Suplemen PA Mamre tanggal 08-14 Mei 2016, Ogen I Korinti 15:58

Thema :

Ola mbewat-mbewat

 

Tujun :

Mamre Ngasup

- Tetap ukur ibas ndahiken dahin Tuhan

- Encidahken kinijingkaten ibas ndahiken dahin Tuhan

 

 

1. Nasihat Rasul Paulus enda bagin pendungi ibas pengajarenna kerna kekeken Kristus ras kekeken kalak sitek. Kematen (maut) enggo italukenTuhanYesus alu kekekenNa.
“Erkiteken sie” eme erkiteken kekeken Yesus emaka Rasul Paulus nehken Pengajuk:

•  “Tetaplah ukurndu” (Bhs.Ind. BerdirilahTeguh)

Ibas bahasa Yunani ipake kata :Hedraios siertina : tetap berada dalam satu posisi, tetap menang, tetap tenang, tetap setia.

•  “Ola mbewat-mbewat” (Bhs.Ind. Jangan goyah)

Ibas bahasa Yunani ipake kata: Ametakinetos siertina: tidak dapat dirubahkan, teguh, tidak bergeser.

• “Mejingkatlah” (Bhs.Ind. Giatlah selalu)

Ibas Bhs Yunani ipake kata: Perisseuo siertina :sangatlah bertumpah darah, berkualitas, bersemangat.

• “ibas ndahiken dahinTuhan” (Bhs.Ind. Jerih payah)

Ibas Bhs Yunani ipake kata: Kopos siertina: bekerja keras membanting tulang, bekerja sampai kelelahan da keletihan, bekerja sampai susah payah.

2. Ibas Kolose1:23 isingetken : Erkiteken sie patut kam tetap patuh ibas palas sienteguh, janah ola pulahi pengarapen sienggo idatkenndu asum tantangna ibegindu berita simeriah nari enggo mbar kubelang-belangdon ienda, E me sebabna maka aku Paulus enggo jadi Rasul.

 

3. Adi ikaitken nats enda kubas spiritualitas pengurus, ula min erkiteken hal-hal sikitik erbahanca kurang ukur guna ngelai, guna ngukurkurken simehuli kuga maka banci teridah kemajun Mamrenta. Ola min sempat Pengurus man urusen

 

4. Sehkal rugina adi kenca kita jadi pengurus, kecewa kita rusur erkiteken kurang kehadiren Mamre ibas erPa, merawa kita rusur erkiteken kurang bagi ukurta siakap anggota Mamre e, tah megelut kita rusur erkiteken kurang siakap kita iergai selaku Pengurus, rsbna.

 

5. Ingetlah maka labo percuma dahin sinidahikenndu ibas Tuhan (Bhs.Ind. bahwa dalam persekutuanmu dengan Tuhan jerih payahmu tidak setia). Adi erkiteken persadanta ras Tuhanta hadi erkiteken penuruh Tuhanlah kita ndahiken dahin e, e me sierbahanca dahin sinidahiken kita e la percuma. Dahin e bakal mereken keriahen man banta kune gia lit si la bagi ukur. Sijadi penungkunen; enggo me ndia erkiteken kiniersadanta ras Tuhan kita ndahiken dahin e?

 

6. Kata “labo percuma” pe banci iertiken maka labo ate Tuhan la rulihtah la erbekas kita ndahiken dahin e, tapi ibas paksa siniaturkenNa pasti nge lit ulihna janah lebih asa sie, ulihna man kalak sindahiken dahin e eme lit keriahen, lit kedamen janah kegeluhen si rasalalap e pasti jadi baginta.

 

Pdt. Iswan Ginting Manik, M.Div
GBKP Pondok Gede