 : 11).
3. Kepeken man banta pe sebagai Mamre GBKP Kita bertetangga ras agama-agama sideban emaka ula kal kita bagi Raja Balak, amina gia teridah rusur nterem kalak singolangi kita ndalanken kegiatenta bagpe erbahan rumah pertotonnta. Pas nge bagi bangsa Israel ndai menuju kanaan e melala tangangen tas rintangen. Sipenting man banta ikutken Kata Tuhan, sebab lit ka nge simungkin atena numpahi kita, tapi kita ipasu-pasu Dibata, mungkin lit nge kalak gunaken pemetehna/dukun-dukun gelah kita masap, tapi lalap la masap, bagi nina Pdt Jusuf Roni “ Smakin dibabat semakin merambat” sebab man banta pe seh padan Dibata bagi man Abrahman.
Mamre GBKP , banci terus ncidahken jati diri “ Mamre erdiate ras erpemere” emaka teruslah kumandangen hal enda ras pe lako ken ka , gelah kita terus menerus ndatken pasu-pasu bas Tuhan nari ula kita mbiar , sebab Dibata banci make ise saja atena sinampati kita. Agama kai pe banci jadi penolong bagi Bilham nandangi Israel , Bagpe raja Kores nandangi Israel .
Cara Dibata/rencana Dibata la seri ras cara manusia, sebab rencana Dibata eme Damai sejahtra. Man banta agama kaipe harus kita hormat, sebab labo lit agama ngajarken si lamehuli. “ Jikalau kamu mau diahargai, maka hagailah dulu orang lain “
“ Jangan kau berharap dihargai, jikalau kamu juga tidak menghargai orang lain”
Dibata ngajari kita guna ngekelengi, sisampat-sampaten ras saling menghargai.
Selamat er Pa Mamre
Pdt Andarias Brahmana.
