Suplemen PA Mamre Tgl.20-22 September 2015, Ulangan 5:8-10

Ogen : Ulangan 5:8-10

Tema : Pilihlah Dibata Maka Kam Nggeluh

 

1. Manusia eme ciptaan Dibata si i kelengi Dibata. Emaka Dibata mereken kebutuhen manusia arah Ia masu-masu kegeluhenna arah dahin-dahin si enggo idahiken ibas doni enda. Emaka Dibata ka si milih manusia jadi si kerajangenNa, si idah Dibata milih Nuh gelah i selamatkenna ibas kelenglengen nari (Kejadin 6:9). Dibata milih Abram gelah nadingken kutana, gelah jadi pasu-pasu man jelma si enterem (Kejadian 12). Bagepe Dibata milih Musa gelah banci membebasken umat Israel si sangana ibas perbudaken Mesir (Keluaren 3). Ras melala denga kejadian-kejadian si mehuli rencana Dibata ibas milih manusia gelah manusia ndai nggeluh secara rohani. Bagepe Tuhan Yesus milih ajar-ajarNa guna jadi penjala jelma (Matius 4:18-11)

 

2. Ibas kegeluhen manusia nai-nai nari pe enggo me lit dibata-dibata sideban selain Dibata si i sembah kita gundari selaku kalak Kristen gundari selaku kalak Kristen eme bagi si i singetken ibas alkitabta ndai eme gambaren kerna kai pe si lit i langit ntah i doni. Ola kam nembah ersimpuh man gana-gana. Lit ijenda isingetken Dibata man bangsa Dibata si enggo i pilihNa, ibabaNa ndarat i taneh perbudaken nari (Mesir). Ternyata i Tanah Kanaan e enggo lit ije suku-suku si deban si nembah man dibata-dibata si lit i doni enda, bagepe erbahan gambar guna i sembah. Hal enda me si la ngena ate Dibata i lakoken umatna, sebab umatna e pulah i Mesir nari erkiteken perbahanen Dibata. Dibata bertindak guna ngelakoken pebahanenNa simbelin. Emaka Dibata ngarap gelah ula ikut-ikuten nembah.

 

3. Dibata sinjadiken langit ras doni ras kerina isina, eme siman sembahen, sebab Ia percimberu. Emaka man kalak si la nembah man Ia berarti rate nembeh man Ia. Emaka kalak si rete nembeh maka ia iukum she ku kesusuren si peteluken bagepe sip e empatken. Janah man kalak sinembah man Ia ikelengina dingen ipasu-pasuna.

 

4. Emaka ibas perdalanen kegeluhen enda maka lit dua pilihen nembah Dibata simada kuasa nai nari seh gundari ras pagi, ntah nembah man gana-gana/dibata-dibata si labo erkuasa?? Sebab asa gundari dibata-dibata e pe berkembang janah tetap lit pengikutna. Bahkan semakin menarik pe tawaren-tawarenna. Tapi pe kuasa DIbata e pe terus bertumbuh ijah ije si atena tetap ngkelengi manusia enda. Tapi berpulang nge man banta kerina, kuga ninta kerina. Siapai si pilih, Dibata simada kuasa banci mereken pasu-pasuNa si kekal terus rasa lalap, tapi seh kel megati sulitna cara-caraNa, tapi dibata-dibata gampang saja tapi bene tendinta.

 

Sebab kita enggo ipilihNa jadi sikerajangenNa, emaka kita harus pang ngataken tolak semuanya yang sifat duniawi. Emaka kita ipakeNa guna meritaken perbahanen Dibata simbelin (I Petrus 2:9). Ula kel si sia-siaken pendiloNa, janah kita tetap mpertanggungjawabken kai si enggo ibahanNa man banta arah ndalanken dahin si enggo ipercayakenNa man banta (I Petrus 2:10).

Selamat er PA Mamre

081317054961