Suplemen Bimbingen PA Mamre Tanggal 24-30 Mei 2015, Pilipi 2:3-4

1.  Sikeleng-kelengen lah kam bagi si ersenina, sebab Kristus enggo leben ngkelengi kita rutang sikeleng-kelengen sapih-sapih kita. Tapi adi si perdiateken gundari bas doni enda lakinlah enggo langka kal sikeleng-kelengen e....? lakin lah gundari enggo gatin jelma/ manusia enda si keng-kengen asa si keleng-kelengen...? masing-masinglah kita njawabsa. Sebab asa gundari terjadi denga nge si idah lit saja rusur dalanna kalak rubat, ersenina rubat, erturang rubat, ertetangga rubat bahkan bas gereja pe lit denga rusur perubaten emaka lit kuan-kuan kalak; Adi rubat rubat rubat atem  kugereja ko. Ma mela min kita ningkalak bagenda, aminna gia bas sideban pe lit nge denga kalak rubat. Tuhan Yesus reh kudoni enda perban keleng ate Dibata nandangi kita (Yoh 3:16). Emaka ia ngajari kita gelah nggeluh sikeleng-kelengen labo sikeng-kengen. Emaka nina Yesus man muridNa: Sembungken pedangdu (Mat 26:57). Arah enda si idah maka Yesus labo ia ngajari ajar-ajarNa kita nggeluh erbahan perhitungen erpalasken kekerasen/rubat/perpecahen sada ras sidebanna.
2.  Ola ibahandu kaipe erpalasken kerangapen, kerangapen enda me rusur memicu ndah ibas sikeleng-kelengen, sebab bas kalak karo nina: Gelarna e teku lang, tahpe nina kalak medan: sakit tidak seberapa tapi malunya itu bung. Wah-wah bagenda me denga prinsip nggeluh bas manusia, tapi pe hal enda megati denga merasuk kukalak Kristen bagepe kita perbapan GBKP, sebab lit denga siidah jumpa pengadilen gara-gara la seri perbagin tading-tadingen orangtua. Nggit kita lanai erkuan ras sembuyak, kalimbubu, anak beru erkiteken harga diri. Si ngerina, gara-gara neken bas undangen kerja-kerja, gelar arah datas ras arah teruh pe megati lanai sitabehen, apalah arti sebuh nama saudara....? labo pagi harta melala erbahan kita kusurga, labo pagi ban gelar kita rempet musil tah bayak. Kerina enda erkiteken kuasa ras perbahannen Dibata. Bas kegeluhen sebagai mamre, megati denga i pengaruhi si moria piah dungna kita nggit ka ngikutken aminna gia sieteh sie labo payo. Emaka nina kata Dibata ola berarti ilarang, janah si banci siban eme meteruk ukur, sebab nina kai sini isuandu e kange pagi i perahindu (tabur tuai) (Galatia 6:7). Langpe konotasi rangap enda mengeriken asangkai pe la bias-bias, enggo sada dua atena enggo dua telu atena ras seterusna. La erpuas-puas bas kegeluhen.
3.  Kita nggeluh labo lit artina adi labolit kalak sideban sijadi sahabat ta,sebab mehuli kita kalak si nilaisa, janah erbahan si mehuli pe kita kalaknge ngenana mi sa. Emaka Dibata enggo mereken si mehuli man banta, erkiteken sie maka kita pe wajib berbagi nandangi kalak sideban. Ertina kegeluhen kalak Kristen labanci pelit/puluk/mediker tapi harus melumbar meri. Tapi adi rangap ndai maka kurang-kurangen lalap, piah lanai ingetna membagi buat sesama. Emaka nina kata Dibata. Ola, keperlun saja ngenca i perdiatekenndu ulihina kata ola...berarti wajib idalanken, sebab Dibata enggo masu-masu kita. Cuba si ukur mbages-mbages. kaikin nai sibaba kuta nari reh ku pulau jawaenda...? lit nge nai si baba sada bah sepeda, tah emas sada kilo...? kukap tah kerina kita nai model nekat, berkat ku jawa, tapi gigih kita setia man Dibata, emaka ipasu-pasu na geluhta, enggo lit ndehara, lit rumah, lit kendaraan, lit usaha tah kai deba enggo bere Dibata.. Emaka berbagilah, sebabnina kata Dibata: Dibata ku simpar alu kebayaken silit ibas kristus Yesus mereken kerina keperlundu (pil 4 : 19). Kalaka sideban eme:Ring sada bapa, nande,mama-mami, Ring 2: senina-turang,s lih ras pariban, Ring3: teman sada perpulungen, Ring 4: teman meriah, tetangga ras kerina. Ertina kita berbuat, sebab enggo leben Dibata nehken simehuli man banta kerina, emaka tanda syukurta maka kita berbagi dan berbagi buat sesama manusia. Tandana ateta keleng eme tetap erbahan simehuli eme arah perbahanen (berbagi) sebab kini teken tanpa perbahanen mate (Yakup 2:17). Emaka arah kai si enggo sialoken arah pemer Dibata maka sada bagin si pesehka man teman-temanta, maka banci ka igejapkenna bagi si igejapken kita. senang kita senang temanta maka meriah kal akap Dibata natap anak-anakNa nggeluh sikeleng-keleng dingen sisampat-sampaten.

Salam
Pdt A. Brahmana S.Th (0813 17054961).